Month: January 2021

ဇန်နဝါရီ ၄-၂၀၂၁ အေးချမ်းသူ(VOM) ရန်ကုန်မြို့၊ မဟာဗန္ဓုလပန်းခြံရှေ့မှာ ဒီကနေ့မနက်ပိုင်းက ငြိမ်းစုစီဥပဒေ ဖျက်သိမ်းပေးရေးအတွက် နိူင်ငံရေးအကျဉ်းသားဟောင်းတစ်ဦး တစ်ကိုယ်တော်ဆန္ဒဖော်ထုတ်ခဲ့ရာ ရဲတပ်ဖွဲ့ကနေ ဖမ်းဆီးထိန်းသိမ်းခဲ့ပါတယ်။ နိူင်ငံရေးအကျဉ်းသားဟောင်းဖြစ်သူ ကိုအောင်ချိုဦးက ” ဒီဥပဒေက မရှိသင့်ပါဘူး၊ ဒီမိုကရေစီခေတ်မှာ လူတိုင်းမှာ လွတ်လပ်စွာဆန္ဒဖော်ထုတ်ခွင့်ရှိရမယ်။ ဒါကြောင့် ဒီဥပဒေကို ဖျက်သိမ်းပေးသင့်တယ်”လို့ ပြောပါတယ်။ ငြိမ်းစုစီဥပဒေမတင်ဘဲ ဆန္ဒဖော်ထုတ်ခဲ့တဲ့ နိူင်ငံရေးအကျဉ်းသားဟောင်း ကိုအောင်ချိုဦးကို ကျောက်တံတားမြို့မရဲစခန်းမှ ဖမ်းဆီးခဲ့တာဖြစ်ပါတယ်။ ကိုအောင်ချိုဦးဟာ ပြီးခဲ့တဲ့ ၂၀၂၀ခုနှစ် ဒီဇင်ဘာ ၇ရက်နေ့ကလည်း ဝန်ကြီးချုပ်နာမည်အသုံးချကာ ကိုယ်ကျိုးစီးပွားရှာနေတဲ့ ကိုယ်စားလှယ်အချို့ကို အရေးယူပေးဖို့ မဟာဗန္ဓုလပန်းခြံရှေ့မှာ တစ်ကိုယ်တော်ဆန္ဒဖော်ထုတ်ချိန် ကျောက်တံတားရဲစခန်းက ဖမ်းဆီးခဲ့ပြီး ပြန်လည်လွှတ်မြောက်လာသူတစ်ဦးလည်းဖြစ်ပါတယ်။ တစ်ကိုယ်တော်ဆန္ဒဖော်ထုတ်သူ နိူင်ငံရေးအကျဉ်းသားဟောင်းဦးအောင်ချိုဦးဟာ ၂၀၀၆ ခုနှစ်မှာ အရေးပေါ်အက်ဥပဒေနဲ့ဖမ်းဆီးခံခဲ့ရပြီး ၂၀၁၂ ခုနှစ် ဇန်နဝါရီ ၁၃ရက်နေ့မှာ ပြန်လည်လွှတ်မြောက်လာသူတစ်ဦးဖြစ်ပါတယ်။ #voiceofmyanmar #VOM #ရန်ကုန် #ငြိမ်းစုစီဥပဒေ #ဆန္ဒဖော်ထုတ်သူ #ဖမ်းဆီးခံရ

