Day: December 9, 2020

ဒီဇင်ဘာ ၉-၂၀၂၀ သူရိန်(VOM) ဧရာဝတီတိုင်း၊ မအူပင်မြို့နယ်၊ရွှေတော်မှော် -မော်ကျွန်း ကားလမ်းဘေးက မြောင်းအတွင်း ငါးဖမ်းခဲ့သူကို တရားမဝင်ငါးဖမ်းဆီးတယ်လို့ဆိုပြီး မအူပင်မြို့နယ် ငါးလုပ်ငန်းဦးစီးဌာနက ရေချိုငါးလုပ်ငန်းဥပဒေနဲ့ အမှုဖွင့်ဖမ်းဆီးမှုတွေ လုပ်ဆောင်ခဲ့တယ်လို့ဒေသခံတွေကပြောပါတယ်။ ”ကျွန်တော့်ကို ရဲတစ်ယောက်က လာခေါ်ပါတယ်။ စခန်းမှူးကတွေ့ချင်လို့လို့ပြောပါတယ်၊ ကျွန်တော့်မိန်းမ မသီတာရယ် ကျွန်တော်ရယ် ကျွန်တော်သမတ် ဘောက်ကြီးရယ် သွားပါတယ်၊ ဟိုရောက်တော့ ရေချိုဥပဒေ နဲ့ အမှုဖွင့်ထားတယ်တဲ့ အချုပ်ထဲဝင်လို့ပြောပါတယ်၊ ဒီလိုသွင်းလို့ရလားလို့ မေးတာ့၊ သွင်းလို့ ရတယ်တဲ့ တရားစွဲထားတယ်တဲ့၊ အဲ့ဒါနဲ့ ကျွန်တော်တို့ကို အချုပ်ထဲသွင်းလိုက်ပါတယ်၊ ရဲတစ်ဦးက ကျွန်တော်မိန်းမကိုဆဲတယ်”လို့ ဖမ်းဆီးခံရသူ ဒေသခံ အမျိုးသားတစ်ဦးကပြောပါတယ်။ မအူပင်မြို့နယ် ရွှေတော်မှော် -မော်ကျွန်း ကားလမ်းဘေးရှိ မြောင်းအတွင်း တရားမဝင်ငါးဖမ်းတယ်ဆိုပြီး ဒေါ်သီတာ အပါအဝင် ၄ ဦးကို ရဲတပ်ဖွဲ့က လာရောက်ဖမ်းဆီးခဲ့ပြီး အဖမ်းခံရတဲ့ ဒေါ်သီတာက ‘ ငါတို့က အချုပ်ထဲလည်းမရောက်ဖူးဘူး?…

ဒီဇင်ဘာ ၉-၂၀၂၀ ဂျန်ကိုးလ်(VOM) မကွေးတိုင်း၊ စလင်းမြို့နယ်အတွင်း စလင်းနဲ့ဆင်ဖြူကျွန်းသွားတဲ့ ကားလမ်းတလျှောက်နဲ့ ဆင်ဖြူကျွန်းမြို့တို့မှာ လုယက်မှုကျူးလွန်နေတဲ့သူတွေကို မနေ့ ဒီဇင်ဘာ၈ရက်နေ့က ဖမ်းဆီးရမိခဲ့တယ်လို့ ဆင်ဖြူကျွန်းနယ်မြေရဲစခန်းကနေ သိရပါတယ်။ ပြီးခဲ့တဲ့ နိုဝင်ဘာလနဲ့ အခု ဒီဇင်ဘာ လဆန်းပိုင်းအတွင်း လုယက်ခဲ့တာတွေကိုလည်း ဆက်စပ်ဖော်ထုတ်နိုင်ခဲ့တယ်လို့ သိရပါတယ်။ ”တိုင်းရဲတပ်ဖွဲ့ရယ် မြို့နယ်ရဲနဲ့ ကျနော့်စခန်းက နယ်ထိန်းအဖွဲ့တွေရယ် ပူးပေါင်းဖမ်းတာပါ၊ သူတို့က မနက်အစောပိုင်း ၅နာရီလောက် ဈေးသွားတဲ့အမျိုးသမီးတွေကို ပစ်မှတ်ထားတာပါ၊ ဆိုင်ကယ်လက်ကိုင်မှာ တွဲလွဲချိတ်ထားတဲ့ ပိုက်ဆံအိတ်နဲ့ဖုန်းတွေပါပဲ၊ ကျနော့်စခန်းမှာ တစ်မှုဖွင့်ထားပါတယ်”လို့ ဆင်ဖြူကျွန်းနယ်မြေရဲစခန်းက စခန်းမှူး ရဲအုပ်စည်သူဝင်းကပြောပါတယ်။ ရဲတပ်ဖွဲ့ဟာ အခုလ ဒီဇင်ဘာ ၇ရက်နေ့ မနက်အစောပိုင်းက လုယူခံလိုက်ရတဲ့ ဖုန်း viberကနေတဆင့် ဖုန်းပိုင်ရှင်အဖြစ် အသွင်ယူဆက်သွယ်ပြီး စာရွက်စာတမ်းတွေ ပြန်လည်ပေးဖို့ အလဲအလှယ်အဖြစ် ဝေ့ဗ်မန်းနီးကနေ ငွေလွှဲပေးပို့ခဲ့ရာ ဆင်ဖြူကျွန်းရှိ ဝေ့ဗ်မန်းနီးဆိုင်တခုမှာ ထုတ်ယူသွားကြောင်းသိခဲ့ရပါတယ်။ ဖုန်းပြန်ပေးဖို့ ဆက်လက်ညှိုနှိုင်းရာမှာတော့…

ဒီဇင်ဘာ ၉-၂၀၂၀ ညီသစ် (VOM) မန္တလေးမြို့၊ အောင်မြေသာစံမြို့နယ်၊ ၂၆ ကမ်းနားလမ်းမှာရှိတဲ့ သီရိမာလာ ငါးဈေးမှာ ကိုဗစ်ကူးစက်မှုများလာတဲ့အတွက် ဒီဇင်ဘာလ ၁၂ ရက်နေ့ကနေ ၁၈ ရက်နေ့ အထိ ယာယီ ပိတ်သိမ်းသွားမယ်လို့ မန္တလေးမြို့တော်စည်ပင်သာယာရေးကော်မတီဝင် ဦးကျော်ရင်မြင့်က VOMကိုပြောပါတယ်။ ” မြို့တော်စည်ပင်သာယာရေးကော်မတီရဲ့ နယ်နိမိတ်ထဲမှာရှိတဲ့ မန္တလေးကမ်းနားလမ်းက သီရိမာလာ ငါးဈေးပေါ့၊ အဲ့ဒီဈေးက အဓိက ကတော့ ရေထွက်ကုန်တွေပါ၊ ငါးတို့ ပုဇွန်တို့ကို အဓိက ရောင်းတဲ့ဈေး ပေါ့၊ ပန်းသည်တွေလည်း ရှိတယ်၊ နောက်တစ်ခုက ကုန်စိမ်းသည်တွေလည်း ရှိပါတယ် ။ အနယ်နယ်အရပ်ရပ်က အထူးသဖြင့်တော့ ရေထွက်ကုန်တွေက လက်ကားသဘောမျိုးနဲ့ ဒီဈေးကို လာပါတယ် ။ ဒီဈေးက မန္တလေးမြို့ထဲကိုလည်း ဖြန့်တယ်၊ နောက် အထက်မြန်မာနိုင်ငံ တစ်ခြားမြို့တွေကိုလည်း ဖြန့်ပါတယ် ။ ဒီဈေးမှာ ကိုဗစ်ကူးဆက်မှု…

