Day: January 11, 2021

ဇန်နဝါရီ ၁၁-၂၀၂၁ အေးချမ်းသူ(VOM) ရန်ကုန်မြို့၊ ရွှေပြည်သာမြို့နယ် စက်မှုဇုန်-၁ ရှိ ရွှေသဇင်အထည်ချုပ်စက်ရုံရှေ့မှာ မန်နေဂျာကို အလုပ်ထုတ်လိုက်လို့ အလုပ်သမားတစ်ထောင်ကျော်ဆန္ဒပြတောင်းဆိုမှု ဒီကနေ့မနက်ပိုင်းက ဖြစ်ပွားခဲ့ပါတယ်။ အလုပ်သမားတစ်ထောင်ကျော်ဟာ မန်နေဂျာပြန်လည်ခန့်ထားပေးရေးနဲ့ အလုပ်သမားဥပဒေပါ အခွင့်အရေးတွေဆုံးရှုံးနေတဲ့အတွက် ဆန္ဒပြတောင်းဆိုခြင်းဖြစ်တယ်လို့ စက်ရုံအလုပ်သမားတစ်ဦးဖြစ်သူ မအိရွှေစင်က ပြောပါတယ်။ “ကျွန်မတို့ ၂၁ချက် တောင်းဆိုထားတယ်၊ အဲ့ဒီအချက်ပြေလည်မှ လုပ်ငန်းခွင်ပြန်ဝင်မယ်”လို့ မအိရွှေစင်ကပြောပါတယ်။ စက်ရုံဝန်ထမ်းတွေဟာ အလုပ်နားချိန်၁နာရီအပြည့်အဝပေးရေး၊ စက်ရုံမှူးကို ချက်ချင်းအလုပ်ရပ်ဆိုင်းပေးရေး၊ တရုတ်တွေဖိနှိပ်မှုအောက်မှ လွတ်မြောက်စေရေး၊ တရားမျှတပြီး လုပ်ငန်းခွင်သာယာမှုကို ပေးနိုင်သော မန်နေဂျာဒေါ်ထက်ထက်အား အလုပ်ပြန်ခန့်ပေးရေး၊ ဝန်ထမ်းများအား အတင်းအကြပ် ညဆိုင်းခိုင်းစေခြင်းအား ရပ်တန့်ပေးရေး စတဲ့ အချက်တွေပါဝင်တဲ့ တောင်းဆိုချက် ၂၁ ချက်ကိုတောင်းဆိုခဲ့တာဖြစ်ပါတယ်။ အဲ့ဒီအလုပ်သမားတွေ ဆန္ဒပြတာကို သွားရောက်ကူညီပေးခဲ့တဲ့ Action Labor Rightအဖွဲ့မှ စည်းရုံးရေးမှူး ကိုကျော်ကျော်က “အဓိကဖြစ်တာက မန်နေဂျာကို အလုပ်ထုတ်တာကနေ အခြားအချက်တွေပါ အလုပ်သမားတွေတောင်းဆိုတာ၊…

ဇန်နဝါရီ ၁၁ -၂၀၂၁ ကိုတိုးကြီး (VOM) မြန်မာနိုင်ငံရဲ့ အရှေ့မြောက်ပိုင်း ကချင်ပြည်နယ်၊ ဗန်းမော်ခရိုင် ၊ မိုးမောက်မြို့နယ် ၊ လွယ်ဂျယ်မြို့၊ မြန်မာ-တရုတ် ၂ နိုင်ငံနယ်စပ်မှာ တရုတ်ဘက်က သံတိုင်တွေစိုက်ထူပြီး အခိုင်အမာ နယ်စပ်ခြံစည်းရိုး ခတ်နေတဲ့အတွက် မနေ့ ဇန်နဝါရီ ၁၀ ရက် မနက်ပိုင်းက