Month: February 2024

  ဖေဖော်ဝါရီ ၊ ၉ ၊ ၂၀၂၄ SP ( VOM) ကချင်ပြည်နယ် ၊ မိုးညှင်းခရိုင် ၊ အင်းတော်ကြီးဒေသ နန့်မွန်းမြို့(မြို့နယ်ခွဲ) အရှေ့ဘက် အင်းသာရွာနဲ့ ဟဲပါးကျေးရွာကြား အင်းတော်ကြီး – ဖားကန့်လမ်းပေါ်မှာ မနေ့ ဖေဖော်ဝါရီ ၈ ရက် ၊ မနက်အစောပိုင်းက ရဲတွေစီးလာတဲ့ကားကို KIA နဲ့ PDF အဖွဲ့တွေက ပစ်ခတ်ဖမ်းဆီးလိုက်တယ်လို့ သိရပါတယ်။ အဲ့ဒီ အကြောင်းနဲ့ ပတ်သက်လို့ အင်းသာကျေးရွာခံ တယောက်က ” မနေ့က မနက်ပိုင်း ၆ နာရီဝန်းကျင်မှာ ပစ်ခတ်မှုဖြစ်တယ် ၊ KIA နဲ့ PDF အဖွဲ့တွေက ကားကိုတားတယ် ၊ ရပ်မပေးပဲ မောင်းပြီးထွက်ပြေးတာကြောင့် ကားကိုပစ်လိုက်တယ် ၊ အဲ့ဒီ ပစ်ခတ်မှုကြောင့် ကားက ရှေ့ဆက်မသွားနိုင်တော့ပဲ…

ဖေဖော်ဝါရီ ၉ရက်၊ ၂၀၂၄။ ဒီနေ့ ဖေဖော်ဝါရီ ၉ရက် မနက်စောပိုင်း၊ မန္တလေးမှာ၊မီးလောင်မှု၂ခု ထပ်ဆင့်ဖြစ်ခဲ့ပါတယ်။ အောင်မြေသာစံမြို့နယ်၊ ၈၃လမ်း၊ (၂၂x၂၃)ကြားက လူနေတိုက်ခန်းတခု မီးလောင်မှု မနက် ၁ရီ ၄၀ ခန့်က ဖြစ်ခဲ့ပြီး level 2 အဆင့်နဲ့ ငြိမ်းသတ်ခဲ့ရပါတယ်။ အဲ့ဒီနောက် မနက် ၂ နာရီ ၅၀အချိန်ခန့်မှာ၊ အမရပူရမြို့နယ်၊ လေးစုရပ်ကွက်တွင် ထပ်ပြီး မီးလောင်မှုဖြစ်ပွား​လို့ နယ်မြေခံ မီးသတ်အဖွဲ့တွေ မီးငြိမ်းသတ်နေရပါတယ်။ မနက် ၃ နာရီကျော်မှာတော့ မီးထိန်းနိုင်ပြီလို့ မီးသတ်တပ်ဖွဲ့ကနေ သိရပါတယ်။  

ဖေဖော်ဝါရီ ၈ – ၂၀၂၄ SN (VOM) နိုင်ငံ့ဝန်ထမ်း အငြိမ်းစားတွေရဲ့ ပင်စင်လစာ တိုးမြှင့်ပေးဖို့ အစီအစဉ် မရှိသေးဘူးလို့ သတင်းမှန်ပြန်ကြားရေးအဖွဲ့ (Information Team) က သိရပါတယ်။ လက်ရှိမှာ နိုင်ငံ့ဝန်ထမ်းတွေရဲ့ ပင်စင်လစာကို ကျပ် သုံးသောင်းတိတိ တိုးမြှင့်ပေးမယ်ဆိုတဲ့ ကောလာဟလတွေ လူမှုကွန်ယက်ပေါ်မှာ ပျံ့နှံ့နေတာဖြစ်ပြီး ဒါနဲ့ပတ်သက်လို့ နိုင်ငံ့ဝန်ထမ်း အငြိမ်းစားတွေအတွက် လစာ တိုးမြှင့်ပေးဖို့နဲ့ စပ်လျဉ်းပြီး အမိန့်ကြော်ငြာစာ ထုတ်ပြန်ထားမှု မရှိသေးဘူးလို့ သိရပါတယ်။ “ပင်စင်စားတွေ ပင်စင်တိုးတယ်ဆိုလို့ ဝမ်းသာနေကြတာ။ ပင်စင်စား သက်ကြီးတွေက ပင်စင်ပဲ အားကိုးပြီး ဘဝရပ်တည်နေကြတာပါ။ ခေတ်ကာလ အစစအရာရာ စျေးနှုန်းတွေတက်နေတာလေ။ အခု ပင်စင် တသိန်းသုံးသောင်း ရတယ်။ သုံးသောင်းတိုးမယ်ဆိုတော့ သားသမီးထောက်ပံ့မှုတွေနဲ့ ရပ်တည်နေကြသူတွေ အခိုက်အတန့် အဆင်ပြေသွားပြီဆိုပြီး ဝမ်းသာနေကြတာလေ။ အခု မဟုတ်တော့ဘူးဆိုတော့ ခဲလေသမျှသဲရေကျပေါ့”…

