Day: March 17, 2023

ဘိုဂိုတာ၊ မတ်-၁၇-၂၀၂၃ မျိုးဆက်(VOM) ကိုလံဘီယာနိုင်ငံအလယ်ပိုင်းရှိ ကျောက်မီးသွေးတွင်းမှယ ဖြစ်ပွားခဲ့တဲ့ ပေါက်ကွဲမှုကြောင့် အလုပ်သမား ၂၁ ဦးထက်မနည်းသေဆုံးသွားကြောင်း တာ၀န်ရှိသူတွေက မတ် ၁၆ ရက်မှာ အတည်ပြုပြောဆိုပါတယ်။ အဲဒီမတော်တဆမှုဟာ ကွန်ဒီနာမာကာပြည်နယ်ရှိ ကျောက်မီးသွေးတွင်းဖြစ်ပွားခဲ့တာဖြစ်ပြီး ဒီမတော်တဆမှုဟာ ဓါတ်ငွေ့ယိုစိမ့်မှုကြောင့်လို့ ယူဆရကြောင်း တာ၀န်ရှိသူတွေက ပြောပါတယ်။ အလုပ်သမားတဦးချင်းသေဆုံးမှုဟာ စီးပွားရေးအရသာမက လူမှုရေးနဲ့ အစိုးရရဲ့ရှုံးနိမ့်မှုလည်းဖြစ်ပြီး ပြန်လည်ပြည့်ဖြိုးမြဲစွမ်းအင်အသုံးပြုမှုတွေကို အရှိန်မြှင့်တင်မယ်လို့ ကိုလံဘီယာသမ္မတ ဂတ်စတာဗိုပက်ထရိုက ပြောပါတယ်။ ယူကရိန်းစစ်ပွဲကြောင့် စွမ်းအင်အကျပ်အတည်းနဲ့ ရင်ဆိုင်နေရတဲ့ ဥရောပနိုင်ငံတွေကို ထောက်ပံ့ပေးနေတဲ့ အတွက် ကိုလံဘီယာမှာ ကျောက်မီးသွေး၀ယ်လိုအား တိုးလာနေပြီး ကျောက်မီးသွေးတင်ပို့မှုဟာ ယမန်နှစ်ကထက် နှစ်ဆတိုးလာနေပါတယ်။ ဒါပေမယ့် ဘေးကင်းလုံခြုံမှုဆိုင်ရာ စည်းမျဉ်းတွေလိုက်နာမှုအားနည်းခြင်းကြောင့် သတ္တုတွင်းမတော်တဆမှုတွေ မကြာခဏဆိုသလိုဖြစ်ပွားလေ့ရှိပြီး ယမန်နှစ်အတွင်း မတော်တဆမှု ၁၀၀ ကျော်ဖြစ်ပွားကာ လူ ၁၄၆ ဦးသေဆုံးခဲ့ပါတယ်။ Ref: NHK #voiceofmyanmar #VOM…

