Day: November 11, 2023

    မိုဂါဒစ်ရှူး၊ နိုဝင်ဘာ-၁၁-၂၀၂၃ မျိုးဆက်(VOM) ဆိုမာလီယာနိုင်ငံမှာ မကြာသေးမီက ပုံမှန်မဟုတ်တဲ့ မိုးရွာသွန်းမှုတွေကြောင့် လူ ၁ ဒသမ ၆ သန်းကျော် ထိခိုက်နိုင်ကြောင်း ကုလသမဂ္ဂက သတိပေးထုတ်ပြန်လိုက်ပါတယ်။ အခုလို ပုံမှန်မဟုတ်တဲ့မိုးရွားသွန်းမှုဟာ ရာစုနှစ်တခုအတွင်း မကြုံစဖူးဖြစ်ကြောင်း ကုလသမဂ္ဂက ပြောဆိုထားပြီး ဆိုမာလီယာနိုင်ငံအတွက် အကူအညီ ဒေါ်လာ ၂၅ သန်း ထောက်ပံ့ထားပါတယ်။ မိုးသည်းထန်စွာရွာသွန်းမှုတွေကြောင့် လူ ၂၉ ဦးထက်မနည်းသေဆုံးခဲ့ပြီး ပြည်သူသုံးသိန်းကျော် အိုးမဲ့အိမ်မဲ့ ဖြစ်ခဲ့ရကာ စိုက်ပျိုးမြေ ဧက ၃ ဒသမ ၇ သန်းကျော် ပျက်စီးဖွယ်ရှိကြောင်း ကုလသမဂ္ဂက ထုတ်ပြန်ထားပါတယ်။ အယ်လ်နီညိုအန္တရာယ်နဲ့ ဆက်နွယ်နေတဲ့ ပြင်းထန်တဲ့ ရာသီဥတုအခြေအနေတွေကြောင့် ဆိုမာလီယာနဲ့ အခြားနေရာဒေသတွေမှာ လူသားချင်းစာနာထောက်ထားမှု အကူအညီတွေလိုအပ်နေကြောင်း ကုလသမဂ္ဂအကူအညီပေးရေး တာဝန်ရှိသူတွေက ပြောပါတယ်။ လက်ရှိမှာတော့ ဆိုမာလီယာမှာ လမ်းပန်းဆက်သွယ်ရေးတွေ ပြတ်တောက်နေတာကြောင့်…

  ဝါရှင်တန်၊ နိုဝင်ဘာ-၁၁-၂၀၂၃ မျိုးဆက်(VOM) အမေရိကန်သမ္မတဂျိုးဘိုင်ဒင်နဲ့ တရုတ်သမ္မတရှီကျင်းပင်တို့ဟာ လာမယ့်သီတင်းပတ်အတွင်း အမေရိကန်နိုင်ငံ ဆန်ဖရန်စစ္စကိုမှာ ထိပ်သီးဆွေးနွေးကြမယ်လို့ အမေရိကန်တာဝန်ရှိသူနှစ်ဦးက အတည်ပြုပြောဆိုပါတယ်။ နိုဝင်ဘာ ၁၅ ရက်မှာပြုလုပ်မယ့် ထိပ်သီးဆွေးနွေးပွဲဟာ ဂျိုးဘိုင်ဒင်ရဲ့ သမ္မတသက်တမ်းအတွင်း ရှီကျင်းပငနဲ့ ဒုတိယအကြိမ် မျက်နှာချင်းဆိုင် တွေ့ဆုံဆွေးနွေးမှုလည်းဖြစ်ပါတယ်။ ထိပ်သီးဆွေးနွေးပွဲမှာ အစ္စရေး-ဟားမတ်စ်စစ်ပွဲ၊ ထိုင်ဝမ်အရေး၊ ယူကရိန်းစစ်ပွဲနဲ့ ရွေးကောက်ပွဲတွေမှာ ဝင်ရောက်စွက်ဖက်မှုတွေနဲ့ပတ်သက်ပြီး ဆွေးနွေးသွားမှာဖြစ်ကြောင်း အမေရိကန်တာဝန်ရှိသူတွေက ပြောပါတယ်။ အမေရိကန်-တရုတ်ဆက်ဆံရေးမှာ မဟာဗျူဟာဦးတည်ချက်နဲ့ နှစ်နိုင်ငံ စစ်ဘက်ဆိုင်ရာ တွေ့ဆုံဆွေးနွေးပွဲတွေပြုလုပ်ရေးတို့ကိုလည်း ဆွေးနွေးသွားဖွယ်ရှိကြောင်း တာဝန်ရှိသူတွေကဆိုပါတယ်။ သမ္မတနှစ်ဦးရဲ့ ထိပ်သီးဆွေးနွေးပွဲအတွက် နှစ်နိုင်ငံတာဝန်ရှိသူတွေ ဆွေးနွေးလျှက်ရှိပြီး တရုတ်နိုင်ငံခြားရေးဝန်ကြီး ဝမ်ယီဟာလည်း ထိပ်သီးဆွေးနွေးပွဲအတွက် အောက်တိုဘာနှောင်းပိုင်းမှာ အမေရိကန်ကို သွားရောက်ခဲ့ပါတယ်။ Ref:BBC Photo:Reuters  

Voice of Myanmar မဟာမိတ်နိုင်ငံများနှင့် ဂျာမနီတို့အကြား အပစ်အခတ်ရပ်စဲရေး သဘောတူချုပ်ကို လက်မှတ်ရေးထိုးခဲ့ပြီးနောက် ၁၉၁၈ ခုနှစ် နိုဝင်ဘာ ၁၁ ရက် နံနက် ၅ နာရီတွင် ပထမကမ္ဘာစစ် အဆုံးသတ်ခဲ့သည်။