Month: September 2022

ကိုလံဘို၊ စက်တင်ဘာ-၂၂-၂၀၂၂ မျိုးဆက်(VOM) နှစ်ပေါင်း ၇၀ အတွင်း အဆိုးရွားဆုံးစီးပွားရေးအကျပ်အတည်းနဲ့ ရင်ဆိုင်နေရတဲ့ သီရိလင်္ကာနိုင်ငံမှာ သြဂုတ်လအတွင် နှစ်စဉ်ငွေကြေးဖောင်းပွမှုဟာ ၇၀ ရာခိုင်နှုန်းကျော်ထိ မြင့်တက်ခဲ့ပါတယ်။ အစိုးရက ထုတ်ပြန်ထားတဲ့ တရား၀င်အချက်အလက်တွေအရ စားသောက်ကုန်စျေးနှုန်းတွေဟာ ပြီးခဲ့တဲ့နှစ်ကထက် ၈၄ ဒသမ ၆ ရာခိုင်နှုန်းထိ မြင့်တက်ခဲ့ကြောင်း သိရပါတယ်။ လူဦးရေ ၂၂ သန်းနေထိုင်တဲ့ သီရိလင်္ကာနိုင်ငံမ နိုင်ငံခြားငွေပြတ်လပ်မှုတွေကြောင့် စီးပွားရေးနဲ့ နိုင်ငံရေးမတည်ငြိမ်မှုတွေ ဖြစ်ပွားခဲ့ပါတယ်။ လောင်စာဆီ၊ ဓါတ်မြေသြဇာနဲ့ ဆေးဝါးတွေအပါအ၀င် အဓိက ကုန်ပစ္စည်းတွေ တင်သွင်းနိုင်ခြင်းမရှိပါဘူး။ ပြီးခဲ့တဲ့ သီတင်းပတ်က ထုတ်ပြန်တဲ့ တရား၀င်ကိန်းဂဏန်းတွေအရ သြဂုတ်လကုန်ထိ သုံးလတာကာလအတွင်း သီရိလင်္ကာရဲ့ စီးပွားရေးဟာ ၈ ဒသမ ၄ ရာခိုင်နှုန်း ကျဆင်းသွားပါတယ်။ သီရိလင်္ကာနိုင်ငံဟာ ကပ်ရောဂါမဖြစ်ပွားမီအချိန်က အမေရိကန်ဒေါ်လာအပါအ၀င် နိုင်ငံခြားငွေတွေအတွက် ခရီးသွားလုပ်ငန်းအပေါ်မှီခိုအားထားခဲ့ရပြီး နယ်စပ်တွေပိတ်ပစ်ခြင်းနဲ့ ခရီးသွားတွေလာရောက်မှု နည်းပါးခြင်းတို့ကြောင့်…

ပြုံးယမ်း၊ စက်တင်ဘာ-၂၂-၂၀၂၂ မျိုးဆက်(VOM) ရုရှားကို လက်နက်တွေမရောင်းခဲ့ဖူးသလို အနာဂတ်မှာလည်း ရောင်းဖို့အစီအစဉ်မရှိဘူးလို့ မြောက်ကိုရီးယားက ထုတ်ဖော်ပြောဆိုလိုက်ပါတယ်။ ယူကရိန်းစစ်ပွဲဆင်နွှဲနေတဲ့ ရုရှားဟာ မြောက်ကိုရီးယားထံက ဒုံးကျည်နဲ့ လက်နက်တွေ အများအပြား ၀ယ်ယူနိုင်ကြောင်း အမေရိကန်တာ၀န်ရှိသူတွေက ထုတ်ဖော်ပြောဆိုပြီးနောက် မြောက်ကိုရီးယားက အခုလိုက် ငြင်းဆိုလိုက်တာဖြစ်ပါတယ်။ ရုရှားနိုင်ငံကို ယခင်ကလည်း လက်နက်ခဲယမ်းမီးကျောက်တွေ တင်ပို့ရောင်းချတာမျိုးမရှိဘဲ အနာဂတ်မှာလည်း တင်ပို့ရောင်းချဖို့ အစီအစဉ်မရှိဘူးလို့ မြောက်ကိုရီးယား