Month: April 2022

ဧပြီ ၂၂-၂၀၂၂ KK(VOM) ရန်ကုန်မြို့၊ တောင်ဥက္ကလာပမြို့နယ်၊ ၇ ရပ်ကွက်၊ မင်းရဲကျော်စွာ ၉ လမ်းမှာနေထိုင်တဲ့ ဒုဗိုလ်မှူးကြီး(ငြိမ်း)အောင်မြင်သူကို မနေ့ဧပြီ၂၁ရက် ညပိုင်းက စစ်တပ်နဲ့ရဲတွေက လာရောက်ဖမ်းဆီးပြီး အောင်သပြေစစ်ကြောရေးစခန်းကို ပို့လိုက်ပြီလို့ ရဲအသိုင်းအဝိုင်းကနေ သိရပါတယ်။ ရဲအသိုင်းအဝိုင်းနဲ့နီးစပ်သူတဦးက”ညကတည်းက အောင်သပြေစစ်ကြောရေးစခန်းကို ပို့လိုက်တာ ရဲစခန်းမှာမရှိဘူး”လို့ ပြောပါတယ်။ ဒုဗိုလ်မှူးကြီး(အငြိမ်းစား)အောင်မြင်သူကို လူမှုကွန်ရက်စာမျက်နှာပေါ်မှာ ဆူပူလှုံဆော်မှုနဲ့ ဖမ်းဆီးခံခဲ့ရတာဖြစ်တယ်လို့ အမည်မဖော်လိုသူတဦးက ပြောပါတယ်။ “သူက စစ်တပ်ကို ဝေဖန်တာတွေများတယ်၊ သူ့ကို ဖမ်းမယ်ဆိုတာ သိလို့ကြိုအသိပေးထားသေးတယ်”လို့ သူကပြောပါတယ်။ အငြိမ်းစားဒုဗိုလ်မှူးကြီးကို လာရောက်ဖမ်းဆီးရာမှာ စစ်တပ်၊ရဲ အင်အားအလုံးအရင်းနဲ့ လာရောက်ဖမ်းဆီးတာဖြစ်ပြီး အခြားလမ်းတွေကိုပါ စစ်ဆေးမှုတွေပြုလုပ်ခဲ့တယ်လို့ အဆိုပါရပ်ကွက်နေသူတဦးက ပြောပါတယ်။ “သူပဲလား သူမိသားစုဝင်ရောလားတော့မသိဘူး၊ ဖမ်းသွားတာကတော့ ညကတည်းက ဘယ်မှာထိန်းသိမ်းထားတယ်ဆိုတာတော့”မသိဘူး”လို့ ပြောပါတယ်။ ဒီလိုဖမ်းဆီးခဲ့တာနဲ့ပတ်သတ်ပြီး လက်တလောမှာ ဒု-ဗိုလ်မှူးကြီးအောင်မြင်သူ(ငြိမ်း)ကို ဘယ်ပုဒ်မနဲ့ ဖမ်းဆီးခဲ့တယ်ဆိုတာက်ုတော့ VOM သတင်းဌာနအနေနဲ့ သီးခြားအတည်ပြုနိူင်ခြင်းမရှိသေးပါဘူး။…

ဧပြီ ၊ ၂၂-၂၀၂၂ SP (VOM) စစ်ကိုင်းတိုင်း ၊ ကလေးခရိုင် ၊ မင်းကင်းမြို့နယ်၊ ပျဥ်းကိုင်းကျေးရွာအနီး ၊ မုံရွာ – တန့်ဆည် – ကလေးဝ မဟာမြိုင်ကားလမ်းမှာ မနေ့ ဧပြီ၂၁ရက် နေ့လယ်ပိုင်းက ကုန်ကားတစ်စီး ဓားပြတိုက်ခံခဲ့ရတယ်လို့ ကားသမားတွေဆီက သိရပါတယ်။ ” ဓားပြတိုက်ခံရတဲ့ကားက ၁၂ ဘီးကုန်တင်ကားဖြစ်တယ် ၊ မော်လိုက်မြို့နယ် ၊ ကင်းတပ်ရွာဘက်က ကားဖြစ်တယ် ၊ မုံရွာကနေ ကုန်တွေနဲ့ တက်လာတာ ” လို့ ကားသမားတယောက်က ပြောပါတယ်။ မုံရွာ-ကလေးဝ-မော်လိုက်-ဖောင်းပြင်-ဟုမ္မလင်း ကုန်စည်ပို့ဆောင်ရေးလုပ်ငန်းရှင်တဦးက ” ပျဥ်းကိုင်းရွာနဲ့ ၇ မိုင်အလိုမှာ ဓားပြတိုက်ခံရတာပါ ၊ လူသုံးကုန်နဲ့ စားသုံးကုန်ပစ္စည်း ကာလတန်ဘိုး သိန်း ၁ ထောင်လောက်ရှိတယ် ၊ ဓားပြက လူ အယောက်…

