Day: April 24, 2023

မက္ကဆီကိုစီးတီ၊ ဧပြီ-၂၄-၂၀၂၃ မျိုးဆက်(VOM) မက္ကဆီကိုရှိ ဒုက္ခသည်ထိန်းသိမ်းရေးစခန်းတွေ ရပ်ဆိုင်းရေးတောင်းဆိုမှု တစိတ်တပိုင်းအဖြစ် ထောင်ပေါင်းများစွာသော ဒုက္ခသည်တွေဟာ မက္ကဆီကိုတောင်ပိုင်းကိုဖြတ်ပြီး မြို့တော်မက္ကဆီကိုစီးတီးကို ဧပြီ ၂၃ ရက်မှာ ချီတက်နေကြပါတယ်။ အမေရိကန်နယ်စပ်အနီးရှိ ဒုက္ခသည်စခန်းတခုမှာ လွန်ခဲ့တဲ့လကဖြစ်ပွားခဲ့တဲ့ မီးလောင်မှုကြောင့် လူ ၄၀ ထက်မနည်းသေဆုံးခဲ့ပါတယ်။ မိမိတို့တောင်းဆိုနေတဲ့ တခုတည်းသောအရာဟာ တရားမျှတမှုနဲ့ အခြားသူတွေလိုဆက်ဆံခံရဖို့ဖြစ်ကြောင်း ဆန္ဒပြချီတက်ရာမှာ ပါ၀င်သူတဦးကပြောပါတယ်။ ဆန္ဒပြချီတက်သူတွေဟာ မြို့တော်မက္ကဆီကိုစီးတီးကို ၁၀ ရက်တွင်း ရောက်ရှိဖွယ်ရှိနေပါတယ်။ ဆန္ဒပြသူအများစုဟာ ဗဟိုအမေရိက၊ ကျူးဘား၊ ဗင်နီဇွဲလား၊ အီကွေဒေါနဲ့ ကိုလံဘီယာတို့မှဖြစ်ပါတယ်။ သူတို့စာ ဂွါတီမာလာနယ်စပ်အနီး မက္ကဆီကိုနိုင်ငံ တာပါချူလာမြို့မှ ဧပြီ ၂၃ ရက် အရုဏ်တက်မှာ စတင်ချီတက်လာခဲ့ခြင်းဖြစ်ပြီး ဒုက္ခသည်စုစုပေါင်း ၃၀၀၀ ကျော်ပါ၀င်ပါတယ်။ အခုလိုက်ချီတက်ရာမှာ အမေရိကန်နယ်စပ်ကို ဒုက္ခသည်ဘယ်လောက်ထိရောက်ရှိမလဲဆိုတာကို သေချာစွာမသိရသေးပါဘူး။ မက္ကဆီကိုစီးတီး သို့မဟုတ် အမေရိကန်-မက္ကဆီကိုနယ်စပ်ကို မရောက်ရှိမီ ချီတက်လာတဲ့…

ဆစ်ဒနီ၊ ဧပြီ-၂၄-၂၀၂၃ မျိုးဆက်(VOM) သြစတြေးလျဟာ တရုတ်နိုင်ငံရဲ့ကြီးထွားလာတဲ့ ခြိမ်းခြောက်မှုတွေကို တန်ပြန်ဖို့အတွက် တာဝေးပစ်ဒုံးကျည်တွေ ၀ယ်ယူရေးကြိုးပမ်းမှုတွေကို အရှိန်မြှင့်လုပ်ဆောင်သွားမယ်လို့ ဧပြီ ၂၃ ရက်က ထုတ်ပြန်တဲ့ ကာကွယ်ရေးဆိုင်ရာ အစီရင်ခံစာတရပ်မှာ ဖော်ပြထားပါတယ်။ ဒုံးကျည်နည်းပညာခေတ်မှာ သြစတြေးလျနိုင်ငံရဲ့ ပထဝီအနေအထား သီးသန့်ဆန်မှုက နိုင်ငံကို