Day: January 15, 2020

ရန်ကုန် ဇန်နဝါရီ ၁၅-၂၀၂၀ သိင်္ဂီ (VOM) တရုတ်နိုင်ငံ ဝူဟန်မြို့မှာဖြစ်ပွားနေတဲ့ နမိုးနီးယား တုပ်ကွေးရောဂါဟာ လူကနေလူကိုမကူးစက်နိုင်သလို သေဆုံးမှုပမာဏ အလွန်နည်းတဲ့အတွက် စိုးရိမ်စရာမရှိတဲ့အနေအထားဖြစ်တယ်လို့ ကျန်းမာရေးနှင့်အားကစားဝန်ကြီးဌာနကနေ သိရပါတယ်။ ဒီရောဂါနဲ့ပတ်သက်ပြီး လူနာတွေဖြစ်ပွားနိုင်ခြေရှိတဲ့ တရုတ်ပြည်ကနေ မြန်မာနိင်ငံထဲ ဝင်ထွက်တဲ့နေရာတွေမှာ ကျန်းမာရေးဝန်ကြီးဌာနာက စောင့်ကြပ်ကြည့်ရှုတာတွေလုပ်နေသလို တရုတ်ပြည်နဲ့ဆက်စပ်နေတဲ့ ဝင်ပေါက်ထွက်ပေါက်၊ တရုတ်ပြည်ကလေယာဉ်လိုင်းတွေ အများဆုံးဝင်တဲ့မန္တလေးလေဆိပ်မှာပါ စောင့်ကြပ်ကြည့်ရှုတာလုပ်နေတယ်လို့ သိရပါတယ်။ ” နမိုးနီးယား ဝူဟန်နဲ့ပတ်သက်ပြီး နောက်ဆုံးသိရတာပေါ့၊ WHOကတွေ့ရှိချက်ပြောချင်ပါ တယ်၊ အဲ့ဒီမှာဒီရောဂါက လူကိုလူကကူးတာမရှိဘူးဆိုတဲ့ အချက်ကိုတွေ့ရှိရတယ်။ နောက်တစ်ခါ သေဆုံးတဲ့အနေအထားကြည့်လိုက်တော့ လူကနေလူကိုမကူးဘူး။ လူကနေလူကိုမကူးဘူးဆိုတာရယ် သေဆုံးနိုင်တဲ့နူန်းအရမ်းနည်းတယ်ဆိုတာရယ်၊ ကျွန်တော်တို့ စိုးရိမ်ပူပန်မူနည်းတယ်။ ဒါပေမယ့်တရုတ်ပြည်နဲ့ ဆက်စပ်နေတဲ့ ဝင်ပေါက်ထွက်ပေါက်၊ မူဆယ်လို တရုတ်နဲ့တိုက်ရိုက်ဆက်စပ်ဝင်တဲ့ဂိတ်တွေမှာ ကျန်းမာရေးဌာနတွေက စောင့်ကျပ်ကြည့်ရှုနေပါတယ်။ကျွန်တော်တို့ရဲ့ ဒီရောဂါအပေါ် ကာကွယ်မှုအနေနဲ့ အရမ်းစိုးရိမ်တဲ့အဆင့်မှာ မရှိတော့ဘူး။ စိုးရိမ်မှု၊ ပူပန်မှုလယ်ပယ်က အရင်လိုမဟုတ်တော့ဘူး ။”လို့ ကျန်းမာရေးနှင့်အားကစားဝန်ကြီးဌာန…

