Day: December 2, 2021

ဒီဇင်ဘာ ၂-၂၀၂၁ Shy V (VOM)   မြန်မာနိုင်ငံရဲ့ အရှေ့မြောက်စီးပွားရေး ဇုံ ၁ ခု ဖြစ်တဲ့ မူဆယ်ကုန်သွယ်ရေးဇုန် နယ်စပ်ဂိုဒေါင်တွေမှာ တရုတ်နိုင်ငံကိုတင်ပို့မယ့် မြန်မာ့ကြက်သွန်နီတွေ ပိတ်မိပျက်စီးကုန်လို့ မြန်မာငွေ သိန်း ၆ ထောင်ကျော် ဆုံးရှုံးနေတယ်လို့ မြန်မာကုန်သည်အသိုင်းအဝိုင်းက သိရပါတယ်။   “၁၇ တန်ပါတဲ့ကား အစီး ၁၆၀ ကျော်လောက် ပျက်စီးသွားတာ။ ၁ တန်ကို ၁ သိန်း ၈ သောင်း ဝယ်ရတာကို ဂိုဒေါင်တွေမှာ ချပြီးတော့ အချိန်မှီ မပို့နိုင်ဘဲ ပိတ်မိနေလို့ အပင်တွေပေါက်ပြီး ပျက်စီးသွားတာ။ ကားခ‌နဲ့ဆိုရင် ၁ စီးကို သိန်း ၄၀ ကျော် ကုန်ကျတယ်။ ဂိုဒေါင်ခ မပါသေးဘူး၊ မကြာခဏ လှူဒါန်းပေးပေမယ့် အပင် ပေါက်သွားတာတွေနဲ့ ပုပ်ပြီး ပျက်စီးသွားတာတွေရော…

ရန်ကုန်၊ဒီဇင်ဘာ ၂-၂၀၂၁ KK(VOM)   ရန်ကုန်အတွင်းရှိ မြို့နယ်အချို့က စည်ပင်သာယာနယ်နမိတ်အတွင်းမှာရှိနေတဲ့ ကားလမ်းဘေးတလျှောက် ကျူးကျော်ဆိုင်တွေကို မနေ့ဒီဇင်ဘာ ၁ ရက်မှစတင်ကာ စတင်ဖျက်သိမ်းမှုတွေပြုလုပ်နေတယ်လို့ ဖျက်သိမ်းခံရတဲ့မြို့နယ်တွေဆီက သိရပါတယ်။   မင်္ဂလာဒုံမြို့နယ် အမှတ် ၃ လမ်းဆုံက ဆိုင်ရှင်တစ်ဦးက “မနေ့ကပဲ စဖျက်တာပါ အကုန်ဖျက်တာ စစ်တပ်ရော ရဲရော အင်အားမနည်းဘူး၊ မဖျက်လို့မရဘူး အကုန်လုံးကို စောင့်ကြည့်နေတာ”လို့ ပြောပါတယ်။   မြောက်ဥက္ကလာမြို့နယ်အတွင်းရှိ ကားလမ်းကြီးရဲ့လမ်းဘေးဝဲယာမှာရှိနေတဲ့ ဆိုင်တွေကို နိုဝင်ဘာ ၁၉ ရက်က စတင်ပြီး ၁၄ ရက်အတွင်းဖျက်သိမ်းပေးဖို့ မြို့နယ်ထွေ/အုပ်က စာထုတ်ပြန်ခဲ့ပြီး ဆိုင်ရှင်တွေက သိရှိ ကြောင်း လက်မှတ်ထိုးပေးရတယ်လို့ ရွှေပေါက်ကံက ဆိုင်ရှင်တဦးက ပြောပါတယ်။   “ကိုယ့်ဘာသာကိုယ်ဖျက်မလား သူတို့ဖျက်ရင်တော့ဖျက်ခဆိုပြီးပေးရတယ် ဒီနေ့နောက်ဆုံးဖျက်ပေးရတာ၊ လမ်းဘေးကဆိုင်တွေအကုန်လုံးပဲ “လို့ သူကပြောပါတယ်။   တောင်ဒဂုံမြို့နယ်မှာတော့ စစ်တပ်၊ရဲတွေနဲ့…

