မန္တလေး၊ ဇန်နဝါရီ ၂၄-၂၀၂၀ လင်းခိုင်(VOM) မန္တလေးမြို့၊ အောင်မြေသာစံမြို့နယ်၊ ဒေါနဘွားရပ်ကွက်၊ ၁၄လမ်း ၆၄လမ်းနဲ့ ၆၆လမ်းကြားက ဌာနဆိုင်ရာအငြိမ်းစားတွေနေထိုင်နေတဲ့ စံနန်းတော်တိုက်ခန်းကို လူမူဖူလုံရေးဦးစီးဌာနက ခွင့်မပြုဘဲနေထိုင်တယ်လို့ဆိုကာ ဇန်နဝါရီ(၂၅)ရက်နေ့မှာ အပြီးဖယ်ရှားခိုင်းနေတဲ့အတွက် ဒီကနေနေ့လည်ပိုင်းက အဲ့ဒီတိုက်ခန်းမှာနေထိုင်သူတွေက သတင်းစာရှင်းလင်းပွဲပြုလုပ်ခဲ့ပါတယ်။ ၁၉၉၉ခုနှစ်ကတည်းက တရား၀င်စာချုပ်စာတမ်းနဲ့ နေထိုင်လာခဲ့ပြီး အဲ့ဒီတိုက်ခန်းမှာ လက်ရှိနေထိုင်သူတွေကလည်း တပ်မတော်အရာရှိအငြိမ်းစားများ၊ ကျန်းမာရေး၀န်ထမ်းအငြိမ်းစားများ၊ ရဲတပ်ဖွဲ့၀င်အငြိမ်းစားများ၊ ညွန်ကြားရေးမှူးအငြိမ်းစားတွေ နေထိုင်နေတာဖြစ်ပါတယ်။ လက်ရှိ အိမ်ထောင်စု (၃၀)ကျော် ၊ တိုက်ခန်း(၄၅)ခန်း ၊ လူဦးရေး (၁၀၀)ကျော်နေထိုင်နေတာလည်း ဖြစ်ပါတယ်။ ၂၀၁၉ခုနှစ် နို၀င်ဘာလကလည်း သူတို့နေထိုင်တာကို ဖယ်ရှားပေးဖို့ အကြောင်းကြားစာပို့လာပို့တယ်လို့ သိရပြီး ဒီကနေမနက်ပိုင်းကလည်း ညနေ(၆)နာရီ အပြီးဖယ်ရှားကာ ဇန်နဝါရီ(၂၅)ရက်နေ့မှာ ဖယ်ရှားရှင်းလင်းမယ်လို့ သက်ဆိုင်ရာက အကြောင်းကြားစာပေးပို့ခဲ့တယ်လို့ သိရပါတယ်။ လက်ရှိနေထိုင်သူတွေကို ဖယ်ရှားရင်လည်း အင်အားသုံးဖယ်ရှားခြင်း မပြုလုပ်ဖို့ မန္တလေးတိုင်း၀န်ကြီးချုပ်က တရား၀င်ညွန်ကြားထားတယ်လို့ တိုက်ခန်းနေထိုင်သူတွေရဲ့ ပြောပြချက်အရ…
Read Moreအငြိမ်းစား၀န်ထမ်းတွေ နေထိုင်တဲ့ စံနန်းတော်တိုက်ခန်းတွေကို အပြီးဖယ်ရှားမယ့်အတွက် တိုက်ခန်းနေသူတွေက ရှင်းလင်းပွဲပြုလုပ်
