Month: February 2023

ဖေဖော်ဝါရီ၊ ၁၂-၂၀၂၃ MM(VOM) ဧရာဝတီတိုင်း ၊ ပုသိမ်ခရိုင် ၊ငပုတောမြို့နယ် ဟိုင်းကြီး ကျွန်းမြို့၊ တင်းချောင်းကျေးရွာက ပင်လယ် ကမ်းစပ်ရှိ မော်တင်အငူမှာ တည်ထားတဲ့ ဆံတော်ရှင်သမိုင်းဝင် မြတ်မော်တင်စွန်းစေတီတော်ကြီးရဲ့ဗုဒ္ဓပူဇနိယပွဲတော်ကို ၁၅ ရက်အထိကျင်းပသွားဖို့ပြင်ဆင်နေတယ်လို့ သိရပါတယ်။ ဘုရားပွဲတော်ကို ၁၃၈၄ ခုနှစ် တပေါင်းလဆန်း ၁ ရက်က နေတပေါင်းလပြည့်နေ့နဲ့ ဖေဖော်ဝါရီ ၁၉ ရက်ကနေ မတ်လ ၅ ရက်အထိ ၁၅ ရက်အထိကျင်းပပြုလုပ်သွားမှာ ဖြစ်တယ်လို့သိရပါတယ်။ ဒါ့ကြောင့် ဘုရားပွဲကျင်းပဖို့ လိုအပ်တာတွေကို စတင်ပြင်ဆင်နေပြီး ဘာသာရေးပွဲတော်ဖြစ်တာကြောင့် အဖျက်အမှောင့်လုပ်ရပ်တွေမရှိဘဲ ကျင်းပပြုလုပ်နိုင်လိမ့်မယ်လို့ ယုံကြည်နေကြောင်း ဘုရား ပွဲတော်ကျင်းပရေးတာဝန်ရှိသူတယောက်ကပြောပါတယ်။ ”ဘုရားပွဲကို ၁၅ ရက်ကျင်းပဖို့ ပြင်ဆင်နေတယ်၊ မြတ်မော်တင်စွန်းစေတီက အားလုံးသိတဲ့အတိုင်း သမိုင်းဝင်စေတီတစ်ဆူပါ ၊ ဘုရားပွဲဆိုလည်း အရမ်းစည်ကားပါတယ် ၊ ခေတ်ကာလ မကောင်းတဲ့အခါကျတော့ ပြဿနာတစ်ခုခုတတ်မှာစိုးရိမ်တယ် ၊…

ဖေဖော်ဝါရီ ၁၂- ၂၀၂၃ SW(VOM) ဒီကနေ့ ဖေဖော်ဝါရီ ၁၂ ရက်မှာ ကျရောက်တဲ့ (၇၆) နှစ်မြောက် ပြည်ထောင်စုနေ့ကို နိုင်ငံတဝန်းကျင်းပြုလုပ်ရာမှာ ရခိုင်ပြည်နယ်၊ စစ်တွေမြို့တော်မှာလည်း ကျင်းပခဲ့ပြီး ပြည်နယ်ကောင်စီအကြီးအကဲ ဝန်ကြီးချုပ် ဦးထိန်လင်းတက်ရောက်ခဲ့ပါတယ်။ အဲဒီလို ကျင်းပရာမှာ ဝန်ကြီးချုပ် ဦးထိန်လင်းက ပြည်ထောင်စုက ပေးပို့တဲ့ သဝဏ်လွှာကိုဖတ်ကြားခဲ့ပြီး (၇၆) နှစ်မြောက်အထိမ်းအမှတ် ထူးချွန်ကျောင်းသားတွေကို ဆုချီးမြှင့်ခဲ့ပါတယ်။ အခမ်းအနားကို ရခိုင်ပြည်နယ်ကောင်စီအကြီးအကဲ ဝန်ကြီးချုပ် ဦးထိန်လင်း၊ သယံဇာတရေးရာဝန်ကြီး ဦးသန်းထွန်း၊ စီးပွားရေးဝန်ကြီး ဦးစံရွှေမောင်၊ လုံ/နယ်ဝန်ကြီး ဗိုလ်မှူးကြီးကျော်သူရနဲ့ တခြားတာဝန်ရှိသူတွေ တက်ရောက်ခဲ့ပါတယ်။ #voiceofmyanmar #VOM #ရခိုင် #ပြည်ထောင်စုနေ့အခမ်းအနား