ဇန်နဝါရီ ၄-၂၀၂၁ ‌ကောင်းလက်ျာ(VOM) မွန်ပြည်နယ်၊ သထုံခရိုင်၊ ပေါင်မြို့နယ်၊ မုတ္တမကျေးရွာ၊ သံလွင်တံတားအနီးမှာ မနေ့ ဇန်နဝါရီ ၃ ရက် မနက်ပိုင်းက တရားမဝင် နိုင်ငံသားအထောက်အထားမဲ့သူ ၁၉ ဦးနဲ့ အခကြေးငွေယူ သယ်ဆောင်လာသူ၂ ဦးကို ဖမ်းမိခဲ့တယ်လို့ ပေါင်မြို့နယ် ရဲတပ်ဖွဲ့မှူးရုံးကနေ သိရပါတယ်။ ” ရခိုင်ဘက်က လာကြတယ်လို့ စစ်ဆေးသိရှိရတယ်။ ကျိုက်မရောဘက်သွားမယ်လို့သိရပြီး နိုင်ငံသားအထောက်အထားမဲသူကိစ္စက လ.ဝ.ကနဲ့သက်ဆိုင်ပေမယ့် ပို့ပေးသူ နှစ်ဦးကိုတော့ ရဲက အမှုဖွင့်မယ်”လို့ ပေါင်မြို့နယ်ရဲတပ်ဖွဲ့မှ ရဲအရာရှိကြီးတစ်ဦးကပြောပါတယ်။ သံလွင်တံတား(မော်လမြိုင်) မုတ္တမဘက်ခြမ်းမှာ တာဝန်ကျ ရဲတပ်ဖွဲ့ဝင်တွေက မော်တော်ယာဉ်တွေကို စစ်ဆေးနေချိန် ရန်ကုန်ဘက်ကနေ မော်လမြိုင်မြို့ဘက်ကို ယာဉ်မောင်း လှဝင်း (၄၁ နှစ်)မောင်းနှင်လာတဲ့ စူပါကာစတန် မော်တော်ယာဉ်နဲ့ ယာဉ်မောင်း မျိုးဇင် (၃၂ နှစ်) မောင်းနှင်လာတဲ့ ပရိုဘောက်စ်ယာဉ်ကို ရပ်တန့်စစ်ဆေးခဲ့ရာကနေ စစ်ဆေးတွေ့ရှိခဲ့ပါတယ်။ စစ်ဆေးရာမှာတော့…

ဇန်နဝါရီ ၄-၂၀၂၀ မောင်တာရာ (VOM) စစ်ကိုင်းခရိုင်၊ မြင်းမူမြို့နယ်၊ ဆပ်ပြာကျင်းရွာမှာ မနေ့ ဇန်နဝါရီ ၃ ရက်နေ့ နေ့လယ် ၂ နာရီကျော်က ကလေးငယ်(၂)ဦး မီးဆော့ကစားရာကနေ မီးလောင်မှုဖြစ်ပွားခဲ့ပြီး အဲ့ဒီကလေးငယ်(၂)ဦးလည်း မီးလောင်သေဆုံးသွားတယ်လို့ စစ်ကိုင်းခရိုင်မီးသတ်ဦးစီးဌာနကနေ သိရပါတယ်။ မီးလောင်သေဆုံးတဲ့ ကလေးငယ်(၂)ဦးဟာ မြင်းမူမြို့နယ်၊ ဆပ်ပြာကျင်းရွာမှာနေတဲ့ အသက် (၅)နှစ်အရွယ် ယောင်္ကျားလေး နဲ့ အသက်(၄)နှစ်အရွယ် ယောင်္ကျားလေးတို့ဖြစ်ပြီး သူတို့နှစ်ဦးဟာ ဆပ်ပြာကျင်းကျေးရွာက ကိုချစ်ဝင်းပိုင်ဆိုင်တဲ့ နွားစာတဲမှာ မီးဆော့ကစားရာကနေ မီးစတင်လောင်ကျွမ်းခဲ့ပြီး အနီးရှိ နေအိမ်ကို မီးကူးစက်လောင်ကျွမ်းခဲ့တယ်လို့ မှုခင်းမှတ်တမ်းတွေအရ သိရပါတယ်။ ” နွားတင်းကုတ်မှာ ကလေးတွေက မီးနဲ့ ဆော့ကစားနေတယ် ထင်ပါတယ်၊ နွားတင်းကုတ်ကို မီးကအရင်လောင်ပြီးမှ အိမ်ကိုကူးတာပေါ့၊ကလေးနှစ်ယောက်ကလည်း ကြောက်လန့်ပြီး အိမ်ထဲဝင်သွားတယ် ထင်ပါတယ်၊ ကုတင်အောက်မှာ သူတို့ရဲ့ သေဆုံးနေတဲ့ ခန္ဓာကိုယ်တွေ တွေ့ပါတယ်၊ ကြောက်ပြီးမထွက်တာနဲ့အိမ်ပါမီးကူတော့…