အကာအကွယ်မပေးနိုင်တော့ကြောင်း အဲဒီအစီရင်ခံစာမှာ ဖော်ပြထားပါတယ်။ သြစတြေးလျအစိုးရအနေနဲ့ အစီရင်ခံစာပါ အကြံပြုချက်တွေအတိုင်း ဖြည့်ဆည်းဖို့ ဒေါ်လာ ၁၂ ဘီလီယံအသုံးပြုသွားမှာဖြစ်ပါတယ်။ စာမျက်နှာ ၁၁၀ ပါရှိတဲ့ အစီရင်ခံစာမှာ ဒုတိယကမ္ဘာစစ်နောက်ပိုင်း သြစတြေးလျကာကွယ်ရေးအတွက် အကြီးမားဆုံး သုံးသပ်ပြင်ဆင်မှုလည်းဖြစ်ပါတယ်။ ထိုင်၀မ်ကို တရုတ်ပြည်မှုကြီးနဲ့ပြန်လည်ပေါင်းစည်းရေးအတွက် လိုအပ်ပါကအင်အားသုံးမယ်လို့ အခိုင်အမာပြောဆိုထားတဲ့ တရုတ်နိုင်ငံရဲ့ ထိုင်၀မ်အပေါ်ရပ်တည်ချက်သဘောထားကြောင့် ဒေသတွင်းမှာ စစ်ရေးတင်းမာမှုများတိုးလာချိန်မှာ သြစတြေးလျရဲ့ ကာကွယ်ရေးဆိုင်ရာ မဟာဗျူဟာသုံးသပ်ချက် ထွက်ပေါ်လာတာဖြစ်ပါတယ်။ တရုတ်နိုင်ငံဟာ တောင်တရုတ်ပင်လယ်မှာ အဓိကတည်ရှိနေတဲ့ အစိတ်အပိုင်းတွေကို သူ့ရဲ့ပိုင်နက်နယ်မြေအဖြစ် တောင်းဆိုထားပြီး ဒီတောင်းဆိုမှုဟာ နိုင်ငံတကာဥပဒေနဲ့…

ဧပြီ-၂၄-၂၀၂၃ အမေရိကန်နဲ့ အနောက်အုပ်စု မဟာမိတ်များမှ ပံ့ပိုးပေးသော ပက်ထရီယော့ ဒုံးကျည်ကာကွယ်ရေးစနစ်ဟာ ဗုဒ္ဓဟူးနေ့မှာပဲ ယူကရိန်းနိုင်ငံကို ရောက်ရှိလာပြီဖြစ်တယ်လို့ ယူကရိန်းအရာရှိများက ကြေညာခဲ့ပါတယ်။ ယူကရိန်းကို ကျူးကျော်မှုတစ်လျှောက်လုံးမှာ ရုရှားဘက်က လေကြောင်းတိုက်ခိုက်မှုတွေ ပြုလုပ်ခဲ့ပြီး ကိယက်ဗ်ရဲ့ စွမ်းအင်အခြေခံအဆောက်အအုံတွေကို အကြိမ်ကြိမ်ပစ်မှတ်ထားခဲ့ပါတယ်။ ထို့အတွက် ယူကရိန်းဘက်က ရုရှားရဲ့ ဒရုန်းတွေနဲ့ ဒုံးကျည်တွေကို ပစ်ချနိုင်ဖို့အတွက် ခေတ်မီတဲ့ ပက်ထရီယော့ ဒုံးကျည်ကာကွယ်ရေးစနစ်ကို ရရှိရေးအတွက် မျှော်လင့်ခဲ့ပါတယ်။ “အိပ်မက်တွေကို ဘယ်လိုပုံဖော်ရမလဲဆိုတာ ခင်ဗျားတို့သိလား၊ ဒီအကြောင်းတွေကို ကမ္ဘာကသိစေဖို့ အသက်တွေပေးရမယ်” လို့ Twitter လူမှုကွန်ရက်ပေါ်မှာ ယူကရိန်းကာကွယ်ရေးဝန်ကြီး အိုလက်ခ်ဆီ ရီဇနီကော့ဗ်က ရေးသားမျှဝေခဲ့ပါတယ်။ ယခုတော့ မျှော်လင့်ခဲ့တဲ့ ပက်ထရီယော့ ဒုံးကျည်ကာကွယ်ရေးစနစ်တွေဟာ ယူကရိန်းကို ရောက်ရှိလာပြီဖြစ်တဲ့အတွက် လှပတဲ့ ယူကရိန်းကောင်းကင်ယံဟာ ပိုမိုလုံခြုံလာတော့မှာဖြစ်ပါတယ်။ ပက်ထရီယော့ ဒုံးကျည်ကာကွယ်ရေးစနစ်တွေထဲက တစ်ခုကို အမေရိကန်က ပံ့ပိုးပေးခဲ့တာဖြစ်ပြီး၊ နောက်ထပ်တစ်ခုကိုတော့ ဂျာမဏီနဲ့…

ခါတွမ်၊ ဧပြီ-၂၄-၂၀၂၃ မျိုးဆက်(VOM) ဆူဒန်နိုင်ငံ မြို့တော်ခါတွမ်မှာ တိုက်ပွဲတွေဆက်လက်ပြင်းထန်နေတာကြောင့် ကမ္ဘာ့နိုင်ငံအစိုးရတွေဟာ သူတို့ရဲ့ သံတမန်တွေနဲ့ နိုင်ငံသားတွေကို ဆူဒန်ကနေ ကယ်ထုတ်နေကြပါတယ်။ အမေရိကန်နဲ့ဗြိတိန်တို့ဟာ သူသတို့ရဲ့သံတမန်၀န်ထမ်းတွေကို ဆူဒန်မှကယ်ထုတ်ခဲ့ကြောင်း ဧပြီ ၂၃ ရက်မှာ ကြေညာပါတယ်။ ရဟတ်ယာဉ်သုံးစင်းနဲ့ လူပေါင်း ၁၀၀ ထက်မနည်းကို ကယ်ထုတ်ခဲ့ကြောင်း အမေရိကန်အာဏာပိုင်တွေကပြောပါတယ်။ ပြင်သစ်၊ ဂျာမနီ၊ အီတလီနဲ့ စပိန်နိုင်ငံတို့ကလည်း နိုင်ငံသားတွေကို ကယ်ထုတ်နေကြပါတယ်။ ဆူဒန်စစ်တပ်နဲ့ ပြည့်သူ့စစ်အဖွဲ့တို့အကြား ပြင်းထန်တဲ့အာဏာလွန်ဆွဲမှုကြောင့် ဆူဒန်နိုင်ငံတ၀န်း အကြမ်းဖက်မှုများဆီသို့ ဦးတည်နေပါတယ်။ လူဦးရေခြောက်သန်းရှိတဲ့ မြို့တော်ခါတွမ်မှာ အာဖရိက၊ အာရှနဲ့ အရှေ့အလယ်ပိုင်းကနေ လာရောက်တဲ့ ပြည်ပကျောင်းသားအများအပြားဟာ အကူအညီတောင်းခံမှုတွေလည်းရှိနေပါတယ်။ တချိန်တည်းမှာ ဆူဒန်မှာအင်တာနက်ဆက်သွယ်ရး လုံးလုံးလျားလျားနီးပါး ပြတ်တောက်မှုဖြစ်ပေါ်နေပြီး ခါတွမ်နဲ့ အခြားမြို့တွေမှာ ပိတ်မိနေသူတွေကို အကူအညီပေးဖို့ ညှိနှိုင်းဆောင်ရွက်မှုတွေကို ဆိုးရွားစွာအဟန့်အတားဖြစ်နေကြောင်း သတင်းတွေထွက်ပေါ်နေပါတယ်။ Ref: BBC Photo:AP #voiceofmyanmar…