စစ်ကိုင်း၊ ဇန်နဝါရီလ ၁၅-၂၀၂၀ စောပြည့်ချမ်းသာ(VOM) စစ်ကိုင်းမြို့ ၊ကမ်းနားလမ်းအနီးက စစ်ကိုင်းပညာရေးကောလိပ်မှာ ဒီကနေ့မနက်ပိုင်းက ပညာရေးဝန်ကြီးဌာန အခြေခံပညာဦးစီးဌာနကနေ အခြေခံပညာကျောင်းတွေကို ကျောင်းဖွင့်ရက်ကာလ မတ်လကုန်ထိ တိုးမြှင့်သတ်မှတ်ခြင်းအပေါ် ကန့်ကွက်တဲ့အနေနဲ့ ဖဲကြိုးစိမ်းလှုပ်ရှားမှုပြုလုပ်ခဲ့ပါတယ်။ အဲ့ဒီ ဖဲကြိုးစိမ်းလှုပ်ရှားမှုကို စစ်ကိုင်းပညာရေးကောလိပ် ကျောင်းသားများသမဂ္ဂကဦးဆောင်ပြီး ကျောင်းသူ ကျောင်းသား ဦးရေ ၅၀ ကျော် နဲ့ ပြုလုပ်ပြီး ပညာရေးကောလိပ်ကျောင်းသားကျောင်းသူတွေကို ကျောင်းသားများသမဂ္ဂအဖွဲ့ဝင်တွေက ဖဲကြိုးစိမ်းတပ်ဆင်ပေးတဲ့ လှုပ်ရှားမှုများပြုလုပ်ခဲ့တာဖြစ်ပါတယ်။ ပညာရေးဝန်ကြီးဌာနအနေနဲ့ အခြေခံပညာရေးရှိ ဝန်ထမ်းအဖွဲ့အစည်းများ၊သမဂ္ဂများ အပါအဝင် ကျောင်းသားသမဂ္ဂများ နဲ့ ညိုနှိုင်းတိုင်ပင်ပြီး အသစ်ပြန်လည်သတ်မှတ်တဲ့အချိန်မှသာ ဒီဖဲကြိုးစိမ်းလှုပ်ရှားမှုကို ရပ်နားသွားမှာဖြစ်တယ်လို့ ဖဲကြိုးစိမ်းလှုပ်ရှားမှုဦးဆောင်ကော်မတီကနေ ထုတ်ပြန်ထားတာ ဖြစ်ပါတယ်။ #VOM #voiceofmyanmar #စစ်ကိုင်း #ပညာရေးကောလိပ် #ဖဲကြိုးစိမ်းလှုပ်ရှားမှု Zawgyi မတ္လကုန္ထိ ေက်ာင္းဖြင့္ရက္သတ္မွတ္တာကုိ ကန္႔ကြက္တဲ့ဖဲႀကိဳးစိမ္းလႈပ္ရွားမႈ စစ္ကိုင္းမွာျပဳလုပ္ စစ္ကုိင္း၊ ဇန္နဝါရီလ ၁၅-၂၀၂၀ ေစာျပည့္ခ်မ္းသာ(VOM) စစ္ကုိင္းျမိဳ႕ ၊ကမ္းနားလမ္းအနီးက…

ရေး၊ ဇန်နဝါရီ ၁၅-၂၀၂၀ မိုးယံ(VOM) မွန်ပြည်နယ်၊ မော်လမြိုင်ခရိုင်၊ ရေးမြို့နယ်ကမ်းမှ ပင်လယ်ရေမိုင် ၂၅ခန့်အကွာရှိ ပင်လယ်ပြင်ကျားဖောင်လုပ်ငန်းမှာ ဖောင်ဦးစီးကိုဓားနဲ့ထိုး၊ ရဲဒင်းနဲ့ခုတ်သတ်ခဲ့တဲ့ တရားခံနှစ်ဦးပျောက်ဆုံးနေတဲ့အတွက် ရဲတပ်ဖွဲ့က ချိတ်ဆက်ရှာဖွေတာတွေ ပြုလုပ်နေတယ်လို့ ရေးမြို့မရဲစခန်းကနေ သိရပါတယ်။ ပြီးခဲ့တဲ့ ဇန်နဝါရီ ၁ရက်နေ့က ဖောင်ဦးစီး ဦးမျိုးမင်းကို သူ့ရဲ့တပည့်တွေဖြစ်တဲ့ ကိုထက်ကိုနဲ့ ကိုနေလင်းဦးတို့က ကျားဖောင်လုပ်ငန်းမှာ ဓားနဲ့ထိုး ရဲဒင်းနဲ့ခုတ်သတ်ခဲ့တယ်ဆိုပြီး အလုပ်ရှင်က တရားလိုပြုလုပ်တိုင်တန်းထားတယ်လို့ ရဲမှတ်တမ်းမှာဖော်ပြထားတာ ဖြစ်ပါတယ်။ ငါးပေါင်းစက်လှေမောင်းတဲ့ ကိုတင်လှိုင်က ဖောင်ဦးစီးဦးမျိုးမင်းကို အသက်မသေပဲရှာတွေ့ခဲ့ပြီးနောက် ကမ်းကိုပြန်ခေါ်လာခဲ့ကာ ရေးမြို့နယ်ဆေးရုံးကို ပို့ဆောင်ကုသခဲ့ရတာဖြစ်ပါတယ်။ ‟ ကျွန်တော်တို့ ရဲတပ်ဖွဲ့အနေနဲ့ကတော့ ရဲစခန်းတွေကိုချိတ်ဆက်ပြီး တရားခံံကို ဖမ်းဆီးရမိဖို့လုပ်နေပါတယ်။ ဇန်နဝါရီ၁ရက်နေ့က ဖောင်ဦးစီးကို သူ့တပည့်နောက်လိုက်၂ယောက်ကသတ်တာပါ၊ ဖောင်ဦးစီး ဦးမျိုးမင်းကို သူတပည့် ရေလုပ်သားတွေဖြစ်တဲ့ ကိုထက်ကိုနဲ့ ကိုနေလင်းဦး တို့ ကသတ်တာလို့သိရတယ်။ ငါးပေါင်းစက်လှေသွားတော့ ဦးမျိုးမင်းတို့ကျားဖောင်က ကျားတန်းမှာ…

မြောက်ဦး၊ ဇန်နဝါရီ ၁၅-၂၀၂၀ ခိုင်လင်းစံ(VOM) ရခိုင်ပြည်နယ်မြောက်ပိုင်း၊ မြောက်ဦးမြို့မှာ ဇန်နဝါရီလ ၁၁ ရက်နေ့က ရဲတပ်ဖွဲ့ပိုင်မော်တော်ယာဉ်နှစ်စီးကို အေအေအဖွဲ့က အဝေးထိန်းမိုင်းနဲ့ ဖောက်ခွဲတိုက်ခိုက်တဲ့အတွက် မော်တော်ယာဉ်ထိမှန်ပျက်စီးခဲ့သော်လည်း လူထိခိုက်ဒဏ်ရာရမှုမရှိဆိုတဲ့ သတင်းနဲ့ပတ်သက်ပြီး အဲ့ဒီကိစ္စရပ်မှာ အေအေအဖွဲ့နဲ့ မသက်ဆိုင်တဲ့အတွက် လုံးဝငြင်းဆိုလိုတယ်လို့ အေအေကငြင်းဆိုချက် ထုတ်ပြန်ထားပါတယ်။ ဆက်လက်ပြီး အစိုးရသတင်းစာတစ်ခုအနေနဲ့ မမှန်ကန်တဲ့သတင်းတွေကို ရေးသားဖော်ပြနေတာဟာ အစိုးရတစ်ရပ်ရဲ့ ဂုဏ်သိက္ခာနဲ့ပုံရိပ်ကို ကျဆင်းစေတဲ့အတွက် သတင်းတွေကို သေချာစွာစိစစ်ပြီးတင်ဖို့ အကြံပြုလိုပါတယ်လို့ အေအေရဲ့ထုတ်ပြန်ချက်မှာ ပါဝင်ပါတယ်။ မြန်မာ့အလင်းသတင်းစာမှာ ဖော်ပြထားတဲ့ရေးသားချက်မှာ” ဇန်နဝါရီလ ၁၁ရက် နံနက် ၉နာရီ၄၅ မိနစ်အချိန်ခန့်မှာ မြောက်ဦးမြို့၊ နယ်မြေခံရဲတပ်ဖွဲ့မှ မိသားစုဝင်တွေဟာ ရဲတပ်ဖွဲ့ပိုင်မော်တော်ယာဉ် ၂ စီးနဲ့ မြောက်ဦးမြို့မဈေးကို သွားရောက်ဈေးဝယ်ပြီးပြန်လာစဉ် မြောက်ဦးမြို့၊ သကျမာန်အောင်ဘုရားအနီးမှာ AA အဖွဲ့က အဝေးထိန်းမိုင်း တစ်လုံးနဲ့ ဖောက်ခွဲ တိုက်ခိုက် ခဲ့ကြောင်း၊ တိုက်ခိုက်မှုကြောင့် တပ်ဖွဲ့ပိုင်…

ရေကြောင်းခရီးသွားလာမှုတားမြစ်ထားလို့ အမ်းမှာ ဒေသခံတွေ ခရီးသွားလာရေးအခက်တွေ့ အမ်း၊ ဇန်နဝါရီ ၁၅- ၂၀၂၀ ခိုင်လင်းစံ(VOM) ရခိုင်ပြည်နယ်တောင်ပိုင်း၊ အမ်းမြို့နယ်မှာ တပ်မတော်နဲ့ အေအေတိုက်ပွဲဖြစ်ပွားပြီးနောက် ဒလက်ချောင်းတစ်လျှောက် ရေကြောင်းသွားလာခွင့်တွေကိုပိတ်ထားတာ သုံးလနီးပါးကြာမြင့်နေပြီဖြစ်ကြောင်းနဲ့ ခရီးသွားလာရေးမှာ အခက်အခဲတွေရှိတယ်လို့ ဒေသခံတွေက ပြောပါတယ်။ တပ်မတော်ဖက်က ရေလမ်းကြောင်းဖြတ်တောက်တာဟာ အေအေနဲ့ဆက်သွယ်မှုမရှိစေဖို့ ဖြတ်တောက်ဖွယ်ရှိကြောင်း အမည်မဖော်လိုတဲ့ဒေသခံတစ်ဦးက ပြောပါတယ်။ ” တပ်မတော်ဖက်ကတော့ ဟိုဖက်ကနေအဆက်သွယ်ပြတ်အောင် ပြည်သူလူထုတွေကို ရေကြောင်းခရီးသွားလာတာတွေကို ပိတ်ပင်ထားတယ်။ ဆန်၊ စပါးတွေ၊ သစ်သီးဝလံတွေဆိုရင်လည်း သယ်ချင်သလောက်သယ်လို့မရဘူး။ ရောင်းဝယ်ချင်သလောက်ရောင်းဝယ်လို့မရဘူး။ ဒီလို ဖြတ်တောက်ထားတာ (၃)လ လောက်ရှိပြီဖြစ်တယ်။” လို့ အမည်မဖော်လိုတဲ့ အမ်းမြို့နယ်က ဒေသခံတစ်ဦးကပြောပါတယ်။ ယခုလို ရေကြောင်းခရီးသွားလာမှုတွေကို ပိတ်ပင်တားမြစ်ထားတာကြောင့် ပြည်သူတွေအနေနဲ့ အခြေခံစားဝတ်နေရေးအတွက်အခက်အခဲရှိနိုင်တယ်လို့လည်း အမ်းမြို့နယ် အမျိုးသားလွှတ်တော်ကိုယ်စားလှယ် ဒေါ်ထုမေကသုံးသပ်ပါတယ်။ ” စစ်ဘေးရှောင်လာကြတဲ့ပြည်သူတွေက အမ်းမြို့နယ် ဒလက်အထက်ဖက်ကို သွားလာဖို့ခက်ခဲတယ်။ သွားလာလို့မရဘူးလို့ သူတို့ကပြောထားတာရှိတယ်။…

