Month: October 2025

ဂါဇာစီးတီး၊ အောက်တိုဘာ-၂၉-၂၀၂၅ ရတီ(VOM) ဂါဇာမှာ အစ္စရေးရဲ့ လေကြောင်းကနေ အပြင်းအထန် တိုက်ခိုက်မှုတွေကြောင့် ပါလက်စတိုင်း ၃၃ ယောက်သေဆုံးခဲ့တယ်လို့ ဂါဇာ ကျန်းမာရေးတာဝန်ရှိသူတွေက ပြောပါတယ်။ အမေရိကန်ကြားဝင်စေ့စပ်ပေးတဲ့ အပစ်အခတ်ရပ်စဲရေးသဘောတူညီချက်ကို ဟားမတ်စ်တို့က ချိုးဖောက်တယ်ဆိုကာ အစ္စရေးက လက်တုံ့ပြန်တိုက်ခိုက်ခဲ့တာပါ။ ဟားမတ်စ်တို့ဟာ အစ္စရေးတပ်ဖွဲ့ဝင်တွေကို တိုက်ခိုက်ခဲ့ပြီး ဓါးစာခံရုပ်အလောင်းတွေ ပြန်လည်ပေးအပ်ရာမှာလည်း စည်းကမ်းချက်တွေကို ချိုးဖောက်ခဲ့တယ်လို့ အစ္စရေးက စွပ်စွဲထားပါတယ်။ ဟားမတ်စ်ကတော့ အစ္စရေးတပ်ဖွဲ့ဝင်တွေကို တိုက်ခိုက်မှုနဲ့ မပတ်သက်ဘူးလို့ ဆိုထားပြီး အပစ်အခတ်ရပ်စဲရေးသဘောတူညီချက်ကို ကတိကဝတ်ပြုထားဆဲဖြစ်ကြောင်း အခိုင်အမာဆိုပါတယ်။ အမေရိကန်သမ္မတ ဒေါ်နယ်ထရန့်ကတော့ အပစ်အခတ်ရပ်စဲရေးကို မထိခိုက်သေးဘူးလို့ အခိုင်အမာပြောဆိုခဲ့ပေမယ့် အစ္စရေးစစ်တပ်ဖွဲ့ဝင်တွေ ပစ်မှတ်ထားခံရပါက ပြန်လည်တိုက်ခိုက်သင့်တယ်လို့ ပြောပါတယ်။ အစ္စရေး၏ တိုက်ခိုက်မှုတွေဟာ ဂါဇာစီးတီး ၊ဘိတ်လာဟီယာ၊ အယ်လ်ဘူရီ၊ နူဆီရတ်နဲ့ ခန်းယွန်နစ်ရှိ အိမ်တွေ၊ ကျောင်းတွေနဲ့ လူနေရပ်ကွက်တွေကို ထိမှန်ခဲ့ပါတယ်။ ကယ်ဆယ်ရေးအဖွဲ့တွေဟာ ဗုံးကြဲတိုက်ခိုက်မှုတွေနဲ့ ပစ္စည်းကိရိယာတွေ…

ပြုံးယမ်း၊ အောက်တိုဘာ -၂၉-၂၀၂၅ မျိုးဆက်(VOM) အမေရိကန်သမ္မတ ဒေါ်နယ်ထရန့် တောင်ကိုရီးယားကို မရောက်ခင် နာရီပိုင်းအလိုမှာ မြောက်ကိုရီးယားဟာ နိုင်ငံအနောက်ဘက်ကမ်းရိုးတန်းမှာ ခရုဇ်ဒုံးကျည်တွေ စမ်းသပ်ပစ်ခတ်ခဲ့တယ်လို့ နိုင်ငံပိုင်သတင်းဌာနက ဒီကနေ့မှ ထုတ်ပြန်ပါတယ်။ ပင်လယ်မှ မြေပြင်ကို ပစ်လွှတ်ခဲ့တဲ့ ဒုံးကျည်တွေကို အင်္ဂါနေ့မှာ ပင်လယ်ဝါကနေ ပစ်လွှတ်ခဲ့ပြီး နှစ်နာရီကျော် ပျံသန်းခဲ့တယ်လို့ နိုင်ငံပိုင် ကေစီအင်န်အေ သတင်းဌာနက ဆိုပါတယ်။ ထိပ်တန်းစစ်ဘက်အရာရှိ ပါ့ခ်ဂျုံချွန်က စမ်းသပ်မှုကို ကြီးကြပ်ခဲ့ပြီး စစ်ပွဲအတားအဆီးအတွက် မြောက်ကိုရီးယားနျူကလီးယားတပ်ဖွဲ့တွေ တိုးတက်ရေးမှာ အရေးကြီးတဲ့ အောင်မြင်မှုတွေရရှိခဲ့တယ်လို့ ပြောပါတယ်။ ဒီစမ်းသပ်မှုဟာ မတူညီတဲ့ မဟာဗျူဟာမြောက် ထိုးစစ်ဆင်နည်းလမ်းတွေရဲ့ ယုံကြည်စိတ်ချရမှုကို အကဲဖြတ်ဖို့နဲ့ ရန်သူတွေအပေါ် အသာစီးရယူဖို့ ရည်ရွယ်ကြောင်း ပါ့ခ်ဂျုံချွန်က ပြောပါတယ်။ အရေးကြီးတဲ့ ဒုံးကျည်ပစ်လွှတ်မှုတွေကို ပုံမှန်ကြီးကြပ်လေ့ရှိတဲ့ ကင်ဂျုံအန်တော့ ဒီစမ်းသပ်မှုမှာ ပါဝင်ခြင်းမရှိပါဘူး။ ဒေါ်နယ်ထရန့်ရဲ့ လက်ရှိတောင်ကိုရီးယား ခရီးစဉ်ဟာ သူ့ရဲ့…