ကာကွယ်ရေး၀န်ကြီးဌာနက အမည်မဖော်လိုတဲ့ တာ၀န်ရှိသူတဦးကပြောပါတယ်။ အမေရိကန်နဲ့ ရန်လိုတဲ့အင်အားစုတွေဟာ မြောက်ကိုရီးယားရဲ့ နိုင်ငံရေးနဲ့ စစ်ရေးအခြေခံရည်မှန်းချက်တွေကို ထိခိုက်အောင်လို့ ကောလဟာလတွေဖြန့်နေတာဖြစ်တယ်လို့ မြောက်ကိုရီးယားက စွပ်စွဲထားပါတယ်။ မြောက်ကိုရီးယားနဲ့ ရုရှားတို့ရဲ့ လက်နက်အရောင်းအ၀ယ်မှန်သမျှဟာ ကုလသမဂ္ဂရဲ့ အရေးယူပိတ်ဆို့မှုတွေကို ချိုးဖောက်ရာကျပါတယ်။ မြောက်ကိုရီးယားနဲ့အတူ ဘက်စုံအပြုသဘောဆောင်တဲ့ နှစ်နိုင်ငံဆက်ဆံရေး တိုးချဲ့ဖို့ ရုရှားသမ္မတပူတင်က ကင်ဂျုံအန်ထံ ယခုလအစောပိုင်းက ပေးပို့တဲ့စာမှာ ဖော်ပြထားပါတယ်။ Ref: BBC Photo:Getty Images…

၀ါရှင်တန်၊ စက်တင်ဘာ-၂၂-၂၀၂၂ မျိုးဆက်(VOM) အမေရိကန်သမ္မတဟောင်း ဒေါ်နယ်ထရန့်ရဲ့ Trump Organization ကို တာ၀န်ရှိသူတွေက စုံစမ်းစစ်ဆေးမှုတွေ ပြုလုပ်ပြီးနောက် ဒေါ်နယ်ထရန့်နဲ့ သူ့ရဲ့သားသမီးသုံးဦးကို လိမ်လည်မှုနဲ့ စက်တင်ဘာ ၂၁ ရက်မှာ တရားစွဲဆိုလိုက်ပါတယ်။ သူတို့ဟာ ချေးငွေရယူဖို့နဲ့ အခွန်လျှော့ပေါ့စေဖို့အတွက် အိမ်ခြံမြေလုပ်ငန်းနဲ့ပတ်သက်ပြီး ဒေါ်လာ ဘီလီယံများစွာ လိမ်လည်မှုပြုခဲ့ကြောင်း တာ၀န်ရှိသူတွေက စွပ်စွဲထားပါတယ်။ Trump Organization ဟာ၂၀၁၁ ခုနှစ်မှ ၂၀၂၁ ခုနှစ်အတွင်း လိမ်လည်မှုများစွာကို ကျူးလွန်ခဲ့ကြောင်း အမေရိကန်အစိုးရရှေ့နေတွေကပြောပါတယ်။ ဒေါ်နယ်ထရန့်ကတော့ ဒီစွပ်စွဲမှုတွေကို ပယ်ချထားပါတယ်။ ထရန့်ရဲ့ သားသမီးတွေဖြစ်ကြတဲ့ ထရန့်ဂျူနီယာ၊ အိုင်ဗန်ကာနဲ့အဲရစ်ထရန့်တို့တို့ဟာ Trump Organization မှ အမှုဆောင်အရာရှိချုပ်နှစ်ဦးနဲ့အတူ တရားခံတွေအဖြစ် သတ်မှတ်ခံခဲ့ရပါတယ်။ Trump Organization အပေါ် သုံးနှစ်ကြာ အရပ်ဘက်စုံစမ်းစစ်ဆေးမှုတွေ ပြုလုပ်ပြီးနောက်မှာ နယူးယောက်ပြည်နယ်ရှေ့နေချုပ် လက်တီးရီးယားဂျိမ်းစ်က သူတို့ကို တရားစွဲဆိုခဲ့တာဖြစ်ပါတယ်။ Ref:…