ရိုတာဗိုင်းရပ်(စ်)ကာကွယ်ဆေး လာမယ့်ဖေဖော်ဝါရီမှာစတင်မယ် ရန်ကုန်၊ဇန်နဝါရီ ၁၅-၂၀၂၀ သိင်္ဂီ(VOM) ရိုတာဗိုင်းရပ်(စ်)ပိုးကြောင့် ဖြစ်တဲ့ ပြင်းထန်ဝမ်းပျက်ဝမ်းလျောရောဂါနဲ့ ဆုံဆို့-မေးခိုင်ဖြစ်ပွားမူ့ကိုကာကွယ်ဖို့ ကျန်းမာရေးနဲ့ အားကစားဝန်ကြီးဌာနရဲ့ ပုံမှန်ကာကွယ်ဆေးထိုး တိုက်ကျွေးတဲ့ အစီစဉ်မှာ ရိုတာဗိုင်းရပ်(စ်)ကာကွယ်ဆေးကို ထည့်သွင်းသွားမယ်လို့ ကျန်းမာရေးနဲ့ အားကစားဝန်ကြီးဋ္ဌာနကသိရပါတယ်။ ဒီကာကွယ်ဆေးကို လာမယ့် ဖေဖော်ဝါရီလ ၁ ရက်နေ့မှာစတင်ပြီး ဆုံဆို့-မေးခိုင်းကာကွယ်ရေး စတုတ္ထအကြိမ်မှာ ထည့်သွင်း တိုက်ကျွေးမှာဖြစ်တယ်လို့ မနေ့ ဇန်နဝါရီလ ၁၄ ရက်ရန်ကုန်မှာ ပြုလုပ်ခဲ့တဲ့ သတင်းစာရှင်းလင်းပွဲမှာ ကျန်းမာရေးနဲ့အားကစားဝန်ကြီးဌာန၊ တာဝန်ရှိသူတွေကပြောဆိုလိုက်တာပါ။ “မြန်မာနိုင်ငံမှာ ဖြစ်ပွားမှု့များတယ်သေဆုံးမှုလည်းများတယ်၊ ဒါကြောင့်ထည့်သင့်တယ်ဆိုပြီး အကြံပေးကော်မတီက လွန်ခဲ့တဲ့ ၈နှစ်ကစပြီးဆုံးဖြတ်ထားတာပါ ၊ ဒါပေမယ့် ရိုတာဗိုင်းရပ်(စ်)ကာကွယ်ဆေးကဈေးကအကြီးဆုံးဖြစ်ပါတယ်။ အအေးလမ်းကြောင်းထိန်းပစ္စည်းရရှိမှု့ကိုလည်း ထည့်သွင်းစဉ်းစားရတာကြောင့် ဒီနစ်မှာထည့်မယ်လို့ဆုံးဖြတ်လိုက်တာပါ။ မြန်မာနိုင်ငံမှာရှိနေတဲ့ ဆေးကလဲ WHOက သေချာသုသေသနလုပ်ထားတဲ့ဆေးဖြစ်ပါတယ်။ ‘’လို့ ပြည်သူ့ကျန်းမာရေးဋ္ဌာန ဒုတိယညွှန်ကြားရေးမှူးနဲ့ ကာကွယ်ဆေးထိုးလုပ်ငန်းရဲ့ စီမံချက်မန်နေဂျာ ဒေါက်တာထားထားလင်းကပြောပါတယ်။ မြန်မာနိုင်ငံဟာ အာရှနိုင်ငံတွေထဲမှာ ရိုတာဗိုင်းရပ်(စ်)ပိုးကြောင့်ဖြစ်တဲ့ပြင်းထန်ဝမ်းပျက်၊…