မြောက်ဦးမြို့နယ် အုတ်ဖိုကန်ရွာအနီးတိုက်ပွဲဖြစ် မြောက်ဦး၊ ဇူလိုင် ၃၀- ၂၀၂၀ ထက်အောင်စိုင်း (VOM) ရခိုင်ပြည်နယ်မြောက်ပိုင်း၊ မြောက်ဦးမြို့နယ်မှာ ဒီကနေ့မနက် ၅ နာရီလောက်ကနေစပြီး တပ်မတော်နဲ့ အေအေတို့ အုတ်ဖိုကန်ကျေးရွာအနီး တိုက်ပွဲဖြစ်ပွားနေတယ်လို့ ဒေသခံတွေဆီက သတင်းရရှိပါတယ်။ ဒါ့အပြင် အုတ်ဖိုကန်ကျေးရွာထဲကို လက်နက်ကြီးကျည် ကျရောက်ပေါက်ကွဲမှုကြောင့် နေအိမ် ၅ လုံးပျက်စီးသွားပြီး စစ်တွေ- ရန်ကုန်ကားလမ်းဟာလည်း မနက်ပိုင်းကနေ အခုညနေပိုင်းအချိန်ထိ ရပ်တန့်နေတယ်လို့ သိရပါတယ်။ အုတ်ဖိုကန်ကျေးရွာက ဒေသခံတွေဟာ နီးစပ်ရာ ကျေးရွာတွေကို ထွက်ပြေးသွားတယ်လို့ သိရပါတယ်။ အုတ်ဖိုကန်ကျေးရွာက ဦးခိုင်ထွန်းစိန်ပြောပြတာကတော့” တိုက်ပွဲက မနက်ပိုင်း ၅ နာရီလောက်ကတည်းက ကျနော်တို့ရွာဖက်မှာ ဖြစ်နေတာပါ။ ရဟတ်ယာဉ်နှစ်စီး နဲ့လည်းလာပြီးပစ်ပါတယ်။ ရဟတ်ယာဉ်ပေါ်က ဗုံးလည်း ကြဲခဲ့ပါတယ်။ စက်သေနတ်နဲ့လည်း ပစ်ခဲ့ပါတယ်။ ရွာမှာလည်း လူမရှိတော့ဘူး။ အခြား ပတ်ဝန်းကျင်ကရွာတွေကို ပြေးသွားပါပြီ။ ကားတွေလည်း အားလုံးရပ်နေပါတယ်။…
Read Moreမြောက်ဦးမြို့နယ် အုတ်ဖိုကန်ရွာအနီးတိုက်ပွဲဖြစ်
