Day: March 26, 2019

  မင်းပြား၊ မတ် ၂၆-၂၀၁၉ ခိုင်လင်းစံ (VOM) ရခိုင်ပြည်နယ်၊ မင်းပြားမြို့နယ်မှာ ဈေးဝယ်ပြီးပြန်လာတဲ့ စက်လှေတစ်စီးကို တပ်မတော်က ပစ်ခတ်လိုက်တဲ့အတွက် စက်လှေမောင်းလာသူမှာ ကျည်ထိဒဏ်ရာရရှိသွားခဲ့ပါတယ်။ အဲ့ဒီစက်လှေဟာ မင်းပြားမြို့နယ် ပန်းမြောင်းကြီးချောင်း၊ ကုလားမတောင်ကျေးရွာကဖြစ်ပြီး စက်လှေပေါ်မှာ ရွာသား ၄ ဦးလိုက်ပါခဲ့တဲ့အနက် စက်လှေမောင်းနှင်သူ မောင်ဝင်းဌေ ၂၇ နှစ်ရဲ့ ခြေထောက်ကို ကျည်ထိသွားခဲ့တာဖြစ်ပါတယ်။ “စစ်တပ်ကပစ်လို့ ဒဏ်ရာရရှိသွားတယ်ဆိုတာ ဟုတ်ပါတယ်။ ရာမောင်တံတားနာမှာရှိတဲ့ အမ်းသားရွာကမ်းကနေ ပစ်တာပါ။ အဲ့ဒီကသူတိုိ့စက်လှေကိုခေါ်တယ်လို့ပြောတယ်။ စက်သံနဲ့ဆိုတော့မကြားဘူးပေါ့။ ပြီးတော့ ခါတိုင်းလည်း ဒီလိုသွားနေကျဆိုတော့ သတိမထားတာလည်းဖြစ်နိုင်တယ်။ စက်လှေမရပ်လို့ဆိုပြီး ပစ်လိုက်တာလို့သိရပါတယ်။ ခြေထောက်မှာ ထိသွားတယ်။ ခန္ဓာကိုယ်မှာလည်းနည်းနည်းထိတာတွေရှိတယ်။”လို့ မင်းပြားမြို့ ဦးသိန်းစံကပြောပါတယ်။ အဲ့ဒီစက်လှေပေါ်မှာ အမျိုးသမီးနှစ်ဦးနဲ့ အမျိုးသားနှစ်ဦးပါပြီး မင်းပြားမြို့ကဈေးဝယ်ပြီးတော့ ပြန်လာတဲ့အချိန့်  မတ်လ ၂၅ ရက်နေ့ နေ့လည် ၂ နာရီနီးပါးလောက်မှာ အခုလိုဖြစ်ပွားခဲ့တာဖြစ်ပါတယ်။…

မြောက်ဦး၊ မတ် ၂၆-၂၀၁၉ ခိုင်လင်းစံ (VOM) ရခိုင်ပြည်နယ်၊ မြောက်ပိုင်းဒေသက မြောက်ဦးရှေးဟောင်းယဉ်ကျေးမှုနယ်မြေအတွင်းမှာ တပ်မတော်နဲ့ AA အဖွဲ့တို့ ဒီကနေ့မနက်ပိုင်းက တိုက်ပွဲတွေပြန်လည်ဖြစ်ပွားခဲ့ကြတာဖြစ်ပါတယ်။ အဲ့ဒီတိုက်ပွဲဖြစ်ပွားခဲ့တဲ့နေရာကနေ မြောက်ဦးမြို့ရဲ့မြောက်ပိုင်း ၁၆ မိုင်ခန့်အကွာ တောင်ဦးကျေးရွာအနီးမှာ ပြီးခဲ့တဲ့ညက ၄ နာရီခန့်အကြာ အပြန်အလှန်တိုက်ခိုက်မှုတွေ ဖြစ်ပွားခဲ့ကြတာဖြစ်ပါတယ်။ “တိုက်ပွဲက ဒီမနက် ၁ နာရီခွဲလောက်ကနေ စဖြစ်တယ်။ ၅ နာရီလောက်မှ ပြီးတယ်။ မကျည်းကုန်းနားမှာဖြစ်ကြတာပါ။ နှစ်ဖက်တိုက်ပွဲဖြစ်တယ်လို့ သိရပါတယ်။ ဒီမနက်ပိုင်းအထိတော့ တပ်မတော်က ရှင်းလင်းမှုတွေလုပ်တယ်လို့ထင်တာပေါ့။ လက်နက်ကြီး လက်နက်ငယ်တွေနဲ့ ပစ်ခတ်မှုတွေပြုလုပ်နေတာတော့ တွေ့ရတယ်။”လို့ မြောက်ဦးမြို့နယ် ပြည်နယ်လွှတ်တော်ကိုယ်စားလှယ် ဦးထွန်းသာစိန်ကပြောပါတယ်။ တိုက်ပွဲဖြစ်ပွားနေစဉ်အတွင်း နှစ်ဖက်အပြန်အလှန်တိုက်ခိုက် ပစ်ခတ်မှုတွေကြောင့် တိုက်ပွဲဖြစ်ပွားတဲ့နေရာနဲ့ တစ်မိုင်လောက်ကွာဝေးတဲ့ တောင်ဦးကျေးရွာက နေအိမ်တစ်လုံးကို လက်နက်ကြီးကျည်ကျရောက်ပြီး ထိခိုက်ပျက်စီးသွားတယ်လို့ ဆိုပါတယ်။ “လက်နက်ကြီးနဲ့ပစ်ခတ်တာတွေရှိတယ်။ လက်နက်ကြီးကျည်ကျလို့ ကျွန်တော်တို့ရွာက ဦးအောင်သိန်းလှိုင်တို့အိမ်မှာ ဗုံးဆံကျလို့ ခေါင်မိုးတွေဘာတွေ…

