Day: January 12, 2021

ဇန်နဝါရီ ၁၃-၂၀၂၁ ခွန်ခန့်သူ(VOM) ကရင်ပြည်နယ်၊ လှိုင်းဘွဲမြို့နယ်မှာ အရွယ်မရောက်သူ အဓမ္မပြုကျင့်တဲ့အမှုကို အထက်ဌာနထိ ဆက်လက်တင်ပြတိုင်ကြားသွားမယ်လို့ မိခင်ဖြစ်သူက ပြောပါတယ်။ လှိုင်းဘွဲ့မြို့နယ်၊ ထီလုံနယ်မြေရဲစခန်းက အလိုမတူဘဲ အဓမ္မ ပြုကျင့်ခဲ့သူ မောင်ဝင်း (အသက် ၁၈ နှစ် ၁ လ)ကို အရွယ်ရောက်ပြီးသူအဖြစ် အမှုဖွင့်လှစ်ခဲ့ရာက အသက်မပြည့်တဲ့ လူငယ်အနေနဲ့ အမှုပြောင်းလဲဖွင့်လှစ်ခဲ့တဲ့အပေါ် မိခင်ဖြစ်သူက မနေ့ ဇန်နဝါရီ ၁၂ရက်နေ့ တရားရုံးချိန်းအပြီးမှာ အခုလို ပြောဆိုလိုက်တာဖြစ်ပါတယ်။ ထီလုံကျေးရွာမှာ ၂၀၂၀ခုနှစ်၊ ဧပြီ ၁၄ ရက် မနက်ပိုင်းက အသက် ၈ နှစ်အရွယ် ၃ တန်းကျောင်းသူဟာ ကျေးရွာအနီး လယ်ကွင်းမှာ ဆိတ်ကျောင်းနေရင်း ထန်းပင်အောက်နားနေချိန် တစ်ရွာတည်းနေ အိမ်နီးချင်းဖြစ်သူ မောင်းဝင် (ခ) စတီးရား(အသက် ၁၈ နှစ် ၁ လ)က နွားကျောင်းနေရာကို ရောက်ရှိလာပြီး…

ဇန်နဝါရီ ၁၃-၂၀၂၁ နေနန်းနွယ်(VOM) တောင်ကြီးမြို့မှာ လူတစ်ဦးကို ငွေကျပ် ၁၅၀၀၀နူန်းနဲ့ ကိုဗစ်ပိုးရှိ၊မရှိ စစ်ဆေးနိုင်တော့မှာဖြစ်တယ်လို့ တောင်ကြီးမြို့အထွေထွေအုပ်ချုပ်ရေးဦးစီးဌာနကနေ သိရပါတယ်။ “အခုလက်ရှိ အစိုးရအဖွဲ့က လမ်းညွှန်ပြီးတော့ ကျွန်တော်တို့ အကြမ်းဖျင်းစီစဉ်ဆောင်ရွက်နေတဲ့ အခြေအနေဖြစ်ပါတယ်၊ ကျွန်တော်တို့က အများစစ်မယ့် နေရာကတော့ အစိုးရအဖွဲ့ရုံးအဟောင်း ၊ ယခင်တုန်းကတော့ ခရိုင်ကော်မရှင် ရုံးသုံးခဲ့တဲ့နေရာပေါ့၊ အဲ့ဒီနေရာကို စစ်ဆေးရေးဌာနအဖြစ်သတ်မှတ်ပြီး ပြင်ဆင်မှုတွေလုပ်မယ်ဆိုပြီးတော့ ရည်ရွယ်ထားပါတယ်၊ ဇန်နဝါရီ ၁၈ ရက်နေ့မှာ စနိုင်အောင်လို့ ရည်မှန်းပြီး ပြင်ဆင်နေပါတယ်၊ ကျွန်တော်တို့ကတော့ အလွန်ဆုံး တစ်ရက်ကို အယောက် ၁၅၀ စစ်ပေးနိုင်ဖို့ လက်ရှိမှာ ချိန်ထားပါတယ်၊ လူ ၁၅၀ ကို လူစူလူဝေးမဖြစ်ပဲ စစ်ပေးနိုင်အောင် စီစဉ်နေပါတယ်၊ အထဲမှာ လူ အယောက် ၁၅၀ ပြည့်ပြီဆိုရင်တော့ ကျွန်တော်တို့ တံခါးပိတ်ထားလိုက်မှာပေါ့၊ နောက်နေ့ကျမှပဲ ကျန်တဲ့အဖွဲ့ကို ဆက်စစ်ပေးမှာပေါ့၊ အထဲကို…

