Month: February 2023

ဖေဖော်ဝါရီ ၂၇- ၂၀၂၃ SW(VOM) ရခိုင်ပြည်နယ်၊ စစ်တွေတက္ကသိုလ်မှာ ဒီကနေ့ ဖေဖော်ဝါရီ ၂၇ ရက် မနက်ပိုင်း ၁၀ နာရီလောက်ကနေ ညနေပိုင်းအထိ ရေပါတီ(Water Party)ကျင်းပပြုလုပ်ခဲ့ပြီး စစ်တွေမြို့ပေါ်တက္ကသိုလ်တွေက ကျောင်းသူ၊ကျောင်းသား ၁ ထောင်ကျော်လောက် ပါဝင်ဆင်နွဲခဲ့တာဖြစ်ပါတယ်။ အဲဒီ Water Partyမှာ ရခိုင်အဆိုတော်တွေလည်းပါဝင်ခဲ့ပြီး တက္ကသိုလ်ကျောင်းသူ၊ကျောင်းသားတွေလည်း ပါဝင်ဆင်နွှဲကြတာဖြစ်ပါတယ်။ ပြီးခဲ့တဲ့ ၂၀၂၀ ခုနှစ်က စစ်တွေတက္ကသိုလ်မှာ အခုလိုမျိုး ရေပါတီကျင်းပခဲ့ပေမယ့် အဲ့ဒီကြားထဲ (၂)နှစ်တာကာလအတွင်းမှာတော့ ကိုဗစ်နဲ့ ပြည်နယ်တွင်း စစ်ရေးပဋိပက္ခတွေအပြင် နိုင်ငံရေးမတည်မငြိမ်မှုတွေကြောင့် ရပ်နားခဲ့ရာကနေ တက္ကသိုလ်ကျောင်းတွေဖွင့်လှစ်တဲ့ ဒီနှစ်မှာ ပြန်လည်ကျင်းပခဲ့တာဖြစ်တယ်လို့ သိရပါတယ်။ #voiceofmyanmar #VOM #ရခိုင် #စစ်တွေတက္ကသိုလ် #ရေပါတီ

ဖေဖော်ဝါရီ ၂၇-၂၀၂၃ KK(VOM) နိုင်ငံရေးပြဿနာကို အကြမ်းမဖက်နိူင်ငံရေးနည်းလမ်းနဲ့ ယုံကြည်သူအချင်းချင်းလက်ချင်းချိတ်ပြီး ဘယ်လို့ရှေ့ဆက်ဆောင်ရွက်သွားမယ်ဆိုတာကို ခေါင်းအေးအေးနဲ့စဥ်းစားဖို့လိုပြီ လို့ ပြည်သူ့ပါတီဥက္ကဋ္ဌ ဦးကိုကိုကြီးက ဒီနေ့ မနက်ပိုင်း ရန်ကုန်မြို့၊ဗဟန်းမြို့နယ် ရွှေဂုံတိုင်ပြည်သူ့ပါတီဗဟိုဌာနချုပ်မှာ ပြုလုပ်တဲ့ ဗဟိုကော်မတီအစည်းအဝေးမှာ ပြောခဲ့တာဖြစ်ပါတယ်။ “နိူင်ငံရေးပြသာနာဟာ နိူင်ငံရေးကြောင့်ဖြစ်တယ်ဆိုတာ လက်မခံကြသေးဘူးလား၊ နိူင်ငံရေးပြဿနာကို နိူင်ငံရေးနည်းလမ်းရှင်းရမယ်ဆိုတာ စွန့်လွှတ်လိုက်ကြပြီလားဆိုတာ ကျနော်တို့မေးရမယ်၊ နိူင်ငံရေးနည်းလမ်းကို စွန့်လွှတ်ပြီး ဘယ်လိုပုံစံနဲ့ဘယ်လောက်ကြာကြာ ရှေဆက်သွားကြမလဲ၊ အကြမ်းမဖက် နိူင်ငံရေးနည်းလမ်းကို ယုံကြည်တယ်ဆိုတဲ့ပုဂ္ဂိုလ်တွေအချင်းချင်း လက်ချင်းချိတ်ပြီး ပူးပေါင်း ဆောင်ရွက်ကြဖို့လိုပြီ၊ ပြဿနာတွေကို နိူင်ငံရေးနည်းလမ်းနဲ့ဖြေရှင်းနိူင်ဖို့အတွက် ဘယ်လိုရှေ့ဆက်ပြီးဆောင်ရွက်ကြမလဲဆိုတာကို ခေါင်းအေးအေးနဲ့အမြင်ကျယ်ကျယ်နဲ့စဥ်းစားကြဖို့ ဆွေးနွေးကြဖို့လိုပြီလို့ တိုက်တွန်းချင်ပါတယ် “လို့ ဦးကိုကိုကြီးကပြောပါတယ်။ ပြည်သူ့ပါတီကို တည်ထောင်ခဲ့နဲ့ပတ်သတ်ပြီး “ပေါချောင်ကောင်းမဟုတ်ဘူး ဒီလမ်းကိုရွေးတာ လွယ်တယ်ထင်လို့ ရွေးခဲ့တာမဟုတ်ဘူး၊ စိန်ခေါ်မှုတွေကို ရင်ဆိုင်မယ် ကျော်ဖြတ်မယ်ဆိုပြီး သံဓိဌာန်ချပြီး ရွေးချယ်ခဲ့တာ”လို့လည်း ပြောခဲ့ပါတယ်။ ဒါ့အပြင် တိုင်ရင်းသားဒေသတွေမှာ တိုက်ပွဲတွေဖြစ်ပြီး မီးရှို့ဖျက်ဆီးခံရကာ အသေအပျောက်များနေတာကြောင့်…

