Day: October 24, 2022

လန်ဒန်၊ အောက်တိုဘာ-၂၄-၂၀၂၂ မျိုးဆက်(VOM) ဗြိတိန်၀န်ကြီးချုပ်ဟောင်း ဘောရစ်ဂျွန်ဆင်ဟာ ၀န်ကြီးချုပ်လစ်ဇ်ထရပ်နေရာကို ဆက်ခံဖို့အတွက် ကွန်ဆာဗေးတစ်ပါတီရဲ့ ခေါင်းဆောင်အဖြစ် ၀င်ရောက်ယှဉ်ပြိုင်မှာမဟုတ်ဘူးလို့ အောက်တိုဘာ ၂၃ ရက်မှာ ထုတ်ပြန်လိုက်ပါတယ်။ ကွန်ဆာဗေးတစ်ပါတီ၀င်တွေနဲ့အတူ ရွေးကောက်ပွဲမှာအောင့်မြင်ဖို့ အခွင့်အလမ်းကောင်းတွေရှိပြီး ၀န်ကြီးချုပ်အဖြစ် ပြန်လည်တာ၀န်ထမ်းဆောင်နိုင်ဖို့ အခြေအနေကောင်းတွေရှိကြောင်း၊ ဒါပေမယ့် မလုပ်သင့်တာကြောင့် ဒီကိစ္စကို အဆုံးသတ်လိုက်တယ်လို့ ဘောရစ်ဂျွန်ဆင်က ပြောပါတယ်။ ၀န်ကြီးချုပ် လစ်ဇ်ထရပ်ဟာ ရာထူးမှနှုတ်ထွက်ကြောင်း ကြေညာခဲ့ပြီး ၀န်ကြီးချုပ်ဟောင်းဖြစ်သူ ဘောရစ်ဂျွန်ဆင်အနေနဲ့ တာ၀န်ပြန်လည်ထမ်းဆောင်ဖို့ အခြေအနေအပေါ် စိတ်၀င်စားမှုတွေ မြင့်တက်ခဲ့ပါတယ်။ ပါလီမန်မှာ စည်းလုံးညီညွတ်တဲ့ပါတီတရပ်မရှိရင် ထိထိရောက်ရောက်အုပ်ချုပ်နိုင်မှာမဟုတ်ဘူးလို့ ဘောရစ်ဂျွန်ဆင်က ပြောပါတယ်။ လက်ရှိမှာတော့ ဘဏ္ဍာရေး၀န်ကြီးဟောင်း Rishi Sunak နဲ့ အောက်လွှတ်တော်အကြီးအကဲ Penny Mordaunt တို့က ၀န်ကြီးချုပ်နေရာဆက်ခံဖို့အတွက် ပါတီခေါင်းဆောင်နေရာကို ၀င်ရောက်ယှဉ်ပြိုင်မှာလို့ ကြေညာထားပါတယ်။ ပါတီခေါင်းဆောင်မှုနေရာအတွက် ယှဉ်ပြိုင်မယ့် ကိုယ်စားလှယ်လောင်းဟာ အောက်လွှတ်တော်ရှိ ကွန်ဆာဗေးတစ်အမတ် ၁၀၀…

