Day: September 2, 2024

ဘန်ကောက်၊ စက်တင်ဘာ-၂-၂၀၂၄မျိုးဆက်(VOM)ထိုင်းအစိုးရအဖွဲ့သစ် ဝန်ကြီးတွေကို ရွေးချယ်ခဲ့ပြီးဖြစ်ကာ လာမယ့်သီတင်းပတ်မှာ ထိုင်းဘုရင်ရဲ့ အတည်ပြုခွင့်ချက် ရယူဖို့ တင်ပြသွားမယ်လို့ ထိုင်းဝန်ကြီးချုပ်သစ် ပိုင်တောင်ထရန်ရှင်နာဝပ်ထရာက ဒီနေ့ စက်တင်ဘာ ၂ ရက်မှာ ထုတ်ဖော်ပြောလိုက်ပါတယ်။အစိုးရအဖွဲ့သစ်ကို စက်တင်ဘာလလယ်မှာ အတည်ပြုမယ်လို့ သူမရဲ့ ကြားဖြတ်အစိုးရမှာပါဝင်တဲ့ ထိပ်တန်းတာဝန်ရှိသူတွေကလည်း ဆိုပါတယ်။ အစိုးရအဖွဲ့သစ်မှာ ယခင် ဘဏ္ဍာရေးနဲ့ နိုင်ငံခြားရေးဝန်ကြီးတွေ ဆက်လက်ပါဝင်မှာဖြစ်ပါတယ်။ဝန်ကြီးနဲ့ ဒုတိယဝန်ကြီးအသစ် ၁၁ ယောက်ကို အစိုးရအဖွဲ့သစ်မှာ တွေ့မြင်ရမယ်လို့ အမည်မဖော်လိုတဲ့ အစိုးရသတင်းရင်းမြစ်တွေကို ကိုးကားပြီး ထိုင်းအခြေစိုက် သတင်းဌာနတွေက ဖော်ပြထားပါတယ်။ အစိုးရအဖွဲ့သစ်အမည်စာရင်းနဲ့ပတ်သက်ပြီး ဖြူထိုင်းပါတီ အထွေထွေအတွင်းရေးမှူးက မှတ်ချက်ပေးဖို့ ငြင်းဆန်ထားပါတယ်။ဝန်ကြီးချုပ် ဆရက်သာ သာဗီဆင်ကို ဖွဲ့စည်းပုံအခြေခံဥပဒေ ချိုးဖောက်သည်ဆိုကာ တရားရုံးချုပ်အမိန့်နဲ့ ရာထူးကနေ ဖယ်ရှားပြီး တလမပြည်ခင်မှာ ဖြူထိုင်းပါတီက နိုင်ငံရေးဝါနုသေးတဲ့ အသက် ၃၈ နှစ်အရွယ် ပိုင်တောင်ထရန်ရှင်နာဝပ်ထရာကို ဝန်ကြီးချုပ်သစ်အဖြစ် ပါလီမန်က ရွေးချယ်ခဲ့ပါတယ်။Ref:AFPPhoto:Bloomberg

အော်စလို၊ စက်တင်ဘာ-၂-၂၀၂၄မျိုးဆက်(VOM)ရုရှားက သူလျှိုအဖြစ် လေ့ကျင့်ပေထားတယ်လို့သံသယရှိတဲ့ သူလျှိုဝေလငါးတစ်ကောင်ကို နော်ဝေကမ်းခြေမှာ သေဆုံးလျက်တွေ့ရှိခဲ့တယ်လို့ နော်ဝေတာဝန်ရှိသူတွေက ပြောပါတယ်။Hvaldimir လို့နာမည်ပြောင်ပေးထားတဲ့ အဲဒီဝေလငါးရဲ့ အလောင်းကို နိုင်ငံအနောက်ပိုင်း ရီဆာဗီကာမြို့အနီး ရေပြင်မှာ တွေ့ရှိပြီးနောက် ကမ်းပေါ်ကို သယ်ဆောင်သွားကြပြီး ဒါဟာ ငါးနှစ်အတွင်း ပထမဆုံးသော သူလျှိုဝေလငါး တွေ့ရှိမှုဖြစ်ပါတယ်။ဝေလငါးအလောင်းမှာ စိန့်ပီတာစဘတ်ရဲ့ ပစ္စည်းဆိုတဲ့ စာတမ်းပါ ကြိုးတခုနဲ့အတူ GoPro ကင်မရာတလုံး တက်ဆင်ထားတာကိုလည်း တွေရှိခဲ့ရပြီး ဒါဟာ သူလျှိုဝေလငါးဖြစ်နိုင်တယ်လို့ သုံးသပ်ချက်တွေ ထွက်ပေါ်နေပါတယ်။ဝေလငါးသေဆုံးမှုကို အသေးစိတ်မသိရပေမယ့် ပြင်ပဒဏ်ရာမတွေ့ဘူးလို့ ဆိုပါတယ်။ အရင်တုန်းကလည်း နော်ဝေရေပိုင်နက်မှာ သူလျှိုဝေလငါးတွေကို တွေ့ရှိခဲ့ဖူးပေမယ့် ရုရှားကတော့ ဒီစွပ်စွဲချက်တွေကို ဘယ်တုန်းကမှ တုံပြန်ခြင်းမရှိခဲ့ပါဘူး ။ခန့်မှန်းခြေ နှစ်ပေါင်း ၆၀ လောက်ထိ အသက်ရှင်နိုင်တဲ့ ဘီလူဂါဝေလငါးတွေအတွက်တော့ အသက်ပြည့်တယ် ပြောလို့မရသေးဘဲ သူဟာ ၁၅ နှစ်လောက်ပဲရှိသေးတယ်လို့ တာဝန်ရှိသူတွေကပြောပါတယ်။ သူဟာ ရုရှားမြောက်ပိုင်း…

