Day: October 5, 2021

အောက်တိုဘာ ၄၊ ၂၀၂၁ Shy V (VOM)   ရွှေဖီမြေက အမျိုးသမီး သတင်းထောက်ဟောင်း လွေးအမ်ဖောင်းကို လားရှိုး၊ ရပ်ကွက် ၁၊ နယ်မြေ ၃ မှာ စက်တင်ဘာလ ၂၆ ရက် မနက် ၂ နာရီခန့်က စစ်တပ်က လာရောက် ဖမ်းဆီးသွားခဲ့တယ်လို့ သူနဲ့ နီးစပ်သူက ပြောပါတယ်။   ၁ ရွာလုံးနီးပါး ဖျားပြီး ဆေးဝါး အခက်အခဲ ဖြစ်နေတဲ့ ကြူဝင်ရွာကို စားနပ်ရိက္ခာနဲ့ ဆေးဝါးတွေ သွားရောက် ထောက်ပံ့ပေးဖို့ သွားမယ့်အဖွဲ့တွေနဲ့ သွားအိပ်လိုက်တဲ့အိမ်မှာ ညသန်းခေါင် ၁၂ နာရီ၊ ၁၂ နာရီခွဲလောက်မှာ ဖမ်းခံရတာလို့ နီးစပ်သူပြောပြတာက   “စစ်တပ်က ခြံထဲကျော်ဝင်လာပြီး အိမ်ပတ်ပတ်လည်လည်း ဝိုင်းထားခဲ့တယ်။ မိန်းခလေးတွေချည်း ၁၀ ယောက်ကျော်ကို တစ်ယောက်ချင်းခေါ် စစ်ဆေးတယ်။…

အောက်တိုဘာ၊ ၅-၂၀၂၁ GH ( VOM )   အခုနှစ်မိုးစပါးအတွက် အခြေခံရည်ညွန်းစျေးနူန်းအဖြစ် စပါးတင်း ၁၀၀ကို ငွေကျပ် ငါးသ်ိန်း လေးသောင်း(၅၄၀၀၀၀)သတ်မှတ်လိုက်ကြောင်း တောင်သူလယ်သမား အခွင့်အရေးကာကွယ်ရေးနဲ့ အကျိုးစီးပွားမြှင့်တင်ရေးဦးဆောင်အဖွဲ့က အသိပေးထုတ်ပြန်လိုက်ပါတယ်။   အဲ့ဒီလို သတ်မှတ်လိုက်တဲ့ အခြေခံစပါးစျေးနူန်းဟာ တောင်သူတွေအတွက် အဆင်မပြေကြောင်း ၊ လယ်တစ်ဧကကို စပါး ၅၀ အောက်ထွက်ခဲ့ပါက စိုက်ပျိုးစရိတ်ပင်အရှုံးနဲ့ရင်ဆိုင်ရမှာဖြစ်တယ်လို့ တောင်သူတွေကပြောပါတယ်။   ” မနှစ်ကထက် ၂ သောင်းပဲပိုတယ်။ မနှစ်က အခုလို ဘာမှစျေးမကြီးမြင့်ဘူး။ အခုနှစ်ဆို အကုန်စျေးတက်ကြီးပဲ။ အခုနှစ် စပါးရိတ်သိမ်းချွေအပြီး စက်က တစ်ဧကကို ၇၀၀၀၀ တောင်းတယ်။မနှစ်က ၅၀၀၀၀ ပဲရှိတာ။ လယ်တစ်ဧက စပါး ၅၀ ထွက်မှ ၂၇၀၀၀၀ရမယ်ဗျာ၊ အဲ့ဒီိနူန်းအောက်လျော့ရင် သေပြီပဲ။မနှစ်ကဆို ၄၀ ပဲထွက်တယ်။ ငွေအတိုးနဲ့ လယ်လုပ်ရတာရှိတယ်၊…

အောက်တိုဘာ ၊ ၅ -၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း၊ ကသာခရိုင်၊ ကသာမြို့နယ်ထဲက ရပ်ကျေးအုပ်ချုပ်ရေးမှူး ၁၂ ယောက်ဟာ သူတို့ရဲ့ ပုဂ္ဂိုလ်ရေး လုံခြုံမှုမရှိတာကြောင့်ဆိုပြီး မနေ့ အောက်တိုဘာ ၄ ရက်က အလုပ်တာဝန်ကနေ နူတ်ထွက်ကြောင်း မြို့နယ်အုပ်ချုပ်ရေးမှူးဆီကို စာတင်ပြထားတာဖြစ်တယ်လို့ ကသာနယ်ခံတွေက ပြောပါတယ်။   ကသာမြို့နယ်ထွေ/အုပ်ရုံးနဲ့ နီးစပ်သူတဦးက” ကျေးရွာအုပ်ချုပ်ရေးမှူးတာဝန်ကနေ အလုပ်ထွက်စာတင်တဲ့ ကျေးရွာအုပ်ချုပ်ရေးမှူး ထွေအုပ်/ဝန်ထမ်းတွေကတော့ အင်းကျေးရွာအုပ်စု အုပ်ချုပ်ရေးမှူး ဦးမြသိန်း ၊ အင်းကြီးအုပ်စုက ဦးမောင်ထွန်း ၊ ဝက်တူးအုပ်စုက ဦးစိုးခိုင် ၊ ကျောက်ထုံးကြီး အုပ်စုက ဦးမန်းတင် ၊ ငါးတဲအုပ်စုက ဦးထွန်းလှ ၊ ပုလွေရွှေအုပ်စုက ဦးမန်းထွန်း၊ ကူးတာအုပ်စုက ဦးဇော်လွင် ၊ ဘွက်အုပ်စုက ဦးမောင်ထွေး ၊ စကားကုန်းအုပ်စုက ဦးမြင့်စိုး၊…

