ဟာဝိုင်အီ၊ ဒီဇင်ဘာ၂၈-၂၀၁၉ မျိုးဆက် (VOM) ဟာဝိုင်အီရှိ ကူအိုင်ကျွန်းပေါ်က တောင်ထိပ်တစ်ခုမှာ ရဟတ်ယာဉ်တစ်စင်းပျက်ကျပြီးနောက် လူခြောက်ဦးရဲ့ အလောင်းတွေကို ကယ်ဆယ်ရေးသမားတွေက တွေ့ရှိခဲ့တယ်လို့ အာဏာပိုင်တွေက ပြောပါတယ်။ အဲ့ဒီရဟတ်ယာဉ်ဟာ လူခုနှစ်ဦးကို တင်ဆောင်ပျံသန်းခဲ့ပြီး ပျက်ကျမှုဖြစ်ကြောင့် အသက်ရှင်ကျန်ရစ်သူ မရှိနိုင်ကြောင်း တာဝန်ရှိသူတွေကပြောပါတယ်။ ပျောက်ဆုံးနေသူတစ်ဦးကို ရှာဖွေမှုအား ရာသီဥတုအပေါ် မူတည်ပြီး နံနက်ပိုင်းမှာ ပြန်လည်စတင်သွားမယ်လို့ အာဏာပိုင်တွေကပြောပါတယ်။ ခရီးသည်နှစ်ဦးမှာ အရွယ်မရောက်သေးသူတွေဖြစ်တယ်လို့ ယုံကြည်ရကြောင်း ကမ်းခြေစောင့် တပ်ဖွဲ့ကပြောပါတယ်။ ရဟတ်ယာဉ်ဟာ မိုးသည်းထန်စွာရွာသွန်းခြင်းနဲ့ လေပြင်းတိုက်ခတ်မှုတွေ ဖြစ်ပေါ်နေစဉ်မှာ ကူအိုင်ကျွန်းရှိ နာပါလီကမ်းရိုးတန်းမှာ လှည့်လည်ပျံသန်းခဲ့တယ်လို့ သိရပါတယ်။ မတ်ဆောက်တဲ့ မြေပြင်အနေအထား၊ မြင်ကွင်းမရှင်းလင်းခြင်း၊ ပင်လယ်ပြင်မှာလှိုင်းကြီးနေပြီး လေပြင်းတိုက်ခတ်ခြင်းတို့ကြောင့်ရဟတ်ယာဉ်အပျက်အစီးတွေကို ရှာဖွေရေး အဟန့်အတားဖြစ်စေတယ်လို့ ကမ်းခြေစောင့်တပ်ဖွဲ့ကပြောပါတယ်။ Ref : BBC Photo :AP #VOM #voiceofmyanmar #ဟာဝိုင်အီ #ရဟတ်ယာဉ်ပျက်ကျ Zawgyi ဟာ၀ိုင္အီမွာ…
Read Moreဟာဝိုင်အီမှာ ရဟတ်ယာဉ်တစ်စင်းပျက်ကျ လိုက်ပါသူအားလုံးသေဆုံး
