Month: April 2022

ကိယက်ဗ်၊ ဧပြီ-၄-၂၀၂၂ မျိုးဆက်(VOM) ယူကရိန်းနိုင်ငံ ကိယက်ဗ်မြို့ဆင်ခြေဖုံးမှာ အရပ်သားအလောင်းရာနဲ့ချီတွေ့ရှိပြီးနောက် ရုရှားရဲ့ စစ်ရာဇ၀တ်မှု ကျူးလွန်နိုင်ခြေနဲ့ပတ်သက်ပြီး စုံစမ်းစစ်ဆေးနေတယ်လို့ ယူကရိန်းအာဏာပိုင်တွေက ပြောပါတယ်။ ဒီကိစ္စနဲ့ပတ်သက်ပြီး ရုရှားဘက်ကတော့ ငြင်းဆိုထားပါတယ်။ ကိယက်ဗ်ဒေသကို ရုရှားတွေဆီကနေ ယူကရိန်းတပ်တွေက ပြန်လည်ရယူထိန်းချုပ်လိုက်ပြီးနောက် ဘူချာမြို့ရဲ့ လမ်းတွေပေါ်မှာ အရပ်သားအလောင်းတွေ တွေ့ရှိခဲ့တာဖြစ်ပါတယ်။ အချို့အလောင်းတွေကတော့ ခြေတွေလက်တွေကို ကြိုးတုပ်ခံထားရပြီး အနီးကပ်ပစ်သတ်ခံထားရတယ်လို့ မြို့တော်၀န်က ရိုက်တာသတင်းဌာနကို ပြောပါတယ်။ ရုရုားတပ်တွေ ဆုတ်ခွာပြီးနောက် ကိယက်ဗ်နဲ့ အနီးနားက မြို့တွေမှာ အရပ်သား ၄၁၀ ရဲ့ရုပ်အလောင်းတွေကို တွေ့ရှိခဲ့တယ်လို့ ယူကရိန်းအစိုးရရှေ့နေချုပ် Iryna Venediktova ကပြောပါတယ်။ ရုရှားတပ်ဖွဲ့၀င်တွေဟာ ဒေသတွင်းမှာ လူမျိုးတုံးသတ်ဖြတ်နေတယ်လို့ ယူကရိန်းသမ္မတ ဇီလန်စကီးက စွပ်စွဲထားပါတယ်။ အရပ်သားအလောင်းတွေ တွေ့ရှိခဲ့တာနဲ့ပတ်သက်ပြီး နိုင်ငံတကာကလည်း ရုရှားကို ပြစ်တင်ရှုတ်ချမှုတွေ ပြုလုပ်နေပါတယ်။ အပြစ်မဲ့အရပ်သားတွေအပေါ် ရုရှားရဲ့တိုက်ခိုက်မှုဟာ စစ်ရာဇ၀တ်မှုကျူးလွန်ကြောင်း အထောက်အထားတွေဖြစ်တယ်လို့ ဗြိတိန်၀န်ကြီးချုပ်…

ကိုလံဘို၊ ဧပြီ-၄-၂၀၂၂ မျိုးဆက်(VOM) သီရိလင်္ကာနိုင်ငံမှာ ဆယ်စုနှစ်များစွာအတွင်း အဆိုးရွားဆုံးစီးပွားရေးအကြပ်အတည်းကို အစိုးရက ကိုင်တွယ်ဖြေရှင်းမှုအပေါ် ပြည်သူတွေ ကန့်ကွက်ဆန္ဒပြမှုတွေကြောင့် အစိုးရအဖွဲ့ ၀န်ကြီးတွေ ရာထူးမှနှုတ်ထွက်သွားကြပါတယ်။ ၀န်ကြီး ၂၆ ဦးစလုံး နှုတ်ထွက်စာတင်ခဲ့ကြပေမယ့်လည်း ၀န်ကြီးချုပ် မာဟင်ဒါရာဂျပက်ဆာ နဲ့ သူ့ရဲ့ အကိုဖြစ်သူ သမ္မတ ဂိုတာဘာယာ ရာဂျာပက်ဆာ တို့ကတော့ နှုတ်ထွက်ခြင်းမရှိသေးပါဘူး။ ရာဂျပက်ဆာမိသားစု နှုတ်ထွက်ရေးအတွက် တောင်းဆိုနေတဲ့ အမျက်ဒေါသထွက်နေကြတဲ့ ဆန္ဒပြသူတွေက အစိုးရအဖွဲ့၀န်ကြီးတွေနှုတ်ထွက်မှုဟာ အဓိပ္ပါယ်မရှိကြောင်း ပြောဆိုနေကြပါတယ်။ ဧပြီ ၃ ရက်ကလည်း ဆန္ဒပြသူအများအပြားဟာ ညမထွက်ရအမိန့်ကို ဖီဆန်ပြီး မြို့ကြီးအချို့မှာ ဆန္ဒပြခဲ့ကြပါတယ်။ သီရိလင်္ကာနိုင်ငံဟာ ၁၉၄၈ ခုနှစ်မှာ ဗြိတိန်ထံမှ လွတ်လပ်ရေးရပြီးနောက်ပိုင်း အဆိုးရွားဆုံး စီးပွားရေးအကြပ်အတည်းနဲ့ လက်ရှိမှာ ရင်ဆိုင်နေရပါတယ်။ လောင်စာဆီတင်သွင်းမှုအတွက် ပေးချေဖို့အသုံးပြုတဲ့ နိုင်ငံခြားငွေနည်းပါးခြင်း၊ နေ့တစ်၀က်သို့မဟုတ် ထို့ထက်ကြာမြင့်စွာ လျှပ်စစ်ဓါတ်အားပြတ်တောက်မှု၊ ဆေးဝါးနဲ့လောင်စာဆီပြတ်လပ်မှုတို့ကြောင့် အများပြည်သူတွေ…

