Day: September 30, 2022

ဘန်ကောက်၊ စက်တင်ဘာ-၃၀-၂၀၂၂ မျိုးဆက်(VOM) ထိုင်း၀န်ကြီးချုပ် ပရာယွတ်ချန်အိုချာရဲ့ ၀န်ကြီးချုပ်ရာထူးသက်တမ်းကန့်သတ်ချက်အပေါ် ကန့်ကွက်မှုနဲ့ပတ်သက်ပြီး ထိုင်းဖွဲ့စည်းပုံအခြေခံဥပဒေတရားရုံးက စက်တင်ဘာ ၃၀ ရက်မှာ ပယ်ချလိုက်ပြီး ၀န်ကြီးချုပ်တာ၀န် ဆက်လက်ထမ်းဆောင်နိုင်တယ်လို့ စီရင်ချက်ချလိုက်ပါတယ်။ သူ့ရဲ့ ဒီအမှုကို တရားရုံးကကြားနာနေချိန်မှာ ပရာယွတ်ကို ၀န်ကြီးချုပ်တာ၀န်ကနေ ဆိုင်းငံ့ထားခဲ့ပေမယ့်လည်း အတိုက်အခံပါတီတွေရဲ့ ကန့်ကွက်တင်ပြမှုကို တရားရုံးက ပယ်ချလိမ့်မယ်လို့ ကျယ်ကျယ်ပြန့်ပြန့် ရှုမြင်ထားကြပါတယ်။ စစ်တပ်အကြီးအကဲဟောင်း ပရာယွတ်ဟာ ဖွဲ့စည်းပုံအခြေခံဥပဒေအရ ကန့်သတ်ထားတဲ့ ၀န်ကြီချုပ်ရာထူးသက်တမ်းရှစ်နှစ်ကို ကျော်လွန်သွားပြီးလို့ အတိုက်အခံတွေက စောဒကတက်နေကြတာဖြစ်ပါတယ်။ စစ်တပ်အကြီးအကဲ ပရာယွတ်ဟာ ၂၀၁၄ ခုနှစ်အာဏာသိမ်းမှုကို ဦးဆောင်ခဲ့ပြီး သြဂုတ်လမှာတော့ သူ့ကိုယ်သူ ၀န်ကြီးချုပ်ခန့်အပ်တာ၀န်ယူခဲ့တာကြောင့် သက်တမ်းရှစ်နှစ်ပြည့်သွားပြီးလို့ အတိုက်အခံတွေက ပြောပါတယ်။ ဒါပေမယ့် ဖွဲ့စည်းပုံအခြေခံဥပဒေ အသက်၀င်ချိန်က ၂၀၁၇ ခုနှစ်ဧပြီလမှာဖြစ်တဲ့အတွက် ၂၀၁၄ ခုနှစ်က တာ၀န်ယူခဲ့တဲ့သက်တမ်းဟာ အကြုံးမ၀င်ဘူးလို့ တရားရုံးက ဆုံးဖြတ်ခဲ့တာဖြစ်ပါတယ်။ Ref: BBC Photo:Reuters…

ကဘူးလ်၊ စက်တင်ဘာ-၃၀-၂၀၂၂ မျိုးဆက်(VOM) အာဖဂန်နစ္စတန်နိုင်ငံ မြို့တော်ကဘူးလ်ရှိ ပုဂ္ဂလိကကျောင်းတခုကျောင်မှာ စက်တင်ဘာ ၃၀ ရက်ကဖြစ်ပွားခဲ့တဲ့ အသေခံဗုံးခွဲတိုက်ခိုက်မှုကြောင့် လူ ၁၉ ဦးထက်မနည်းသေဆုံးသွားကြောင်း ရဲတပ်ဖွဲ့ကပြောပါတယ်။ ဗုံးခွဲတိုက်ခိုက်မှုဟာ ကဘူးလ်မြို့အနောက်ဘက်မှာ ဖြစ်ပွားခဲ့ပြီး ပေါက်ကွဲမှုဖြစ်ပွားချိန်မှာ ကျောင်းသား ကျောင်းသူတွေဟာ တက္ကသိုလ်စာမေးပွဲ အစမ်းဖြေဆိုမှုပြုလုပ်နေချိန်ဖြစ်ကြောင်း တာ၀န်ရှိသူတွေက ပြောပါတယ်။ အဲဒီဒေသမှာ နေထိုင်ကြသူအများစုဟာ ယခင်ကတိုက်ခိုက်မှုတွေမှာ ပစ်မှတ်ထားခံခဲ့ရတဲ့ ဟာဇာရာလူမျိုးစုတွေဖြစ်ကြပြီး ၎င်းတို့သည် အာဖဂန်နစ္စတန်၏ တတိယအကြီးဆုံးလူမျိုးစုပါတယ်။ တိုက်ခိုက်ခံရသော ပုဂ္ဂလိက စာသင်ကျောင်း အမျိုးသားတွေအပြင် အမျိုးသမီးတွေကိုပါ သင်ကြားပေးနေတဲ့ စာသင်ကျောင်းဖြစ်ပြီး ဗုံးခွဲတိုက်ခိုက်မှုကြောင့် သေဆုံးသူတွေဟာ မိန်းကလေးအများစုဖြစ်ပါတယ်။ အာဖဂန်နစ္စတန်မှာ လွန်ခဲ့တဲ့နှစ်သြဂုတ်လမှစပြီး တာလီဘန်တွေအာဏာရချိန်မှစပြီး နိုင်ငံတွင်းရှိ အမျိုးသမီးစာသင်ကျောင်းအများစုကို ပိတ်ထားခဲ့ရပေမယ့်လည်း အချို့သောပုဂ္ဂလိက စာသင်ကျောင်းတွေကတော့ ဖွင့်လှစ်ထားပါတယ်။ အသေခံဗုံးခွဲတိုက်ခိုက်မှုကိုဘယ်အဖွဲ့က လုပ်ဆောင်ခဲ့ကြောင်း ထုတ်ပြန်ခြင်းမရှိသေးပါဘူး။ အရပ်သားတွေကို ပစ်မှတ်ထားတိုက်ခိုက်မှုဟာ လူမဆန်မှုနဲ့ ကိုယ့်ကျင့်တရား စံနှုန်းတွေကင်းမဲ့ခြင်းဖြစ်ကြောင်း အာဖဂန်ပြည်ထဲရေး၀န်ကြီးဌာန…