မော်စကို၊ အောက်တိုဘာ-၂၄-၂၀၂၂ မျိုးဆက်(VOM) ရုရှားစစ်တပ်က တိုက်လေယာဉ်တစင်းဟာ ဆိုက်ဘေးရီးယားတောင်ပိုင်းရှိ လူနေရပ်ကွက်အတွင်းကို ပျက်ကျခဲ့ကြောင်း ဒေသန္တရတာ၀န်ရှိသူတွေက အောက်တိုဘာ ၂၃ ရက်မှာပြောပါတယ်။ Sukhoi Su-30 အဲဒီတိုက်လေယာဉ်ဟာ Irkutsk မြို့ရှိနှစ်ထပ်တိုက်ပေါ်ကို ပျက်ကျခဲ့တာဖြစ်ပြီး လေယာဉ်မှူးနှစ်ဦးစလုံးသေဆုံးခဲ့တယ်လို့ တာ၀န်ရှိသူတွေက ပြောပါတယ်။ အဲဒီတိုက်လေယာဉ်ဟာ စမ်းသပ်ပျံသန်းမှုတခုအတွင်းမှာ ပျက်ကျခဲ့တာဖြစ်ပြီး ဖြစ်စဉ်ကြောင့် ဒေသခံတွေ ထိခိုက်မှုမရှိဘူးလို့ ရုရှားကာကွယ်ရေး၀န်ကြီးဌာနက ထုတ်ပြန်ထားပါတယ်။ လက်ရှိမှာတော့ အဲဒီတိုက်လေယာဉ်ဟာ လေကြောင်းဆိုင်ရာ ဘေးကင်းလုံခြုံရေးစည်းမျဉ်းတွေကို ချိုးဖောက်ခြင်းရှိမရှိ ရုရှားရဲ့ စုံစမ်းစစ်ဆေးရေးကော်မတီက စစ်ဆေးလျက်ရှိပါတယ်။ ဒါဟာခြောက်ရက်အတွင်း ရုရှားတိုက်လေယာဉ်ပျက်ကျမှု ဒုတိယအကြိမ်ဖြစ်ပြီး ပြီးခဲ့တဲ့ သီတင်းပတ်အတွင်းကလည်း ယူကရိန်းအနီး Yeysk မြို့က တိုက်ခန်းတွဲတခုပေါ်ကို Sukhoi Su-34 တိုက်လေယာဉ်တစင်းပျက်ကျမှုကြောင့် လူ ၁၅ ဦးထက်မနည်း သေဆုံးခဲ့ပါတယ်။ Ref: BBC Photo:AP #voiceofmyanmar #VOM #မော်စကို

ဆိုးလ်၊ အောက်တိုဘာ-၂၄-၂၀၂၂ မျိုးဆက်(VOM) ကိုရီးယားနှစ်နိုင်ငံအကြား ရေကြောင်းနယ်နိမိတ်ကို အောက်တိုဘာ ၂၄ ရက်မှာ ဖြတ်ကျော်၀င်ရောက်လာတဲ့ မြောက်ကိုရီးယား သင်္ဘောတစ်စင်းကို သတိပေးပစ်ခတ်ခဲ့ကြောင်း တောင်ကိုရီးယားစစ်တပ်က ပြောပါတယ်။ ဒေသစံတော်ချိန် ၃ နာရီ ၄၂ မိနစ်မှာ ပင်လယ်ဝါရှိ တောင်ကိုရီးယားပိုင်ကျွန်းတကျွန်းရဲ့ အနောက်မြောက်ဘက် ၂၇ ကီလိုမီတာအကွာမှာ မြောက်ကိုရီးယား ကုန်သင်္ဘောတစင်းက ရေကြောင်းနယ်နိမိတ်ကို ဖြတ်ကျော်၀င်ရောက်ခဲ့ကြောင်း တောင်ကိုရီးယားပူးတွဲစစ်ဦးချုပ်ရုံးက ထုတ်ပြန်ပါတယ်။ တောင်ကိုရီးယားရဲ့ သတိပေးပစ်ခတ်မှုအပြီးမှာ မြောက်ကိုရီးယားကုန်သင်္ဘောဟာ အဲဒီနေရာနေ ထွက်ခွာသွားကြောင်း တောင်ကိုရီးယား စစ်တပ်က ပြောပါတယ်။ တချိန်တည်းမှာ တောင်ကိုရီးယားရေတပ်သင်္ဘောတစ်စင်းကလည်း ရေပိုင်နက်ကိုဖြတ်ကျော်မှုကြောင့် မြောက်ကိုရီးယားက နံနက် ၅ နာရီ ၁၅ မိနစ်မှာ လက်နက်ကြီးတွေနဲ့ ၁၀ ကြိမ်ပစ်ခတ်ခဲ့ကြောင်း တောင်ကိုရီးယား စစ်တပ်ရဲ့ ထုတ်ပြန်ချက်မှာ ဖော်ပြထားပါတယ်။ မြောက်ကိုရီးယားဟာ ကုလသမဂ္ဂရဲ့ ဦးဆောင်ကွပ်ကဲမှုနဲ့ ကိုရီးယားနှစ်နိုင်ငံအကြား ပိုင်းခြားသတ်မှတ်ထားတဲ့ ရေကြောင်းနယ်နိမိတ်ကို…