Day: May 30, 2022

မေ ၃၀၊ ၂၀၂၂ Shy V(VOM) ရှမ်းပြည်နယ်မြောက်ပိုင်း မူဆယ်မှာ ဒီကနေ့ မေလ ၃၀ ရက်နေ့လယ်ပိုင်းကစလို့ ဓာတ်ဆီ ပြတ်လပ်ကာ အခက်အခဲ ဖြစ်နေကြောင်း ဒေသခံ ပြည်သူတွေနဲ့ တနိုင်တပိုင် စက်သုံးဆီ အရောင်းဆိုင်တွေ ဆီက သိရပါတယ်။ “မြို့ထဲက ဆိုင်တွေ အကုန်လုံး တဆိုင်မှ ဓာတ်ဆီ မရတော့ဘူး။ စိုးသစ္စာဆိုင်ရယ် ဟိုဘက်က သံလွင်ဆိုင်တို့ မြို့ထဲက ဆိုင် တဆိုင်မှ ဓာတ်ဆီ မရတော့ဘူး။ ဒီဇယ်တော့ ရနေသေးတယ်။” လို့ မူဆယ် မြို့ခံ ပြည်သူ တဦးက ပြောပါတယ်။ တနိုင်တပိုင် ဓာတ်ဆီ ရောင်းဝယ်သူတွေအနေနဲ့ အများဝယ်ရင် ဈေးပိုပေး ဝယ်ရတာကြောင့် ပို အခက်အခဲ ကြုံရကြောင်း ပြောပါတယ်။ “အခုက အရင်လို မဟုတ်ဘူး။ ဆိုင်ကယ်၊ ကားတွေမှာ ထည့်ရင်…

မေ ၃၀-၂၀၂၂ KK(VOM) ရန်ကုန်မြို့၊ သင်္ဃန်းကျွန်းမြို့နယ်၊ကျိုက္ကဆံအနောက်ရပ်ကွက်၊ သုမင်္ဂလာလမ်းလမ်းဆုံမှာ ဒီကနေ့ နေ့လယ်ပိုင်းက ပြောက်ကျားသပိတ်ဆန္ဒပြပွဲကို စစ်တပ်ကဖမ်းဆီးခဲ့ရာ လူငယ်(၅)ဦးဖမ်းဆီးခံခဲ့ရတယ်လို့ မြို့ခံတွေဆီက သိရပါတယ်။ “ပြောက်ကျားသပိတ်ကို စစ်တပ်နဲ့ရဲတွေက လိုက်ဖမ်းခဲ့တာ၊ တောင်ဥက္ကလာဘက်မှာ မိသွားတယ်ပြောတယ်၊ (၅)ဦးလို့တော့ ကြားတယ် သေချာတော့မသိသေးဘူး”လို့ မြို့ခံတဦးက ပြောပါတယ်။ ဆန္ဒပြသူ (၅)ဦး ဖမ်းဆီးခံရတယ်ဆိုတာမှန်ကန်ပြီး အမျိုးသမီး(၁)ဦးနဲ့အမျိုးသား(၄)ဦးတို့ဖြစ်တယ်လို့ ရဲတပ်ဖွဲ့နဲ့နီးစပ်သူတဦးက ပြောပါတယ်။ လှည့်ကင်းကားနဲ့ လိုက်လံဖမ်းဆီးရာ တောင်ဥက္ကလာပမြို့နယ်၊(၁၂) ရပ်ကွက်ရတနာလမ်းမှာ ပြည့်ဖြိုးအောင်၊ ဟိန်းထက်အောင်၊ ဘုန်းနိုင်ခန့်၊အာကာချမ်းအေး၊ စုလဲ့နှင်းတို့(၅)ဦးတို့ကို ဖမ်းဆီးရမိခဲ့တယ်လို့ သူကရှင်းပြပါတယ်။ လက်ရှိအခြေအနေမှာ ဖမ်းဆီးရမိသူတွေကို ဘယ်မှာထိန်းသိမ်းထားတယ်ဆိုတာ VOM သတင်းဌာနအနေနဲ့ အတည်မပြုနိူင်သေးပါဘူး။ ရန်ကုန်က မြို့နယ်အချို့မှာ ပြီးခဲ့တဲ့လတွေက ဆန္ဒပြသပိတ်စစ်ကြောင်းမှာ ပါဝင်သူအချို့ကို စစ်တပ်နဲ့ရဲတွေက ဖမ်းဆီးခဲ့တဲ့ဖြစ်စဥ်လည်းရှိခဲ့ပါတယ်။ Photo-လူငယ်ခေတ် #voiceofmyanmar #VOM #ရန်ကုန် #ပြောက်ကျားသပိတ် #လူငယ်၅ဦးဖမ်းဆီးခံရ