ဝါရှင်တန်၊ အောက်တိုဘာ -၂၉-၂၀၂၅ ရတီ(VOM) ပစိဖိတ်သမုဒ္ဒရာမှာ မူးယစ်မှောင်ခိုရေယာဉ်လေးစင်းကို အမေရိကန်တပ်ဖွဲ့တွေက ဗုံးကြဲ တိုက်ခိုက်မှုအတွင်း လူ ၁၄ ယောက် သေဆုံးခဲ့ကြောင်း ကာကွယ်ရေးဝန်ကြီး ပီဟက်ဆက်က ပြောပါတယ်။ အသက်ရှင်ကျန်တဲ့ တယောက်ကိုတော့ ပစိဖိတ်ကမ်းရိုးတန်းမြို့ အကာပူလ်မှ မိုင်း ၄၀၀ အကွာမှာ မက္ကဆီကို ရေတပ်က ရှာဖွေနေဆဲဖြစ်တယ်လို ထုတ်ပြန်ပါတယ်။ မက္ကဆီကိုသမ္မတကတော့ ဒီတိုက်ခိုက်မှုကို လက်မခံဘူးလို့ ဆိုပါတယ်။ အမေရိကန်အနေနဲ့ နိုင်ငံတကာ စည်းမျဉ်းတွေကို လေးစားသင့်တယ်လို့ တိုက်တွန်းထားပြီး မက္ကဆီကို နိုင်ငံခြားရေးဝန်ကြီး၊ ရေတပ်ကိုယ်စားလှယ်တွေအနေနဲ့ အမေရိကန်သံအမတ်ကြီးနဲ့ တွေ့ဖို့ ညွှန်ကြားထားပါတယ်။ ဒါဟာ ပစိဖိတ်နဲ့ ကာရစ်ဘီယံ‌ဒေသတွေမှာ မူးယစ်ဆေးဝါး သယ်ဆောင်နေတယ်လို့ သံသယရှိတဲ့ ရေယာဉ်တွေကို အမေရိကန်ရဲ့ နောက်ဆုံး တိုက်ခိုက်မှုတခုလည်း ဖြစ်ပါတယ်။ တိုက်ခိုက်ခဲ့တဲ့ ရေယာဉ်လေးစင်းဟာ မူးယစ်ဆေးဝါး မှောင်ခိုလမ်းကြောင်းတွေတလျှောက် ရွေ့လျားသွားလာပြီး မူးယစ်ဆေးဝါးတွေ သယ်ဆောင်လာတာကို…

ဒါကာ၊ အောက်တိုဘာ-၂၉-၂၀၂၅ မျိုးဆက်(VOM) ဘင်္ဂလားဒေ့ရှ်နိုင်ငံ အဝါမီလိဂ်ပါတီကို ရွေးကောက်ပွဲဝင်ခွင့်ပိတ်ပင်ထားတာကြောင့် ပါတီထောက်ခံသူ သန်းပေါင်းများစွာဟာ လာမယ့်နှစ် ရွေးကောက်ပွဲကို အကြီးအကျယ် သပိတ်မှောက်ကြလိမ့်မယ်လို့ ရာထူးကနေ ဖြုတ်ချခံရပြီး အိန္ဒိယကို ပြည်ပြေးအဖြစ် ရောက်ရှိနေတဲ့ ဝန်ကြီးချုပ်ဟောင်း ရှိတ်ဟာစီနာက ပြောပါတယ်။ အသက် ၇၈ နှစ်အရွယ် ဟာစီနာဟာ သူမရဲ့ပါတီကို ချန်လှပ်ထားတဲ့ ရွေးကောက်ပွဲတွေအပြီး ဖွဲ့စည်းမယ့် ဘယ်အစိုးရအောက်မှာမဆို ဘင်္ဂလား‌ဒေ့ရှ်ကို ပြန်လာမှာမဟုတ်ဘူးလို့ ပြောပါတယ်။ သူဟာ ၂၀၂၄ ခုနှစ် ဩဂုတ်လမှာ ကျောင်းသားတွေဦးဆောင်တဲ့ အုံကြွမှုမှာ အိန္ဒိယကို တိမ်းရှောင်နေခဲ့တာပါ။ နိုဘယ်ငြိမ်းချမ်းရေးဆုရှင် မူဟာမက်ယူးနပ်စ် ဦးဆောင်တဲ့ ကြားဖြတ်အစိုးရဟာ ဟာစီနာ ရာထူးမှ ဖယ်ရှားခံရပြီးနောက်ပိုင်း ဘင်္ဂလားဒေ့ရှ်ကို အုပ်ချုပ်ခဲ့ပြီး လာမယ့်နှစ် ဖေဖော်ဝါရီလတွင် ရွေးကောက်ပွဲတွေ ကျင်းပဖို့ ကတိပြုထားပါတယ်။ “အဝါမီလိဂ်ကို ပိတ်ပင်ခြင်းဟာ မတရားရုံသာမက ပိတ်ပင်သူတွေကိုယ်တိုင်လည်း ရှုံးနိမ့်စေလိမ့်မယ် ”…