မြို့နယ်အထွေထွေအုပ်ချုပ်ရေးမှူးနဲ့အဖွဲ့က အဲ့ဒီလုပ်ငန်းခွင်ကို သွားရောက် ကန့်ကွက် တားမြစ်ခဲ့ရတယ်လို့ သိရပါတယ်။ ” မြန်မာ-တရုတ် ၂ နိုင်ငံ နယ်နိမိတ် နယ်ခြားမှတ်တိုင် အမှတ်(၄၉ /၂ ) နဲ့ ၁၀ မီတာအတွင်း မြေညီကွန်ကရက်ခုံပေါ်မှာ အရှည် ၁၀ ပေအရွယ်အစားရှိတဲ့ သံတိုင်တွေစိုက်ထူပြီး တရုတ်ဘက်က နယ်စပ်ခြံစည်းရိုးခတ်နေတာကြောင့် မြေပြင်ကွင်းဆင်း သွားရောက်ကန့်ကွက်ခဲ့တာဖြစ်တယ်”လို့ မြို့နယ်အထွေထွေအုပ်ချုပ်ရေးမှူး ဦးယဉ်မင်းထွန်းက ပြောပါတယ်။ အဲ့ဒီ နယ်နိမိတ် ခြံစည်းရိုးခတ်လုပ်နေတဲ့ နေရာကို…

ဇန်နဝါရီ ၁၁ -၂၀၂၀ ထက်အောင်စိုင်း (VOM) ရခိုင်လက်နက်ကိုင် အေအေအဖွဲ့ကို အကြမ်းဖက်အဖွဲ့အစည်း၊ မတရားအသင်းအဖြစ်ကနေ ပယ်ဖျက်ပေးရေးအဆိုကို ရခိုင်ပြည်နယ်လွှတ်တော်မှာ ဆက်လက်ဆွေးနွေးဖို့ ဒီကနေ့ ဇန်နဝါရီလ ၁၁ ရက်နေ့မှာ ကျင်းပတဲ့ ဒုတိယအကြိမ် ပြည်နယ်လွှတ်တော် (၁၅) ကြိမ်မြောက်ပုံမှန်အစည်းအဝေးမှာ ကန့်ကွက်သူမရှိ အတည်ပြုလိုက်တယ်လို့ သိရပါတယ်။ အဲ့ဒီအဆိုကိုတင်သွင်းတဲ့ မြောက်ဦးမြို့နယ် ပြည်နယ်လွှတ်တော်ကိုယ်စားလှယ် ဦးထွန်းသာစိန်က ထာဝရငြိမ်းချမ်းရေးကို တည်ဆောက်ဖို့အတွက် ပြည်ထောင်စုအစိုးရအဖွဲ့ရဲ့ အကြမ်းဖက်မှုတိုက်ဖျက်ရေးဗဟိုအဖွဲ့က သတ်မှတ်ကြေညာထားတဲ့ အေအေအဖွဲ့ကို ငြိမ်းချမ်းရေးတည်ဆောက်နိုင်ဖို့ အကြမ်းဖက်အဖွဲ့အစည်းအဖြစ် ပယ်ဖျက်ပေးရေး ပြည်နယ်အစိုးရကနေ ပြည်ထောင်စုအစိုးရကို တိုက်တွန်းတဲ့အဆို ဒီကနေ့မှာပဲ တင်သွင်းခဲ့တာဖြစ်ပါတယ်။ ဦးထွန်းသာစိန်ရဲ့အဆိုကို ဘူးသီးတောင်မြို့နယ် ပြည်နယ်လွှတ်တော်ကိုယ်စားလှယ် ဦးထွန်းအောင်သိန်းက ထောက်ခံခဲ့ကာ ကန့်ကွက်သူမရှိပဲ ပြည်နယ်လွှတ်တော်မှာ ဆက်လက်ဆွေးနွေးဖို့ အတည်ပြုနိုင်ခဲ့တဲ့အတွက် ပြည်နယ်လွှတ်တော်မှာ အတည်ပြုနိုင်လိမ့်မယ်လို့ မျှော်လင့်ကြောင်း အဆိုရှင် လွှတ်တော်ကိုယ်စားလှယ် ဦးထွန်းသာစိန်က ပြောပါတယ်။ ” ဒီနေ့မှာတော့…