ဇန်နဝါရီ ၁၂-၂၀၂၀ အေးချမ်းသူ(VOM) နိူင်ငံတော်အကြည်ညိုပျက်စေမှုပုဒ်မ ၁၂၄(က)နဲ့ တရားစွဲဆိုခံထားရတဲ့ ဆရာတော်ဦးဝီရသူကို ဒီကနေ့မနက်ပိုင်းက အနောက်ပိုင်းခရိုင်တရားရုံးမှာ ဗီဒီယိုကွန်းဖရန့်(စ်)နဲ့ ရုံးထုတ်စစ်ဆေးခဲ့ရာ သံဃာတော်အပါး ၃၀နီးပါးနဲ့ အမျိုးသားရေးလှုပ်ရှားသူ ၅၀ခန့်ဟာ ရုံးထုတ်စစ်ဆေးပေးဖို့ လာရောက်တောင်းဆိုခဲ့ကြပါတယ်။ ရုံးထုတ်စစ်ဆေးပေးဖို့တောင်းဆိုရာမှာ ဦးဆောင်တဲ့ ဆရာတော်ဦးတေဇဝံသက “ပြည်သူလူထုရှေ့မှောက်မှာ ပွင့်လင်းမြင်သာစွာ တရားစီရင်ခြင်းမခံရပါဘူး။ ဗီဒီယိုကွန်းဖရန်း(စ်)နဲ့ ရုံးထုတ်နေတယ်။ တရားသူကြီးက သူပြောချင်တာပြောသွားတယ်။ ဆရာတော်က ချေပခွင့်မရှိဘူး။ပြောချင်တာပြောပြီး နောက်တစ်ပတ်ရုံးချိန်းပေးတယ်။ ဒါကြောင့် ရုံးထုတ်စေချင်တယ်”လို့ မိန့်ကြားပါတယ်။ ဆရာတော်ဦးဝီရသူအမှုမှာ နိုင်ငံသားအခွင့်အရေး လူအခွင့်အရေး၊ အကျဉ်းသားအခွင့်အရေးဆုံးရှုံးနေတာကြောင့် လွတ်လပ်စွာတရားစီရင်ရေးဆုံးရှုံးနေတဲ့အတွက် ရုံးထုတ်စစ်ဆေးပေးစေချင်တယ်လို့ ဆရာတော်ဦးတေဇဝံသက မိန့်ပါတယ်။ ဆရာတော်ဦးဝီရသူဟာပြီးခဲ့တဲ့ ၂၀၂၀ နိုဝင်ဘာ ၂ရက်နေ့က နိုင်ငံတော်အကြည်ညိုပျက်စေမှု ပုဒ်မ ၁၂၄(က)နဲ့ ၂နှစ်နီးပါး ပုန်းအောင်းနေရာကနေ ဒဂုံမြို့နယ်ရဲစခန်းမှာ လာရောက်အဖမ်းခံခဲ့တာလည်းဖြစ်ပါတယ်။ အနောက်ပိုင်းခရိုင်ရဲစခန်းမှာ လာရောက်အဖမ်းခံတဲ့ ဆရာတော်ဦးဝီရသူကို နိုဝင်ဘာလ ၃ ရက်နေ့မှာတော့ ဗီဒီယိုကွန်းဖရန့် (စ်)…

