Day: October 19, 2021

ပေကျင်း၊ အောက်တိုဘာ-၁၉ မျိုးဆက်(VOM)   တရုတ်နိုင်ငံဟာ နျူကလီးယားလက်နက်တပ်ဆင်နိုင်တဲ့ အသံထက်မြန်တဲ့ဒုံးပျံကို ယခုနှစ်အစောပိုင်းမှာ စမ်းသပ်ခဲ့တယ်လို့ ဖိုင်နယ်ရှယ်တိုင်းမ်သတင်းဌာနက ဖော်ပြထားပါတယ်။   ဖိုင်နယ်ရှယ်တိုင်းမ်သတင်းဌာနက ကနဦးဖော်ပြခဲ့တဲ့ အဲဒီသတင်းကြောင့် အမေရိကန်ရဲ့ စိုးရိမ်ပူပန်မှုများမြင့်တက်ခဲ့ပြီး အမေရိကန်ထောက်လှမ်းရေးတွေကို အံ့အားသင့်စေခဲ့ပါတယ်။   အသံထက်မြန်တဲ့ ဒုံးပျံတွေဟာ ပုံမှန်ဒုံးပျံတွေထက် ပိုမိုမြန်ဆန် တိကျစွာပစ်ခတ်နိုင်ပြီး ကြားဖြတ်ဖျက်စီးနိုငဖို့လည်း ပိုမိုခက်ခဲပါတယ်။   တရုတ်နိုင်ငံရဲ့ နျူကလီးယားစွမ်းရည်နဲ့ပတ်သက်ပြီး စိုးရိမ်မှုတွေမြင့်တက်နေချိန်မှာ ဒုံးပျံစမ်းသပ်တဲ့ သတင်းတွေထွက်ပေါ်လာတာဖြစ်ပါတယ်။   ဒါပေမယ့် ထွက်ပေါ်လာတဲ့ သတင်းတွေကို တရုတ်နိုင်ငံက ငြင်းဆိုလိုက်ပြီး ဒါဟာ် ပုံမှန်အတိုင်း အာကာသယာဉ်စမ်းသပ်တာသာဖြစ်တယ်လို့ ဆိုပါတယ်။   ဒါဟာ ပြန်လည်အသုံးပြုနိုင်တဲ့ အာကာသယာဉ်နဲ့ပတ်သက်ပြီး မတူကွဲပြားတဲ့နည်းပညာ အမျိုးအစားတွေကို အတည်ပြုဖို့အတွက် ဇူလိုင်လမှာ ပုံမှန်စမ်းသပ်မှုတစ်ခု ပြုလုပ်ခဲ့ခြင်းသာဖြစ်ကြောင်း အောက်တိုဘာ ၁၈ ရက်မှာ ပြုလုပ်တဲ့ သတင်းစာရှင်းလင်းပွဲမှာ တရုတ်နိုင်ငံခြားရေး၀န်ကြီးဌာန ပြောရေးဆိုခွင့်ရှိသူကပြောပါတယ်။…

ဂျေရုဆလင်၊ အောက်တိုဘာ-၁၉-၂၀၂၁ မျိုးဆက် (VOM)   လွန်ခဲ့တဲ့နှစ်ပေါင်း ၉၀၀ ခန့်က ခရူးဆိတ်သူရဲကောင်းတစ်ဦးပိုင်ဆိုင်ခဲ့တယ်လို့ ယူဆရတဲ့ ဓါးတစ်ချောင်းကို အစ္စရေးမြောက်ပိုင်းကမ်းရိုးတန်းမှာ အပျှော်တမ်းရေးငုပ်သမားတစ်ဦးက ရှာဖွေတွေ့ရှိခဲ့ပါတယ်။   အရှည် ၃ ဒသမ ၃ ပေရှိတဲ့ အဲဒီဓါးကို Shlomi Katzin ဆိုသူက ရှာဖွေတွေ့ရှိခဲ့တာဖြစ်ပြီး အာဏာပိုင်တွေကို လွှဲပြောင်းပေးအပ်ခဲ့ပါတယ်။   အဲဒီဓါးကို သန့်ရှင်းမှုတွေလုပ်ပြီး ခွဲခြမ်းစိတ်ဖြာပြီးသွားရင်တော့ အများပြည်သူကြည့်ရှုနိုင်အောင် ပြသသွားမယ်လို့ အစ္စရေးရှေးဟောင်းပစ္စည်း အာဏာပိုင်အဖွဲ့ကပြောပါတယ်။   မူလပုံစံမပျက်စီးသေးတဲ့ အဲဒီဓါးဟာ လှပပြီး ရှားပါးတဲ့ ရှာဖွေတွေ့ရှိမှုဖြစ်ပြီး ခရူးဆိတ်သူရဲကောင်းတစ်ဦး ပိုင်ဆိုင်ခဲ့တဲ့ဓါးဆိုတာ သိသာထင်ရှားတယ်လို့ အစ္စရေးအာဏာပိုင်တွေကဆိုပါတယ်။   ဒီလိုပစ္စည်းကိုရှာဖွေတွေ့ရှိမှုဟာ စိတ်လှုပ်ရှားစရာဖြစ်ပြီး မြင်ရသူကို သူရဲကောင်းတွေ၊ ချပ်၀တ်တန်ဆာတွေ ဓါးတွေအသုံးပြုကြတဲ့ လွန်ခဲ့တဲ့နှစ်ပေါင်း ၉၀၀ က မတူကွဲပြားတဲ့ခေတ်တစ်ခေတ်ကို ခေါ်ဆောင်သွားနိုင်တယ်လို့ ရေးဟောင်းပစ္စည်းအာဏာပိုင်အဖွဲ့က ပြောပါတယ်။  …