ဇန်နဝါရီ ၁၁-၂၀၂၁ အေးချမ်းသူ(VOM) တရုတ်အစိုးရကနေ မူဆယ်-မန့်ဝိန်းကားဂိတ်မှာရှိတဲ့ မြန်မာကုန်တင်ယာဉ်မောင်း ၁၁ ဦးကို ဒီကနေ့မနက်ပိုင်းက ကိုဗစ်ကာကွယ်ဆေးထိုးပေးခဲ့‌တယ်လို့ အဲ့ဒီနယ်စပ်မှာတာဝန်ကျနေတဲ့ အမှတ်(၁၂၅)ယာဉ်ထိန်းရဲတပ်ဖွဲ့ကနေ သိရပါတယ်။ “ရှန်တိန်ယာဉ်မောင်းတွေကို ကိုဗစ်ကာကွယ်ဆေးထိုးတာပါ၊ ဒီနေ့ဆေးထိုးတာ ၁၁ ဦးပါ ဒုတိယအကြိမ်ပေါ့။ အရင်လကလည်း လေးဆ ယ်ကျော်ထိုးသေးတယ်၊ ဂိတ်ကိုတော့မပိတ်ထားပါဘူး။ သေချာအစီအစဉ်တကျလုပ်နေပါတယ်”လို့ ယာဉ်ထိန်းရဲတပ်ကြပ်မျိုးမင်းသူက ‌VOMကို‌ပြောပါတယ်။ အဲ့ဒီကိစ္စနဲ့ပတ်သက်ပြီး မူဆယ်ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီမှူး ဦးအယ်လ်စိုးထန်ထူးက “ကျနော်တို့ဘက်က ကိုဗစ်စစ်တာ ဆေးမထိုးဘူး၊ ဆေးကလည်း မူဆယ်ကို တရုတ်ကလှူထားတာ၊ ဒီနေ့မှ ပြန်စစ်ရမှာ။ မစစ်တာသုံးရက်ရှိပြီ၊ ဒါက ပါဆင်နယ်ကိစ္စဖြစ်နေတယ် ကျနော်တို့နဲ့မဆိုင်ဘူး။ တရုတ်ဘက်ကလုပ်တာ ထိုးခွင့်ပြုတယ်၊မပြုဘူး ဆိုတာလည်း ဆုံးဖြတ်ပိုင်ခွင့်မရှိဘူး”လို့ “လို့ VOMကိုပြောပါတယ်။ တရုတ်ပြည်ဘက်က မြန်မာယာဉ်မောင်းတွေကို ကာကွယ်ဆေး ဒုတိယအကြိမ် ပြန်လည်ထိုးပေးတာနဲ့ပတ်သတ်ပြီး အသိပေးအကြောင်းကြားခြင်းမရှိကြောင်း မူဆယ်ဆေးရုံအုပ်ကြီး ဒေါက်တာဟန်နိူင်စိုးက VOMကို ပြောပါတယ်။ မူဆယ်မြို့နယ်၊ မူဆယ်-မန့်ဝိန်း…

ဇန်နဝါရီ ၁၁ -၂၀၂၁ Voice Of Myanmar(VOM) စစ်ကိုင်းတိုင်း၊ ခန္တီးမြို့နယ်၊ နန်းဖီးလင်းရွာအနီး၊ ချင်းတွင်းမြစ်ကြောင်းထဲမှာ ရေကြောင်းကြပ်လို့ ပိတ်မိနေတဲ့ ကုန်တင်မော်တော်တွေကို ရှမ်းနီ လက်နက်ကိုင်အဖွဲ့က ဇန်နဝါရီ ၉ ရက်နဲ့ ၁၀ ရက်တွေမှာ ဆက်ကြေးလာကောက်နေတယ်လို့ ရေယာဉ်လုပ်ငန်းရှင်တွေကနေ သိရပါတယ်။ “မော်တော် ၁ စီးကို ၆ သိန်းကောက်တယ် ၊ ရေကြောင်းကြပ်လို့ ပိတ်မိနေတဲ့ မော်တော် ၁၅ စီး ပေးလိုက်ရတယ် ၊ ရှမ်းနီအဖွဲ့ကဖြစ်တယ် ၊ ရှမ်းနီအဖွဲ့လို့ ပြောနိုင်တာက ဆက်ကြေး ငွေလက်ခံဖြတ်ပိုင်း သူတို့ပြန်ပေးတယ်”လို့ လုံခြုံရေးအရ အမည်မဖော်လို့တဲ့ ကုန်တင်ရေယာဉ် လုပ်ငန်းရှင်တစ်ဦးက ပြောပါတယ်။ ကိုဗစ်-၁၉ ရောဂါကြောင့် ခရီးသည်တင် ရေယာဉ်တွေ ပြေးဆွဲသွားလာခွင့်ကို ပြီးခဲ့တဲ့ ၂၀၂၀ စက်တင်ဘာက ယာယီပိတ်ထားခဲ့တာဟာ ဒီကနေ့အချိန်ထိ ဖြစ်တာကြောင့် အထက်ချင်းတွင်းဒေသ…

ဇန်နဝါရီ ၁၁-၂၀၂၁ ခွန်ခမ်းသူ(VOM) ၂၀၂၀-၂၀၂၁ ဘဏ္ဍာနှစ်မှာ ပထမဆုံးအနေနဲ့ ကျပ်သန်း ၄၅၀၀ ရင်းနှီးမြုပ်နှံတဲ့ ဟိုတယ်နဲ့အပန်းဖြေစခန်းတစ်ခုကို ကရင်ပြည်နယ် ရင်းနှီးမြုပ်နှံမှုကော်မရှင်က ခွင့်ပြုလုပ်ကိုင်ခွင့်ပေးခဲ့ပါတယ်။ ဘားအံမြို့နယ်၊ မိဇံကျးရွာ(မိဇံမြေနုကျွန်း)၊ ဦးပိုင်အမှတ်-၁၁၈ ၊ N-၁၁၀ ၊ ကွင်းအမှတ်- ၁၁၀၆ ၊ မိဇံတောင်စွန်းကွင်း၊ မြေဧက ၁၀ ဒသမ ၇၂ ပေါ်မှာခွင့်ပြုပေးခဲ့တာဖြစ်ပါတယ်။ ဒေသခံတွေအတွက် အလုပ်အကိုင်အခွင့်အလမ်း ၇၇ နေရာနဲ့ ခရီးသွားလုပ်ငန်းဖွံ့ဖြိုးတိုးတက်ဖို့ ရည်ရွယ်ပြီး UHM(Development Co,Ltd)ကုမ္ပဏီကို နှစ် ၅၀ လုပ်ကိုင်ခွင့် ခွင့်ပြုပေးခဲ့တာလည်းဖြစ်ပါတယ်။ ” စိမ်းလန်းသန့်ရှင့်တဲ့ ပတ်ဝန်းကျင် လေထု၊ ရေထုကိုအခြေပြုတဲ့ မီးခိုးမထွက်တဲ့ ဟိုတယ်နဲ့ခရီးသွားလုပ်ငန်းတွေ တိုးတက်ဖွံ့ဖြိုးလာရင် ဒေသခံလူထုတွေရဲ့လူမှု စီးပွားရေးတွေတိုးတက်လာမယ်၊ ဒီလိုဖွံ့ဖြိုးတိုးတက်လာမှ မီးခိုးမထွက်တဲ့ စက်ရုံကနေ ဒေသခံလူထုတွေရဲ့ စားဝတ်နေရေးအပြင် လမ်းပန်းဆက်သွယ်ရေးတွေ၊ ပညာရေးတွေအစ တိုးတက်လာမယ်”လို့ ကရင်ပြည်နယ် ရင်းနှီးမြုပ်နှံမှုကော်မရှင်…