Day: May 4, 2022

မေ ၊ ၄-၂၀၂၂ SP (VOM) မကွေးတိုင်းအစိုးရအဖွဲ့ ၊ အတွင်းရေးမှူး ၊ ဒုတိယညွှန်ကြားရေးမှူးချုပ် ဦးဝင်းရှိန်ဆိုသူကို အစည်းဝေး အသံဖိုင်ပေါက်ကြားတဲ့ ကိစ္စနဲ့ပတ်သက်ပြီး အခုလ ၃ ရက်ညပိုင်းက ခေါ်ယူစစ်ဆေးခံနေရတယ်လို့ မကွေး ထွေ / အုပ် အသိုင်းအဝိုင်းဆီက သိရပါတယ်။ ” အရင်က ခဏခဏ ခေါ်စစ်တာတော့ရှိတယ် ၊ မနေ့ကည ၁၀ နာရီဝန်းကျင်မှာ ဖမ်းသွားပြီလို့ကြားရတယ် ၊ အစည်းဝေး အသံဖိုင် ခိုးယူဖမ်းပြီး ပြည်ပရောက်မီဒီယာဆီ ပို့လို့ဆိုတဲ့ကိစ္စနဲ့ ပတ်သက်နေတယ်လို့ ပြောနေကြတာပဲ”လို့ မကွေးတိုင်းအစိုးရအဖွဲ့နဲ့ နီးစပ်သူတယောက်က ပြောပါတယ်။ ပြီးခဲ့တဲ့ ဇန်နဝါရီလက မကွေးတိုင်းအစိုးရအဖွဲ့ ၊ လုံခြုံရေးနဲ့ တရားဥပဒေစိုးမိုးရေး လုပ်ငန်းညှိနှိုင်းအစည်းအဝေးတခုရဲ့မှတ်တမ်းအသံဖိုင် တရားမဝင်ကူးယူခံရပြီးနောက် အဲ့ဒီအသံဖိုင်ဟာ ပြည်ပရောက်မီဒီယာတခုဆီ အွန်လိုင်းကနေတဆင့် ရောက်ရှိသွားတဲ့ ဖြစ်စဥ်တခု ပေါ်ပေါက်ခဲ့ပါတယ်။ အဲ့ဒီနောက် အစည်းအဝေးအသံဖိုင်…

မေ ၊ ၃-၂၀၂၂ SP (VOM) မကွေးတိုင်း ၊ ပခုက္ကူခရိုင် ၊ မြိုင်မြို့ ၊ အမှတ် ၂ရပ်ကွက်မှာရှိတဲ့ မြို့နယ် ထွေ/အုပ်ရုံးကို မနေ့ မေ၂ရက် နေ့လယ်ပိုင်းက နိုင်ငံသားမှတ်ပုံတင်လုပ်ဖို့ ထောက်ခံစာ လာယူတဲ့ လူ ၃ ဦးကို အဲ့ဒီထွေ/အုပ်ရုံးက ဖမ်းဆီးထားလိုက်တယ်လို့ မြိုင်မြို့ခံတွေဆီက သိရပါတယ်။ ” လဝက ရုံးမှာ မှတ်ပုံတင်လုပ်ဖို့ ရပ်ကွက်ထောက်ခံစာလိုတယ် ၊ ရွာတွေမှာက အုပ်ချုပ်ရေးမှူး မရှိတော့ ထောက်ခံစာပေးမယ့်သူ မရှိဘူး၊ အဲ့ဒါကြောင့် မြို့နယ် ထွေ / အုပ်ရုံးကို ထောက်ခံစာသွားယူရတာပါ ၊ ထောက်ခံစာလာယူတဲ့သူတွေကို အဲ့ဒီရုံးက ဖမ်းထားလိုက်တာ “လို့ ဖမ်းဆီးခံရသူနဲ့ နီးစပ်သူတွေက ပြောပါတယ်။ မနေ့က မနက်ပိုင်း ၁၁ နာရီဝန်းကျင်မှာ မြိုင်မြို့နယ် ၊ ပန်းတိုင်တော…