မတ် ၂၆-၂၀၁၉ ကိုထွန်း(နေပြည်တော်) မနေ့ကပြုလုပ်တဲ့ တပ်မတော်သတင်းမှန်ပြန်ကြားရေးအဖွဲ့ကပြုလုပ်တဲ့သတင်းစာရှင်းလင်းပွဲမှာ လက်နက်ကိုင်အဖွဲ့တွေအနေနဲ့ စိတ်ကူးယာဉ်ပြီးမလုပ်ဖို့ နဲ့ မဖြစ်နိုင်တာတွေမတောင်းဆိုဖို့ ထည့်သွင်းပြောဆိုခဲ့ပါတယ်။ “တချို့သော တိုင်းရင်းသား လက်နက်ကိုင်အဖွဲ့ငယ်အချို့ပေါ့ သူတို့ ကပြောရရင်တော့ ကလေးအတွေးနဲ့စိတ်ကူးယာဉ်ပြီး မလုပ်သင့်မလုပ်ထိုက်တာတွေမလုပ်ဖို့ လိုတယ်။နောက်တစ်ခုက မဖြစ်နိုင်တာတွေ မတောင်းဆိုဖို့ လိုတယ်”တပ်မတော် သတင်းမှန်ပြန်ကြားရေးအဖွဲ့က ဗိုလ်ချုပ်စိုးနိုင်ဦးက ပြောပါတယ်။ အဓိကအနေနဲ့ တပ်မတော်က အပစ်ရပ်ပေးထားတဲ့ ကာလအတွင်းမှာ တိုက်ပွဲဖြစ်ပွားတာ နယ်မြေကျော်လွန်လှုပ်ရှားတာ ဆက်ကြေးကောက်ခံတာတွေနဲ့ လူသစ်စုဆောင်းတာ အစရှိတာတွေကို တစ်ဖွဲ့ချင်းစီအလိုက် ရှင်းလင်းပြောဆိုခဲ့တာပါ။ အပစ်အခတ်ရပ်စဲပေးထားတဲ့ ကာလကို တပ်မတော်က လေးလသတ်မှတ်ပေးထားတာဖြစ်ပြီး လက်ရှိအချိန်မှာ အပစ်ရပ်ကာလကုန်ဆုံးဖို့ နီးကပ်လာပြီဖြစ်ပါတယ်။ “လေးလဆိုပေမယ့်လို့ ရက်အာြးးဖင့်ဆိုရင် ရက်ပေါင်း ၁၃၀ ရှိပါတယ်။ဒီကာလဟာဆိုရင် တကယ်တန်းငြိမ်းချမ်းရေးကိုလိုလားပြီးခါမှ ဆောင်ရွက်မယ်ဆိုရင် လုံလောက်တဲ့ အချိန်ကာလဖြစ်ပါတယ်။ဒါကြောင့်အချိန်ကာလကို တွက်ချက်ပြီးသတ်မှတ်ပေးထားတာဖြစ်ပါတယ်”လို့ ဗိုလ်ချုပ် စိုးနိုင်ဦးကပြောပါတယ်။ အပစ်အခတ်ရပ်စဲထားတဲ့ကာလအတွင်းမှာ ငြိမ်းချမ်းရေးအတွက် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုငှာန NRPC နဲ့…