နေပြည်တော်၊ အောက်တိုဘာ ၅-၂၀၂၁ KT(VOM)   နေပြည်တော်၊ ဇမ္ဗူသီရိမြို့နယ်၊သုခသိဒ္ဓိရပ်ကွက်၊ရတနာဒီပ (၇)လမ်းနှင့်ရတနာဒီပ(၆)လမ်းဆုံမှာ ရပ်ထားတဲ့ လဝကဝန်ကြီးဌာနပိုင် ဝန်ထမ်းကြိုပို့ယာဉ်ဟာ ဒီကနေ့ နေ့လယ်ပိုင်းက လက်လုပ်ဗုံးပစ်ပေါက်ခံခဲ့ရတယ်လို့ သိရပါတယ်။   ဝန်ထမ်းကြိုပို့ယာဉ် ဘယ်ဘက်ခြမ်း ရှေ့ဘီးကို လက်လုပ်ဗုံးနဲ့ ပစ်ပေါက်ခဲ့တာဖြစ်တယ်လို့ သိရပါတယ်။   ပေါက်ကွဲမှုဖြစ်တဲ့နေရာကနေ ဓာတ်ခဲအခွံ၊ ပလတ်စတစ်အိတ်အစတွေ တွေ့ရှိခဲ့တယ်လို့ သိရပြီး ကားရှေ့ကားဘီးဘေး ဆေးပွန်းတာပဲ ထိခိုက်တယ်လို့ သိရပါတယ်။   #voiceofmyanmar #VOM #နေပြည်တော်

နေပြည်တော်၊ အောက်တိုဘာ ၅-၂၀၂၁ KT(VOM)   နေပြည်တော်၊ ဇမ္ဗူသီရိအထူးတရားရုံးမှာ ဒီကနေ့ အောက်တိုဘာ ၅ရက် မနက်ပိုင်းက ဒေါ်အောင်ဆန်းစုကြည်၊ဦးဝင်းမြင့်၊ဒေါက်တာမျိုးအောင်တို့ကိုရုံးထုတ်စစ်ဆေးခဲ့ပါတယ်။   “ဒီကနေ့ နှစ်မှုပေါ့ဗျာ ဒေါ်အောင်ဆန်းစုကြည်အမှု(၂)မှုပေါ့နော် ပထမ ၅၀၅-ခ နဲ့ဒေါ်အောင်ဆန်းစုကြည်၊ဦးဝင်းမြင့်၊ဒေါက်တာမျိုးအောင်တို့ကိုစွဲထားတဲ့ ၅၀၅-ခ အမှုကိုစပြီးခေါ်ပါတယ်၊အဲဒီအမှုမှာကျွန်တော်တို့ဘက်က ခံပြသက်သေတင်ဖို့ကိစ္စပါ..ဒါပေမယ့်ကျွန်တော်တို့ဘက်က ခံပြစာရင်းသီးခြားမတင်တော့ပါဘူး၊ ဒါကြောင့် စွပ်စွဲခံရသူတွေကို ရုံးချိန်းတချိန်းစီစစ်ဖို့ ရုံးက ၁၂ ရက်နေ့မှာ စွပ်စွဲခံရသူ ၁ ကိုသက်သေအဖြစ် အစစ်ခံရပါမယ်၊ ၂၆ ရက်နေ့ရောက်ရင်စွပ်စွဲခံရသူ ၂ ကို သက်သေအဖြစ်စစ်ဖို့ပြောပါတယ်၊”လို့ တရားလွှတ်တော်ရှေ့နေဦးခင်မောင်ဇော်ကပြောပါတယ်။   တရားလွှတ်တော်ရှေ့နေဦးခင်မောင်ဇော်က” ၂.၁၁.၂၀၂၁ နေ့မှာတော့ စွပ်စွဲခံရသူ(၃)ဦးကို စစ်ပါမယ်၊ အဲ့ဒီလိုစီစဥ်ပြီး ဒါကစွပ်စွဲခံရသူတွေဘက်ကစီစဥ်တဲ့ CMP ပါ၊ ပြီးတော့ မနေ့ကလိုပဲ ဒီအမှုတွေကို တပါတ်ခြားတခါ စစ်ဆေးပေးဖို့ လျှောက်လွှာတင်ပါတယ်၊ ဒေါ်အောင်ဆန်းစုကြည်ကတင်တာပေါ့နော်၊ လျှောက်လွှာတင်တော့ ရုံးက လာမယ့်ရုံးချိန်း ၁၂…