Day: July 20, 2022

ဖနွမ်းပင်၊ ဇူလိုင်-၂၀-၂၀၂၂ မျိုးဆက်(VOM) မြန်မာနိုင်ငံဆိုင်ရာ အာဆီယံအထူးသံတမန် ပရက်ခ်ဆိုခွန်ဟာ တတိယမြောက် မြန်မာနိုင်ငံခရီးစဉ် သွားရောက်ဖို့ စီစဉ်နေပြီး တကယ်လို့ ဒေါ်အောင်ဆန်းစုကြည်နဲ့ တွေ့ခွင့်ရခဲ့မယ်ဆိုရင် မြန်မာနိုင်ငံမှာ အကြမ်းဖက်မှုတွေအဆုံးသတ်ဖို့အတွက် သူ့ရဲ့သြဇာလွှမ်းမိုမှုကို အသုံးချလိုတယ်လို့ ဇူလိုင် ၂၀ ရက်မှာ ထုတ်ဖော်ပြောဆိုလိုက်ပါတယ်။ အထူးသံတမန်ဟာ စက်တင်လာ ၁၃ ရက်ကနေ ၂၇ ရက်ထိကျင်းပမယ့် ကုလသမဂ္ဂအထွေထွေညီလာခံမတိုင်မီ စက်တင်ဘာလ ဒုတိယပတ်ထဲမှာ မြန်မာနိုင်ငံကို သွားဖို့ မျှော်လင့်ထားတယ်လို့ ပြောပါတယ်။ ဒါပေမယ့်လည်း နို၀င်ဘာလမှာကျင်းပမယ့် အာဆီယံနှစ်ပတ်လည်ထိပ်သီးဆွေးနွေးပွဲမတိုင်မီ အောက်တိုဘာလအစောပိုင်းမှာလည်း သူ့ရဲ့ မြန်မာနိုင်ငံခရီးစဉ် ဖြစ်လာနိုင်ခြေလည်းရှိနေပါတယ်။ တကယ်လို့ ဒေါ်အောင်ဆန်းစုကြည်နဲ့ တွေ့ခွင့်ရခဲ့မယ်ဆိုရင် အရေးအကြီးဆုံးမေးစရာ သို့မဟုတ် ဆွေးနွေးစရာက မြန်မာနိုင်ငံနဲ့ပတ်သက်ပြီး ဒေါ်အောင်ဆန်းစုကြည်ရဲ့ အမြင်ဖြစ်ပါတယ်။ လက်ရှိအကျပ်အတည်းအပေါ် အမြင်အပြင် ငြိမ်းချမ်းရေးနဲ့ ရင်ကြားစေ့ရေးကို ဦးတည်သွားနိုင်တဲ့ နိုင်ငံရေးဖြစ်စဉ်နဲ့ နိုင်ငံရေးဆွေးနွေးမှုတွေအပေါ် သူ့ရဲ့ နိုင်ငံရေးသြဇာက ဘယ်လောက်ထိ…

