စက်တင်ဘာ ၁၉ ၊၂၀၂၅ GG (VOM) ကချင်ပြည်နယ်၊ ပူတာအိုမြို့နယ်မှာ ပြီးခဲ့တဲ့ ရက်က ဖြစ်ပွားခဲ့တဲ့ တောင်ပြို၊မြေပြို ၊ရေကြီးမှုကြောင့် မန်စေခွန်ရွာအပါအဝင် ရွာခြောက်ရွာလောက်မှာရှိတဲ့ လယ်ဧကရာနဲ့ချီပြီး သဲမြေဖုံးလွှမ်းကာ စိုက်ခင်းတွေပျက်စီးသလို သဲသောင်ပြင်ကြီးဖြစ် သွားတယ်လို့ ဒေသခံတွေဆီကသိရပါတယ်။ စပါးစိုက်ခင်းတွေကို သဲတွေဖုံးလွှမ်းသွားတာကြောင့် မကြာမီရိတ်သိမ်းရတော့မယ့် စပါးခင်းတွေပျက်စီးသွားသလို လယ်တွေလည်းသဲတွေဖုံးသွားတဲ့အတွက် သဲသောင်ပြင်ကြီးဖြစ်သွားတာကြောင့် လာမယ့်မိုးရာသီမှာပင် စပါးစိုက်ပျိုးနိုင်လို့မရတဲ့အခြေအနေထိဖြစ်သွားတယ်လို့သိရပါတယ်။ ဒါကြောင့် ဒေသခံပြည်သူတွေက သူတို့ကို အကူအညီနဲ့အကြံညဏ်တွေပေးကြဖို့ ပြောဆိုမှုတွေရှိနေပါတယ်။ “ကျွန်မတို့ မန်စေခွန်ရွာ တရွာလုံးမှာရှိတဲ့ လယ်တွေအကုန်မြုပ် ပျက်စီး သွားပါတယ်။အကုန်ဆုံးရှုံးနစ်နာသွားပါတယ်။ ကျွန်မတို့ကိုကူညီနိုင်တဲ့သူတွေက ကူညီပေးပါ။အကြံညဏ်ပေးနိုင်သူကပေးပါရှင်။ဒီမိုးတွင်းကြီးမှာချက်ချင်းကြီူပိုက်ဆံရှာပြီး ရုန်းကန်ကြဖို့မဖြစ်နိုင်လို့ပါ။ကူညီပေးကြပါ။ လာမယ့်နှစ်မှာလယ်ကိုပြန်ဖော်ပြီးစိုက်ဖို့လည်း ကျွန်မတို့ မနိုင်လို့ပါ။ရွာတွေကလယ်တွေအကုန်ပျက်စီးသွားပါတယ်။လယ်ကနေသဲသောင်ပြင်ဖြစ်သွားပါတယ်။”လို့ မန်စေခွန်ရွာ ဒေသခံကပြောပါတယ်။ အဆိုပါ ကျေးရွာတွေက စပါးကို ဒေသတွင်းရောင်းချဖို့နဲ့ ကိုယ်တိုင် သိုလှောင်ထားပြီး ကြိတ်ခွဲစားသောက်ဖို့ စိုက်ပျိုးကြတာဖြစ်လို့ ယခုမိုးစပါးစိုက်ဧကတွေ ပျက်စီးဆုံးရှုံးသွားတဲ့အတွက် အကူအညီတွေလိုအပ်နေတာဖြစ်တယ်လို့သိရပါတယ်။ ခုလိုရေကြီးမှုဖြစ်တာဟာ ပူဆာအိုမြို့တယ်အတွင်းလုပ်ကိုင်နေတဲ့…
Read Moreပူတာအိုမှာ တောင်ပြို၊ ရေကြီးမှုကြောင့် စပါးစိုက်ခင်း ဧကရာနဲ့ချီပြီး သဲမြေဖုံးလွှမ်း ပျက်စီး