ဖေဖော်ဝါရီ ၂၇ – ၂၀၂၃ GG(VOM) နိုင်ငံကူးလက်မှတ်စာအုပ်လျှောက်ဖို့အတွက် Online Booking စနစ်သစ်နဲ့ရက်ချိန်းရယူခြင်းကို ပတ်စ်ပို့ ရုံးဘက်က ပြန်ပိတ်လိုက်တယ်လို့ သိရပါတယ်။ စာအုပ်အသစ်လျှောက်ထားမှုကို ရန်ကုန် ပတ်စ်ပို့ရုံးပြန်ဖွင့်တဲ့ ဖေဖော်ဝါရီ၂၄ ရက်မှာသာလက်ခံခဲ့ပြီး အဲ့ဒီနောက် ဖေဖော်ဝါရီလ ၂၅ ရက်နေ့ကနေစပြီး ဒီနေ့အထိ စာအုပ်အသစ်လျှောက်ထားမှုကို ရပ်နားခဲ့တာဖြစ်တယ်လို့သိရပါတယ်။ ဒါ့ကြောင့် လက်ရှိမှာ စာအုပ်အသစ်လုပ်မယ့်သူတွေအနေနဲ့ online ကနေ ရက်ချိန်းယူလို့မရကြောင်း၊ စာအုပ်အသစ်လုပ်လို့ရမယ့်ရက်ကို website ကနေသာပြန်လည်ကြေညာပေးမယ်လို့ သိရပါတယ်။ ” ဖွင့်ပြီးနောက်ရက်မှာ ပြန်ပိတ်တယ်၊ ၂၆ ရက်နေ့ဖွင့်မယ်လို့ပြောထားပြီး နောက်တော့ ဖွင့်မယ့်ရက်ကိုထပ်ကြေညာမယ်ဆိုပြီးထုတ်တယ်။ သူတို့ကတော့ လက်ရှိအွန်လိုင်းစနစ်ကိုပြန်ပြင်နေတာကြောင့်လို့ပြောတာပဲ ၊စာအုပ်လျှောက်မလျှောက်ရသေးဘူး ပြန်ပိတ်တယ်ဆိုတော့ဗျာ”လို့ ပတ်စ်ပို့လျှောက်ဖို့စောင့်နေသူတဦးကပြောပါတယ်။ Online Appointment System စနစ်ကို ဖေဖော်ဝါရီ၂၅ ရက်နေ့မှာပြန်ပိတ်ခဲ့တာဖြစ်ပြီး ပြင်ဆင်မွမ်းမံမှုတွေ ပြုလုပ်​နေလို့ ပိတ်တာဖြစ်ကြောင်းနဲ့ ဝန်ဆောင်မှုပြန်လည်စတင် ဖွင့်လှစ်မယ့်အချိန်ကို ထပ်မံကြေညာပေးသွားမှာဖြစ်တယ်လို့ သိရပါတယ်။…

