Month: April 2022

ဧပြီ ၁၀-၂၀၂၂ VOM (GG) ဧရာဝတီတိုင်းအတွင်း သင်္ကြန်ပွဲတော်မှာ သံချပ်ထိုးတာ၊သရုပ်ပျက်ကခုန်တာ ၊အရက်သောက်တာအပါအဝင် အချက် ၁၀ ချက်ကိုမပြုလုပ်ဖို့သက်ဆိုင်ရာ တာဝန်ရှိသူတွေက တားမြစ်လိုက်ပါတယ်။ သင်္ကြန်ပွဲတော် ကျင်းပခြင်းကို ထိခိုက်ပျက်ပြားအောင်ဖန်တီးခြင်း၊ ပြောဆိုပြုမူဆောင်ရွက်ခြင်း၊ သရုပ်ပျက်ဝတ်စားခြင်း၊ကခုန်ခြင်း မပြုလုပ်ဖို့တားမြစ်တဲ့အပြင် မူးယစ်ထုံထိုင်းပြီး ဘေးဖြစ်စေမယ့် ဆေးဝါး၊ အရက်သောက်ပြီး ယာဉ်မျှမောင်းနှင်ခြင်း၊ လိုက်ပါစီးနင်းခြင်း၊ သွားလာခြင်း မပြုလုပ်ဖို့လည်း တားမြစ်ထား ပါတယ် ။ ယာဉ်ပေါ်ဖြစ်စေ၊ ခန္ဓာကိုယ်ပေါ်ဖြစ်စေ ဒုတ်၊ ဓါးလက်နက် ယူဆောင်သွားလာခြင်းကိုလည်း တားမြစ်ကြောင်း စတဲ့အချက်တွေကို ထုတ်ပြန်စာမှာဖော်ပြထားပါတယ်။ သက်ဆိုင်ရာတာဝန်ရှိသူတွေရဲ့ တာဝန်အရ ထိန်းသိမ်းဆောင်ရွက်နေမှုအပေါ် မချေမငံပြောဆိုခြင်း၊ ဟန့်တားနှောက်ယှက်ခြင်း၊ နိုင်ငံပိုင်ပုဂ္ဂလိကပိုင် ပစ္စည်းတွေ ထိခိုက်ပျက်စီးစေခြင်းကို မပြုလုပ်ဖို့လည်း တားမြစ်ထားတာဖြစ်ပါတယ်။ အကယ်၍ သတ်မှတ်စည်းကမ်းတွေကို ဖောက်ဖျက်ကျူးလွန်ပါက တည်ဆဲဥပဒေအရ ထိရောက်စွာ အရေးယူသွားမယ်သိရပါတယ် ။ လက်ရှိမှာ ဧရာဝတီတိုင်းအပြင် ရန်ကုန်တိုင်း ၊ပဲခူးတိုင်းအပြင် ကျန်တဲ့မြို့နယ်တွေမှာလည်း…

ဧပြီ ၊ ၉-၂၀၂၂ SP (VOM) မကွေးတိုင်းအစိုးရဖွဲ့ ဝန်ကြီးချုပ်ဟောင်း ဒေါက်တာ အောင်မိုးညိုကို မနေ့ ဧပြီ ၈ ရက်နေ့က မကွေးအကျဥ်းထောင် အထူးတရားရုံးကနေ ရွေးကောက်ပွဲဆိုင်ရာ မဲမသမာမှုနဲ့ ထောင်ဒဏ် ၁ နှစ် ချမှတ်လိုက်တယ်လို့ မကွေးမြို့ခံတွေဆီက သိရပါတယ်။ ” ရွေးကောက်ပွဲဆိုင်ရာ မဲမသမာမှု ရာဇသတ်ကြီးဥပဒေပုဒ်မ-၁၇၁ အရ ထောင်ဒဏ် ၁ နှစ် ထပ်မံချလိုက်တာဖြစ်တယ် ” လို့ မကွေးရှေ့နေအသိုင်းအဝိုင်းက ပြောပါတယ်။ မကွေးမြို့ခံ တရားလွှတ်တော် ရှေ့နေတယောက်ကလည်း” ပြီးခဲ့တဲ့ ၂၀၂၁ ၊ ဒီဇင်ဘာလက မကွေးခရိုင် ရွေးကောက်ပွဲကော်မရှင်ရုံးအဖွဲ့ တာဝန်ရှိသူတဦးက တရားလိုပြုလုပ် အမှုဖွင့်ခဲ့တဲ့ အမှုအတွက် အမိန့်ချတာ ” လို့ ပြောပါတယ်။ ဒေါက်တာအောင်မိုးညိုအပေါ် မူလက အမှုဖွင့်အရေးယူခဲ့တဲ့ အမှု ၇ မျိုးအတွက် ထောင်ဒဏ်…

