Month: April 2022

ဆိုးလ်၊ ဧပြီ-၂၉-၂၀၂၂ မျိုးဆက်(VOM) မြောက်ကိုရီးယားထောက်လှမ်းရေးလို့ ယူဆရတဲ့လူတဦးထံ စစ်ရေးလျှို့ဝှက်အချက်အလက်တွေ လွှဲပြောင်းပေးခဲ့တဲ့ သံသယရှိသူ ၂ဦးကို တောင်ကိုရီးယား ရဲတပ်ဖွဲ့က ဖမ်းဆီးထိန်းသိမ်းထားကြောင်း တာ၀န်ရှိသူတွေက ပြောပါတယ်။ ဒစ်ဂျစ်တယ်ငွေကြေးလဲလှယ်မှုလုပ်ငန်းတစ်ခုရဲ့ အမှုဆောင်အရာရှိချုပ်နဲ့ စစ်တပ်အရာရှိတစ်ဦးတို့ဟာ တောင်ကိုရီးယား ပူးတွဲစစ်ရေးကွပ်ကဲမှုဆိုင်ရာ အသေးစိတ်အချက်အလက်တွေကို မြောက်ကိုရီးယားဘက်ကို လွှဲပြောင်းပေးခဲ့ကြောင်း ရဲတပ်ဖွဲ့ကပြောပါတယ်။ သူတို့နှစ်ဦးဟာ အဲဒီလိုလျှို့ဝှက်အချက်အလက်တွေလွှဲပြောင်းပေးအပ်ခဲ့ခြင်းအတွက် ငွေအမြောက်အများရရှိခဲ့ကြောင်း စွပ်စွဲခံထားရပါတယ်။ တောင်ကိုရီးယားနဲ့ မြောက်ကိုရီးယားတို့ဟာ ၁၉၅၀-၁၉၅၃ ခုနှစ်အတွင်း စစ်ပွဲဖြစ်ပြီးနောက်ပိုင်း ဆက်ဆံရေးတင်းမာနေကြဆဲဖြစ်ပါတယ်။ လက်ရှိဖြစ်စဉ်မှာ မြောက်ကိုရီးယားထောက်လှမ်းရေးတစ်ဦးရဲ့ ညွှန်ကြားမှုအရ တာ၀န်ထမ်းဆောင်နေဆဲ စစ်တပ်အရာရှိတစ်ဦးနဲ့ အရပ်သားတစ်ဦးတို့ ပူးပေါင်းပြီး စစ်ရေးလျှို့ဝှက်ချက်တွေကို သူလျှိုလုပ်ပေးပို့မှုကို ပထမဆုံး တွေ့ရှိခြင်းဖြစ်ကြောင်း ရဲတပ်ဖွဲ့ကပြောပါတယ်။ သူတို့နှစ်ဦးကို ယခုလအစောပိုင်းမှာ ရဲတပ်ဖွဲ့က ဖမ်းဆီးထိန်းသိမ်းခဲ့ခြင်းဖြစ်ပြီး မြောက်ကိုရီးယား ထောက်လှမ်းရေးရဲ့ တည်နေရာနဲ့ မည်သူမည်ဝါဆိုတာကိုတော့ မသိရှိရသေးပါဘူး။ Ref: BBC Photo:Getty Images #voiceofmyanmar #VOM…

Read More

ဝါရှင်တန်၊ ဧပြီ-၂၈-၂၀၂၂ မျိုးဆက်(VOM) အမေရိကန်ဒုတိယသမ္မတ ကမလာဟားရစ်ဟာ ကိုဗစ်-၁၉ ရောဂါ ကူးစက်ခံနေရကြောင်း အိမ်ဖြူတော်က ထုတ်ပြန်လိုက်ပါတယ်။ မကြာသေးမီက ခရီးသွားလာမှုအချိန်ဇယားကြောင့် ကိုဗစ်-၁၉ ကူးစက်ခံရတဲ့ ဒုတိယသမ္မတဟာ သမ္မတဂျိုးဘိုင်ဒင်နဲ့ အနီးကပ်ထိတွေ့ခဲ့ခြင်းမရှိကြောင်း ကမလာဟားရစ်ရဲ့ ပြောရေးဆိုခွင့်ရှိသူကပြောပါတယ်။ ဒုတိယသမ္မတ ကမလာဟားရစ်ဟာ ဧပြီ ၂၅ ရက်ထိတိုင်အောင် ဝါရှင်တန်မှ ခရီးထွက်ခွာခဲ့သူဖြစ်ပါတယ်။ သူဟာ လက်ရှိချိန်ထိ ရောဂါလက္ခဏာပြသခြင်းမရှိဘဲ တာ၀န်တွေကို သူ့ရဲ့အိမ်ကနေ ဆက်လက်ထမ်းဆောင်သွားဖြစ်တယ်လို့ ဆိုပါတယ်။ အမေရိကန်ကာကွယ်ရေး၀န်ကြီး လွိုက်အော်စတင်ဟာ ယခုနှစ် ဇန်နဝါရီလမှာ ကိုဗစ်-၁၉ ရောဂါကူးစက်ခံခဲ့ရပြီး ကမလာဟားရစ်ရဲ့ ခင်ပွန်းဖြစ်သူဟာလည်း မတ်လအတွင်းမှာ ရောဂါ ကူးစက်ခံခဲ့ရပါတယ်။ အမေရိကန်မှာ လက်ရှိချိန်ထိ ကိုဗစ်-၁၉ ရောဂါကူးစက်ခံရသူ ၈၂ သန်းကျော်ရှိနေပြီး သေဆုံးသူ တစ်သန်းကျော်ရှိလာပြီဖြစ်ပါတယ်။ Ref: NHK Photo:Reuters #voiceofmyanmar #VOM #ဝါရှင်တန်