၀ါရှင်တန်၊ စက်တင်ဘာ-၂၁-၂၀၂၂ မျိုးဆက်(VOM) ရုရှားထိန်းချုပ်မှုအောက်ကို ရောက်နေတဲ့ ယူကရိန်းနယ်မြေတွေ ရုရှားနဲ့ပေါင်းဖို့အတွက် လူထုဆန္ဒခံယူပွဲတွေ ချက်ချင်းကျင်းပဖို့လုပ်နေတဲ့ ရုရှားရဲ့အစီအစဉ်ကို အနောက်နိုင်ငံတွေက ပြစ်တင်ရှုတ်ချလိုက်ပါတယ်။ အမေရိကန်၊ ဂျာမနီနဲ့ ပြင်သစ်တို့က အဲဒီအတုအယောင် မဲရလဒ်တွေကို ဘယ်တော့မှ အသိအမှတ်ပြုမှာမဟုတ်ဘူးလို့ ဆိုပါတယ်။ အဲဒီအစီအစဉ်တွေဟာ ယူကရိန်းစစ်ပွဲကို ပိုမိုဆိုးရွားစေမယ်လို့ နေတိုးအဖွဲ့လည်း သတိပေးပြောဆိုပါတယ်။ သောကြာနေ့ကစတင်မယ့် ငါးရက်ကြာ လူထုဆန္ဒခံယူပွဲတွေကို လူဟန့်ခ်၊ ဒွန်နက်ခ် ၊ ဇာပိုရစ်ဇီးယားနဲ့ ခါဆွန်ဒေသတို့မှာ ပြုလုပ်ဖို့ ရုရှားလိုလားတဲ့ ဒေသခေါင်းဆောင်တွေက ကြေညာထားပါတယ်။ အဲဒီနယ်မြေတွေဟာ ယူကရိန်းပိုင်နက်ရဲ့ ၁၅ ရာခိုင်နှုန်း ဒါမှမဟုတ် ဟန်ဂေရီနိုင်ငံ အရွယ်အစားလောက်ရှိတယ်လို့ ရိုက်တာသတင်းဌာနက ဖော်ပြထားပါတယ်။ ဒီဆန္ဒခံယူပွဲဟာ ရှက်စရာကောင်းတဲ့ လုပ်ရပ်ဖြစ်ကြောင်း ဂျာမနီ၀န်ကြီးချုပ် အိုလပ်ရှုဇ်က ထုတ်ဖော်ပြောဆိုထားပြီး ဒါဟာ ဒီမိုကရေစီအတုအယောင်ဖြစ်တယ်လို့ ပြင်သစ်သမ္မတ မက်ခရွန်ကလည်း ဝေဖန်ပြောဆိုထားပါတယ်။ Ref:BBC Photo:Reuters #voiceofmyanmar…

နယူးယောက်၊ စက်တင်ဘာ-၂၁-၂၀၂၂ မျိုးဆက်(VOM) ကုလသမဂ္ဂလုံခြုံရေးကောင်စီကို ပြုပြင်ပြောင်းလဲရေးစတင်ဖို့ ဂျပန်၀န်ကြီးချုပ် ကီရှီဒါက စက်တင်ဘာ ၂၀ ရက်က နယူးယောက်မှာကျင်းပတဲ့ ကုလသမဂ္ဂအထွေထွေညီလာခံမှာ တိုက်တွန်းလိုက်ပါတယ်။ လုံခြုံရေးကောင်စီမှာ အမြဲတမ်းကောင်းစီ၀င်ဖြစ်တဲ့ ရုရှားက ယူကရိန်းကိုကျူးကျော်တိုက်ခိုက်တဲ့ လုပ်ရပ်ဟာ ကုလသမဂ္ဂစတင်တည်ထောင်စဉ်က ချမှတ်ခဲ့တဲ့ အခြေခံမူနဲ့ ပဋိညာဉ်တွေကို နင်းချေတဲ့ လုပ်ရပ်ဖြစ်ကြောင်း ဂျပန်၀န်ကြီးချုပ်က ထောက်ပြပြောဆိုပါတယ်။ ဒါ့အပြင် လုံခြုံရေးကောင်စီအပေါ် ယုံကြည်ကိုးစားမှုကို ထိခိုက်စေပြီး အလုပ်မဖြစ်ဘူးလို့ မကြာခဏဝေဖန်ခံနေရတဲ့ ကုလသမဂ္ဂလုံခြုံရေးကောင်စီပြုပြင်ပြောင်းလဲဖိုမှာ အခြေခံညှိနှိုင်းမှုတွေကနေ စတင်သွားရမှာဖြစ်ကြောင်း သူကပြောပါတယ်။ ဒီလိုဆောင်ရွက်နိုင်ဖို့မှာ ကုလသမဂ္ဂ ပြုပြင်ပြောင်းလဲမှုနဲ့ သူ့ရဲ့လုပ်ငန်းဆောင်တာတွေ ပိုမိုအားကောင်းစေရေး လုပ်ဆောင်ဖို့လိုအပ်ကြောင်း ဂျပန်၀န်ကြီးချုပ် ကာရှီဒါက ပြောပါတယ်။ ဂျပန်နိုင်ငံဟာ ဇန်နဝါရီလမှာ ကုလသမဂ္ဂလုံခြုံရေးကောင်စီ အလှည့်ကျအဖွဲ့၀င်ဖြစ်လာတဲ့ အခါ ဒီကိစ္စတွေကို မြှင့်တင်ဆောင်ရွက်ဖို့ ကြိုးပမ်းသွားမှာဖြစ်တယ်လို့ သူကပြောဆိုခဲ့ပါတယ်။ Ref: NHK Photo:Kyodo #voiceofmyanmar #VOM #နယူးယောက်

တိုကျို၊ စက်တင်ဘာ-၂၁-၂၀၂၂ မျိုးဆက်(VOM) ဇူလိုင်လမှာ လုပ်ကြံသတ်ဖြတ်ခံခဲ့ရတဲ့ ဂျပန်၀န်ကြီးချုပ်ဟောင်း ရှင်ဇိုအဘေးရဲ့ နိုင်ငံတော်စျာပနကို ကန့်ကွက်မှုအဖြစ် ဂျပန်အမျိုးသားတဦးဟာ စက်တင်ဘာ ၂၁ ရက်မှာ ကိုယ့်ကိုကိုယ် မီးရှို့ဆန္ဒပြခဲ့ပါတယ်။ တိုကျိုမြို့ရှိ ၀န်ကြီးချုပ်ရုံးအနီးမှာ မီးလောင်နေတဲ့အမျိုးသားတဦးကို တွေ့ရှိခဲ့ပြီး တာ၀န်ရှိသူတွေက မီးငြှိမ်းသတ်ပြီးနောက် သတိလစ်နေတဲ့ အဲဒီအမျိုးသားကို ဆေးရုံသို့ ပို့ဆောင်ခဲ့ကာ သူ့ရဲ့အနီးမှာ ဆန္ဒထုတ်ဖ်ာမနဲ့ပတ်သက်တဲ့ လက်ရေးမှတ်စုတွေကို တွေ့ရှိခဲ့ရတယ်လို့ ဒေသတွင်း သတင်းဌာနတွေက ဖော်ပြထားပါတယ်။ သူ့ရဲ့ မီးလောင်ဒဏ်ရာ ပမာဏနဲ့ လက်ရှိအခြေအနေကို မသိရသေးပါဘူး။ အဲဒီအမျိုးသားဟာ အသက် ၇၀ ၀န်းကျင်ရှိမယ်လို့ ယူဆရကြောင်း သတင်းဌာနတွေက ဖော်ပြထားပါတယ်။ ဒီလို ဆန္ဒပြမှုအပေါ် ဂျပန်အစိုးရက မှတ်ချက်ပြုပြောဆိုခြင်းမရှိပါဘူး။ ဒါပေမယ့် နိုင်ငံတော်စျာပနကျင်းပမယ့် ကိစ္စအပေါ် မကြာသေးမီအချိန်တွေအတွင်း လူထုဆန့်ကျင်မှုများ ပိုမိုပြင်းထန်လာပြီး အသုံးစရိတ်အတွက် မကျေမနပ်ဖြစ်နေကြောင်း စစ်တမ်းတွေမှာ ဖော်ပြထားပါတယ်။ ၀န်ကြီးချုပ်ဟောင်းရှင်ဇိုအဘေးရဲ့ နိုင်ငံတော်စျာပနကို…