Month: November 2022

နိုဝင်ဘာ ၂၉ -၂၀၂၂ SP (VOM) စစ်ကိုင်းတိုင်း ၊ ကသာခရိုင် ၊ ထီးချိုင့်မြို့နယ် ၊ အလယ်တောကျေးရွာမှာ မနေ့ နိုဝင်ဘာ ၂၈ ရက် ၊ မနက်ပိုင်းက ထိတွေ့တိုက်ပွဲတွေ ဖြစ်ပွားခဲ့ပြီး လူနေအိမ်တွေ မီးရှို့ဖျက်ဆီးခံခဲ့ရတယ်လို့ ဒေသခံတွေဆီက သိရပါတယ်။ ” မနေ့က မနက်ပိုင်း ၁၀ နာရီလောက် ဘုရားကုန်းနားမှာ ပစ်ခတ်တိုက်ခိုက်တာတွေ စတင်ဖြစ်ပွားတယ် ၊ တရွာလုံးက လူတွေထွက်ပြေးတိမ်းရှောင်နေရတယ် ၊ အဲ့ဒီအချိန်မှာ ရွာရဲ့တောင်ပိုင်းနဲ့ မြောက်ပိုင်းက လူနေအိမ်တွေ မီးလောင်တယ် ၊ ဘယ်အဖွဲ့အစည်းက ရှို့တယ်ဆိုတာတော့ မသိရဘူး”လို့ အလယ်တောရွာခံ တယောက်က ပြောပါတယ်။ အဲ့ဒီ ကိစ္စနဲ့ပတ်သက်ပြီး ကသာခရိုင် လုံခြုံရေးအဖွဲ့နဲ့ နီးစပ်သူ တယောက်က” နယ်မြေရှင်းလင်းရေးအဖွဲ့တွေရောက်တဲ့အချိန် ထိတွေ့တိုက်ပွဲဖြစ်ပွားပြီး ရန်သူဘက်က ထွက်ပြေးတဲ့အချိန်မှာ ရွာကိုမီးရှို့တယ် ၊…

နိုဝင်ဘာ ၂၉-၂၀၂၂ GG (VOM) စီးပွားရေးလုပ်ငန်းရှင် ဦးဇော်ဇော်က သူပိုင်တဲ့ AYA Bank ကို အများနဲ့သက်ဆိုင်တဲ့ ကုမ္ပဏီအဖြစ် ပြောင်းလဲဖို့ စီစဥ်နေတယ်လို့ သိရပါတယ်။ AYA Bank ကို အများနဲ့သက်ဆိုင်တဲ့ ကုမ္ပဏီအဖြစ် ပြောင်းလဲဖို့အတွက် ကုမ္ပဏီများဆိုင်ရာ မှတ်ပုံတင်အရာရှိထံကိုလည်း တင်ပြထားပြီး​ဖြစ်တယ်လို့ နိုင်ငံတော်ပြန်တမ်းမှာ ဖော်ပြထားပါတယ်။ ” အများပိုင်ပြောင်းလိုက်ပြီဆိုတော့ မကြာခင် ရှယ်ယာတွေထုတ်ရောင်းတော့မယ့်သဘောပေါ့။ ကုမ္ပဏီဘက်ကရှေ့နေကလည်း ပြောထားတာတွေ့လိုက်တယ် ရှယ်ယာတွေ ပြည်သူတွေကိုထုတ်ရောင်းဖို့ရည်ရွယ်လုပ်တဲ့အကြောင်းပေါ့ “လို့ စီးပွားရေး လုပ်ငန်းရှင်တဦးကပြောပါတယ်။ ပြန်တမ်းမှာဖော်ပြထားတာကတော့ ဧရာဝတီဘဏ်လီမိတက်အနေနဲ့ အများနဲ့မသက်ဆိုင်တဲ့ ကုမ္ပဏီအဖြစ်ကနေ အများနဲ့သက်ဆိုင်တဲ့ကုမ္ပဏီအဖြစ်ကို အမျိုးအစားပြောင်းလဲခြင်းဆိုင်ရာ အသေးစိတ်အချက်အလက်တွေကို ကုမ္ပဏီများဆိုင်ရာ မှတ်ပုံတင်အရာရှိထံ တင်ပြထားပြီး မှတ်ပုံတင်အရာရှိသည် ကုမ္ပဏီမှ တင်ပြတဲ့ လျှောက်ထားခြင်းကို ကျေနပ်လက်ခံပြီး တရားရုံးရဲ့ အမိန့်တစ်ရပ်ရပ်အရ တားမြစ်ခြင်းမရှိရင် ကုမ္ပဏီရဲ့ မှတ်ပုံတင်ထားတဲ့ကုမ္ပဏီအမျိုးအစားပြောင်းလဲခြင်းဆိုင်ရာ အသေးစိတ်အချက်အလက်တွေ ကို ပြောင်းလဲပေးမယ်လို့…