ကုလသမဂ္ဂ၊ မတ်-၁၇-၂၀၂၃ မျိုးဆက်(VOM) ကိုဗစ်-၁၉ ကပ်ရောဂါကြောင့် ပိတ်ဆို့မှုတွေအပြီးမှာ ကမ္ဘာ့ကိုကင်းထုတ်လုပ်မှုဟာ စံချိန်တင်မြင့်မားလာကြောင်း ကုလသမဂ္ဂက မတ် ၁၆ ရက်မှာထုတ်ပြန်တဲ့ အစီရင်ခံစာမှာ သတိပေးထားပါတယ်။ ၂၀၂၀-၂၀၂၁ ခုနှစ်အတွင်း ကိုကာစိုက်ပျိုးမှုဟာ ၃၅ ရာခိုင်နှုန်းထိ စံချိန်တင်အဆင့်ထိ တိုးလာကြောင်း ကုလသမဂ္ဂ မူးယစ်ဆေးဝါးနှင့် ရာဇ၀တ်မှုဆိုင်ရာရုံး (ယူအင်န်အိုဒီစီ)ရဲ့ အစီရင်ခံစာမှာ ဖော်ပြထားပါတယ်။ ကိုကင်းမူးယစ်ဆေးဝါးတွေကို မှောင်ခိုရောင်၀ယ်ဖောက်ကားမှုအတွက် ဗဟိုချက်နေရာသစ်တွေဟာ အာဖရိကအလယ်ပိုင်းနဲ့ အနောက်အာဖရိကတို့မှာ ပေါ်ပေါက်လာကြောင်း အစီရင်ခံစာမှာ ဖော်ပြထားပါတယ်။ ယေဘုယျအားဖြင့် ဥရောပနဲ့ မြောက်အမေရိကတို့ဟာ ကိုကင်းရောင်း၀ယ်ဖောက်ကားမှုအတွက် အကြီးဆုံးစျေးကွက်ဖြစ်ပြီး ဗဟိုအမေရိက၊ တောင်အမေရိကနဲ့ ကာရစ်ဘီယံဒေသတို့က ဒုတိယနေရာမှာ ရပ်တည်နေပါတယ်။ အာဖရိကနဲ့ အာရှရှိစျေးကွက်တွေဟာ အကန့်အသတ်ရှိနေဆဲလို့ အစီရင်ခံစာမှာ ဖော်ပြထားပေမယ့် စျေးကွက်ချဲ့ထွင်ဖို့ အလားအလာရှိတဲ့ အန္တရာယ်ရှိနေကြောင်း အစီရင်ခံစာမှာ ဖော်ပြထားပါတယ်။ Ref: BBC Photo:Getty Images #voiceofmyanmar…

ဝါရှင်တန်၊ မတ်-၁၇-၂၀၂၃ မျိုးဆင်(VOM) အမေရိကန်အစိုးရဟာ သြစတြေးလျနဲ့ ဒေါ်လာ ၉၈၅ သန်းတန်ဖိုးရှိသဘောတူညီချက်နဲ့အတူ ခရုဇ်ဒုံးကျည် ၂၂၀ ကို သြစတြေးလျကို ရောင်းချဖို့ အမေရိကန်နိုင်ငံခြားရေး၀န်ကြီးဌာနက မတ် ၁၆ ရက်မှာ အတည်ပြုလိုက်ပါတယ်။ အမေရိကန်ကွန်ဂရက်က အတည်ပြုဖို့လိုအပ်နေသေးတဲ့ အဲဒီရောင်းချမှုမှာ တွမ်မဟော့ခ်ဒုံးကျည်တွေအပြင် နည်းပညာဆိုင်ရာ ပံ့ပိုးမှုများလည်းပါ၀င်ပြီး ဒုံးကျည်တွေဟာ အရေးပါတဲ့ စွမ်းဆောင်ရည်တွေ ပေးစွမ်းနိုင်မယ်လို့ သြစတြေးလျကာကွယ်ရေး၀န်ကြီး ရစ်ချက်မာလက်စ်ကပြောပါတယ်။ အဲဒီဒုံးကျည်တွေကို အော့ကပ်စ်ကာကွယ်ရေးသဘောတူညီချက်အောက်ကနေ သြစတြေးလျက ၀ယ်ယူမယ့် ဗာဂျီးနီးယားအတန်းအစား ရေငုပ်သင်္ဘောတွေမှာ အသုံးပြုသွားမှာဖြစ်ပါတယ်။ ဒီသင်္ဘောတွေမရောက်ရှိမီမှာတော့ သြစတြေးလျရဲ့ ဟော့ဘတ်အတန်းအစား ဖျက်သင်္ဘောတွေမှာ ကနဦးတပ်ဆင်ဖြန့်ကြက်သွားမယ်လို့ သြစတြေးလျအခြေစိုက် အေဘီစီသတင်းဌာနက ဖော်ပြထားပါတယ်။ အခုလိုရောင်းချမှုဟာ အမေရိကန်နဲ့ အခြားသောမဟာမိတ်တပ်တွေရဲ့ရေတပ်တွေ အပြန်အလှန်အကျိုးရှိမယ့် စစ်ဆင်ရေးတွေမှာ အထောက်အကူဖြစ်စေမယ့်အပြင် သြစတြေးလျစစ်တပ်ရဲ့ စွမ်းဆောင်ရည်ကိုမြှင့်တင်နိုင်မှာဖြစ်ကြောင်း ပင်တဂွန်စစ်ဌာနချုပ်က ပြောပါတယ်။ Ref: BBC Photo:US Navy #voiceofmyanmar…