ပါရီ၊ ဇူလိုင်-၂၀-၂၀၂၂ မျိုးဆက်(vom) ပြင်သစ်စွမ်းအင်ကုမ္ပဏီကြီးဖြစ်တဲ့ TotalEnergies ဟာ မြန်မာနိုင်ငံမှာ လုပ်ကိုင်နေတဲ့ လုပ်ကိုင်နေတဲ့ စီမံကိန်းတွေကနေ အပြီးနှုတ်ထွက်လိုက်ပြီဖြစ်ကြောင်း ဇူလိုင်၂၀ ရက်မှာ ထုတ်ပြန်လိုက်ပါတယ်။ မြန်မာနိုင်ငံမှာ ပြီးခဲ့တဲ့နှစ်က နိုင်ငံရေးအပြောင်းအလဲဖြစ်ပွားပြီးနောက် လူသားချင်းစာနာထောက်ထားမှုဆိုင်ရာ အခြေအနေတွေဆိုးရွားလာပြီး လူ့အခွင့်အရေးချိုးဖောက်မှုတွေရှိနေတာကြောင့် မြန်မာနိုင်ငံမှာ ဆောင်ရွက်နေတဲ့ စွမ်းအင်စီမံကိန်းကနေ နှုတ်ထွက်မယ်လို့ TotalEnergies က ဇန်နဝါရီလမှာ ကြေညာခဲ့ပါတယ်။ TotalEnergies ကုမ္ပဏီဟာ မြန်မာနိုင်ငံက ရတနာသဘာ၀ဓါတ်ငွေ့စီမံကိန်းမှာ အစုရှယ်ယာ ၃၁ ဒသမ ၂၄ ရာခိုင်နှုန်းပိုင်ဆိုင်ထားပြီး အမေရိကန် Chevron ကုမ္ပဏီက ၂၈ ဒသမ ၂၆ ရာခိုင်နှုန်းနဲ့ ထိုင်း PTTEP ကုမ္ပဏီက ၂၅ ဒသမ ၅ ရာခိုင်နှုန်းနဲ့ မြန်မာ့ရေနံနဲ့ စွမ်းအင်၀န်ကြီးဌာနက ၁၅ ရာခိုင်နှုန်း ပိုင်ဆိုင်ထားပါတယ်။ လက်ရှိမှာတာ့ TotalEnergies ပိုင်ဆိုင်တဲ့ အစုရှယ်ယာတွေကို…

ဒိုဟာ၊ ဇူလိုင်-၂၀-၂၀၂၂ မျိုးဆက်(VOM) ကာတာဆက်သွယ်ရေးကုမ္ပဏီ အူရီဒူးဟာ မြန်မာနိုင်ငံမှာရှိတဲ့ လုပ်ငန်းစုကို ရောင်းချဖို့ ဆွေးနွေးနေကြောင်း အဲဒီကိစ္စနဲ့နီးစပ်သူနှစ်ဦးက ရိုက်တာသတင်းဌာနကို ပြောပါတယ်။ ရောင်းချဖြစ်မယ်ဆိုရင်တော့ မြန်မာနိုင်ငံမှာ နိုင်ငံရေးအပြောင်းအလဲဖြစ်ပွားပြီးနောက် မြန်မာနိုင်ငံကနေ လုပ်ငန်းတွေထွက်ခွာတဲ့ နိုင်ငံခြားကုမ္ပဏီတခုဖြစ်လာမှာဖြစ်ပါတယ်။ ၂၀၂၀ ပြည့်နှစ်မှာပြည်တွင်းသုံးစွဲသူ ၁၅ သန်းနီးပါးထိရှိခဲ့တဲ့ မြန်မာနိုင်ငံရဲ့ တတိယအကြီးဆုံး ဆက်သွယ်ရေး ကုမ္ပဏီဖြစ်တဲ့ အူရီဒူးဟာ မြန်မာနိုင်ငံမှာလုပ်ကိုင်နေတဲ့လုပ်ငန်းစုကို ရောင်းချဖို့ရည်ရွယ်ထားကြောင်း စာတိုက်နဲ့ဆက်သွယ်ရေးညွှန်ကြားမှု ဦးစီးဌာနကို အကြောင်းကြားထားတယ်လို့ သတင်းရင်းမြစ်တွေက ပြောပါတယ်။ အူရီဒူးရဲ့လုပ်ငန်းစုကို ၀ယ်ယူဖို့အလားအလာအရှိဆုံး ကုမ္ပဏီတွေကတော့ မြန်မာနိုင်ငံက Young Investment Group ၊ စင်ကာပူအခြေစိုက် ဆက်သွယ်ရေးကွန်ရက်ကုမ္ပဏီဖြစ်တဲ့ Campana Group ၊ ရွှေသံလွင်ရဲ့ SkyNet တို့ဖြစ်ကြောင်း ဒီကိစ္စကို တိုက်ရိုက်သိရှိထားတဲ့ သတင်းရင်းမြစ်တဦးက ရိုက်တာကို ပြောပါတယ်။ ၀ယ်ယူမယ့် ကုမ္ပဏီတွေနဲ့ ဆွေးနွေးမှုတွေဟာ နောက်ဆုံးအဆင့်မရောက်သေးဘူးလို့ သတင်းရင်းမြစ်တွေက…