ဒီဇင်ဘာ ၉-၂၀၂၀ ကိုတိုးကြီး(VOM) စစ်ကိုင်းတိုင်း၊ ပုလဲမြို့နယ်ထဲက ပြည်ခိုင်ဖြိုးပါတီ အမျိုးသားလွှတ်တော် ကိုယ်စားလှယ်လောင်းအပါအဝင် လူ ၃ ယောက်ကို နိုင်ငံတော် အကြည်ညိုပျက်စီးစေမှုပုဒ်မ ၅၀၅(ခ)နဲ့ ပုလဲမြို့နယ်တရားရုံးမှာ မနေ့ နိုဝင်ဘာ ၈ ရက်က ဦးတိုက်လျှောက်ထားပြီး တိုင်တန်းထားတယ်လို့ သိရပါတယ်။ “ပြည်ခိုင်ဖြိုးပါတီက အမျိုးသားလွှတ်တော် ကိုယ်စားလှယ်လောင်း ဦးစောမောင် ၊ တိုင်းဒေသကြီးလွှတ်တော် ကိုယ်စားလှယ်လောင်း ဦးတင်ဆွေ နဲ့ ဦးညိုရောင် ၃ ယောက်က နိုင်ငံတော်အကြည်ညိုပျက်စေအောင် ဟောပြောခဲ့တာလို့ စွပ်စွဲပြီး ဦးအောင်အောင်က တရားလိုလုပ်ပြီး မြို့နယ်တရားရုံးမှာ ဦးတိုက်လျှောက် တိုင်တန်းခဲ့တာဖြစ်တယ်”လို့ အမည်မဖော်လိုတဲ့ တရားရေးဝန်ထမ်းတစ်ဦးက ပြောပါတယ်။ အဲ့ဒီ တိုင်တန်းချက်ကို ပုလဲမြို့နယ်တရားရုံးမှာ ရာကြီးအမှတ် ၃၆၂/ ၂၀၂၀၊ ရာဇသတ်ကြီး ဥပဒေပုဒ်မ-၅၀၅(ခ) အရ အထူးရာဇဝတ်အာဏာနဲ့ တရားသူကြီး ဒေါ်ဇာလီဝင်းက လက်ခံဆောင်ရွက်ခဲ့တယ်လို့ သိရပါတယ်။ နိုင်ငံတော်…

ဒီဇင်ဘာ ၉-၂၀၂၀ ကောင်းလက်ျာ(VOM) မွန်ပြည်နယ်၊ သထုံမြို့နယ်အတွင်းမှာရှိတဲ့ ရပ်ကွက်၊ ကျေးရွာတွေမ‌ှာ ကိုဗစ် အတည်ပြုလူနာတွေနဲ့ ထိတွေ့မိသူတွေကို Quarantine Center တွေမှာ ထားရှိတဲ့ စနစ်ကနေ နေအိမ်မှာသာ စောင့်ကြည့် သွားတော့မယ်လို့ သထုံမြို့နယ် Covid-19 ကာကွယ် ထိန်းချုပ်ရေးနဲ့အရေးပေါ်တုံပြန်ရေးကော်မတီကနေ သိရပါတယ်။ ” အရင်စခန်းတွေကတော့ ထားရှိရဦးမှာပါ၊ ဒီဇင်ဘာ ၉ ရက်နေ့ကစပြီး ရောဂါပိုးတွေ့လူနာနဲ့ထိတွေ့မိသူကို Home Quarantine ထားမယ်၊ ထူးခြာမှဆေးရုံ Fever Clinic ပြသခိုင်းပါမယ်။ ဘာလို့လဲဆိုတာကို မသိဘူး။ ပြည်နယ်အစိုးရ ညွှန်ကြားချက်ပါ”လို့ ရောဂါကာကွယ်ထိန်းချုပ်ရေးနဲ့အရေးပေါ်တုံ့ပြန်ရေးကော်မတီ ဥက္ကဋ္ဌ၊ သထုံမြို့နယ် အုပ်ချုပ်ရေးမှူး ဦးစောညီညီထွေးက ပြောပါတယ်။ ပြောင်းလဲလိုက်တဲ့စနစ်အရ နေအိမ်မှာ ၁၄ ရက် နေထိုင်‌ပြီး အဲ့ဒီ နေအိမ်ကို Lock Downချကြောင်း စာကပ်ထားမှာဖြစ်တယ်လို့ သိရပါတယ်။ အခုလို ပြောင်းလဲလိုက်တဲ့အတွက်…