မော်စကို၊ စက်တင်ဘာ-၃၀-၂၀၂၂ မျိုးဆက်(VOM) ရုရှားသိမ်းပိုက်ထားတဲ့ ယူကရိန်းရှိ ဇာပိုရစ်ဇီးယားနဲ့ ခါဆွန်ဒေသတို့ကို လွတ်မြောက်နယ်မြေတွေအဖြစ် အသိအမှတ်ပြုတဲ့ အမိန့်တွေကို ရုရှားသမ္မတပူတင်က စက်တင်ဘာ ၂၉ ရက်မှာ လက်မှတ်ရေးထိုး ထုတ်ပြန်လိုက်ပါတယ်။ ဒီလိုအသိအမှတ်ပြုလိုက်ခြင်းအားဖြင့် အဲဒီနယ်မြေတွေကို ရုရှားနိုင်ငံထဲသွတ်သွင်းဖို့ လမ်းပွင့်သွားပြီဖြစ်ပါတယ်။ လူဟန့်ခ်၊ ဒွန်နက်ခ်၊ ဇာပိုရစ်ဇီးယားနဲ့ ခါဆွန်ဒေသတို့မှာ ပြုလုပ်ခဲ့တဲ့ ငါးရက်ကြာဆန္ဒခံယူပွဲတွေက ဒီဒေသတွေ ရုရှားနဲ့ပေါင်းစည်းဖို့ကို ထောက်ခံခဲ့ကြတယ်လို့ ရုရှားသမ္မတနန်းတော်က ထုတ်ပြန်ထားပါတယ်။ ဒီဆန္ဒခံယူပွဲရလဒ်ဟာ အတုအယောင်သာဖြစ်ကြောင်း နိုင်ငံတကာက ကျယ်ကျယ်ပြန့်ပြန့်ဝေဖန်မှုတွေရှိနေပါတယ်။ ဒီကိစ္စကြောင့် အမေရိကန်ဟာ ရုရှားအပေါ် အရေးယူပိတ်ဆို့မှုသစ်တွေ ချမှတ်သွားမယ်လို့ဆိုပါတယ်။ ကျွန်တော်တို့အနေနဲ့ ယူကရိန်းပိုက်နက်နယ်မြေတွေကို ရုရှားနိုင်ငံနဲ့ပေါင်းစည်းတဲ့ကိစ္စကို လုံး၀ လုံး၀ လုံး၀ကို အသိအမှတ်ပြုမှာမဟုတ်ပါဘူးလို့ အမေရိကန်သမ္မတဂျိုးဘိုင်ဒင်က ထုတ်ဖော်ပြောဆိုပါတယ်။ နိုင်ငံတနိုင်ငံရဲ့ ပိုင်နက်နယ်မြေကို အင်အားသုံးသိမ်းပိုက်တာဟာ ကုလသမဂ္ဂပဋိညာဉ်နဲ့ နိုင်ငံတကာဥပဒေတွေကို ချိုးဖောက်တာဖြစ်ကြောင်း ကုလသမဂ္ဂအတွင်းရေးမှူးချုပ် ဂူတာရက်စ်က သတိပေးပြောဆိုပါတယ်။ Ref: BBC…