ဧပြီ ၂၂-၂၀၂၂ KT(VOM) တိုင်းရင်းသားလက်နက်ကိုင်အဖွဲ့တွေအနေနဲ့ ငြိမ်းချမ်ဒရေးနဲ့ပတ်သက်ပြီး ထိပ်တိုက်လာရောက်ဆွေးနွေးဖို့ ဗိုလ်ချုပ်မှူးကြီး မင်းအောင်လှိုင်က ဒီကနေ့ နေ့လယ်ပိုင်းကပဲ နိုင်ငံပိုင်သတင်းဌာနကနေ မိန့်ခွန်းပြောပြီး ဖိတ်ခေါ်လိုက်ပါတယ်။ “ဒီ ၂၀၂၂ ခုနှစ်ဟာ ငြိမ်းချမ်းရေးနှစ် ဖြစ်ကြောင်းနဲ့ တစ်နိုင်ငံလုံးမှာ လက်နက်ကိုင်ပဋိပက္ခများ ချုပ်ငြိမ်းရေးကို ဆောင်ရွက်သွားမယ်လို့ ကျွန်တော်ပြောခဲ့ပါတယ်။ ဒါကို လက်တွေ့ကျကျ ထိထိရောက်ရောက် အကောင်အထည်ဖော်နိုင်ဖို့ လိုအပ်တဲ့အတွက်ကြောင့် တိုင်းရင်းသားလက်နက်ကိုင်အဖွဲ့များရဲ့ ခေါင်းဆောင် များကို တွေ့ဆုံဆွေးနွေးဖို့အတွက် ဖိတ်ခေါ်ပါတယ်။ အဖွဲ့များအားလုံးကို ကျွန်တော်ကိုယ်တိုင် တွေ့ပါမယ်။ ပြီးလို့ရှိရင် နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ကိုယ်စားလှယ်အဖွဲ့များနဲ့ ဆွေးနွေးမှုများ ပြုလုပ်သွားပါမယ်”လို့ ဗိုလ်ချုပ်မှူးကြီး မင်းအောင်လှိုင်က မိန့်ခွန်းပြောခဲ့တာ ဖြစ်ပါတယ်။ လိုအပ်ရင်လည်း ထပ်မံဆွေးနွေးမှုတွေကို ပြုလုပ်သွားပါဖြစ်ပြီး ဆွေးနွေးပွဲကို တိုင်းရင်းသားလက်နက်ကိုင်အဖွဲ့ အသီးသီးရဲ့ ခေါင်းဆောင်များကိုယ်တိုင်နဲ့ အဖွဲ့ဝင် ၂ ဦးစီ တက်ရောက်ပေးကြဖို့နဲ့ တက်ရောက်မယ့်သူပုဂ္ဂိုလ်များရဲ့အမည်ကို ၂၀၂၂ ခုနှစ် မေလ…

ဧပြီ ၂၂-၂၀၂၂ VOM (GG) စစ်ကိုင်းတိုင်း ၊ကန့်ဘလူမြိုနယ်၊ ကိုးတောင်ဘို့ဒေသက စစ်ဘေးရှောင်တွေဟာ မြေကိုက်ခံရတာတွေရှိနေတာကြောင့် မြွေဆိပ်ဖြေဆေးလိုအပ်နေတယ်လို့ သိရပါတယ် ။ လက်ရှိ တောတောင်၊လယ်ကွင်းတွေထဲမှာနေထိုင်ရင်းမြွေပွေးကိုက်ခံရသူ(၅)ဦးထိရှိနေပြီး သိုလှောင်ထားတဲ့ မြွေဆိပ်ဖြေဆေးအနည်းငယ်နဲ့ ကုသပေးမှုတွေကြောင့် အသက်မဆုံးရှုံးရသေးပေမယ့် မြွေဆိပ်ဖြေဆေးမရှိတော့တဲ့အခြေအနေနဲ့ ရင်ဆိုင်နေရတယ်လို့ သိရပါတယ်။ မြန်မာမြွေဆိပ်ဖြေဆေး(VPI)ကို ဝယ်ယူဖို့ကလည်း မလွယ်ကူတဲ့အထိ ရှားပါးနေတာကြောင့် မြွေဆိပ်ဖြေဆေးလှူဒါန်းပေးမယ့်သူ လိုအပ်နေတယ်လို့ စစ်ရှောင်တွေကိုကူညီနေသူတွေဆီက သိရပါတယ်။ ” ဆေး တန်ဖိုးက ၈၀၀၀၀ လောက်ရှိလို့ ဝယ်ဖို့က အဆင်မပြေဘူးလို့ကြားတယ်၊တောင်ထဲစစ်ဘေးရှောင်ရင်း မြွေအန္တရာယ်နဲ့ ရင်ဆိုင်နေရတာ၊တချို့လည်း ရွာထဲကို အရဲစွန့်ပြန်လာလိုက် လက်နက်သံကြားတော့ ပြန်ပြေးလိုက်ကြနဲ့လို့ ကြားရတယ်၊ ” လို့ ကန့်ဘလူဒေသခံတဦးကပြောပါတယ်။ ကိုးတောင်ဘို့အုပ်စုမှာ လက်ရှိအထိ နေ့တိုင်း လက်နက်ကြီး ၊လက်နက်ငယ်တွေနဲ့အပြန်အလှန်ပစ်ခတ်မှုတွေရှိနေတာကြောင့် နေရပ်မပြန်နိုင်ဘဲ တောတောင်တွေထဲမှာ ဖြစ်သလိုနေရင်း မြွေပွေးအန္တရာယ်နဲ့ ရင်ဆိုင်ကြုံတွေ့နေရတာဖြစ်လို့ သိရပါတယ်။ လက်ရှိမှာ ကိုးတောင်ဘို့ရွာမ၊ကွက်သစ်၊ပိတောက်ခုံ၊ကျွန်းကုန်း၊ပေါက်ကုန်း၊ကိုင်းမ၊လျော်ဖြူကုန်း၊ဇီးကနား၊နှောကုန်း၊ချပ်ကုန်း၊မိဿလင်ကုန်းနဲ့ရှားချောင်းကျေးရွာတွေအပါအဝင် အနီးအနားကျေးရွာ(၁၂)ရွာကပြည်သူ(၂၀၀၀၀)ကျော်လောက်ဟာ…