မေ ၊ ၃-၂၀၂၂ SP (VOM) စစ်ကိုင်းတိုင်း ၊ ကောလင်းခရိုင် ၊ ဝန်းသိုမြို့ ၊ဝန်းသို ဂေါက်ကွင်းထဲမှာ မနေ့ မေလ ၂ရက် မနက်ပိုင်းက ဦးခေါင်းပြတ်နေတဲ့ လူသေရုပ်အလောင်း ၂ လောင်း တွေ့ခဲ့ရတယ်လို့ ပရဟိတသမားတွေဆီက သိရပါတယ်။ “တွေ့ရတဲ့ ရုပ်အလောင်းက အမျိုးသား နဲ့ အမျိုးသမီး ဖြစ်တယ် ၊ ဦးခေါင်းပြတ် သေဆုံးနေတာဖြစ်တယ် ” လို့ နယ်ခံပရဟိတသမားတယောက်က ပြောပါတယ်။ သေဆုံးသူ ၂ ဦးနဲ့ ပတ်သက်ပြီး နယ်ခံလူမှုကူညီရေးအဖွဲ့တွေက” သေဆုံးသူ ၂ ယောက်က အင်းဗုတ်ရွာက ဦးမောင်ဘိုနဲ့ ဒေါ်သန်းသန်းဝင်းတို့ လင်မယား နှစ်ယောက်ဖြစ်တယ် ၊ မနက် ၅ နာရီလောက်မှာ နေအိမ်ကနေ လူတစုရဲ့ဖမ်းဆီး​​ခြင်းကို ခံရပြီးနောက် သေဆုံးတာကို ပြန်တွေ့ရတာဖြစ်တယ် ” လို့…

မေ ၊ ၃-၂၀၂၂ SP (VOM) မကွေးတိုင်း ၊ ပခုက္ကူခရိုင် ၊ ရေစကြိုမြို့နယ်၊ စည်သာကျေးရွာမှာ မနေ့ မေ ၂ရက် မနက်ပိုင်းက ရွာထဲက လူနေအိမ်တစ်လုံးပေါ်ကို လက်နက်ကြီးကျည်ကျရောက်ပေါက်ကွဲတဲ့အတွက် လူ ၂ ဦးသေ ၊ ၂ ဦး ဒဏ်ရာရခဲ့တယ်လို့ နယ်ခံလူမှုကူညီရေးအသင်းတွေဆီက သိရပါတယ်။ ” ဦးသိန်းရွှေဆိုသူရဲ့အိမ်ပေါ်ကို လက်လုပ်စိန်ပြောင်းကျည် ကျရောက်ပေါက်ကွဲတာပါ ၊ အိမ်ရှင် ဦးသိန်းရွှေရဲ့ အစ်မဖြစ်သူ ဒေါ် စန်းရွှေ နဲ့ ဦးသိန်းရွှေရဲ့သား ဖြစ်သူ မောင်ကောင်းခန့် တို့ ၂ ယောက်ကတော့ နေရာမှာတင် ပွဲချင်းပြီးသေတယ်”လို့ ကူညီဆောင်ရွက်ပေးခဲ့တဲ့ ပရဟိတသမားတယောက်က ပြောပါတယ်။ ဒါ့အပြင် အိမ်ရှင်ဦးသိန်းရွှေရဲ့ မိန်းမနဲ့သမီးဖြစ်သူမှာလည်း လက်နက်ကြီးကျည် ထိမှန်တဲ့အတွက် ပခုက္ကူ ပြည်သူ့ဆေးရုံမှာ အတွင်းလူနာအဖြစ် ဆေးကုသခံနိုင်ဖို့ ပရဟိတသမားတွေက ပို့ဆောင်ပေးခဲ့တယ်လို့…

