Day: June 5, 2022

ဇွန် ၅-၂၀၂၂ GG(VOM) ပြည်ခရိုင်၊ ပေါက်ခေါင်းမြို့နယ်မှာ ၄လောင်းပြိုင် လူသတ်မှု မနေ့ဇွန်လ ၄ရက်နေ့ညပိုင်းကဖြစ်ပွားခဲ့တယ်လို့ ကူညီကယ်ဆယ်ရေးလုပ်ခဲ့တဲ့ ပေါက်ခေါင်းမြို့နာရေးကူညီမှုအသင်းဆီက သိရပါတယ်။ သေဆုံးသူတွေဟာ ညောင်ကုန်းရွာဒေသခံတွေဖြစ်ပြီး ဖဲဝိုင်းမှာ စကားများရန်ဖြစ်ပြီးနောက် နေအိမ်မှာ ဓားနဲ့ခုတ်ပြီးအသတ်ခံရတာဖြစ်ကြောင်းနဲ့ သေဆုံးသူ၄ ဦးမှာ လည်ပင်းဓားခုတ်ဒဏ်ရာတွေ သေဆုံးသွားတာဖြစ်တယ်လို့သိရပါတယ်။ ” မနေ့ကည ၁၀ နာရီလောက်ကဖြစ်တာ၊ သူတို့ပြောပုံအရဆိုရင် ဖဲဝိုင်းမှာစကားများတာလို့ ပြောတယ်။စကားများပြီးတော့ တရားခံရဲ့ညီကို သားအဖ၂ယောက်ထဲက သားကနေ သတ်လိုက်တယ်၊အဲ့ဒီမှာ အကိုဖြစ်သူက သူ့ညီသေလို့ဆိုပြီး အဲ့ဒီသားအဖနှစ်ယောက်ကို ထပ်ပြီးလာခုတ်တယ် သေသွားတယ်၊ခုတ်ပြီးတော့ နောက်ထပ်ကျန်တဲ့ဦးလေးကိုပါ ရွာပြင်ထိ လိုက်ခုတ်တော့ သေသွားတယ်၊သေတာက သားအဖနှစ်ယောက်နဲ့ဦးလေး၊ တရားခံ ညီရောဆို၄ယောက်ပေါ့။ “လို့ ပေါက်ခေါင်းနာကူအသင်းအဖွဲ့ဝင်တဦးကပြောပါတယ်။ လက်ရှိမှာ တရားခံကို ဖမ်းဆီးရမိခြင်းမရှိသေးကြောင်းနဲ့ ဖမ်းဆီးရမိရေးကို ပေါက်ခေါင်းရဲစခန်းက လုပ်ဆောင်နေတယ်လို့ သိရပါတယ်။ အသတ်ခံရသူတွေထဲက သားဖြစ်သူ၊အဖေနဲ့ဦးလေးဆိုသူကိုတော့ ပေါက်ခေါင်းပြည်သူ့ဆေးရုံမှာ ရင်ခွဲစစ်ဆေးပြီး ဒီနေ့နေ့လယ်မှာပဲ မီးသင်္ဂြိုဟ်လိုက်ပြီဖြစ်တယ်လို့သိရပါတယ်။…

ဇွန် ၊ ၅-၂၀၂၂ SP(VOM) စစ်ကိုင်းတိုင်းမှာ ဒီလ ၅ ရက်အတွင်း ပညာရေးဌာနတွေဖြစ်တဲ့ မြို့နယ်ပညာရေးမှူးရုံး နဲ့ စာသင်ကျောင်းတွေ မီးလောင်ခဲ့တဲ့ဖြစ်စဥ်ဟာ ၃ ကြိမ်ဆက်တိုက်ဖြစ်ပွားခဲ့တယ်လို့ စစ်ကိုင်းတိုင်း မီးသတ်အသိုင်းအဝိုင်းဆီက သိရပါတယ်။ ” ကလေးမြို့မှာ စာသင်ကျောင်း မီးလောင်တာ ၂ ကြိမ်နဲ့ တမူးမြို့မှာ မြို့နယ်ပညာရေးမှူးရုံး မီးလောင်တာ ၁ ကြိမ်ဖြစ်ခဲ့တယ် ” လို့ သန္ဓေမီးသတ်တပ်ဖွဲ့ဝင်တဦးက ပြောပါတယ်။ ပြီးခဲ့တဲ့ လကုန်ရက်က ကလေးမြို့ ၊ စမ်းမြို့ရပ်ကွက် ၊ မြို့ပတ်လမ်းမှာရှိတဲ့ အမှတ် ၈ အခြေခံပညာအထက်တန်းကျောင်း မီးလောင်ခဲ့တာကြောင့် စာသင်ဆောင် ၂ ဆောင် မီးလောင်ပျက်စီးခဲ့ပါတယ်။ ဒါ့အပြင် ဒီလ ၂ ရက်နေ့ည ၁၀ နာရီဝန်းကျင်က ကလေးမြို့နယ် ၊ အင်ဒိုင်းကုန်ကျေးရွာမှာရှိတဲ့ အမှတ် ၉ အခြေခံပညာအထက်တန်းကျောင်းဝန်းထဲက…

ဇွန် ၄- ၂၀၂၂ VOM (GG) တမူးမြို့ ၊စော်ဘွား ၅ ရပ်ကွက်မှာရှိတဲ့ ပညာရေးမှူးရုံး မီးရှို့ခံရပြီး မီးလောင်ပျက်စီးမှု ဒီနေ့ဇွန်လ ၄ ရက်နေ့မှာဖြစ်ပွားခဲ့တယ်လို့သိရပါတယ်။ ဒီနေ့ နေ့လယ် ၃ နာရီလောက်မှာ တမူးမြို့ပညာရေးမှူးရုံးကို အမည်မသိအမျိုးသား ၂ ဦးရောက်လာပြီး ရုံးအစောင့်ကို သေနတ်နဲ့ချိန်ကာ ရုံးကိုဓာတ်ဆီလောင်း မီးရှို့သွားတာဖြစ်တယ်လို့ ဒေသခံတဦးကပြောပါတယ်။ ” စနေဆိုတော့ ရုံးစောင့်ပဲရှိတယ် ၊၃ ခွဲလောက် လူနှစ်ယောက် ဆိုင်ကယ်နဲ့ရောက်လာပြီး ဓာတ်ဆီပုံးပါတယ်၊ရုံးစောင့်ကို သေနတ်နဲ့ချိန် ဓာတ်ဆီဖြန်း ရှို့သွားတာ၊တရားခံတွေက ရှို့ပြီးပြန်ထွက်သွားမှတော့တပ်တို့ ရဲတို့ ရောက်တဲ့အချိန်ဘယ်ရှိတော့မလဲ၊ အဲ့ဒီရုံးမှာ စစ်သားတွေ အစောင့်မရှိကြဘူး၊ ရုံးမှာက စစ်သားတွေအစောင့်မရှိဘူး၊ “လို့ ဒေသခံတဦးကပြောပါတယ်။ ပညာရေးမှူးရုံး မီးရှို့သူတွေကိုတော့ ဖမ်းဆီးရမိခြင်းမရှိသေးကြောင်း၊ မီးလောင်မှုကြောင့် ရုံးအဆောက်အဦး ပျက်ဆီးခဲ့သလို့ စာရွက်စာတမ်းတွေ မီးလောင်တဲ့အထဲ ပါသွားတယ်လို့လည်း သိရပါတယ်။ ပညာရေးမှူးရုံးမီးလောင်မှုကို…