နေပြည်တော်၊ ဖေဖော်ဝါရီ ၁၂-၂၀၂၃ KT(VOM) ဒီကနေ့ ဖေဖော်ဝါရီ ၁၂ရက်မှာကျရောက်တဲ့ ပြည်ထောင်စုနေ့အခမ်းအနားကို နေပြည်တော် မြို့တော်ခန်းမရှေ့ ရင်ပြင်မှာ ဒီကနေ့မနက်ပိုင်းက ပြုလုပ်ခဲ့ပါတယ်။ အခမ်းအနားမှာ (၇၆)နှစ်မြောက် ပြည်ထောင်စုနေ့ အလံတင်အခမ်းအနားကို နံနက် ၅နာရီခွဲမှာ ပြုလုပ်ခဲ့ပါတယ်။ အခမ်းအနားကို နစက ဒုတိယ ဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း တက်ရောက်ခဲ့ပြီး နံနက် ၇ နာရီမှာ ဒုတိယဗိုလ်ချုပ်မှူးကြီးစိုးဝင်းနှင့် ဂုဏ်ပြုတပ်ခွဲများ၊ တက်ရောက်လာသူများက နိုင်ငံတော်အလံကို အလေးပြုခဲ့ကြပါတယ်။ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ထံမှ (၇၆) နှစ်မြောက် ပြည်ထောင်စုနေ့ အထိမ်းအမှတ်အခမ်းအနားသို့ ပေးပို့တဲ့သဝဏ်လွှာကို နစက ဒုတိယ ဥက္ကဋ္ဌ က ဖတ်ကြားခဲ့တယ်လို့ သိရပါတယ်။ #voiceofmyanmar #VOM #နေပြည်တော် #ပြည်ထောင်စုနေ့အခမ်းအနား

ဖေဖော်ဝါရီ ၁၂ – ၂၀၂၃ GG(VOM) ဗုဒ္ဓဂါယာဘုရားဖူးခရီးစဥ် ကုန်ကျမှုစရိတ်မြင့်ပေမယ့် ဘုရားဖူးခရီးသွားနူန်းက တပတ်ကို (၁၀၀၀)ခန့်အထိ ရှိနေတယ်လို့ မြန်မာနိုင်ငံခရီးသွားလုပ်ငန်းရှင်များအသင်းUMTAက သိရပါတယ် ။ ” တပတ်ကို ဘုရားဖူးသွားတဲ့သူက ၅၀၀ ကနေ ၁၀၀၀ ရှိနေတယ်။ဘုရားဖူးရာသီလည်းဖြစ်တယ် ပတ်စပို့စ်ကလည်းအဆင်ပြေနေတယ်ဆိုတော့ လူကြီးမိဘတွေကိုလိုက်ပို့ကြတာ၊ကုန်ကျစရိတ်ကတော့ အရင်ကထက်ပိုများတာပေါ့၊ဒီဇန်နဝါရီနဲ့ဖေဖော်ဝါရီမှာပိုများတယ်”လို့ UMTA ဥက္ကဋ္ဌဖြစ်သူ ဦးနောင်းနောင်းဟန်ကပြောပါတယ်။ လက်ရှိမှာဗုဒ္ဓဂါယာဘုရားဖူးခရီးစဥ်အတွက် လေယာဥ်လက်မှတ်ခက အမေရိကန်ဒေါ်လာ ၃၀၀ နဲ့ ကုန်ကျမှုစရိတ်က ၂ ညအိပ် ၃ ရက်ကို အနည်းဆုံးဒေါ်လာ ၄၀၀ ကနေ ၁၀၀၀ လောက်ရှိတယ်လို့သိရပါတယ်။ “ပတ်စ်ပို့ အတွက်က သာသနာရေးဦးစီးဌာနကစီစဥ်ပေးတယ်၊အဲ့ဒီတော့ ဘုရားဖူးသွားမယ်ဆိုရင် သာသနာရေးဦးစီးဌာနမှာ မှတ်ပုံတင်ထားတဲ့ကုမ္ပဏီက သူ့ဘာသာလုပ်ပေးတယ်၊ခရီးသွားသူကိုယ်တိုင် သာသနာရေးသွားဖို့မလိုပါဘူး”လို့ ဗုဒ္ဓဂါယာဘုရားဖူး ပို့ဆောင်ရေးခရီးသွားဝန်ဆောင်မှုလုပ်ငန်းလုပ်ကိုင်သူတဦးက ပြောပါတယ်။ ဒါ့ကြောင့် ဗုဒ္ဓဂါယာဘုရားဖူး သွားလိုသူတွေအနေနဲ့ ၁ လကြိုတင်ပြီး လက်မှတ်ဝယ်ယူဖိူ့လိုအပ်ကြောင်း ၊ခရီးစဥ်က…