နိုဝင်ဘာ ၂၉ – ၂၀၂၂ SN (VOM) လာမယ့် ၂၀၂၃ ခုနှစ် နွေရာသီမှာလည်း လျှပ်စစ်မီး လုံလောက်အောင် ပေးနိုင်မှာမဟုတ်ဘူးလို့ လျှပ်စစ်ဝန်ကြီးဌာနက ပြောဆိုလိုက်ပြန်ပါတယ်။ ရန်ကုန်တိုင်းမှာ နွေရာသီအတွင်း လျှပ်စစ်ဓာတ်အား ဖြန့်ဖြူးဆောင်ရွက်သွားမယ့် ကိစ္စနဲ့ပတ်သက်လို့ နိုဝင်ဘာ ၂၇ ရက်ကပြုလုပ်ခဲ့တဲ့ အစည်းအဝေးမှာ လျှပ်စစ်ဝန်ကြီးဌာန ပြည်ထောင်စုဝန်ကြီး ဦးသောင်းဟန်က ပြောကြားခဲ့တာ ဖြစ်ပါတယ်။ နစကအနေနဲ့ လာမယ့်နွေရာသီအတွက် ပြည်သူလူထုရဲ့ တနေ့တာ ဓာတ်အားလိုအပ်ချက်ကို ပြည့်မီအောင် ဆောင်ရွက်မပေးနိုင်ပေမယ့် ရရှိတဲ့ လျှပ်စစ်ဓာတ်အားကိုတော့ လူတိုင်း အချိန်ပိုင်းအလိုက် မျှဝေခံစားနိုင်အောင် ဆောင်ရွက်ပေးမယ်လို့ ပြောဆိုခဲ့ပါတယ်။ “သူတို့ ဘယ်လိုပဲပြောပြော သူတို့အုပ်ချုပ်နေတဲ့ ကာလတလျှောက်လုံး အခုချိန်ထိ မီးမှန်တယ်ဆိုတာ မရှိသေးဘူး။ ဟိုအရင်ကလို အပြည့်အဝမရသေးဘူး။ အရင်အစိုးရလက်ထက်ကဆို မီးပျက်ရင်တောင် အလွန်ဆုံးကြာချိန် ၅ မိနစ်လောက်ပဲ။ ဒါတောင် တခါတလေလေးပဲပျက်တာ။ နစကကတော့…

နိုဝင်ဘာ ၂၉-၂၀၂၂ Voice Of Myannar(VOM) စိုက်ပျိုးရေးလုပ်ငန်းဆိုတာ ရာသီနဲ့အချိန်အခါလိုက်စိုက်ပျိုးကြရတာဖြစ်ပြီး စိုက်ပျိုးတဲ့သီးနှံတွေကို ပြုစုပျိုးထောင်ရာမှာလည်း အရေးပါလှပါတယ်။ မြောင်မြို့နယ်မှာ ဆောင်းသီးနှံအဖြစ် မတ်ပဲ၊ မြေပဲ၊ ပဲလွန်း၊ ပဲတီစိမ်း၊ နှမ်း စတဲ့သီးနှံတွေကို အဓိကစိုက်ပျိုးကြပါတယ်၊ လက်ရှိအချိန်ဟာ တချို့သီးနှံတွေက အောင်မြင်ဖို့အတွက် ရေသွင်း၊ ပေါင်းလိုက်၊ ဆေးဖြန်း၊ မြေဩဇာကျွေး စတာတွေကို ပြုလုပ်ရသလို တချို့သီးနှံတွေက ရိတ်သိမ်းရမယ့်အချိန်လည်း ဖြစ်ပါတယ်။ လက်ရှိမှာတော့ မြောင်နယ်ကတောင်သူတွေဟာ နေ့စဉ်ဆိုသလို စစ်ဘေးရှောင်နေရတာကြောင့် စိုက်ပျိုးထားတဲ့သီးနှံတွေကို လှည့်မကြည့်နိုင်ဘဲ ပျက်ဆီးဆုံးရှုံးရမယ့် အခြေအနေတွေနဲ့ကြုံတွေ့နေကြပါတယ်။ တချို့တောင်သူတွေက နေအိမ်၊စည်းစိမ်တွေပါ မီးရှို့ခံထားကြရတာကြောင့် သီးနှံတွေပါ ပျက်ဆီးဆုံးရှုံးရင် စားဝတ်နေရေးနဲ့ ဘဝရပ်တည်ရေးအတွက် အခက်အခဲဖြစ်နေရတယ်လို့ တောင်သူတွေကပြောကြပါတယ်။ #voiceofmyanmar #VOM #မြောင် Youtube Link – https://youtu.be/5Lh5syLsi_0