Read More

  ဒေလီ၊ ဧပြီ-၂၈-၂၀၂၂ မျိုးဆက်(VOM) သန်းပေါင်းများစွာသော အိန္ဒိယပြည်သူတွေဟာ အသက်အန္တရာယ်နဲ့ အသက်မွေး၀မ်းကြောင်းတွေကို ထိခိုက်စေတဲ့ ပြင်းထန်တဲ့ အပူလှိုင်းနဲ့ ရင်ဆိုင်နေရပါတယ်။ အပူလှိုင်းတွေဟာ မြောက်ပိုင်းဟိမာချယ်ပရာဒက်ရ်ှပြည်နယ်အပါအ၀င် ပြည်နယ် ၁၅ ခုမှာ ဖြစ်ပွားနေကြောင်း သုတေသနအဖွဲ့တစ်ခုဖြစ်တဲ့ သိပ္ပံနှင့်သဘာ၀ပတ်၀န်းကျင်စင်တာက ထုတ်ပြန်ထားပါတယ်။ နိုင်ငံတွင်းမှာ အပူချိန်တွေဟာ လျှင်မြန်စွာမြင့်တက်နေပြီး ဒီလိုအပူချိန်မြင့်တက်မှုဟာ ပုံမှန်ဖြစ်နေကျထက် လွန်စွာစောလွန်းနေကြောင်း ၀န်ကြီးချုပ် မိုဒီကပြောပါတယ်။ နိုင်ငံ အနောက်မြောက်ပိုင်းနဲ့ အလယ်ပိုင်းဒေသအများစုမှာ ယခုသီတင်းပတ်အတွင်း အပူချိန်ဟာ နှစ်ဒီကရီစင်တီဂရိတ်မှ လေးဒီဂရီစင်တီဂရိတ်ထိ တဖြည်းဖြည်းမြင့်တက်လာလိမ့်မယ်လို့ အိန္ဒိယမိုးလေ၀သဌာနက ခန့်မှန်းထားပါတယ်။ အိန္ဒိယနိုင်ငံမှယ အပူလှိုင်းတွေဟာ အထူးသဖြင့် မေလနဲ့ ဇွန်လတို့မှာ ဖြစ်ပွားလေ့ရှိပေမယ့် ယခုနှစ်မှာတော့ မတ်လမှစပြီး အပူချိန်မြင့်မားခဲ့ပါတယ်။ Ref: BBC Photo:Getty Images #voiceofmyanmar #VOM #ဒေလီ

Read More

နယူးယောက်၊ ဧပြီ-၂၈-၂၀၂၂ မျိုးဆက်(VOM) ကုလသမဂ္ဂလုံခြုံရေးကောင်စီမှာ ဗီတိုအာဏာသုံးစွဲရာမှာ ခိုင်လုံတဲ့အကြောင်းပြချက်ပေးဖို့ အမြဲတမ်းအဖွဲ့၀င် ငါးနိုင်ငံကို တောင်းဆိုထားတဲ့ ဆုံးဖြတ်ချက်မူကြမ်းတရပ်ကို ကုလသမဂ္ဂအထွေထွေညီလာခံက အတည်ပြုလိုက်ပါတယ်။ အဲဒီဆုံးဖြတ်ချက်မူကြမ်းကို အမေရိကန်နဲ့ ဗြိတိန်အပါအ၀င် ပူးတွဲရေးသားတဲ့ နိုင်ငံပေါင်း ၈၀ ကိုယ်စား လက်ချင်စတိန်းနိုင်ငံက အဆိုပြုခဲ့တာဖြစ်ပြီး မူကြမ်းမှာတော့ လုံခြုံရေးကောင်စီ အမြဲတမ်းအဖွဲ့၀င် ငါးနိုင်ငံရဲ့ ဗီတိုအာဏာအသုံးပြုခွင့်ကို ပိတ်ပင်တာ၊ တားမြစ်တာမျိုးမရှိပါဘူး။ ဒါပေမယ့်လည်း အဲဒီနိုင်ငံတွေထဲက တနိုင်ငံက ဗီတိုအာဏာအသုံးပြုခဲ့မယ်ဆိုရင် ဗီတိုအာဏာအသုံးပြုမှုနဲ့ပတ်သက်ပြီး အကြောင်းပြချက်ကို ၁၀ ရက်အတွင် ကုလသမဂ္ဂအထွေထွေညီလာခံ အစည်းအဝေးခေါ်ပြီး တောင်းခံနိုင်မှာဖြစ်ပါတယ်။ ယူကရိန်းကို ရုရှားက ကျူးကျော်တိုက်ခိုက်ပြီးနောက် အဲဒီကိစ္စအပေါ် ပြစ်တင်ရှုတ်ချထားတဲ့ ကုလသမဂ္ဂလုံခြံရေးကောင်စီရဲ့ ဆုံးဖြတ်ချက်ကို ရုရှားက ဗီတိုအာဏာအသုံးပြုပယ်ချခဲ့ပြီးနောက် ဗီတိုအာဏာ သုံးစွဲခွင့်ကို စိစစ်မယ့် ဆုံးဖြတ်ချက်မူကြမ်းကို ကုလသမဂ္ဂ အထွေထွေညီလာခံက အတည်ပြုခဲ့တာဖြစ်ပါတယ်။ လက်ရှိမှာတော့ ကုလသမဂ္ဂလုံခြုံရေးကောင်စီမှာ အမြဲတမ်းအဖွဲ့၀င်နိုင်ငံတွေဖြစ်တဲ့ အမေရိကန်၊ ဗြိတိန်၊…

Read More