ဧပြီ ၈-၂၀၂၂ VOM (GG) ပြည်တွင်းမှာ နေထိုင်သူတွေအနေနဲ့ ပြည်ပကနိုင်ငံခြားသုံးငွေဖြင့်ရရှိတဲ့ ဝင်ငွေ(ဒေါ်လာ)တွေကို တရက်အတွင်း မြန်မာကျပ်ငွေအဖြစ် လဲလှယ်ရောင်းချရမယ်လို့ ထုတ်ပြန်လိုက်တဲ့ ပြင်ဆင်ပြဌာန်းချက်ဟာ တောင်သူတွေအတွက် အဓိကနစ်နာဆုံးရှုံးမှုဖြစ်ပေါ်နိုင်တယ်လို့ ကုန်သည်လုပ်ငန်းရှင်တွေရဲ့ သုံးသပ်ပြောဆိုမှုအရ သိရပါတယ်။ အမည်မဖော်လိုသူ ကုန်သည်လုပ်ငန်းရှင်တဦးက”ဆုံးရှုံးမှုတွေအများကြီးရှိတယ်။ဘာလို့ဆုံးရှုံးလဲဆိုတော့ တဒေါ်လာကို ၂၀၀ နစ်နာသွားပြီ၊ တဒေါ်လာကို ၂၀၀ လောက်နစ်နာသွားတော့ အဲ့ဒီအပေါ်တွက်ပြီး စျေးချဝယ်မှ ရတော့မယ်လေ၊အဲ့ဒီလိုဝယ်ရမယ်ဆိုရင် ကုန်ထုတ်လုပ်တဲ့ တောင်သူလယ်သမားတွေအများကြီးနစ်နာမယ်၊ဥပမာဆန်တစ်အိတ်ကို ၃သောင်း နဲ့ဝယ်နေကြကို ၂၈၅၀၀ လောက်နဲ့ပဲဝယ်နိုင်တော့မယ်။ကုန်သည်တွေကတော့ အဆင်ပြေမှဝယ်မှာ ကိုက်မှဝယ်မှာ။တောင်သူလယ်သမားတွေကလည်း မရောင်းလို့မှမရတာလေ၊အဓိကတောင်သူလယ်သမားတွေပဲထိခိုက်မှာ၊ကုန်သည်ကတော့ ရောင်းရင်ဝယ်မယ်၊မရောင်းရင်မဝယ်ဘူး အမြဲတမ်းအရှုံးခံမဝယ်ဘူး “လို့ ပြောပါတယ်။ အဲ့ဒီလို ဆုံးရှူံးနစ်နာမှုတွေကြောင့် ပြည်ပပို့ကုန်ပစ္စည်းတွေဖြစ်တဲ့ ဆန်၊ ဆန်ကွဲ၊ပဲမျိုးစုံ၊နှမ်းမျိုးစုံ၊သကြား စတဲ့လယ်ယာထွက်ကုန်ပစ္စည်းအားလုံးကို စျေးချဝယ်ရတော့မှာဖြစ်လို့ ဒီစနစ်ဟာ တောင်သူလယ်သမားတွေကို အဓိကထိခိုက်မှာဖြစ်တယ်လို့ သုံးသပ်ထားတာဖြစ်ပါတယ်။ ဗဟိုဘဏ်ကတော့ နိုင်ငံခြားသုံးငွေစီမံခန့်ခွဲမှု ဥပဒေပုဒ်မ ၁၁၊ ၁၂ နဲ့ ပုဒ်မ…

ဧပြီ ၈-၂၀၂၂ KK(VOM) မော်လမြိုင်မြို့နယ် သာယာအေးရပ်ကွက်မှာ မနေ့ ဧပြီ ၇ရက် ညပိုင်းက မိုးသက်‌လေပြင်းတိုက်ခတ်မှုကြောင့် နေအိမ်အချို့ပျက်စီးခဲ့ပြီး လူဦးရေ ၁၅၀ ခန့် နေစရာအခက်အခဲဖြစ်နေတယ်လို့ ဒေသခံတွေဆီက သိရပါတယ်။ သာယာအေးရပ်ကွက် အပိုင် ၁၁/၁၆ မှာ ညနေပိုင်းက မိုးရွာသွန်းခဲ့ပြီး လေပြင်းတိုက်ခတ်မှု့ကြောင့် လူနေအိမ်သုံးဆယ်နီးပါး ပြိုကျပျက်စီးတာတွေနဲ့ အမိုးလန်ခဲ့လို့ ညဘက်မှာ လူဦးရေ ၁၅၀ခန့်မှာ နေစရာအခက်အခဲဖြစ်ခဲ့တယ်လို့ ပရဟိတအဖွဲ့မှ ကိုဇင်မိုးက VOM ကို ပြောပါတယ်။ “အိမ်လေးလုံး ပြိုသွားတယ် ကျန်တဲ့အိမ်တွေကအမိုးလန်ဘာလန်နဲ့ အားလုံး နေမရ ချက်စားမရတွေဖြစ်ကုန်တယ်၊ ညတွင်းချင်း ထမင်းဟင်းချက်ပြီး သွားပို့ရတယ်”လို့ သူက ပြောပါတယ်။ လေးပြင်းတိုက်ခဲ့တဲ့နေရာကတော့ ကျူးကျော်တွေကို ပြန်လည်နေရာချထားပေးတဲ့ အိမ်တွေလည်းဖြစ်တယ်လို့ ပရဟိတအဖွဲ့တွေဆီက သိရပါတယ်။ မိုးရွာသွန်းမှုကြောင့် နေအိမ်တွေပျက်စီးကာ ချက်ပြုတ်စားသောက်ဖို့နဲ့ နေစရာအခက်ခဲရှိတဲ့သူတွေဟာ စာသင်ကျောင်းနဲ့ဘုန်းကြီးကျောင်း ဆွေမျိုးနီးစပ်အိမ်တွေမှာ နေထိုင်ကြရတယ်လို့…