နေပြည်တော်၊ ဇန်နဝါရီ – ၁၂-၂၀၂၁ ကိုထွန်း(VOM)   တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ တရုတ်ပြည်သူ့ သမ္မတနိုင်ငံ၊ နိုင်ငံတော်ကောင်စီဝင်နဲ့နိုင်ငံခြားရေးဝန်ကြီးဖြစ်သူ H.E. Mr. Wang Yi ကို ဒီနေ့ ဇန်နဝါရီ ၁၂ ရက် မနက်ပိုင်းက နေပြည်တော် ၊ ဇေယျာသီရိဗိမာန်ဧည့်ခန်းမဆောင်မှာ  လက်ခံတွေ့ဆုံခဲ့ပါတယ်။   ဒီတွေ့ဆုံပွဲမှာ တပ်မတော်ကာကွယ်ရေးဦးစီးချုပ်နှင့်အတူ ကာကွယ်ရေးဦးစီးချုပ်ရုံး(ကြည်း) ဒုတိယဗိုလ်ချုပ်ကြီး ထွန်းထွန်းနောင်နဲ့ တပ်မတော်အရာရှိကြီးတွေ တက်ရောက်ကြပြီး တရုတ်နိုင်ငံခြားရေးဝန်ကြီးနဲ့ အတူ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန ဒုတိယဝန်ကြီး H.E. Mr. Qian Keming၊ လက်ထောက်နိုင်ငံခြားရေးဝန်ကြီး H.E. Mr. Wu Jianghao၊ မြန်မာနိုင်ငံဆိုင်ရာတရုတ်နိုင်ငံ သံအမတ်ကြီး H.E. Mr. Chen Hai နဲ့  အဆင့်မြင့်အရာရှိကြီးတွေ တက်ရောက်ခဲ့ပါတယ်။   တရုတ်နိုင်ငံခြားရေးဝန်ကြီးနဲ့အဖွဲ့ဟာ မနေ့…

ဇန်နဝါရီ ၁၂-၂၀၂၁ အေးချမ်းသူ(VOM) ရန်ကုန်မြို့တော်ခန်းမရှေ့မှာ လူစုလူဝေးနဲ့ တပ်မတော်ထောက်ခံပဲွဲ ဦးဆောင်ပြုလုပ်ခဲ့တဲ့ အခြေခံလူတန်းစားဘဝတိုးတက်မြှင့်မားရေးပါတီ(YDP)မှ တွဲဘက်အတွင်းရေးမှူးကို ရန်ကုန်အနောက်ပိုင်းခရိုင်ရွေးကောက်ပွဲကော်မရှင်အဖွဲ့ခွဲရုံးက ငြိမ်းစုစီဥပဒေနဲ့ ကျောက်တံတားမြို့မရဲစခန်းမှာ အမှုဖွင့်ခဲ့တယ်လို့ သိရပါတယ်။ ငြိမ်စုစီပုဒ်မနဲံ အရေးယူဆောင်ရွက်ခံရသူဒေါ်မိုးမိုးခိုင်က “အစ်မကို အနောက်ပိုင်းခရိုင်ကော်မရှင်က ငြိမ်းစုစီပုဒ်မ-၂၀နဲ့ အမှုဖွင့်တယ်၊ အစ်မ အဆင့်ဆင့်တင်ထားတာလေ ငြိမ်းစုစီတင်တာကို အမှုဖွင့်တာ၊ တပ်မတော်ထောက်ခံပွဲကို ဥပဒေနဲ့အညီဆောင်ရွက်ခဲ့ပေမယ့်လည်း အခုလိုရွေးကောက်ပွဲကော်မရှင်ရဲ့ စေခိုင်းချက်အရ အမှုဖွင့်ခဲ့တာကို ရင်ဆိုင်ဖြေရှင်းသွားမှာဖြစ်တယ်”လို့ ပြောပါတယ်။ အခြေခံလူတန်းစားဘဝမြင့်မားရေးပါတီမှ တွဲဖက်အတွင်းရေးမှူးဒေါ်အေးအေးခိုင်ကို အနောက်ပိုင်းခရိုင်ရွေးကောက်ပွဲကော်မရှင်အဖွဲ့ခွဲမှ လက်ထောက်ညွန်ကြားရေးမှူး