ဇန်နဝါရီ ၃-၂၀၂၁ ဆွေလင်းထွန်း(VOM) ပြည်တွင်းစစ် အမြန်ဆုံး အဆုံးသတ်ရေး၊ ကျောင်းသားတွေ နိုင်ငံရေးမလုပ်ရဲစေဖို့ ထောင်နဲ့ ခြိမ်းခြောက်ပြီး မတရားဖမ်းဆီးနေတာတွေကို ဆန့်ကျင်ကြောင်းနဲ့ ၂၀၀၈ဖွဲ့စည်းပုံအခြေခံဥပဒေ ဖျက်သိမ်းရေးအတွက် ဆန့်ကျင်လှုပ်ရှားမှုတစ်ခုကို မိတ္ထီလာတက္ကသိုလ်ကျောင်းသားများသမဂ္ဂက ဦးဆောင်ပြီး ဒီနေ့ ဇန်နဝါရီ ၃ရက်နေ့ နေ့လယ်ပိုင်းက မိတ္ထီလာမြို့ ခရိုင်တရားရုံးရှေ့မှာ ပြုလုပ်ခဲ့ပါတယ်။ ဒီလှုပ်ရှားမှုနဲ့ ပတ်သက်ပြီး မိတ္ထီလာတက္ကသိုလ်ကျောင်းသားများသမဂ္ဂရဲ့ အဝေးသင်တာဝန်ခံ ကိုနေရဲစိုးက “ပြည်တွင်းစစ်က ရခိုင်ပြည်နယ်နဲ့ တခြားဒေသတွေမှာလည်း ဖြစ်နေတယ်။ အပြစ်မဲ့ပြည်သူတွေ ကလေးတွေသေနေတာတွေကို ကျနော်တို့ကျောင်းသားတွေက ဆန္ဒပြတဲ့အခါကျတော့ ကျနော်တို့ကျောင်းသားတွေကိုဖမ်းတယ်။ ရုံးထုတ်တာလည်းမရှိဘူး လေးလလောက်ရှိပြီ။ သက်သက်ဒါက ကျောင်းသားတွေမို့လို့ အနိုင်ကျင့်တယ်လို့ ကျနော်ကမြင်တယ်။ ဒါကို ငြိမ်မခံဘူးဆိုတာကို ပြတဲ့အနေနဲ့ ခုလှုပ်ရှားမှုကို လုပ်တာပါ”လို့ VOMကို ပြောပါတယ်။ ၂၀၀၈ ဖွဲ့စည်းပုံအောက်ကနေ အစိုးရနှစ်ဆက်ပြောင်းလာပေမယ့် ဒီမိုကရေစီအစိုးရဖြစ်မလာဘူးဆိုတာကို လက်ရှိဖမ်းဆီးခံထားရတဲ့ ကျောင်းသားတွေကို ကြည့်ခြင်းဖြင့် သိနိုင်ကြောင်းနဲ့ နိုင်ငံမှာ…

ဇန်နဝါရီ ၃-၂၀၂၁ ကိုတိုးကြီး (VOM) မန္တလေးတိုင်း၊ မိုးကုတ်မြို့နယ်၊ ရှောလီဝိုင်းအုပ်စု၊ ဘရန်သျှို ငါးရန့်အင်း အထက်ဘက် ကျောက်မျက်လုပ်ကွက်တစ်ခုမှာ ဒီကနေ့ နေ့လယ်ပိုင်းက ကျောက်တွင်းမြေပြိုကျရာကနေ လူ ၁ ဦးသေဆုံးပြီး ၁ ဦး ဒဏ်ရာရခဲ့တယ်လို့ မိုးကုတ်မြို့ မြတ်စေတနာ လူမှုကူညီရေးအသင်းကနေ သိရပါတယ်။ “မြေပြိုကျပြီး တွင်းပိသွားတာပါ၊ တွင်းထဲမှာ ဗြုန်း(မြေ)တူးနေတဲ့ လူ ၂ ယောက် မြေပိတာဖြစ်တယ်၊ ၁ ယောက်လို့ ၁ ယောက် ဒဏ်ရာရတယ်”လို့ မြတ်စေတနာမွန် လူမှုကူညီရေးအသင်း အဖွဲ့ဝင် ကိုဖိုးလပြည့်က ပြောပါတယ်။ ကျောက်တွင်း မြေပြိုကျတဲ့နေရာကို ကူညီကယ်ဆယ်ရေးတွေ လုပ်ပေးနိုင်ဖို့ မိုးကုတ်မြို့ပေါ်က လူမှုကူညီးရေးအဖွဲ့တွေနဲ့ မီးသတ်တပ်ဖွဲ့ဝင်တွေ အချိန်မီ ရောက်လာတဲ့အတွက် အသက်ရှင်လျက် ၁ ယောက်ကို ကယ်ဆယ်နိုင်ခဲ့ပြီး ကျန် ၁ ယောက်ရဲ့ ရုပ်အလောင်းကို ခက်ခက်ခဲခဲ…