Month: January 2020

ရသေ့တောင်၊ ဇန်နဝါရီ ၁၃- ၂၀၂၀ ခိုင်လင်းစံ(VOM) ရခိုင်ပြည်နယ်မြောက်ပိုင်မြို့နယ်တွေဖြစ်တဲ့ ရသေ့တောင်နဲ့ မင်းပြားမြို့နယ်တွေမှာ မနေ့က ဇန်နဝါရီလ ၁၂ ရက်နေ့မှာ ပစ်ခတ်မှုတချို့ဖြစ်ပွားခဲ့ပြီး ရသေ့တောင်မြို့နယ်မှာ တိုက်ပွဲမရှိသော်လည်း အေအေရှိတယ်လို့ယူဆတဲ့နေရာတွေကိုပစ်ခတ်ခဲ့ကာ မင်းပြားမြို့နယ် မြစ်နားရွာအနီးမှာ တိုက်ပွဲဖြစ်ပွားခဲ့တယ်လို့ အေအေကထုတ်ပြန်ပါတယ်။ ရသေ့တောင်မြို့နယ်အတွင်း မနေ့က တိုက်ပွဲကြီးကြီးမားမားမရှိခဲ့သော်လည်း တပ်မတော်ဖက်က လက်နက်ကြီးများဖြင့်ပစ်ခတ်တိုက်ခိုက်တာကို နေ့လည် (၁) နာရီ (၂၄) မိနစ်မှာ စတင်ခဲ့ကာ အကြိမ်ရေ (၁၁၀) ကျော်အထိရှိခဲ့တယ်လို့ အေအေကလည်း ထုတ်ပြန်ထားပါတယ်။ အမည်မဖော်လိုတဲ့ ရသေ့တောင်မြို့နယ်မှဒေသခံတစ်ဦးကလည်း” တိုက်ပွဲက မနေ့ကဖြစ်သံကြားတယ်။မနေ့က ပစ်သံတွေကြားရတယ်။ ပစ်တာကတော့ ရသေ့တောင်တပ်ရင်းက ပစ်တာ။ ပြီးတော့ ရေစိုးချောင်းဗျူဟာကပစ်တယ်။ လက်နက်ကြီးပစ်တာ။ ဒီနေ့လည်းပစ်နေတယ်။ နေ့လည် ၁ နာရီလောက်ကစပစ်တယ်။” လို့ ပြောပါတယ်။ အေအေရဲ့ ထုတ်ပြန်ချက်မှတ်တမ်းအရ ရသေ့တောင်(၅၃၆) နှင့် (၅၃၇) တပ်ရင်းမှ လက်နက်ကြီး…

စစ်ကိုင်း ဇန်နဝါရီ ၁၃-၂၀၂၀ မောင်တာရာ (VOM) စစ်ကိုင်းတိုင်းရှိ စက်မှုဇုန် လေးခုမှာ လုပ်ငန်းမလုပ်ကိုင်သေးတဲ့ မြေကွက်ပေါင်း ၅၀၀ ကျော်ရှိနေတယ်လို့ စစ်ကိုင်းတိုင်းဝန်ကြီးချုပ်ဒေါက်တာမြင့်နိုင်က ဇန်နဝါရီလ ၁၀ ရက်နေ့က စစ်ကိုင်းမြိုတော်ခန်းမမှာ ပြုလုပ်တဲ့ နိုင်ငံတကာကုန်စည်ပြပွဲ ဖွင့်ပွဲအခမ်းအနားမှာ ပြောကြားခဲ့တာဖြစ်ပါတယ်။ “စစ်ကိုင်းတိုင်းမှာ မုံရွာစက်မှုဇုန် ၊စစ်ကိုင်းစက်မှုဇုန်၊ ရွှေဘိုစက်မှုဇုန် နဲ့ ကလေးစက်မှုဇုန်ဆိုပြီး စက်မှုဇုန် လေးခုရှိပါတယ်။ မုံရွာစက်မှုဇုန်အနေနဲ့ မြေဧက (၃၁၅ ဒသမ ၃၄) ဧကရှိပြီး လုပ်ငန်း မြေကွက်ပေါင်း ၁၃၈၈ ကွက် ဖော်ဆောင်ထားရာ အဲထဲကနေ လုပ်ငန်း မလုပ်ကိုင်သေးတဲ့ အကွက်ပေါင်း ၁၇၀ ကွက်ရှိပြီး၊စစ်ကိုင်းစက်မှုဇုန် မြေဧကအနေနဲ့ (၉၆၀ ဒသမ ၃၂ )ဧကရှိပြီး လုပ်ငန်း အကွက်ပေါင်း ၂၁၅ ကွက် ဖော်ဆောင်ထားရာ အဲထဲမှ လုပ်ငန်း မလုပ်ကိုင်သေးတဲ့ အကွက်ပေါင်း…