အစ္စလာမ္မာဘတ်၊ ဧပြီ-၃-၂၀၂၂ မျိုးဆက်(VOM) ပါကစ္စတန်၀န်ကြီးချုပ် အိုင်မရာခန်းကို ရာထူးမှဖယ်ရှားဖို့ အတိုက်အခံအင်အားစုတွေက ကြိုးပမ်းမှု မှုတွေလုပ်ဆောင်ပြီးနောက် ပါလီမန်ကို ဖျက်သိမ်းဖို့နဲ့ ရွေးကောက်ပွဲသစ်တွေကျင်းပဖို့ ၀န်ကြီးချုပ်က သမ္မတကို တိုက်တွန်းလိုက်ပါတယ်။ ၀န်ကြီးချုပ်အပေါ် အယုံအကြည်မရှိအဆို တင်သွင်းတဲ့ လှုပ်ရှားမှုကြောင့် လွှတ်တော်အတွင်း မတည်မငြိမ်ဖြစ်ပွားခဲ့ပါတယ်။ ဒါပေမယ့် လွှတ်တော်ဒုတိယဥက္ကဌက ၀န်ကြီးချုပ်ရှုံးနိမ့်ဖွယ်ရှိတဲ့ အဆိုတင်သွင်းမှုကို မဲခွဲဆုံးဖြတ်ဖို့ ငြင်းဆိုခဲ့ပါတယ်။ ၀န်ကြီချုပ်အိုင်မရာခန်းရဲ့ပါတီမှ လွှတ်တော်ဒုတိယဥက္ကဌရဲ့ ပိတ်ပင်မှုကို ဆန့်ကျင်သွားမယ်လို့ အတိုက်အခံများက ကတိပြုထားပြီး ၀န်ကြီးချုပ်ကို ရာထူးမှဖယ်ရှားရေးနဲ့ ပတ်သက်ပြီး အထူးတရားရုံးချုပ်သို့တင်ပြသွားမယ်လို့ အတိုက်အခံ ပီပီပီ ပါတီအကြီးအကဲက ဆိုပါတယ်။ သူ့ကို ရာထူးမှဖယ်ရှားဖို့ ကြိုးစားမှုဟာ အမေရိကန်ရဲ့ကြိုးကိုင်လုပ်ဆောင်မှုအပါအ၀င် ပြည်ပနိုင်ငံတွေနဲ့ ပူးပေါင်းကြံစည်မှုဖြစ်ကြောင်း ၀န်ကြီးချုပ်က စွပ်စွဲထားပါတယ်။ အဲဒီစွပ်စွဲချက်တွေကို အတိုက်အခံတွေက လှောင်ပြောင်ခဲ့ကြပြီး အမေရိကန်ကလည်း စွပ်စွဲချက်တွေဟာ မှန်ကန်မှုမရှိကြောင်း ငြင်းဆိုထားပါတယ်။ Ref: BBC Photo:AP #voiceofmyanmar…