ဆိုးလ်၊ အောက်တိုဘာ-၁၉-၂၀၂၁ မျိုးဆက် (VOM)   မြောက်ကိုရီးယားဟာ ဂျပန်ပင်လယ်ပြင်အတွင်းသို့ ပဲ့ထိန်းဒုံးပျံတစ်စင်းကို အောက်တိုဘာ ၁၉ ရက်မှာ စမ်းသပ်ပစ်ခတ်ခဲ့ကြောင်း တောင်ကိုရီးယားနဲ့ ဂျပန်စစ်ဘက်တို့က ထုတ်ဖော်ပြောဆိုလိုက်ပါတယ်။   မြောက်ကိုရီးယားအရေးနဲ့ပတ်သက်ပြီး တောင်ကိုရီးယား ၊ ဂျပန်နဲ့ အမေရိကန်ထောက်လှမ်းရေး အကြီးအကဲတွေဟာ ဆိုးလ်မှာ တွေ့ဆုံဆွေးနွေးနေတယ်လို့ သတင်းတွေထွက်ပေါ်နေချိန်မှာ မြောက်ကိုရီးယားက အခုလို ဒုံးပျံစမ်းသပ်မှု လုပ်ဆောင်ခဲ့တာဖြစ်ပါတယ်။   အဲဒီဒုံးပျံကို မြောက်ကိုရီးယားအရှေ့ပိုင်း ဆင်ပိုဆိပ်ကမ်းမှ ဂျပန်ပင်လယ်ပြင်အတွင်းသို့ ပစ်ခတ်ခဲ့တာဖြစ်တယ်လို့ တောင်ကိုရီးယား ပူးတွဲစစ်ဦစီးချုပ်များအဖွဲ့က အောက်တိုဘာ ၁၉ ရက်မှာ ပြောပါတယ်။   မြောက်ကိုရီးယားဟာ မကြာသေးမီသီတင်းပတ်တွေအတွင်းကလည်း အသံထက်မြန်တဲ့ ဒုံးပျံ၊ တာဝေးပစ်ခရုဇ်ဒုံးပျံနဲ့ လေယာဉ်ပစ်ဒုံးပျံတွေကို ပစ်ခတ်စမ်းသပ်ခဲ့ပါတယ်။   အချို့သောစမ်းသပ်မှုတွေဟာ နိုင်ငံတကာက ချမှတ်ထားတဲ့ အရေးယူပိတ်ဆို့မှုတွေကို ချိုးဖောက်နေပါတယ်။   နျူကလီးယားလက်နက်တွေအပါအ၀င် ပဲ့ထိန်းဒုံးပျံတွေစမ်းသပ်ခြင်းကို ကုသလမဂ္ဂကလည်း အထူးတားမြစ်ထားပါတယ်။…

မော်စကို၊ အောက်တိုဘာ-၁၉-၂၀၂၁ မျိုးဆက် (VOM)   ရုရှားနိုင်ငံဟာ နေတိုးရုံးချုပ်ရှိ ရုရှားကိုယ်စားလှယ်အဖွဲ့ရဲ့ လုပ်ငန်းတာ၀န်တွေကို ရပ်ဆိုင်းလိုက်ကြောင်း ရုရှားနိုင်ငံခြားရေး၀န်ကြီး ဆာဂီလပ်ရော့ဗ်က ထုတ်ဖော်ပြောဆိုလိုက်ပါတယ်။   ဒါအပြင် မော်စကိုမှာရှိတဲ့ နေတိုးရုံးရှိ၀န်ထမ်းတွေအပေါ် အသိအမှတ်ပြုမှုကိုလည်း နို၀င်ဘာလမှာ ရပ်ဆိုင်းသွားမယ်ဖြစ်တယ်လို့ ဆိုပါတယ်။   ထောက်လှမ်းရေးအဖြစ် လုပ်ကိုင်ဆောင်ရွက်နေတယ်ဆိုပြီး နေတိုးရုံးချုပ်ရှိ ရုရှားကိုယ်စားလှယ်အဖွဲ့မှ သံတမန်ရှစ်ဦးကို ယခုလအစောပိုင်းမှာ နှင်ထုတ်ခံရပြီးနောက် ယခုကဲ့သို့ ရုရှားနိုင်ငံက လုပ်ဆောင်ခဲ့တာဖြစ်ပါတယ်။   ၂၀၁၄ ခုနှစ်မှာ ယူကရိန်းရဲ့ ကရိုင်းမီးယားဒေသကို ရုရှားက ကျူးကျော်သိမ်းပိုက်ပြီးနောက် ရုရှားနဲ့ နေတိုးအဖွဲ့တို့အကြား ဆက်ဆံရေးတင်းမာနေခဲ့ပါတယ်။   နေတိုးအဖွဲ့ရဲ့ လုပ်ဆောင်ချက်ကို တုံ့ပြန်တဲ့အနေနဲ့ ဒီလိုလုပ်ဆောင်ခြင်းဖြစ်ပြီး နေတိုးဟာ မျှတတဲ့ တွေ့ဆုံဆွေးနွေးရေးကိုစိတ်မ၀င်စားဘူးလို့ ရုရှားနိုင်ငံခြားရေး၀န်ကြီးက သတင်းထောက်တွေကိုပြောပါတယ်။   နေတိုးအဖွဲ့အနေနဲ့ အရေးတကြီးကိစ္စရပ်တွေရှိလာရင်တော့ ဘယ်လ်ဂျီယံရှိ မိမိတို့သံအမတ်ကို ဆက်သွယ်နိုင်ကြောင်း ရုရှားနိုင်ငံခြားရေး၀န်ကြီးကဆိုပါတယ်။  …