နေပြည်တော်၊ ဇန်နဝါရီ ၁၃-၂၀၂၀ ကိုထွန်း(VOM) ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်) ပြင်ဆင်ရေး ပူးပေါင်းကော်မတီ အစည်းအဝေး(၁/၂၀၂၀)ကို ၂၀၂၀ ပြည့်နှစ်၊ ဇန်နဝါရီလ ၁၃ ရက် ၁၀၀၀ နာရီချိန်တွင် ပြည်ထောင်စုလွှတ်တော်၊ ဒုတိယထပ်အစည်းအဝေးခန်းမမှာ ကျင်းပခဲ့ပြီး အဲ့ဒီအစည်းအဝေးကို တပ်မတော်လွှတ်တော်ကိုယ်စားလှယ်များ တက်ရောက်ခဲ့ခြင်းမရှိဘူးလို့ သိရပါတယ်။ “လက်ရှိအာဏာရပါတီ ကိုယ်စားလှယ်များမှလွဲပြီး ကျန်ကိုယ်စားလှယ်အားလုံးနီးပါး အယုံအကြည်မရှိလို့ ကန့်ကွက်ကြ၊ နှုတ်ထွက်ကြဖြင့် အငြင်းပွားဖွယ်ရာအများစုနဲ့ ဆောင်ရွက်နေတဲ့ ကော်မတီရဲ့ပြင်ဆင်ရေးအစည်းအဝေးကို ဒီနေ့မှာကျင်းပခဲ့တယ်။ အဲ့လိုကျင်းပရာမှာ အစည်းအဝေးကို တကယ်တက်ရောက်တာက ကော်မတီ ဥက္ကဌ၊ ဒု-ဥက္ကဌ၊ NLDကိုယ်စားလှယ် ၁၈ဦးနဲ့ အခြား ၂ဦး စုစုပေါင်း ၂၂ဦးသာ တက်ရောက်တယ်လို့ သိရပေမယ့် ၊ တရားဝင်သတင်းထုတ်ပြန်ရာမှာတော့ တပ်မတော်သားတွေအပါအဝင် ကော်မတီဝင်အားလုံးတက်ရောက်ခဲ့သယောင်ယောင်၊ ပုံမှာမြင်ရတဲ့အတိုင်း ထုတ်ပြန်ခဲ့တယ်။ ကော်မတီဝင် ၅၀ရာခိုင်နူန်း မရှိတရှိလောက်သာ တက်ရောက်တော့တာကို ဒီလိုသတင်းထုတ်ပြန်တယ်ဆိုတော့…

