လက်ဘနွန်နယ်စပ်မှာ ဟစ်ဇဘိုလာအဖွဲ့နဲ့ အစ္စရေးစစ်ဘက်တို့ အပြန်အလှန်ပစ်ခတ်ပြီး စစ်ရေးတင်းမာနေ

ဂျေရုဆလင်၊ သြဂုတ်-၂-၂၀၁၉

မျိုးဆက် (VOM)

 

လက်ဘနွန် ဟစ်ဇ်ဘိုလာစစ်သွေးကြွတွေနဲ့ အစ္စရေးစစ်ဘက်တို့အကြား လက်ဘနွန်နယ်စပ်မှာ အပြန်အလှန်ပစ်ခတ်မှုတွေ လုပ်ဆောင်ခဲ့ကြပြီး စစ်ရေးတင်းမာမှုတွေဖြစ်ပေါ်နေပါတယ်။

 

 

ဟစ်ဇ်ဘိုလာအဖွဲ့ဟာ နယ်စပ်တစ်လျှောက်မှာရှိတဲ့ အစ္စရေးစစ်ဘက် အဆောက်အဦးတွေနဲ့ မော်တော်ယာဉ်တွေကို ပစ်မှတ်ထားပြီး တင့်ကားဖျက်ဒုံးကျည်တွေနဲ့ စက်တင်ဘာ ၁ ရက်က တိုက်ခိုက်ခဲ့ပါတယ်။ဒီတိုက်ခိုက်မှုဟာ ပြီးခဲ့တဲ့အပတ်က လက်ဘနွန်နိုင်ငံမြို့တော် ဘေရွတ်ကို အစ္စရေးတို့က မောင်းသူမဲ့လေယာဉ်တွေနဲ့ တိုက်ခိုက်ခဲ့တာကို လက်တုန့်ပြန်တာလို့ ဆိုပါတယ်။

 

 

ဒီလိုတိုက်ခိုက်ခဲ့တာကြောင့် လက်ဘနွန်တောင်ပိုင်းမှာရှိတဲ့ ဟစ်ဇဘိုလာတွေရဲ့နေရာတွေကို အမြောက်တွေနဲ့ အချက်တစ်ရာကျော်ပြန်ပစ်ခဲ့တယ်လို့  အစ္စရေးစစ်ဘက်ကပြောပါတယ်။

 

နယ်စပ်တစ်လျှောက်မှာတော့ အဖြူရောင်မီးခိုးလုံးတွေထွက်ပေါ်နေပြီး မြေပြင်မှာလည်း မီးလောင်ကျွမ်းမှုတွေဖြစ်ပေါ်နေပါတယ်။

 

 

နယ်စပ်တစ်လျှောက်တိုက်ခိုက်မှုမှာ အစ္စရေးစစ်သားတွေ သေဆုံးဓါဏ်ရာရရှိခဲ့တယ်လို့ ဟစ်ဇ်ဘိုလာတို့က အခိုင်အမာပြောဆိုထားပေမယ့် အစ္စရေးစစ်ဘက်က ဒီကိစ္စကို ငြင်းဆိုထားပါတယ်။ ဟစ်ဇဘိုလာအဖွဲ့ကို နောက်ထပ်တိုက်ခိုက်ဖို့ အသင့်ရှိနေပြီလို့ အစ္စရေးဝန်ကြီးချုပ် နေတန်ယာဟုက စက်တင်ဘာ ၁ ရက်မှာပြောပါတယ်။

 

အီရန်ကကျောထောက်နောက်ခံပြုထားတဲ့ ဟစ်ဇ်ဘိုလာအဖွဲ့ဟာ လက်ဘနွန်စစ်ဘက်ထက်ပိုတဲ့ လက်နက်တွေ ပိုင်ဆိုင်ထားပါတယ်။ ၂၀၀၆ ခုနှစ်မှာလည်း ဟစ်ဇ်ဘိုလာအဖွဲ့နဲ့ အစ္စရေးတို့အကြား တစ်လကြာတဲ့ စစ်ရေးပဋိပက္ခဖြစ်ပွားခဲ့ဖူးပါတယ်။

 

 

Ref : NHK

Photo : Getty Images

 

#VOCIEOFMYANMAR #အစ္စရေး #ဟစ်ဇ်ဘုိုလာ #လက်ဘနွန်

Related posts

Leave a Comment

VOM News

FREE
VIEW