ဖေဖေါ်ဝါရီ ၁၂ – ၂၀၂၃ GG(VOM) ပဲခူးတိုင်းအနောက်ပိုင်း၊သာယာဝတီခရိုင် ၊နတ်တလင်းမြို့နယ်မှာ ဆိုင်ကယ်စီးမယ်ဆိုပါက စီးနင်းခွင့် အသိအမှတ်ပြုစာရွက်ကိုင်ဆောင်ရမယ်ဆိုပြီး ရပ်ကျေးအုပ်ချုပ်ရေးမှူးတွေက စာရွက်တွေ လုပ်ခိုင်းနေတယ်လို့ သိရပါတယ်။ အဲ့ဒီဆိုင်ကယ်စီးခွင့်ကဒ်မှာ မောင်းသူအမည်၊ဆိုင်ကယ်အမျိုးအစား၊ယာဥ်လိုင်စင်၊အရောင်တွေရေးသားဖော်ပြရမှာဖြစ်တယ်လို့ ရေးသားထားပါတယ် ။ ” ရပ်ကွက်ထောက်ခံစာလို ပုံစံပဲ၊စာရွက်မှာ အကုန်ရေးထားတာ၊စီးတဲ့သူတိုင်း အဲ့ဒီထောက်ခံစာတရွက်လုပ်ရမယ်၊အပြင်ထွက်တိုင်း အဲ့ဒါယူရမယ်၊စစ်ဆေးရင် ရပ်ပေးရမယ်။ တချို့ကလည်း ၃၀၀၀ ကောက်တာရှိတယ်၊ အဲ့ဒီစာရွက်အောက်ခြေမှာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဆိုပြီး တံဆိပ်ပါတယ် “လို့ နတ်တလင်းမြို့ခံတဦးက ပြောပါတယ်။ ဆိုင်ကယ်တွေအားလုံး နတ်တလင်းရဲစခန်းနဲ့ တာပွန်ရဲစခန်းပိုင်နယ်မြေအတွင်း မနက် ၅ နာရီကနေ ညပိုင်း ၉ နာရီအတွင်း စီးနင်းခွင့်ရှိတယ်လို့ သိရပါတယ်။ ပြီးခဲ့တဲ့ ဇန်နဝါရီလ ၁၄ ရက်နေ့က နတ်တလင်းမြို့နယ်၊တာပွန်ကျေးရွာထိပ်မှာ ဆိုင်ကယ်ရပ်မပေးလို့ဆိုပြီး တက္ကသိုလ် ပထမနှစ်ကျောင်းသားတယောက် ပစ်သတ်ခံခဲ့ရတာရှိတယ်လို့သိရပါတယ်။ နတ်တလင်းမြို့နယ်ဟာ စစ်အုပ်ချုပ်ရေး မာရှယ်လ်လောကြေညာခံထားရတဲ့မြို့ဖြစ်တယ်လို့ သိရပါတယ်။ #voiceofmyanmar #VOM…

ဖေဖော်ဝါရီ၊ ၁၂-၂၀၂၃ MM(VOM) ရုပ်ရှင်ဓာတ်ပုံ အကယ်ဒမီ(၃)ဆုရှင် ဦးစန်းမောင်ဟာ မနေ့ ဖေဖော်ဝါရီ ၁၁ ရက် ည ၇ နာရီက မွန်ပြည်နယ် ၊ ပေါင်မြို့နယ်၊ မုတ္တမဆေးရုံမှာ ကွယ်လွန်သွားတယ်လို့ သိရပါတယ်။ ”ဆရာ ဦးစန်းမောင်က မနေ့ ည ၁၁ နာရီကျော်ကျော် လောက်မှာ ကွယ်ခဲ့တာ၊ သာသနာ့ဘောင်ထဲ ဝင်နေရင်း ရဟန်းဘဝနဲ့ ကွယ်လွန်ခဲ့တာ ၊ ကွယ်လွန်ချိန် အသက် ၉၅ နှစ်ရှိပြီ၊ ဓါတ်ပုံလောမှာ သူမတူတဲ့ ပညာရှင်တယောက် ဆုံးရှုံးရတာပဲ ၊ စိတ်မကောင်းဘူး။”လို့ ကွယ်လွန်သူနဲ့ နီးစပ်တဲ့ ဝါရင့်ဓာတ်ပုံပညာ ရှင်တယောက်က ပြောပါတယ်။ ကွယ်လွန်သွားပြီဖြစ်တဲ့ ရုပ်ရှင်ဓာတ်ပုံ အကယ်ဒမီ ၃ ဆုရှင် ဦးစန်းမောင်ဟာ ၁၉၇၆ ခုနှစ်က ‘ကျွန်းကလေးမှာ နှစ်ယောက်ထဲ’၊ ၁၉၇၉ ခုနှစ်က ‘ကျော်ကိုချစ်မလား…