နိုဝင်ဘာ၊၂၈-၂၀၂၂ မင်းမြတ်(VOM) ရန်ကုန်တိုင်း ၊ လှည်းကူးမြို့နယ်၊ ညောင်နှစ်ပင်ဇုန် (၁) အနီးမှာ ရခိုင်ပြည်နယ်ကနေ ၁၂ ဘီးကားနဲ့ လာတဲ့ အသက် ၁၈ နှစ်အောက် ကလေးတွေ အပါအဝင် အထောက်အထားမဲ့သူ ၆၈ ယောက်ကို ဒီကနေ့ နိုဝင်ဘာ ၂၈ ရက် မနက်ပိုင်းက ဖမ်းမိခဲ့တယ်လို့ သက်ရာနဲ့နီးစပ်သူဆီကနေ သိရပါတယ်။ ”ကျန်းမာရေး သိပ်မကောင်းသူတွေလည်းပါတယ် ၊ဒီကနေ့ နိုဝင်ဘာ ၂၈ ရက် နံနက်ပိုင်းကဖမ်းမိတာ ၊ ရခိုင်ပြည်နယ်ကနေလာတာ ၊ ၁၂ ဘီးယာဉ်ကိုလုံခြုံရေးတပ်ဖွဲ့ဝင်တွေက စစ်ဆေးတဲ့အခါ ဖမ်းမိခဲ့တာ ၊ အားလုံး ၆၈ ယောက်ပါ ၊ အသက် ၁၈ နှစ်အောက် အယောက် ၃၀ လောက်ပါတယ်၊ ရန်ကုန်ကနေ မလေးရှားကို သွားဖို့ လာတာတဲ့ ။”လို့ သက်ဆိုင်ရာနဲ့ နီးစပ်သူက…

နိုဝင်ဘာ၊၂၈-၂၀၂၂ မင်းမြတ်(VOM) ဧရာဝတီတိုင်း ၊ မြောင်းမြမြို့က NLD ပါတီရဲ့ယခင် ပြည်သူ့လွှတ်တော်ကိုယ်စားလှယ် ဦးဝေလင်းအောင်ကို ဒီကနေ့ နိုဝင်ဘာ ၂၈ ရက်က အလုပ်နဲ့ ထောင်ဒဏ် ၂၆ နှစ် အမိန့်ချမှတ်ခံလိုက်ရတယ်လို့ သူ့နဲ့ နီးစပ်သူတွေဆီက သိရပါတယ်။ ဦးဝေလင်းအောင်မှာ တိမ်းရှောင်နေရင်း ပြီးခဲ့တဲ့နှစ် ဒီဇင်ဘာ ၁၅ ရက်က ကရင်ပြည်နယ် ၊လေးကေ့ ကော်မြို့သစ်မှာ ဖမ်းဆီးထိန်းသိမ်းခံခဲ့ရတာဖြစ်ပြီး သူ့ကို ၁၁ လအကြာစစ်ဆေးပြီး ဒီကနေ့ မြဝတီခရိုင် တရားရုံးကနေ ထောင်ဒဏ် ၂၆ နှစ် အမိန့်ချမှတ်လိုက်တာလို့ ပြောပါတယ်။ “ဦးဝေလင်းအောင်ကို ဒီကနေ့ အမိန့်ချလိုက်တာပါ ၊ သူ့ကို အကြမ်းဖက်မှု တိုက်ဖျက်ရေး ဥပဒေပုဒ်မ ၅၂ (က)နဲ့က ထောင်ဒဏ် ၄ နှစ်၊ ၅၀ (က) နဲ့ကထောင်ဒဏ် ၁၁ နှစ်…