Day: July 15, 2022

ဇူလိုင် ၊ ၁၆-၂၀၂၂ SP (VOM) စစ်ကိုင်းတိုင်း ၊ ရွှေဘိုခရိုင် ၊ ဝက်လက်မြို့နယ်ထဲက နေအိမ်တွေ မီးရှို့ခံရတဲ့ ဒေသခံတွေဟာ သူတို့ဘဝကို ပြန်လည်ထူထောင်နိုင်ဖို့အတွက် မြောက်ထန်းကြီးရွာနားက ယာကွက်တွေထဲမှာ ရှေးဟောင်းပစ္စည်းတွေ ရှာဖွေရတဲ့အလုပ်ကို အားပြုလုပ်ကိုင်နေရတယ်လို့ ဝက်လက်နယ် မီးဘေးသင့်ဒေသခံတွေဆီက သိရပါတယ်။ ” မီးရှို့ခံလိုက်ရတဲ့အိမ်က လွန်ခဲ့တဲ့ ၉ နှစ်ကျော်က ဆောက်ခဲ့တာ သိန်း ၄၀ ကျော်ကုန်တယ် ၊ အခုခေတ် စျေးနူန်းနဲ့ဆို အဲ့ဒီထက် ၂ ဆလောက်ပိုကုန်မယ် ၊ အလုပ်အကိုင်ကလည်း မရှိ ၊ ဝင်ငွေကလည်း မရှိ ၊ ရှိတာတွေလည်း မီးလောင်ကုန်တော့ စားဝတ်နေရေးကို အရင်လို ဘဝ ပြန်ရောက်ဖို့ ရှေးဟောင်းပစ္စည်းတူးတာပဲ အားကိုးနေရတယ် “လို့ မင်းရွာက အိမ်မီးရှို့ခံရတဲ့ ဒေသခံ တယောက်က ပြောပါတယ်။ အဲ့ဒီ…

ဇူလိုင် ၁၅-၂၀၂၂ KK(VOM) Kaung For You ကိုယ်ပိုင်ကျောင်းတည်ထောင်သူ ဆရာကောင်းသိုက်စိုး ဖမ်းဆီးခံရတယ်လို့ သတင်းတွေထွက်ပေါ်ပြီးနောက် ဆရာမတွေဆက်တိုက်ဖမ်းဆီးခံနေရတယ်လို့ နိုင်ငံရေးတက်ကြွလှုပ်ရှားသူတွေဆီက သိရပါတယ်။ ပြည်နယ်နဲ့တိုင်းဒေသကြီးတွေမှာရှိတဲ့ Kaung For You ကိုယ်ပိုင်ကျောင်းတွေက ဆရာမတွေဖမ်းဆီးခံရတာဟာ ဇူလိုင် ၁၃ရက်ကနေ ဒီကနေ့အထိဆိုရင် (၁၀)ဦးကျော်ရှိနေပြီလို့ နိူင်ငံရေးတက်ကြွလှုပ်ရှားသူတဦးက ပြောပါတယ်။ “သတိပေးတယ် ထုတ်ပြန်ချက်တွေလည်း ထုတ်နေရင်းနဲ့အဖမ်းခံနေရတာ စိတ်မကောင်းဘူး၊ အခုဆို ၁၂ ဦးလောက်ရှိမယ်၊ ရှောင်တိမ်းနေဖို့ပြောချင်တယ်”လို့ သူကပြောပါတယ်။ ကလော၊ဟဲဟိုး၊မြစ်သား၊ကော့သောင်းနဲ့မြိုနယ်အချို့က CDM ကျောင်းဆရာမ ၁၀ ဦးကျော် ဖမ်းဆီးခံရတာဟာ လုံခြုံရေးကျိုးပေါက်မှုကြောင့် ဖြစ်တယ်လို့ CDMကျောင်းဆရာမတဦးက ပြောပါတယ်။ “ဆရာကောင်း အဖမ်းခံရတယ်ဆိုပြီး Post တင်တယ် ဖျက်တယ်၊ သတင်းမသေချာသေးဘူးဆိုပြီးဖြစ်ပြန်တယ်၊ ဆရာမတွေနဲ့ မိဘတွေက စိတ်ထဲမတင်မကျဖြစ်နေတယ် အခုအဲ့pageက ဖျက်သွားပြီ၊ ဒါတောင် ဆရာမတွေအဖမ်းခံရပြီးမှဖျက်တာ ကျွန်မအထင်ပေါ့၊ အဲ့page ကို…