ကုလသမဂ္ဂ၊ ဒီဇင်ဘာ-၂-၂၀၂၁ မျိုးဆက်(VOM)   ကိုဗစ်-၁၉ ကပ်ရောဂါကူးစက်မှုတွေ ဆက်လက်ဖြစ်ပွားနေချိန်မှာ လာမယ့် ၂၀၂၂ ခုနှစ်အတွင်း ကမ္ဘာ့လူဦးရေ ၂၇၄ သန်းမဟာ လူသားချင်းစာနာမှုဆိုင်ရာ အရေးပေါ် အကူအညီတွေလိုအပ်လာမယ်လို့ ကုလသမဂ္ဂက ခန့်မှန်းထားပါတယ်။   အဲဒီအရေအတွက်ဟာ ယခုနှစ်ထက် ၁၇ ရာခိုင်နှုန်း ပိုမိုများပြားကြောင်း ဒီဇင်ဘာ ၂ ရက်မှာ ထုတ်ပြန်တဲ့ ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးမှူးရုံးရဲ့ အစီရင်ခံစာမှာ ဖော်ပြထားပါတယ်။   ကုလသမဂ္ဂနဲ့အစိုးရမဟုတ်သော အဖွဲ့အစည်းတွေက ပံ့ပိုးပေးတဲ့ အရေးပေါ်အကူအညီဆိုင်ရာ အစီရင်ခံစာမှာ အခုလို့ အကဲဖြတ်ခန့်မှန်းထားခြင်းဖြစ်ပြီး ကူညီမှုတွေထဲမှာ အစားအသောက်နဲ့ ကာကွယ်ဆေးတွေလည်း ပါ၀င်ပါတယ်။   ပြည်တွင်းစစ်ဆက်လက်ဖြစ်ပွားနေတဲ့ ယီမင်၊ ဆီးရီးယားအပါအ၀င် နိုင်ငနဲ့ ဒေသပေါင်း ၆၃ ခုအတွက် အကူအညီအလိုအပ်ဆုံးသူတွေကို ထောက်ပံ့ဖို့ ဒေါ်လာ ၄၁ ဘီလီယံလိုအပ်ကြောင်း အဲဒီအစီရင်ခံစာမှာ ဖော်ပြထားပါတယ်။  …

ရန်ကုန်၊ဒီဇင်ဘာ ၂-၂၀၂၁ KK(VOM)   ရန်ကုန်မြို့၊ မင်္ဂလာဒုံမြို့နယ်၊ ဇေကမ္ဘာဝင်း စက်မှုဇုန် ၁၀လမ်းမှာရှိတဲ့ ရသာချိုစက်မှုလုပ်ငန်းလီမီတက်ပိုင် Yum Yumခေါက်ဆွဲစက်ရုံဟာ မနေ့ ဒီဇင်ဘာ ၁ရက် ည ၁၁နာရီအချိန်က မီးလောင်ကျွမ်းမှုဖြစ်ပွားခဲ့တယ်လို့ မီးသတ်ဦးစီးဌာနက သိရပါတယ်။   ဇေကမ္ဘာဝင်းအတွင်း နေထိုင်သူတဦးက “မီးကအရမ်းကများတယ် ၂နာရီလောက်မှ မီးငြိမ်းသွားတာ၊ ၁၁ခွဲက လောင်တာ ၁နာရီခွဲငြိမ်းတာတောင် မီးက မသေဘူး”လို့ ပြောပါတယ်။   မီးလောင်မှုကို Level-2အဆင့်နဲ့ မီးငြိမ်းသတ်ခဲ့ရာ မနက် ၁နာရီခွဲအချိန်မှာ မီးငြိမ်းနိူင်ခဲ့တယ်လို့ မီးသတ်ဦးစီးဌာနမှ တာဝန်ရှိသူတဦးကပြောပါတယ်။   လက်ရှိအခြေအနေမှာ မီးလောင်တဲ့အကြောင်းအရင်းကို မီးသတ်ဦးစီးဌာနက စုံစမ်းနေပြီး ဆုံးရှုံးမှုတန်ဖိုးကိုတွက်ချက်နေတယ်လို့လည်း သူကပြောပါတယ်။   ” မီးလောင်တဲ့အကြောင်းအရင်းက စုံစမ်းနေတုန်းမသိရသေးဘူး ဆုံးရှုံးမှုတန်ဖိုးလည်း တွက်နေတုန်းပါ”လို့ သူကပြောပါတယ်။   ရသာချိုကုမ္မဏီဟာ မြန်မာနိူင်ငံမှာ ၁၉၉၆ ခုနှစ်က…