ဖေဖော်ဝါရီ ၂၇ – ၂၀၂၃ GG(VOM) ရန်ကုန်တိုင်း၊ ဒဂုံမြို့သစ်ဆိပ်ကမ်းမြို့နယ်၊ ၉၄ ရပ်ကွက်၊ ယုဇနဥယျာဥ်အိမ်ရာဝန်းထဲက လူနေအိမ်နဲ့ ဆိုင်ခန်းတွေကို ဖျက်သိမ်းလိုက်တာကြောင့် နေထိုင်သူတွေ အဆင်မပြေဖြစ်နေကြတယ်လို့ အိမ်ရာထဲနေထိုင်သူတွေရဲ့ ပြောပြချက်အရ သိရပါတယ်။ ဆိုင်ခန်းနဲ့လူနေအိမ်တွေ ဖျက်ခံရပြီး နောက်ဆက်တွဲအနေနဲ့ အိမ်ငှားခစျေးနူန်းတွေ တက်သွားတာကြောင့် ထပ်ပြီး အခက်ခဲဖြစ်နေရတယ်လို့ သိရပါတယ်။ “နဂိုအဲ့ဒီဟာတွေမဖျက်ခင်တုန်းက တိုက်ခန်းအလွတ်တွေမှအများကြီးပဲ၊ ပိုက်ဆံ ၁သိန်း ၁သိန်းခွဲဆိုရင် ခေါင်းခေါက်ငှားလို့ရတယ်၊ဒါပေမယ့် အဲ့ဒီနေရာတွေလည်းဖျက်ပြီးရော အငှားစျေးတွေတက်သွားတယ်။၁သိန်းခွဲတန်တွေက ၂သိန်းခွဲတွေဖြစ်ကုန်တယ်။ ၁ သိန်းတန်က ၁သိန်းခွဲ ၂သိန်းဖြစ်သွားတယ်။ ယုဇနမှာနေတဲ့ ဆိုင်တွေ လက်လုပ်လက်စားသမားတွေ အကုန်ဒုက္ခရောက်ကုန်တယ်၊ ယုဇနဥယျာဥ်အိမ်ယာဝန်းထဲက လမ်းတွေမှာ ရှိတဲ့နေအိမ်နဲ့ ဆိုင်ခန်းတွေကို အုပ်ချုပ်ရေးပိုင်းနဲ့အတူတာဝန်ရှိသူတွေက လာရောက်ဖျက်ခိုင်းခဲ့တာဖြစ်တယ် ၊ ဘာကြောင့်ဖျက်ပေးရတယ်ဆိုတာကိုတော့ မသိရဘူး “လို့ အိမ်ရာဝန်းအတွင်းနေထိုင်သူတဦးကပြောပါတယ်။ ဖျက်သိမ်းခံရတဲ့ ဆိုင်ခန်းတွေက လက်ဖက်ရည်ဆိုင်၊အဝတ်အထည်ဆိုင်၊စားသောက်ကုန်ဆိုင်၊ဖုန်းအရောင်းဆိုင်၊အလှပြုပြင်ရေးဆိုင် စတဲ့ ဆိုင်ခန်းတွေ အဖျက်ခံရတာဖြစ်​ပြီး…

ဖေဖော်ဝါရီ၊၂၇-၂၀၂၃ MM [ VOM ] ဧရာဝတီတိုင်းက ဂဏန်းအရေပျော့မွေးမြူတဲ့ လုပ်ငန်းတွေမှာ(၁)ကြိမ်ကို ကျပ်(၁၀)သိန်းကျော် အရှုံးပေါ်နေတာကြောင့် အခက်အခဲဖြစ်ပေါ်နေတယ်လို့ ဂဏန်းပျော့ မွေးမြူရေး လုပ်ငန်းရှင်တွေ ဆီကနေ သိရပါတယ်။ ဂဏန်းပျော့မွေးမြူတဲ့ လုပ်ငန်းတွေမှာ ဂဏန်းတွေကန် ပြင်ဆင်စရိတ်တွေ အရင်ထက် ကုန်ကျမှုများလာတာ၊ကုန်ဈေးနှုန်းတွေ မြင့်တက်နေတာကြောင့် ဂဏန်းအစာနဲ့ အခြားသွင်းအားစုတွေ အရင်ထက် ပိုမိုကုန်ကျလာတာ၊ ဂဏန်းကန်လုပ်သားတွေကို ပေးရတဲ့လုပ်သားခစရိတ်တွေ ကုန်ကျမှုအရင်ထက်များလာတာ၊ အရင်ကလို ပြည်ပဈေးကွက် ခိုင်ခိုင်မာမာမရှိတာ စတဲ့အခြေအနေတွေ ဖြစ်ပွားနေတာလို့ သိရပါတယ်။ အဲ့ဒီလို အခြေအနေ အခက်အခဲတွေကြောင့် ဂဏန်း မွေးမြူရေးလုပ်ငန်းတွေမှာ (၁)ကြိမ် ကန်ဖော်ရင် ငွေကျပ် (၁၀)သိန်းကျော်ကျော် အရှုံးပေါ်နေတဲ့အတွက် အခက်အခဲဖြစ်ပွားနေတာလို့ ဂဏန်းမွေးမြူရေးလုပ်ငန်းရှင် တယောက်ကပြောပါတယ်။ ”အရင်က အရှုံးဆိုတာမရှိပါဘူး ၊ ဈေးအတက် အကျတော့ ရှိခဲ့တာပေါ့ ၊ အရှုံးခံပြီး ဘာလို့ လုပ်နေတာလည်းဆို အဆင်ပြေလာနိုး…