ဇူလိုင် ၊ ၁၅ ၊ ၂၀၂၂ SP (VOM) စစ်ကိုင်းတိုင်း ၊ စစ်ကိုင်းခရိုင် ၊ မြင်းမူမြို့နယ် ၊ ဂွေးပင်တောကျေးရွာအနီး ၊ မုံရွာ-မန္တလေး ကားလမ်းမှာ ဒီကနေ့ ၊ နေ့လယ် ၁၂ နာရီခွဲ ဝန်းကျင်က ခရီးသည်တင်ကား မိုင်းထိမှန်ပြီးနောက် သေနတ်နဲ့ ပစ်ခံရတဲ့အတွက် ခရီးသည် ၂ ဦးသေဆုံးကာ ၊ ၂ ဦး ဒဏ်ရာရခဲ့တယ်လို့ မြင်းမူဒေသခံ လူမှုကူညီရေးအဖွဲ့တွေဆီက သိရပါတယ်။ ” ဖြစ်တဲ့နေရာက မုံရွာ-မန္တလေးကားလမ်း မိုင်တိုင်အမှတ် ၅၇ နဲ့ ၅၈ အကြားမှာပါ ၊ မိုင်းထိမှန်တဲ့ကားက ပုလဲကနေ မန္တလေးကိုသွားမယ့် ခရီးသည်တင်ကားဖြစ်တယ် ၊ ခရီးသည် ၂ ဦးသေပြီး ၊ ၂ ဦးဒဏ်ရာရတာ ” လို့ ဒေသခံ…

ဇူလိုင်၊ ၁၅ ၊၂၀၂၂ မင်းမြတ် ဧရာဝတီတိုင်း၊ငပုတောမြို့နယ်၊ငရုတ်ကောင်းမြို့မှာ ဇူလိုင် ၁၃ ရက်ကပြုလုပ်တဲ့ ဝါဆိုလှိုင်းခုန်ပွဲသွားတဲ့လမ်းမှာ အမျိုးသား ၄ ယောက်ရေနစ်သေဆုံးခဲ့တယ်လို့ ကူညီရှာဖွေရေးလုပ်နေတဲ့ဒေသခံပရဟိတအဖွဲ့ဆီ ကနေသိရပါတယ်။ ငရုတ်ကောင်းမြို့ဒရယ်ကျွန်းကမ်းခြေမှာ ဝါဆိုလပြည့်ကျော် ၁ ရက်၊ ဇူလိုင် ၁၃ ကပြုလုပ်တဲ့ ဝါဆိုလှိုင်းခုံပွဲကို ရေကစားဖို့သွားရင်း အခုလိုရေနစ်သေဆုံးခဲ့ခြင်းဖြစ်တယ်လို့ဒေသခံတွေဆီကနေသိရပါတယ်။ ”အဲ့ဒီကမ်းခြေမှာလုပ်တဲ့ဝါဆိုလှိုင်းခုန်ပွဲကို သွားရင်းဖြစ်တာ အမျိုးသားတွေပါ၊ ဖြစ်တာကတော့ဦးအေးထွန်းဆိုသူက မိုးတိမ်ပြင်ကျေးရွာအုပ်စု ကျွန်းလေးချောင်းကနေ ဒရယ်ကျွန်းဘက်ကမ်းကို ဖြတ်ကူးတဲ့အချိန်မှာ ရေစီးထဲမျောပါသွားတာ၊ဦးအေးထွန်းနဲ့အတူပါလာတဲ့ ၃ ယောက်က လိုက်ဆယ်ရင်း ၄ ယောက်လုံးပင်လယ်ထဲကို မျောပါသွားတာပါ။”လို့ဒေသခံပရဟိတအဖွဲ့ဝင် တယောက်ကပြောပါတယ်။ ရေနစ်သေဆုံးခဲ့ရတဲ့အမျိုးသား ၄ ယောက်ဟာ ရေကျော်ကျေးရွာအုပ်စု၊ရေကျော်ရွာက အသက် ၄၀ ခန့်အရွယ် ဦးမျိုးကိုကို(ခ)ဖိုးချို၊အသက် ၅၆ နှစ်အရွယ် ဦးအေးထွန်း၊အသက် ၄၉ နှစ်ဦးဇော်မြင့်နိုင်နဲ့အသက် ၄၈ နှစ်အရွယ် ဦးဆန်းအောင်တို့ဖြစ်တယ်လို့သိရပါတယ်။ ရေနစ်သေဆုံးခဲ့ရတဲ့သူတွေရဲ့မိသားစုဝင်တွေက တာဝန်ရှိသူတွေနဲ့ ပူးပေါင်းရှာဖွေတဲ့အခါ ဇူလိုင်…

