Day: September 18, 2020

စစ်တွေမြို့မှာ လုံခြုံရေးတပ်ဖွဲ့ဝင်တွေ ကိုဗစ်ပိုးတွေ့တဲ့အတွက် မြို့မရဲစခန်းကို လော့ခ်ဒေါင်းချ စစ်တွေ၊ စက်တင်ဘာ ၁၈- ၂၀၂၀ ထက်အောင်စိုင်း(VOM) စစ်တွေမြို့မှာ ကိုဗစ်ပိုးတွေ့တဲ့ လုံခြုံရေးတပ်ဖွဲ့ဝင်တွေရှိလာပြီး မြို့မအမှတ်(၁) ရဲစခန်း က လုံခြုံရေးတပ်ဖွဲ့ဝင်တွေမှာ ကိုရိုနာဗိုင်းရပ်စ် ပိုးတွေ့ရှိတာဖြစ်တဲ့အတွက် ရဲစခန်းကို လော့ဒေါင်းချထားရတာဖြစ်ပါတယ်။ ပြီးခဲ့တဲ့ စက်တင်ဘာလ ၁၅ ရက်နေ့နဲ့ မနေ့စက်တင်ဘာ၁၇ရက် နေ့လယ်ပိုင်းက ကျန်းမာရေးနဲ့ အားကစားဝန်ကြီးဌာနကထုတ်ပြန်တဲ့စာရင်းထဲမှာ စစ်တွေမြို့မရဲစခန်းက လုံခြုံရေးတပ်ဖွဲ့ဝင်တချို့ ကိုဗစ်ပိုးတွေ့ရှိတာဖြစ်တယ်လို့ သိရပါတယ်။ စစ်တွေမြို့မ အမှတ်(၁) ရဲစခန်းက ရဲတပ်ဖွဲ့ဝင်တွေမှာ ကိုဗစ်ပိုးတွေ့တာနဲ့ ပတ်သက်ပြီး အခြေအနေတွေကို သိရှိနိုင်ဖို့ စစ်တွေဆေးရုံအုပ်ကြီး (ညွှန်ကြားရေးမှူး) ဒေါက်တာဇော်လွင်ကို ဆက်သွယ်မေးမြန်းရာမှာတော့” လက်ရှိဆေးရုံမှာ ကိုဗစ် ၁၉ ပိုးတွေ့လူနာက (၂၀၀) လောက်ရှိတယ်။ အဲဒီထဲမှာ မြန်မာနိုင်ငံရဲတပ်ဖွဲ့ကလည်း တချို့တဝက်လောက်ပါတယ်။ စာရင်းကတော့ တချို့တဝက်ပါတာပေါ့။ တိတိကျကျကိုလည်း ဆရာတို့က သေချာပြန်ကြည့်မှရမှာလေနော်။ ပါတော့ပါတယ်…

အုတ်ဖိုမြို့နယ်မှာ ပထမဦးဆုံး ကိုဗစ်လူနာ ၂ဦးတွေ့ ပြည် ၊ စက်တင်ဘာလ ၁၈-၂၀၂၀ လပြည့် (VOM) ပဲခူးတိုင်း ၊ သာယာဝတီခရိုင် ၊ အုတ်ဖိုမြို့နယ်မှာ ပထမဆုံးအကြိမ် COVID 19 ရောဂါပိုးတွေ့ရှိခဲ့တဲ့ လူနာ ၂ ဦးကို ဒီကနေ့မှာတွေ့ရှိခဲ့ပြီး အဲ့ဒီလူနာ၂ဦးကို ပြည်မြို့ ကုတင် ၅၀၀ ဆေးရုံကို လွှဲပြောင်းပို့ဆောင်ခဲ့တယ်လို့ သိရပါတယ်။ အဲ့ဒီလူနာ ၂ဦးနဲ့ထိစပ်ခဲ့တဲ့သူ ၄၀ ကျော်ကို ကွာရန်တင်းဝင်ခိုင်းခဲ့တယ်လို့လည်း သိရပါတယ်။ “လူနာကတော့ ညနေ‌ ၄ နာရီမှပဲ case number သိရမယ်၊ ညနေ ၄ နာရီကျော်မှ သူတို့ထုတ်ပြန်မှပဲ case number မသိရသေးဘူး၊ ကျွန်တော်တို့က ညထဲကသိရတာလေ၊ လူနာနှစ်ယောက်ပါ၊ နံပါတ် ၁ က အမျိုးသားတစ်ယောက် ၅၁ နှစ် တိမ်မြုပ်ကျေးရွာမှနေထိုင်သူဖြစ်ပြီးတော့…