ဧပြီ ၁၉-၂၀၂၂ VOM (GG) ပုဂံရှေးဟောင်းယဉ်ကျေးမှုဒေသက လူသူအရောက်အပေါက်မရှိတဲ့ ဘုရားအမှတ် ၄၁၈ နဲ့ ဘုရားအမှတ် ၇၁၆ ဘုရားတွေထဲက ရုပ်တုအချို့အခိုးခံလိုက်ရတယ်လို့ ပုဂံရှေးဟောင်းယဉ်ကျေးမှုဌာနခွဲကနေ သိရပါတယ်။ ရုပ်တုတွေအခိုးခံရတာကို မနေ့ ဧပြီ၁၈ ရက်နေ့က စစ်ဆေးတွေ့ရှိရတာဖြစ်ပြီး အခိုးခံလိုက်ရတဲ့ ရုပ်တုအရေအတွက် အတိကျသိနိုင်ဖို့အတွက် ယခင်ကထားရှိတဲ့ ဓာတ်ပုံမှတ်တမ်းနဲ့တိုက်ပြီး စစ်ဆေးလုပ်ဆောင်နေတယ်လို့ သိရပါတယ် ။ “ကင်းလှည့်တော့မှသိတာ ဒီမနက်မှသိတာ၊ ၇၁၆ ကတော့ ပျောက်လားမပျောက်လား မသေချာပါဘူး၊ထိုင်တော်မူ နတ်ရုပ်လေးတွေရှိတယ်လို့ ဒေသခံဆရာတော်တပါးကတော့ပြောတယ်၊အဲ့ဒီတော့ အရင်ကရှိတာလား၊အရင်ထဲကမရှိတာကို အခုမှသိတာလားပေါ့။၄၁၈ ကတော့ အကိုတို့ဆီကလည်း ၂၀၂၀ တုန်းကရိုက်ထားတဲ့မှတ်တမ်းပုံတွေရှိတယ်၊ ပျောက်တာတော့ ဘယ်နှစ်ရုပ်ပျောက်လဲဆိုတာ ပုံဟောင်းတွေနဲ့ပြန်တိုက်နေတယ်၊တချို့ကတော့ ဒီအရုပ်တွေက မစုံတာရှိတယ်၊နှစ်ပေါင်းတစ်ထောင်ကျော် နှစ်ထောင်နီးပါးဆိုတော့ မစုံတာရှိတယ်၊ အရင်ကမှတ်တမ်းတွေပြန်ရှာနေတယ်၊ပြန်ရှာပြီးတော့မှ အရင်ရှိခဲ့တာနဲ့တိုက်မယ်၊တချို့ကျတော့လည်းအကွက်လေးတွေထဲမှာ နှစ်ရုပ်သုံးရုပ်လောက်ကျန်တာကို ထပ်ခွာသွားကြတာကပါ့၊ အရင်မှတ်တမ်းပုံနဲ့ကျန်ခဲ့တာကိုပြန်တိုက်ပြီး ဘယ်လောက်ပျောက်လဲဆိုတာ ကြည့်ရမှာပေါ့၊ “လို့ ပုဂံရှေးဟောင်းယဉ်ကျေးမှုဌာနခွဲမှ ညွှန်ကြားရေးမှူး ဦးကျော်မျိုးဝင်းကပြောပါတယ်။…