ပဲခူး ဇန်နဝါရီ ၁၃-၂၀၂၀ သိဂီ ၤ(VOM) သတ်မှတ်ကာလအတွင်း အချိန်မှီပြီးစီးအောင် ဆောင်ရွက်နိုင်ခြင်းမရှိတဲ့ ပဲခူးတိုင်းထဲက တည်ဆောက်ရေးလုပ်ငန်းတွေကို ရပ်ဆိုင်းပြီး အမည်ပျက်စာရင်း ထည့်သွင်းကာ တိုင်းအတွင်း လုပ်ငန်းဆောင်ရွက်ခွင့်ပါ ရပ်နားသည်အထိ အရေးယူသွားမယ်လို့ စက်မှု၊ လျှပ်စစ်နှင့် လမ်းပန်းဆက်သွယ်ရေးဝန်ကြီးဌာနကနေ သိရပါတယ်။ ဝန်ကြီး ဦးသန်းဝင်းကပြောဆိုလိုက်ပါတယ်။ ဒါ့အပြင် လုပ်ငန်းပြီးစီးအောင် ဆောင်ရွက်နိုင်ခြင်းမရှိရင် တင်ဒါအောင်ကုမ္ပဏီရဲ့ Performance Guarantee ကိုလည်း နိုင်ငံတော်ဘဏ္ဍာငွေအဖြစ် သိမ်းယူသွားမှာဖြစ်ပါတယ်။ “နောက်ကျဒဏ်ကြေးအဖြစ် (၁) ရက်ကို ဆောင်ရွက်ရန် ကျန်ရှိသောလုပ်ငန်းတန်ဖိုးရဲ့ (ဝ.၀၁%) ကို ပေးဆောင်စေမယ်။ နောက်ကျရက် (၃၀) ရက်ထက် ကျော်လွန်ရင် လုပ်ငန်းအား ရပ်ဆိုင်းပြီး အမည် ပျက်စာရင်း ထည့်သွင်း ကြော်ငြာသွားမှာဖြစ်တယ်။နောက်ပဲခူးတိုင်းဒေသကြီးအတွင်း လုပ်ငန်းဆောင်ရွက်ခွင့် ကို ရပ်နားစေခြင်းအထိ အရေးယူ ဆောင်ရွက် သွားမယ်။”လို့ စက်မှု၊ လျှပ်စစ်နှင့် လမ်းပန်းဆက်သွယ်ရေးဝန်ကြီး ဦးသန်းဝင်းကပြောပါတယ်။…

ရန်ကုန် ဇန်နဝါရီ ၁၃-၂၀၂၀ သိဂီ ၤ(VOM) ရန်ကုန်လိုင်စင်ကားသမားတွေဟာ ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့(YRTA)ရဲ့ ဖိနှိပ်မှု၊ တရားမျှတမှုမရှိတဲ့လုပ်ရပ်တွေကို ခံနေရတယ်လို့ တက္ကစီယာဉ်မောင်းတွေက ပြောဆိုတာတွေ ရှိနေပါတယ်။ နယ်လိုင်စင်ကားတွေကို City Taxi မှတ်ပုံတင်ခိုင်းခြင်းမရှိဘဲ အငှားယာဉ်လုပ်ကိုင်ခွင့်ပေးပြီး ရန်ကုန်လိုင်စင်ကားတွေကိုတော့ City Taxi မှတ်ပုံတင်ပြီးတက်စီပြေးဆွဲစေကာ မှတ်ပုံမတင်သူတွေကို ဥပဒေနဲ့အရေးယူနေတဲ့လုပ်ရပ်အပေါ် ရန်ကုန်လိုင်စင်ကားသမားတွေနဲ့ မြန်မာတစ်နိုင်ငံလုံးဆိုင်ရာ အဌားယာဉ်မောင်းများသမဂ္ဂ(UTD)က လက်မခံတာကို ခုလိုပြောဆိုလိုက်တာဖြစ်ပါတယ်။ ” YRTAက ရန်ကုန်လိုင်စင်ကိုမှ City Taxi ဘာလို့လုပ်ခိုင်းရတာလဲ မေးခွန်းထုတ်ချင်တယ်။ နယ်လိုင်စင်ကျ လုပ်ခိုင်းတာမရှိဘူး။ ရန်ကုန်ကျ မလုပ်ရင်ဒဏ်ကြေးဆောင်ရ၊ အလုပ်ပျက်ရ၊ လမ်းမှာစစ်ဆေးလို့မတွေ့ရင် အရေးယူခံရတယ်ဆိုတော့ ဒီCity Taxiက ဘာအခွင့်အရေးရလို့လုပ်ရမှာလဲ။ ဘာမှလဲမရဘူး နယ်လိုင်စင်နဲ့မောင်းလည်းရနေတာပဲ။ တရားမျှတမှုဆိုတာ လူတိုင်းအတွက် ညီတူညီမျှဖြစ်သင့်တယ်။ နယ်လိုင်စင်က အခွင့်ရေးတမျိုး၊ ရန်ကုန်ကတမျိုး ဒါဟာမမျှတဘူး”လို့ မြန်မာတစ်နိုင်ငံလုံးဆိုင်ရာ အဌားယာဉ်မောင်းများသမဂ္ဂ(UTD)ရဲ့အတွင်းရေးမှူးဖြစ်သူ ဦးချိုဝင်းကပြောပါတယ်။ City…