သီပေါ-နမ့်လန်ကားလမ်းဘေးမှာ သေနတ်ဒဏ်ရာနဲ့ စွန့်ပစ်အလောင်းတွေ့ နေပြည်တော်၊ စက်တင်ဘာ ၁၈-၂၀၂၀ ကောင်းလက်ျာ(VOM) ရှမ်းပြည်နယ်၊ သီပေါမြို့နယ် ၊ သီပေါ- နမ့်လန် လမ်းပေါ်က နမ့်ပုပ္ပရွာအကျော်မှာ စက်တင်ဘာ ၁၇ ရက်နေ့ မနက်ပိုင်းက သေနတ်ဒဏ်ရာနှစ်ချက်နဲ့သေဆုံးနေတဲ့ ‌အလောင်းတစ်လောင်းကို လာရောက်စွန့်ပစ်ထားတယ်လို့ သီပေါမြို့နယ် နယ်စည်းမခြားပရဟိတအဖွဲ့မှကိုသျှားထက်ပိုင်က ပြောပါတယ်။ “အလောင်းက ပိုင်ရှင်ပေါ်တယ် ။‌နောင်အန်ဘက်က ကိုစိုင်းညီညီလို့သိရတယ်၊ လူလတ်ပိုင်းအရွယ် အမျိုးသားပါ။ လွန်ခဲ့တဲ့ သုံးလေးလကလည်း ဟိုမုံးရွာနားမှာ အလောင်းသုံးလောင်း သေနတ်ဒဏ်ရာနဲ့သေဆုံးနေတာ တွေ့ခဲ့သေးတယ်”လို့ ကိုသျှားထက်ပိုင်က ပြောပါတယ်။ သေဆုံးသူ ဦးစိုင်းညီညီကိုရဲ့ လက်ပြင်နေရာနဲ့ ဝဲဘက်ရင်အုံမှာ သေနတ်ဒဏ်ရာ ၂ ချက်နဲ့ သေဆုံးနေတာဖြစ်ပြီး အလောင်းကို သီပေါဆေးရုံကြီး ပို့ဆောင်ပေးခဲ့တယ်လို့လည်း သိရပါတယ်။ သီပေါမြို့နယ်အနီး ကျေးရွာအချို့နားမှာ မကြာခဏ သေနတ်ဒဏ်ရာနဲ့ သေဆုံးနေသူတွေကို လာရောက်စွန့်ပစ်လေ့ရှိပြီး ယမန်နှစ် ဒီဇင်ဘာလမှာလည်း အမျိုးသား ၃ဦး၊…