ဇူလိုင် ၊ ၁၅-၂၀၂၂ SP (VOM) ချင်းပြည်နယ်၊ ဟားခါးမြို့နယ် ၊ ချွန်ကျုံးရွာနားမှာ မနေ့ ဇူလိုင် ၁၄ ရက်က ထိတွေ့တိုက်ပွဲဖြစ်ပွားပြီးနောက် ဒီကနေ့ မနက်ပိုင်းမှာ ချွန်ကျုံးရွာထဲက လူနေအိမ် ၁၃ လုံး မီးလောင်ခဲ့တယ်လို့ ချွန်ကျုံးရွာခံတွေဆီက သိရပါတယ်။ ” မနေ့က ရွာနားမှာ ပစ်ခတ်တာတွေဖြစ်တယ် ၊ ရွာလူတွေလည်း ထွက်ပြေးတိမ်းရှောင်နေရတယ် ၊ မနေ့က ရွာထဲက လူနေအိမ် ၄ လုံး မီးလောင်ပျက်စီးတယ် ၊ ဒီမနက် လူနေအိမ် ၉ လုံး ထပ်ပြီး မီးရှို့ခံရတယ် ၊ ရွာမှာ လူနေအိမ်တွေ မီးရှို့ခံရတာ မနေ့က နဲ့ ဒီကနေ ၂ ရက်ပေါင်း ၁၃ လုံးရှိသွားပြီ ” လို့ ချွန်ကျုံးရွာခံတယောက်က ပြောပါတယ်။ အဲ့ဒီ…

ဇူလိူင် ၁၅-၂၀၂၂ VOM (GG ) ပြည်တွင်းမှာ နေထိုင်သူတိုင်း ချေးယူထားတဲ့ ပြည်ပ ချေးငွေတွေကို အခုကာလမှာ အတိုး ၊ အရင်း ပြန်လည်ပေးဆပ်ခြင်းကိစ္စ ယာယီရပ်ထားဖို့ ဗဟိုဘဏ်က ကြေညာချက်ထုတ်ပြီး အသိပေးပြောဆိုလိုက်ပါတယ်။ ” ဒေါ်လာလိုအပ်ချက်တခုထဲကိုပဲကြည့်ပြီး စာထုတ်တယ်လို့မြင်တယ်။ ပြည်ပချေးငွေက သူတို့ပြောသလို မဆပ်ဘဲဆိုင်းငံ့ရမလား မရဘူးလားတော့ မသိပေမယ့် အလုပ်တွေကတော့ ရပ်မရဘူး။ မဆပ်နဲ့ဆိုတိုင်းလည်း နေလို့မရတာ ရှိတယ်မလား။ ပြန်မဆပ်လို့ လုပ်ငန်းတွေအခက်အခဲဖြစ်လာမလား မပြောတတ်သေးဘူး။အခြေအနေတွေကစောင့်ကြည့်ရမှာများနေတယ်။ကြိုပြောလို့ကိုမရတော့ဘူး ” လို့ စီးပွားရေးလုပ်ငန်းရှင်တဦးကပြောပါတယ်။ နိုင်ငံခြားသုံးငွေစီမံခန့်ခွဲမှုဥပဒေနဲ့ နိုင်ငံခြားသုံးငွေစီမံခန့်ခွဲမှုစည်းမျဉ်းအရ ပြည်တွင်းမှာနေထိုင်သူတွေအနေနဲ့ ပြည်ပမှ ငွေသားဖြစ်စေ၊ ပစ္စည်းဖြစ်စေ ရယူထားတဲ့ ပြည်ပချေးငွေအသီးသီးကို အတိုးနဲ့အရင်း ပြန်လည်ပေးဆပ်ခြင်းကို လတ်တလောကာလမှာ ဆိုင်းငံ့ဆောင်ရွက်ကြဖို့ဆိုပြီး ဇူလိူင်လ ၁၃ ရက်နေ့ ဗဟိုဘဏ်ရဲ့ထုတ်ပြန်ချက်မှာရေးသားထားပါတယ်။ ဒါ့ကြောင့် AD လိုင်စင်ရဘဏ်တွေအနေနဲ့ မိမိ ဘဏ် customer…