ဧပြီ ၊ ၈-၂၀၂၂ SP (VOM) စစ်ကိုင်းတိုင်းထဲက မြို့နယ်တွေမှာ တစ်ပတ်အတွင်း ပေါက်ကွဲမှုဖြစ်စဥ်တွေကြောင့် သေဆုံးသူ ၁ ဒါဇင်နီးပါးရှိတယ်လို့ နယ်ခံ လူမှုကူညီရေးအသင်းတွေဆီက သိရပါတယ်။ အဲ့ဒီ ပေါက်ကွဲမှုဖြစ်စဥ်တွေနဲ့ ပတ်သက်ပြီး ကားသမားတယောက်က ” မန္တလေး ရွှေဘို ကားလမ်း ၊ မုံရွာ-ယာကြီး-ကလေးဝ ကားလမ်း နဲ့ မုံရွာမြို့ရှောင်လမ်း အပါအဝင် မန္တလေး-မုံရွာ-ဘုတလင်-ရေဦး-တန့်ဆည် လမ်းပိုင်းမှာ ဖြစ်တဲ့ ပေါက်ကွဲမှုတွေ ပါဝင်တယ် ” လို့ ပြောပါတယ်။ အခုလ ၆ ရက် နေ့လယ်ပိုင်းက စစ်ကိုင်းတိုင်း ၊ ကလးဝမြို့နယ် ၊ စခန်းကြီးကျေးရွာအနီးက ကားလမ်းမှာ ပေါက်ကွဲမှုဖြစ်ပြီး ကားတစ်စီး မိုင်းစထိမှန်ခဲ့တဲ့ အတွက် ကားပေါ်ပါတဲ့ လူ ၇ ဦး အနက် ၊ ၆ ဦး သေဆုံးပြီး…

ဧပြီ ၈-၂၀၂၂ KT(VOM) ယူရိုနဲ့ရောင်းချမယ့် ၅၇ ကြိမ်မြောက် ကျောက်စိမ်းပွဲကျင်းပဖို့ နစကကောင်စီက နေပြည်တော်မှာ ပြင်ဆင်နေတယ်လို့ သိရပါတယ်။ အဲ့ဒီပွဲဟာ တတိယအကြိမ် နဲ့ ပြည်ပကျောက်မျက်ရတနာကုန်သည်တွေ ဖိတ်ကြားပြီးကျောက်စိမ်း၊ကျောက်မျက်ရတနာနဲ့ပုလဲတွေကို ရောင်းချဖို့ စီစဥ်နေတာဖြစ်တယ်လို့ သိရပါတယ်။ “အခုရောင်းချမယ့်ပွဲကတော့ နိုင်ငံခြားငွေ(ယူရို)နဲ့ရောင်းချမှာပေါ့နော်၊ ပြည်တွင်းရတနာကုန်သည်တွေကိုရောင်းချတဲ့ပွဲတော့မဟုတ်ပါ၊ ပြည်ပရတနာကုန်သည်တွေကိုရောင်းမယ့်ပွဲပေါ့နော်၊ ပြည်တွင်းရောင်းရင်တော့ ကျပ်ပွဲပေါ့နော်၊ နစကတာဝန်ယူပြီးနောက် ကျောက်ပွဲလုပ်တာ ဒီအကြိမ်နဲ့ဆိုသုံးကြိမ်ပေါ့နော်၊ ပထမ ပြည်တွင်းရတနာကုန်သည်တွေကိုရောင်းတဲ့ကျပ်ပွဲ၊ဒုတိယပွဲက မီနီယူရိုနဲ့ပွဲ အခုပွဲကတော့ ပြည်ပရတနာကုန်သည်တွေကိုရောင်းမယ့်ပွဲကြီးပေါ့”လို့ မြန်မာနိုင်ငံကျောက်မျက်ရတနာအသင်းချူပ်မှ တာဝန်ရှိသူတဦးက VOM ကိုပြောပါတယ်။ အခုကျင်းပမယ့် ၅၇ ကြိမ်မြောက်ကျောက်စိမ်း၊ကျောက်မျက်၊ပုလဲရောင်းချပွဲကို လာမယ့် ဧပြီ ၂၂ ရက်မှ ၂၈ နေ့အထိ ကျင်းပသွားမှာဖြစ်တယ်လို့ သိရပါတယ်။ #voiceofmyanmar #VOM #နေပြည်တော် #ကျောက်မျက်ပွဲ #ယူရိုနဲ့ရောင်းချပွဲ