  ဖေဖော်ဝါရီ ၈ – ၂၀၂၄ SN (VOM) ရှမ်းပြည်နယ် (အရှေ့ပိုင်း)၊ တာချီလိတ်မြို့၊ ဆန်ဆိုင်း (က) ရပ်ကွက်ရှိ နဂါးနှစ်ကောင်ကျောင်းတိုက် ပဓာနနာယက နိုင်ငံတော် သြဝါဒစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာ သဒ္ဓမ္မဇောတိက၊ အဂ္ဂမဟာပဏ္ဍိတ၊ အဂ္ဂမဟာ မင်္ဂလဓမ္မဇောတိကဓဇ ဂုဏ်ထူးဆောင် ပါရဂူဘွဲ့ရ နဂါးနှစ်ကောင်ဆရာတော် ဘဒ္ဒန္တဓမ္မသီရိဟာ ဒီကနေ့ ဖေဖော်ဝါရီ ၈ ရက်၊ မနက်အစောပိုင်းမှာ ဘဝနတ်ထံ ပျံလွန်တော်မူခဲ့ပြီဖြစ်တယ်လို့ ဆရာတော်ကြီးရဲ့ တပည့်သာဝကတွေဆီက သိရပါတယ်။ ထိုင်းနိုင်ငံအတွင်း ဆေးကုမှုခံ ယူခဲ့ပြီးနောက် မြန်မာနိုင်ငံကို ပြန်လည် ပင့်ဆောင်ကာ တာချီလိတ်၊ နဂါးနှစ်ကောင် ကျောင်းတိုက်အတွင်းရှိ သီးသန့်ဆောင်မှာ ဆက်လက် ဆေးကုသမှုခံယူနေစဉ် ပျံလွန်တော်မူခဲ့တာဖြစ်ပြီး ပျံလွန်တော်မူချိန်မှာတော့ သက်တော် ၉၇ နှစ်၊ ဝါတော် ၇၇ ဝါ ရှိပြီ ဖြစ်တယ်လို့ သိရပါတယ်။…

ဖေဖော်ဝါရီ ၈ – ၂၀၂၄ SN (VOM) ကချင်ပြည်နယ်၊ ဖားကန့်မြို့နယ်၊ နန့်တိန်ကျေးရွာနဲ့ ခုနစ်မိုင်ကုန်းကျေးရွာအနီး ဖြစ်ပွားနေတဲ့ တိုက်ပွဲတွေကြောင့် ပျက်စီးခဲ့ရတဲ့ မိုးကောင်း-ဖားကန့် ၆၆ ကေဗွီ ဓာတ်အားလိုင်းကို နယ်မြေအခြေအနေအရ ပြင်ဆင်ဖို့ အခက်အခဲရှိနေတဲ့အတွက် ဖားကန့်မြို့နယ်မှာ လျှပ်စစ်မီးပြန်ရဖို့ ရက်ပေါင်းများစွာ ကြာမြင့်နိုင်တယ်လို့ မြို့နယ် လျှပ်စစ်အင်ဂျင်နီယာရုံးနဲ့ ဒေသခံတွေဆီက သိရပါတယ်။ ပြီးခဲ့တဲ့ ဖေဖော်ဝါရီ ၄ ရက်နေ့က ပစ်ခတ်မှု ဖြစ်ပွားခဲ့တာကြောင့် နမ့်တိန်နဲ့ ဖားကန့်မြို့ကြားက ဓာတ်တိုင်တွေ ထိမှန်ပျက်စီးခဲ့တဲ့အတွက် အခုလို ဖားကန့်မှာ လျှပ်စစ်ဓာတ်အား ပြတ်တောက်မှုတွေ ဖြစ်ပေါ်နေတာလို့ ဒေသခံတွေက ပြောပါတယ်။ “ဒီနေ့ဆိုရင် မီးပျက်နေတာ ငါးရက်လောက်ရှိပြီ။ လုံးခင်း၊ ဖားကန့်၊ ဆိုင်တောင် အကုန်ပဲ။ မြို့နယ် လျှပ်စစ်အင်ဂျင်နီယာရုံးကတော့ နယ်မြေတည်ငြိမ်တာနဲ့ ပြန်ပြင်ဖို့ စီစဉ်နေတယ်လို့ ပြောတယ်။ အခုကတော့ လုံခြုံရေးအခြေအနေအရ…