Day: October 15, 2023

ဆိုးလ်၊ အောက်တိုဘာ-၁၅-၂၀၂၃ မျိုးဆက်(VOM) တရုတ်အာဏာပိုင်တွေဟာ မြောက်ကိုရီးယားကနေ ထွက်ပြေးလာသူ အများအပြားကို အတင်းအကြပ်ပြန်ပို့ခဲ့ကြောင်း တောင်ကိုရီးယားက ပြောပါတယ်။ ထွက်ပြေးလာတဲ့ မြောက်ကိုရီးယားနိုင်ငံသား ၆၀၀ ကျော်ကို တရုတ်နိုင်ငံကပြန်ပို့ခဲ့ကြောင်း လူ့အခွင့်အရေးအဖွဲ့တွေရဲ့ အစီရင်ခံစာတွေထွက်ပေါ်လာပြီးနောက် တောင်ကိုရီးယားကလည်း အခုလို ပြောဆိုလိုက်တာဖြစ်ပါတယ်။ အဲဒီအစီရင်ခံစာဟာ မှန်ကန်ဖွယ်ရှိကြောင်း တောင်ကိုရီးယားက ပြောကြားခဲ့ပေမယ့် ပြန်လည်ပို့ဆောင်ခံရတဲ့ မြောက်ကိုရီးယားနိုင်ငံသားအရေအတွက်ကိုတော့ အသေးစိတ်ထုတ်ဖော်ပြောဆိုခြင်းမရှိပါဘူး။ ထွက်ပြေးလာသူတွေဟာ အမျိုးသမီးအများစုဖြစ်ပြီး မြောက်ကိုရီးယားကို ပြန်လည်ရောက်ရှိပါက လိင်ပိုင်းဆိုင်ရာ အကြမ်းဖက်မှု သို့မဟုတ် သေဒဏ်ထိ ပြစ်ဒဏ်ကျခံရနိုင်ကြောင်း လူ့အခွင့်အရးအဖွဲ့တွေကပြောပါတယ်။ မြောက်ကိုရီးယားနိုင်ငံသားရာပေါင်းများစွာဟာ သူတို့ကိုထိန်းသိမ်းထားတဲ့ ထိန်းသိမ်းရေးစခန်းတွေကနေ ထရပ်ကားတွေနဲ့ မြောက်ကိုရီးယားသို့ တရုတ်အာဏာပိုင်တွေက ပို့ဆောင်ခဲ့တာဖြစ်ကြောင်း တရုတ်နိုင်ငံရှိ သတင်းရင်းမြစ်တွေက ထုတ်ဖော်ပြောဆိုထားပါတယ်။ Ref:BBC #voiceofmyanmar #vom #China #deported #N-Korean #defectors Telegram Link – https://t.me/VOMNEWS2023/3022

တဲလ်အဗစ် ၊အောက်တိုဘာ -၁၅-၂၀၂၃ မျိုးဆက်(VOM) အစ္စရေးစစ်တပ်ဟာ ဂါဇာကို ကြည်း ၊ရေ ၊ လေ သုံးသွယ်နဲ့ တိုက်ခိုက်ဖို့ စီစဥ်နေကြောင်း ဒီနေ့မှာ ထုတ်ပြန်ကြေညာလိုက်ပါတယ်။ ဒါပေမယ့် ထိုးစစ်ဆင်မယ့် အချိန်အတိအကျနဲ့ အသေးစိတ်အချက်အလက်တွေကိုတော့ ထုတ်ပြန်ချက်မှာ ဖော်ပြမထားပါဘူး။ ရှေ့တန်းရောက် စစ်သားတွေအတွက် စစ်ဆင်ရေး နောက်ဆင့်လာပြီလို့ အစ္စရေးဝန်ကြီးချုပ် နေတန်ယာဟုက ဆိုပါတယ်။ ဂါဇာမြောက်ပိုင်းမှာ နေထိုင်တဲ့ ပါလက်စတိုင်း ၁ ဒသမ ၁ သန်းကို တောင်ဘက်သို့ ရွှေ့ပြောင်းဖို့ အစ္စရေးက သတိပေးထားပြီး ထောင် ပေါင်းများစွာသော ဒေသခံတွေဟာ ကား သို့မဟုတ် ခြေလျင်ခရီးနဲ့ဘေးလွတ်ရာကို တိမ်းရှောင်နေကြပါတယ်။ ဒီအတောအတွင်း ဂါဇာမြောက်ပိုင်းမှ ထွက်ခွာသွားတဲ့ ယာဉ်တန်းတခု တိုက်ခိုက်ခံရမှုမှာ အမျိုးသမီးန ဲ့ ကလေးငယ် တွေ သေဆုံးခဲ့ ကြောင်း သတင်းတွေက ဖော်ပြထားပါတယ်။ ဟားမတ်စ်…