ဘင်လာဒင်ရဲ့သားဖြစ်သူဟမ်ဇားဘင်လာဒင်သေဆုံးပြီ

ဝါရှင်တန်၊သြဂုတ်-၁-၂၀၁၉

မျိုးဆက်(VOM)

 

အယ်လ်ခိုင်ဒါအဖွဲ့တည်ထောင်သူအိုစမာဘင်လာဒင်ရဲ့ သားဖြစ်သူဟမ်ဇားဘင်လာဒင်ဟာလေကြောင်းတိုက်ခိုက်မှုတစ်ခုအတွင်းမှာသေဆုံးသွားပြီလို့ထောက်လှမ်းရေးတာဝန်ရှိသူတွေကိုကိုးကားပြီးအမေရိကန်သတင်းဌာနတွေကဖော်ပြပါတယ်။

 

ဟမ်ဇားဘင်လာဒင်သေဆုံးတဲ့နေရာနဲ့အချိန်ကိုတော့ရှင်းရှင်းလင်းလင်းမသိရသေးပါဘူး။ဒီကိစ္စနဲ့ပတ်သက်လို့အမေရိကန်ပင်တဂွန်စစ်ဌာနချုပ်ကတော့မှတ်ချက်ပေးတာမျိုးမရှိပါဘူး။

အသက်၃၀အရွယ်ရှိပြီလို့ယူဆရတဲ့ဟမ်ဇားဘင်လာဒင်ဟာအမေရိကန်နဲ့အခြားနိုင်ငံတွေကိုတိုက်ခိုက်ဖို့အတွက်တိုက်တွန်းတဲ့အသံနဲ့ရုပ်သံမက်ဆေ့ခ်ျတွေကိုထုတ်လွှင့်ခဲ့ပါတယ်။

 

သူ့ကိုဖမ်းဆီးနိုင်ရေးသတင်းအချက်အလက်ပေးနိုင်မယ်ဆိုရင်  ဒေါ်လာတစ်သန်းပေးမယ်လို့အမေရိကန်အစိုးရက  ဖေဖော်ဝါရီလအတွင်း  ကမ်းလှမ်းခဲ့ပါတယ်။သူသေဆုံးသွားပြီးဆိုတဲ့သတင်းကိုအမည်မဖော်လိုတဲ့အမေရိကန်ထောက်လှမ်းရေးတာဝန်ရှိသူတွေကိုကိုးကားပြီးအင်န်ဘီစီ၊နယူးယောက်တိုင်းမ်၊စီအင်န်အင်န်အပါအ၀င်အမေရိကန်သတင်းဌာနတွေမှာကျယ်ကျယ်ပြန့်ပြန့်ဖော်ပြထားပါတယ်။

 

ဒါပေမယ့်အယ်လ်ခိုင်ဒါအဖွဲ့ဘက်ကတော့အတည်ပြုပြောဆိုတာမျိုးမရှိသေးပါဘူး။ပြီးခဲ့တဲ့နှစ်နှစ်ကအမေရိကန်ပါဝင်တဲ့စစ်ဆင်ရေးတစ်ခုအတွင်းမှာသေဆုံးခဲ့တာဖြစ်တယ်လို့သတင်းတွေမှာဖော်ပြထားပြီးတိကျတဲ့အချိန်နေရာကိုတော့ရှင်းရှင်းလင်းလင်းဖော်ပြထားတာမရှိပါဘူး။

 

Ref : BBC

Photo : CIA

 

#voiceofmyanmar #အိုစမာဘင်လာဒင် #ဟမ်ဇားဘင်လာဒင် #ဘင်လာဒင်သားသေဆုံး

Related posts

Leave a Comment

VOM News

FREE
VIEW