မကွေး-ဒီဇင်ဘာ၉-၂၀၂၀ ဂျန်ကိုးလ်(VOM) မကွေးတိုင်း ချောက် မြို့နယ် စလေအနီး ဧရာဝတီမြစ်တွင်းမှာ ၆ပေနဲ့၇ပေခန့်နဲ့ လုံးပတ် ၃ပေခွဲခန့်ရှိတဲ့ ဧရာဝတီလင်းပိုင်တကောင်တွေ့ရှိတယ်လို့ငါးလုပ်ငန်းဦးစီးဌာနကသိရပါတယ်။ “စလေမြို့အထက်နားမှာဒီလ၆ရက်နေ့ကတွေ့တယ်လို့ ရေလုပ်သားတွေအကြောင်းကြားလို့ ကွန်ဖန်းဖြစ်အောင်ကွင်းဆင်းတော့ ကိုယ်တိုင်မတွေ့ခဲ့ဘူး ဗီဒီယိုမှတ်တမ်းတွေအရ ဧရာဝတီလင်းပိုင်ဟုတ်တယ် ပတ်ဝန်းကျင်ကျေးရွာတွေကို အသိပညာပေးလုပ်ရင်းရေလုပ်သားတွေကိုစောင့်ရှောက်ဘို့နဲ့ နောင်တွေ့ရင်လည်းသတင်းပေးဘို့မှာခဲ့ရတယ်”လို့ တိုင်းငါးလုပ်ငန်းဦးစီးမှူးဦးမြင့်ရွှေကVOMကိုပြောပါတယ်။ ပြီးခဲ့တဲ့လပိုင်းက မကွေးတိုင်းပခုက္ကူနဲ့ ညောင်ဦးကြားမှာ လင်းပိုင်တကောင်တွေ့ရှိခဲ့ပါသေးတယ်။ ပုံမှန်အရဗန်းမော်နဲ့မန္တလေးတိုင်းအတွင်း စဉ့်ကူးနဲ့ မင်းကွန်းကြားမှာနေထိုင်ကျက်စားတတ်ပြီး မြစ်ရေကျချိန်မှာ ရေလမ်းပြောင်းလဲမှုကြောင့်ကျန်ခဲ့တာဖြစ်နိုင်တယ်လို့လည်း ငါးလုပ်ငန်းက သုံးသပ်ပါတယ်။ ဘက်ထရီရှော့တိုက်ငါးဖမ်းမှု၊ စည်းကမ်းမဲ့မှုတွေကြောင့် ဧရာဝတီလင်းပိုင်တွေဟာ ရှားပါးမျိုးစိတ်တွေဖြစ်လာနေပြီး ငါးလုပ်ငန်းဦးစီးနဲ့ WCS သားငှက်ထိန်းသိမ်းရေးအဖွဲ့က အထူးဂရုပြုစောင့်ကြည့်နေရပါတယ်။ ဒီလိုအထူးကြပ်မှတ်ပေမယ့် ဘက်ထရီရှော့တိုက်ပြီး ငါးဖမ်းမှုတွေရှိနေသေးတာမို့ မကြာခဏဆိုသလို လင်းပိုင်တွေသေဆုံးနေရပါတယ်။ ဧရာဝတီလင်းပိုင်တွေဟာမြန်မာပါမက ကမ္ဘာမှာပါ ရှားပါးလာလို့ နိုင်ငံခြားခရီးသွားတွေ လေ့လာစရာဖြစ်သလို ဧရာဝတီလင်းပိုင်တွေဟာ တံငါသည်တွေရဲ့ မိတ်ဆွေလည်းဖြစ်တာမို့ အားလုံးက ဝိုင်းဝန်းထိမ်းသိမ်းဖို့လိုတယ်လို့ ပတ်ဝန်းကျင်ပညာရှင်တွေက ဆိုကြပါတယ်။ ဧရာဝတီ လင်းပိုင်တွေကို ဧရာဝတီမြစ်၊…