မေ ၃-၂၀၂၂ KK(VOM) နစကကောင်စီဝင်အချို့ကို မနေ့ညပိုင်းက ဖွဲ့စည်းပုံအခြေခံဥပဒေပုဒ်မ-၄၁၉ အရ ရာထူးတာဝန်များ ပြောင်းလဲခန့်အပ်ခဲ့တယ်လို့ ထုတ်ပြန်ချက်တွေအရ သိရပါတယ်။ ပြည်ထဲရေးဝန်ကြီးဌာန ဒုတိယဝန်ကြီးနဲ့မြန်မာနိုင်ငံရဲတပ်ဖွဲ့ ရဲချုပ်တာဝန်ပေးအပ်ထားတဲ့ ဒုတိယဗိုလ်ချုပ်ကြီးသန်းလှိုင်ကို စစ်ဘက်မူလတာဝန်တွေက်ု ပြန်လည်ထမ်းဆောင်စေခဲ့ပြီး ဗိုလ်ချုပ်ဇင်မင်းထက်ကို ပြည်ထဲရေးဝန်ကြီးဌာနရဲ့ ဒုတိယဝန်ကြီးအဖြစ်ခန့်အပ်ကာ ရဲချုပ်တာဝန်ကိုပါ ပူးတွဲထမ်းဆောင်ဖို့ တာဝန်ပေးအပ်ခဲ့တာဖြစ်ပါတယ်။ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနရဲ့ဒုတိယဝန်ကြီး ဦးမင်းမင်းဦးကိုလည်း ပြည်ထောင်စုရွေးကောက်ပွဲကော်မရှင်အဖွဲ့ဝင်အဖြစ် ပြောင်းရွှေ့ခဲ့ပါတယ်။ လျှပ်စစ်နှင့်စွမ်းအင်ဝန်ကြီးဌာနကိုတော့ လျှပ်စစ်စွမ်းအားဝန်ကြီးဌာန နဲ့ စွမ်းအင်ဝန်ကြီးဌာနတို့အဖြစ် ပြင်ဆင်ဖွဲ့စည်းကာ ဝန်ကြီးဌာန ၂ ခုရဲ့ ပြည်ထောင်စုဝန်ကြီးတာဝန်ကို ဦးသောင်းဟန်အား ပူးတွဲတာဝန်ထမ်းဆောင်ဖို့ ခန့်အပ်ခဲ့ပါတယ်။ ဒါ့အပြင် ဒုတိယဝန်ကြီးတွေအဖြစ် သာသနာရေးနှင့်ယဥ်ကျေးမှုဝန်ကြီးဌာန ဒေါက်တာမိုးဇော်ထွန်း၊ သံယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဦးမင်းသူ၊လျှပ်စစ်စွမ်းအာဝန်ကြီးဌာန ဒေါက်တာအောင်ဇေယျတို့ကို ခန့်အပ်တာဝန်ပေးခဲ့ပါတယ်။ သာသနာရေးနှင့်ယဥ်ကျေးမှုဝန်ကြီးဌာန ဒုတိယဝန်ကြီးဦးထွန်းအုံကိုလည်း သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနရဲ့ ဒုတိယဝန်ကြီးအဖြစ် ပြောင်းရွှေ့တာဝန်ပေးခဲ့တာဖြစ်ပါတယ်။ #voiceofmyanmar #VOM #နစက #ဝန်ကြီးအချို့ #ပြောင်းလဲခန့်အပ်

မေ ၊ ၃-၂၀၂၂ SP (VOM) မကွေးတိုင်း ၊ ပခုက္ကူခရိုင် ၊ ရေစကြိုမြို့မှာ ထွက်ပြေးတိမ်းရှောင်နေရတဲ့ လူငယ်တွေရဲ့နေအိမ်အဆောက်အဦး ၆ လုံးနဲ့ မြေနေရာတွေကို မနေ့ မေလ ၂ရက်နေ့က နိုင်ငံတော်ပိုင်အဖြစ် ချိတ်ပိတ်သိမ်းဆည်းလိုက်တယ်လို့ ရေစကြိုမြို့ခံတွေဆီက သိရပါတယ်။ ” စစ်တပ်က ကြေညာထားတဲ့ အကြမ်းဖက်အဖွဲ့တွေနဲ့ ဆက်သွယ်လှုပ်ရှားလို့ဆိုပြီး စစ်တပ်က လိုက်ဖမ်းတဲ့အခါ ထွက်ပြေးတိမ်းရှောင်နေတဲ့ လူငယ် ၆ ဦးရဲ့မိသားစုတွေ လက်ရှိနေထိုင်နေတဲ့ အဆောက်အဦး ၆ လုံးနဲ့ မြေနေရာတွေကို ချိတ်ပိတ်သိမ်းဆည်းခံရတာဖြစ်တယ် ” လို့ ရေစကြိုမြို့ခံတယောက်က ပြောပါတယ်။ မနေ့ မနက်ပိုင်းက ရေစကြိုမြို့ ၊ အမှတ် ၇ ၊ ငါးရာပြည့်ရပ်ကွက်နေ ကိုအောင်ကျော်ဖြိုး ခေါ် ကိုကြက်ကြီး ရဲ့နေအိမ် ၊ အမှတ် ၃ ရပ်ကွက်နေ ကိုဟိန်းထက်စံရဲ့နေအိမ်…