ကိုဗစ်လူနာ ၉ဦးတွေ့တဲ့ ဘီလင်း အမှတ်-၂၂ တာယာစက်ရုံကို ယာယီပိတ်၊ ကန့်သတ်နယ်မြေအဖြစ်သတ်မှတ် ရန်ကုန်၊ စက်တင်ဘာ၁၈-၂၀၂၀ အေးချမ်းသူ(VOM) မွန်ပြည်နယ်၊ ဘီလင်းမြို့နယ်ရှိ အမှတ်-၂၂ တာယာစက်ရုံမှာ ကိုဗစ်လူနာ ၉ဦးတွေ့ရှိခဲ့တာကြောင့် စက်ရုံကိုယာယီပိတ်ထားပြီး စက်ရုံရှိအလုပ်သမားအားလုံး ကွာရန်တင်းထားရှိသွားမှာဖြစ်တဲ့အပြင် စက်ရုံကို ကန့်သတ်နယ်မြေအဖြစ်ကန့်သတ်ခဲ့တယ်လို့ ပြည်နယ်လွှတ်တော်ကိုယ်စားလှယ် ဒေါက်တာခင်နိုင်ဦးကပြောပါတယ်။ ဝန်ထမ်းအင်အား ၆၀၀ခန့်ရှိတဲ့ အဲ့ဒီတာယာစက်ရုံမှာ အလုပ်လုပ်နေတဲ့ အလုပ်သမားတစ်ဦးဟာ စက်တင်ဘာ ၁၄ရက်က အနံ့မရရှိတဲ့အတွက် အသွားအလာကန့်သတ်ပြီး ဓာတ်ခွဲနမူရယူစစ်ဆေးခဲ့ရာ စက်တင်ဘာ ၁၆ရက်နေ့မှာ ကိုဗစ်ရောဂါးပိုးတွေ့ရှိတယ်လို့ အဖြေထွက်ခဲ့ပါတယ်။ အဲ့ဒီ ကိုဗစ်ရောဂါပိုးတွေ့တဲ့အလုပ်သမားနဲ့ ထိတွေ့ဆက်စပ်ခဲ့တဲ့ ဝန်ထမ်း ၁၈ဦးကို အသွားအလာကန့်သတ်ပြီး ဓာတ်ခွဲနမူနာရယူစစ်ဆေးခဲ့ရာမှာတော အလုပ်သမား ၈ဦးမှာ ရောဂါပိုးတွေ့ရှိခဲ့တာဖြစ်တယ်လို့ ဒေါက်တာခင်နိုင်ဦးကပြောပါတယ်။ ” ဒီနေ့မနက်မှာ Positive ၉ဦး( စက်ရုံဝန်ထမ်း ၈ဦးပါ) ထပ်တွေ့တော့ လက်ရှိအခြေအနေအရ တာယာစက်ရုံကို အသွားအလာ အဝင်အထွက် ကန့်သတ်လိုက်ပြီးတော့…

ချင်းပြည်နယ်တောင်ပိုင်း တိုက်ပွဲရှောင်စခန်းက လူတစ်သောင်းကျော် နောက်၂ရက်နေရင် စားနပ်ရိက္ခာပြတ်ပြီ ပက်လက်၀ ၊ စက်တင်ဘာ ၁၈ ၊ ၂၀၂၀ ကိုတိုးကြီး (VOM) ရခိုင်ပြည်နယ်မြောက်ပိုင်းနဲ့ ချင်းပြည်နယ်တောင်းပိုင်းမှာ တပ်မတော်နဲ့ အေအေ တို့အကြား မကြာခဏ စစ်ရေးထိတွေ့မှုတွေဖြစ်ပွားပြီး ဒေသခံ ပြည်သူတစ်သောင်းကျော် နေရပ်စွန့်ခွာခဲ့တဲ့အတွက် ပက်လက်ဝမြို့နယ်ထဲက တိုက်ပွဲရှောင် (IDPs Camp ) စခန်း လေးနေရာမှာ အသီးသီး ခိုးလှုံနေထိုင်ကြတာဖြစ်ပါတယ်။ အဲ့ဒီ တိုက်ပွဲရှောင်စခန်းတွေဆီကို စားနပ်ရိက္ခာနဲ့ ကူညီထောက်ပံ့ရေးပစ္စည်းတွေပို့ဆောင်ပေးတဲ့ လမ်းကြောင်းတွေဟာ စက်တင်ဘာ ၁၁ရက်ကစပြီး ကိုဗစ် ၁၉ ရောဂါနဲ့ လုံခြုံရေး အခြေအနေတွေရ ရခိုင်ပြည်နယ်မြောက်ပိုင်း ကျောက်တော်မြို့နယ်ဘက်မှာ လမ်းပိတ်ထားတဲ့အတွက် တိုက်ပွဲရှောင်စခန်းတွေဆီကို ထောက်ပံ့ရေးပစ္စည်းတွေ အချိန်မှီမရောက်နိုင်တာဖြစ်တယ်လို့လည်း သိရပါတယ် ။ “ ဒီလ စက်တင်ဘာ ၂၀ ရက်ဆိုရင် WRP က ထောက်ပံ့ပေးထားတဲ့…