တီဟီရန်၊ ဖေဖော်ဝါရီ-၁၄
မျိုးဆက် (VOM)
အီရန်နိုင်ငံ အရှေ့တောင်ပိုင်းမှာ ဖေဖော်ဝါရီ ၁၃ ရက်က အသေခံဗုံးခွဲတိုက်ခိုက်မှုတစ်ခုကြောင့် တော်လှန်ရေးအစောင့်တပ် တပ်ဖွဲ့ဝင် ၂၇ ဦးထက်မနည်း သေဆုံးသွားတယ်လို့ အီရန်နိုင်ငံပိုင် သတင်းဌာနက ထုတ်ပြန်ပါတယ်။
ဗုံးခွဲတိုက်ခိုက်သူဟာ ပါကစ္စတန်နယ်စပ်အနီး ဘာလူချက်စတန်ပြည်နယ်ရှိ တပ်ဖွဲ့ဝင်တွေကို တင်ဆောင်လာတဲ့ ဘတ်စ်ကားတစ်စီးကို ပစ်မှတ်ထားတိုက်ခိုက်ခဲ့ဖြစ်ပြီး အဆိုပါဗုံးခွဲတိုက်ခိုက်မှုကို ဆွန်နီမွတ်စလင် စစ်သွေးကြွအုပ်စုဖြစ်တဲ့ ဂျရစ်ရ်ှအယ်လ်အဒယ် အဖွဲ့က ကြိုးကိုင်လုပ်ဆောင်ခဲ့တာလို့ ၀န်ခံထားပါတယ်။
ဖေဖော်ဝါရီ ၁၃ ရက်က ပါကစ္စတန်နယ်စပ် တပ်ဖွဲ့တစ်ဖွဲ့ ဘတ်စ်ကားနဲ့ ပြန်လာချိန် ခါ့ရ်ှဇာဟီဒန်လမ်းမပေါ်မှာ ပေါက်ကွဲစေတဲ့ ပစ္စည်းအပြည့်တင်ဆောင်လာတဲ့ ကားတစ်စီးက ဘတ်စ်ကားရဲ့ ဘေးမှာ ဖောက်ခွဲခဲ့တာဖြစ်တယ်လို့ အီရန်အရှေ့တောင်ပိုင်းရှိ တော်လှန်ရေးအစောင့်တပ်ခွဲက ပြောပါတယ်။
၁၉၇၉ ခုနှစ် အစ္စလာမ်မစ်တော်လှန်ရေးအပြီး များမကြာမီဖွဲ့စည်းခဲ့တဲ့ တော်လှန်ရေးအစောင့်တပ်တွေဟာ အီရန်ရှိ စစ်ရေး၊ နိုင်ငံရေးနှင့် စီးပွားရေးတို့တွင် အဓိက အင်အားစုလည်းဖြစ်ပါတယ်။
နိုင်ငံအတွင်းက ဆွန်နီအုပ်စုတွေကို ခွဲခြားဆက်ဆံတယ်ဆိုတဲ့ အကြောင်းပြချက်နဲ့ အီရန်ဆွန်နီတွေရဲ့ အခွင့်အရေးများအတွက် တိုက်ခိုက်ရန်ဖို့ ဂျရစ်ရ်ှအယ်လ်အဒယ်အဖွဲ့ဟာ ၂၀၁၂ ခုနှစ်တွင် လက်နက်ကိုင် တော်လှန်နေကြတာဖြစ်ပါတယ်။
Ref : BBC
Photo : AFP