တဲလ်အဗစ်၊ စက်တင်ဘာ-၂-၂၀၂၄ မျိုးဆက်(VOM) ဂါဇာကမ်းမြှောင်ဒေသမှာ အစ္စရေးဓါးစာခံခြောက်ယောက်ရဲ့ အလောင်းတွေကို တွေ့ရှိခဲ့ပြီးနောက် အစ္စရေးနိုင်ငံတဝန်းမှာ လူသိန်းချီပြီး ဆန္ဒပြနေကြပါတယ်။ အစ္စရေးအလံတွေ ကိုင်ဆောင်ဝှေ့ယမ်းနေတဲ့ ဆန္ဒပြသူတွေကတော့ ဟားမတ်စ်တို့ဖမ်းဆီးထားတဲ့ ကျန်ရှိနေတဲ့ ဓါးစာခံတွေ ပြန်လည်လွတ်မြောက်ရေးအတွက် ဝန်ကြီးချုပ်နေတန်ယာဟုဦးဆောင်တဲ့ အစ္စရေးအစိုးရက လုံလောက်တဲ့ အစီအမံတွေ မလုပ်ခဲ့ဘူးလို့ ဆိုပါပါတယ်။ ဆန္ဒပြပွဲတွေဟာ မြို့တော် တဲလ်အဗစ် ၊ ဂျေရုဆလင်နဲ့ အခြားမြို့ကြီးတွေမှာ ဖြစ်ပွားခဲ့ပြီး တဲလ်အဗစ်မြို့ရဲ့ အဝေးပြေးလမ်းမကြီးကို ပိတ်ဆို့ဆန္ဒပြခဲ့ကြတဲ့အပြင် ရဲတပ်ဖွဲ့က တားမြစ်ထားတဲ့ အတားအဆီးတွေကိုလည်း ဖြတ်ကျော်ခဲ့ပါတယ်။ အစ္စရေးအလုပ်သမား သမဂ္ဂကလည်း စက်တင်ဘာ ၂ ရက်မှာ နိုင်ငံလုံးဆိုင်ရာ အထွေထွေသပိတ်မှောက်ဖို့ တိုက်တွန်းခဲ့ပြီး ဓါးစာခံလွတ်မြောက်ရေး သဘောတူညီချက်အတွက် တွန်းအားပေးနေပါတယ်။ ဂါဇာတောင်ပိုင်း ရာဖာဒေသရှိ မြေအောက်ဥမင်လှိုဏ်ခေါင်းထဲမှာ ဟားမတ်စ်တို့ သတ်ဖြတ်ထားတဲ့ အစ္စရေးဓါးစာခံ ခြောက်ယောက်ရဲ့အလောင်းတွေကို ပြီးခဲ့တဲ့ စနေနေ့က တွေ့ရှိခဲ့တယ်လို့ အစ္စရေးစစ်တပ်က ထုတ်ပြန်ထားပြီး…

Voice of Myanmarဂျပန်နိုင်ငံခြားရေးဝန်ကြီး ရှီဂီမစ်ဆူမာမိုရူနှင့် ဗိုလ်ချုပ်ကြီး ယူမီဇူယိုရှီဂျီယိုတို့သည် ဂျပန်နိုင်ငံက တရားဝင်လက်နက်ချရေး သဘောတူညီချက်ကို အမေရိကန်စစ်သင်္ဘော ယူအက်စ်အက်စ် မစ်ဆူရီပေါ်တွင် ၁၉၄၅ ခုနှစ် စက်တင်ဘာ ၂ ရက်၌ လက်မှတ်ရေးထိုးခဲ့ကြပြီးနောက် ဒုတိယကမ္ဘာစစ်ကြီး အဆုံးသတ်ခဲ့လေသည်။