ဦးဝင်းနိူင်ဟာ ရန်ကုန်မြို့တော်ခန်းမရှေ့မှာပြုလုပ်ခဲ့တဲ့ တပ်မတော်ထောက်ခံပွဲပြုလုပ်ခဲ့တာနဲ့ပတ်သက်ပြီး မနေ့ ဇန်နဝါရီ ၁၁ရက်နေ့ညပိုင်းက (ပ) ၇/၂၀၂၁၊ ငြိမ်းစုစီပုဒ်မ-၂၀ဖြင့် အမှုဖွင့်ခဲ့ခြင်းဖြစ်တယ်လို့ ကျောက်တံတားမြို့မရဲစခန်းကနေ သိရပါတယ်။ ပြီးခဲ့တဲ့ ၂၀၂၀ခုနှစ် ဒီဇင်ဘာ ၂၈ရက်နေ့က ရန်ကုန်မြို့၊ မြို့တော်ခန်းမရှေ့မှာ အခြေခံလူတန်းစားဘဝမြှင့်မားရေးပါတီမှ ဦးဆောင်ပြီး တပ်မတော်ထောက်ခံပဲွဲပြုလုပ်ခဲ့ရာ လူဦးရေ ၂၈ဦးသာ စာတင်ခဲ့ပေမယ့် ဝန်းရံသူ…

ဇန်နဝါရီ ၁၂-၂၀၂၁ ကောင်းလက်ျာ(VOM) အမျိုးသားဒီမိုကရေစီအဖွဲ့ချုပ် NLDပါတီနဲ့ ကယားပြည်နယ်ဒီမိုကရက်တစ်ပါတီတို့ ဒီကနေ့တွေ့ဆုံကြဖို့ စီစဉ်ထားပေမယ့် နေရာရွေးချယ်မှု အဆင်မပြေတာအပြင် တိုင်းရင်းသား ပါတီ‌လေးတွေကို လေးစားမှုမရှိဘူးလို့ယူဆ‌ခဲ့မိလို့ တွေ့ဆုံဖို့ရုတ်သိမ်းလိုက်တယ်လို့ ကယားပြည်နယ်ဒီမိုကရက်တစ်ပါတီ (KySDP)အတွင်းရေးမှူး ခူးသဲရယ်က ပြောပါတယ်။ ” တွေ့ဆုံကြဖို့ ပြီးခဲ့တဲ့ နိုဝင်ဘာ၂၄ ကတည်းက သိထားတယ်။ ဒါကြောင့် တရားဝင်တွေ့ကြမယ်ဆို ဖုန်းနဲ့ဆက်တာမျိုးမလုပ်ဘဲ စာနဲ့ပေနဲ့ဖိတ်ကြားဖို့ကြိုတင်မေတ္တာရပ်ခံထားတယ်။ ဒါပေမယ့် တိုင်းရင်းသားပါတီတွေအပေါ် သူတို့လေးစားမှုမရှိဘူးလို့ ခံစားရလို့ဒီကနေ့တွေ့ဆုံပွဲဖို့ မတက်ဖို့ ဆုံးဖြတ်တာပါ”လို့ ခူးသဲရယ်က ပြောပါတယ်။ NLD ပါတီနဲ့တွေ့ဆုံဖို့ ကယားပြည်နယ်ဒီမိုကရက်တစ်ပါတီမှ ခေါင်းဆောင် ၅ ဦးကို ကြိုတင်ရွေး‌ချယ်ထားတဲ့အပြင် ‌ဆွေးနွေးမှုတွေနဲ့ပတ်သက်ပြီး နိုင်ငံရေးကိစ္စတွေကိုသာ ဦးတည်‌ဆွေးနွေးမှုပြုလုပ်ဖို့နဲ့ အစိုးရအဖွဲ့နဲ့ လွှတ်တော်ကိစ္စတွေကို တစ်ဖက်ပါတီက ကမ်းလှမ်းလာမှသာ ပြန်လည်ဆွေးနွေးဖို့ ဆုံးဖြတ်ခဲ့တယ်လို့လည်း သိရပါတယ်။ NLD ပါတီမှ ဗဟိုကော်မတီဝင် ဒေါက်တာအောင်မိုးညိုဦးဆောင်တဲ့ အဖွဲ့ဝင် ၃ ဦးနဲ့…