ဇူလိုင် ၊ ၁၅-၂၀၂၂ မင်းမြတ် ဧရာဝတီတိုင်း၊ကြံခင်းမြို့နယ်ထဲမှာ ၂၀၂၂ နှစ်စပိုင်းကစလို့ မနေ့ ဇူလိုင် ၁၄ ရက်အထိ ၇ လအတွင်း လူနေအိမ်တွေကို ချိပ်ပိတ်သိမ်းဆည်းတာ တဒါဇင်ကျော်ရှိနေပြီလို့ ဒေသခံတွေဆီကနေသိရပါတယ်။ ”ကြံခင်းမြို့၊ ခုံကြီးကျေးရွာက ဦးကုလားရဲ့နေအိမ်ကိုလာပြီး ဇူလိုင် ၁၃ ရက်က ချိပ်ပိတ်သွားတာ၊ဦးကုလားရဲ့အိမ်ကိုလာစစ်ဆေးတဲ့အခါ သားဖြစ်သူကိုမတွေ့လို့ နေအိမ်ကိုချိတ်ပိတ်သွားတာ၊မြို့ပေါ်နေရာတွေအပါအဝင် နေအိမ် ၁၃ လုံးလောက် ချိပ်ပိတ်ခံထားရပြီ”လို့ ဒေသခံတယောက်ကပြောပါတယ်။ ကြံခင်းမြို့နယ်ထဲက ချိပ်ပိတ်ခံရတဲ့နေအိမ်တွေဟာ နိုင်ငံရေးတတ်ကြွလှုပ်ရှားသူ ၃ ယောက်ရဲ့နေအိမ် ၃ လုံး၊NLD ပါတီဝင် ၆ ယောက်ရဲ့နေအိမ် ၆ လုံးနဲ့ တရားမဝင်အဖွဲ့တွေနဲ့ပတ်သက်မှုရှိတယ်ဆိုတဲ့ လူ ၄ ယောက်ရဲ့နေအိမ် ၄ လုံးတို့ဖြစ်တယ်လို့ သိရပါတယ်။ အဲ့ဒီလိုလူနေအိမ်တွေချိပ်ပိတ်သိမ်းဆည်းတာနဲ့ ပတ်သက်ပြီး ကြံခင်းမြို့နယ်လုံခြုံရေးနဲ့နီးစပ်သူတဦးက” အိမ်တွေချိပ်ပိတ်သိမ်းဆည်းတယ်ဆိုတာ အကြမ်းဖက်မှုဆိုင်ရာ တိုက်ဖျက်ရေးဥပဒေအရ စစ်ဆေးပေါ်ပေါက်ပြီး ငြိစွန်းနေတဲ့အတွက် နည်းဥပဒေအရသိမ်းဆီးရတာ “လို့…