ကိယက်ဗ်၊ ဧပြီ-၃-၂၀၂၂ မျိုးဆက်(VOM) ယူကရိန်းနိုင်ငံ ကိယက်ဗ်ဒေသကို ရုရှားတပ်ဖွဲ့တွေထံကနေ ပြန်လည်ထိန်းချုပ်နိုင်ခဲ့ပြီဖြစ်ကြောင်း ယူကရိန်းလက်ထောက် ကာကွယ်ရေး၀န်ကြီးက ဧပြီ ၂ ရက်မှာ ထုတ်ဖော်ပြောကြားလိုက်ပါတယ်။ အက်ပင်၊ ဘာ့ခါ၊ ဟို့စ်တိုမယ်နဲ့ ကိယက်ဒေသတစ်ခုလုံးဟာ ကျူးကျော်သူတွေထံမှ လွတ်မြောက်ခဲ့ကြောင်း ယူကရိန်းလက်ထောက်ကာကွယ်ရေး၀န်ကြီး ဟန်နာမာလီယာက အခိုင်အမာပြောဆိုပါတယ်။ မြို့နဲ့ကျေးရွာ ၃၀ ကျော်ကိုပြန်လည် သိမ်းယူနိုင်ခဲ့ကြောင်း ယူကရိန်းအစိုးရကလည်း ထုတ်ပြန်ထားပါတယ်။ ရုရှားဟာ ယူကရိန်းမြောက်ပိုင်းမှ သူ့ရဲ့တပ်ဖွဲ့၀င်တွေကို တဖြည်းဖြည်းချင်း ရုပ်သိမ်းနေပြီဖြစ်ကြောင်း ယူကရိန်းသမ္မတ ဇီလန်စကီးက ပြောပါတယ်။ ဒါပေမယ့် ရုရှားတပ်ဖွဲ့၀င်တွေဟာ ယူကရိန်းနိုင်ငံအနှံ့မှာ မိုင်းများထောင်ထားခဲ့ကြောင်း သူကကသတိပေးထားပြီး ပြည်သူတွေအနေနဲ့ နေအိမ်တွေသို့မပြန်မီ ဘေးကင်းလုံခြုံတဲ့အချိန်ထိ စောင့်ဆိုင်းကြဖို့ သမ္မတက တိုက်တွန်းထားပါတယ်။ ယူကရိန်းအရှေ့ပိုင်းတွင်မှာတော့ ရုရှားတပ်ဖွဲ့တွေဟာ ထိုးစစ်အရှိန်မြှင့်တင်နေပြီး ခါကိဗ်မြို့နဲ့ ဒီနီပရိုပက်ထရော့ဗ်ဒေသတွေရှိ ရထားဘူတာတွေအနီးမှာ ယူကရိန်းသံချပ်ကာယာဉ်တွေနဲ့ လောစာဆီကားတွေကို လေကြောင်းတိုက်ခိုက်မှုပြုလုပ်ခဲ့ကြောင်း ရုရှားကာကွယ်ရေး၀န်ကြီးဌာနက ဧပြီ ၂ ရက်မှာ…

ကိုလံဘို၊ ဧပြီ-၃-၂၀၂၂ မျိုးဆက်(VOM) သီရိလင်္ကာနိုင်ငံမှာ စားနပ်ရိက္ခာနဲ့ လောင်စာဆီပြတ်လပ်မှုတွေနဲ့ပတ်သက်ပြီး ဆန္ဒပြမှုများဖြစ်ပွားပြီးနောက် ၃၆ နာရီ ညမထွက်ရအမိန့်ထုတ်ကို အာဏာပိုင်တွေက ထုတ်ပြန်ထားပြီး လူမှုကွန်ရက်စာမျက်နှာတွေကိုလည်း သီရိလင်္ကာအစိုးရက ဧပြီ ၃ ရက်မှာ ပိတ်ပင်လိုက်ပါတယ်။ အာဏာပိုင်တွေရဲ့ ထောက်ခံချက်မရှိဘဲ မည်သူမဆို အများပြည်သူဆိုင်ရာလမ်းတွေ၊ ပန်းခြံ၊ ရထားနဲ့ ပင်လယ်ကမ်းခြေတွေဆီကို သွားလာခြင်းမပြုဖို့ သမ္မတ ဂိုတာဘာယာဂျပက်ဆာက သတိပေးချက်ထုတ်ပြန်ထားပါတယ်။ ညမထွက်ရအမိန့်ကိုတော့ ဧပြီ ၂ ရက်မှာ စတင်ခဲ့ပါတယ်။ လက်ရှိမှာ ပိတ်ပင်ခံရတဲ့ လူမှုကွန်ရက်တွေထဲမှာ ဖေ့စ်ဘွတ်ခ်၊ တွစ်တာနဲ့ အင်စတာဂရမ်တို့ပါ၀င်ပါတယ်။ ဒါ့အပြင် ၀ပ်စ်အပ် အက်ပလီကေးရှင်းလည်း အသုံးပြုမရဖြစ်နေပြီး ဆက်သွယ်ရေးဆိုင်ရာ တာ၀န်ရှိသူတွေထံမှ တိုက်ရိုက်ညွှန်ကြားမှုအတိုင်းဖြစ်တယ်လို့ မိုလ်ဘိုင်းဖုန်းအသုံးပြုသူတွေထံ စာတိုများပေးပို့ခဲ့ကြောင်း သိရပါတယ်။ မတ် ၃၁ ရက်တွင် သမ္မတအိမ်တော်အနီးမှာ မော်တော်ယာဉ်တွေကို မီးရှို့ဖျက်ဆီးခဲ့တယ်လို့ စွပ်စွဲခံခဲ့ရတဲ့ ဆန္ဒပြပွဲတွေဖြစ်ပွားပြီးနောက် နောက်ထပ်ဆန္ဒပြမှုတွေမဖြစ်ပွားစေဖို့ ရည်ရွယ်ပြီး…