မေ ၃၀-၂၀၂၂ KT + KK (VOM) နစက ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် နဲ့ “ဝ” ပြည်သွေးစည်းညီညွတ်ရေးပါတီ UWSP ဒုတိယဥက္ကဋ္ဌ ဦးလော့ယာကု တို့အဖွဲ့ဟာ ဒီကနေ့မနက်ပိုင်းက ငြိမ်းချမ်းရေးဆွေးနွေးဖို့အတွက် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်မှာ တွေ့ဆုံခဲ့ကြပါတယ်။ နစက ကောင်စီဥက္ကဋ္ဌနဲ့ တိုင်းရင်းသားလက်နက်ကိုင်အဖွဲ့တွေ တွေဆုံဆွေးနွေးမှုဟာ လေးကြိမ်တိုင် ရှိခဲ့ပြီဖြစ်ပါတယ်။ အရင်ရက်က ကရင်အမျိုးသားလွတ်မြောက်ရေးတပ်မတော်- ငြိမ်းချမ်းရေးကောင်စီ (KNU/KNLA-PC) ဥက္ကဋ္ဌစောထော့လေးအဖွဲ့နဲ့လည်း တွေ့ဆုံဆွေးနွေးခဲ့တာလည်းရှိပါတယ်။ မွန်ပြည်သစ်ပါတီ (NMSP)ဒုတိယဥက္ကဋ္ဌ နိုင်အောင်မငေး ဦးဆောင်တဲ့ ငြိမ်းချမ်းရေးကိုယ်စားလှယ်အဖွဲ့နဲ့ မေလ ၂၂ ရက်က တွေဆုံဆွေးနွေးခဲ့ပါသေးတယ်။ ဒါ့အပြင် သျှမ်းပြည်ပြန်လည်ထူထောင်ရေးကောင်စီ(RCSS)ဥက္ကဋ္ဌ ဗိုလ်ချုပ်ကြီးယွက်စစ်အဖွဲ့နဲ့လ ည်း မေလ ၂၀ ရက်က တွေ့ဆုံခဲ့ပါသေးတယ်။ ငြိမ်းချမ်းရေးဆွေးနွေးပွဲကို တက်ရောက်ဖို့အတွက် တနိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ် (NCA)မှာ လက်မှတ်ရေးထိုးထားတဲ့ ALP…

မေ ၃၀-၂၀၂၂ SW(VOM) ရခိုင်ပြည်နယ်၊ ဘူးသီးတောင်မြို့နယ်၊ ညောင်ချောင်းကျေးရွာမှာ ဒီကနေ့ မေလ ၃၀ ရက်နေ့ မနက်အစောပိုင်း ၂ နာရီလောက်က ဈေးမီးလောင်မှုဖြစ်ပွားခဲ့ပြီး ဆိုင်ခန်းပေါင်း ၂၄ ခန်း မီးလောင်သွားကာ ကာလတန်ဖိုး သိန်း ၂ ထောင်နီးပါး ဆုံးသွားတယ်လို့ ဈေးကော်မတီနဲ့ နီးစပ်သူတွေက ပြောပါတယ်။ ညောင်ချောင်းကျေးရွာဒေသခံတဦးဖြစ်တဲ့ မာလာယာက “ ဈေးမီးလောင်တာဟုတ်ပါတယ်။ လိုင်းတန်း (၂) တန်းပါသွယ်တယ်။ တစ်တန်းမှာ ဆိုင်ခန်း (၁၂) ခန်းရှိတယ်။ အားလုံး (၂၄) ခန်းပါသွားပါတယ်။ မီးသတ်တပ်ဖွဲ့တော့မရောက်ဘူး။ ရွာသားတွေဝိုင်းပြီး ငြိမ်းသတ်ကြရတယ်။ ဒီဖက်မှာ လမ်းတွေဆိုးလို့ ထင်ပါတယ်” လို့ ပြောပါတယ်။ မီးလောင်ဆုံးရှုံးသွားတဲ့ ဆိုင်ခန်းတွေထဲမှာ ဆန်အိတ် (၁၀၀)ခန့်ရှိတဲ့ ဆိုင်ခန်း (၁၂) ခန်း၊ ပန်းပဲလုပ်ငန်းခွင် ဆိုင်ခန်း (၄) ခန်းနဲ့ ကုန်စုံဆိုင်ခန်းတွေ…