Day: January 30, 2021

ဇန်နဝါရီ ၃၀ -၂၀၂၁ အေးချမ်းသူ(VOM) ရန်ကုန်မြို့၊ ဗဟန်းမြို့နယ်၊ ကြေးသွန်းဘုရားရှေ့မှာ ဒီကနေ့ နေ့လယ်ပိုင်းက တပ်မတော်ထောက်ခံပွဲ၊ UECကန့်ကွက်ပွဲနဲ့ ပြည်ပကနေဝင်ရောက်စွက်ဖက်မှုတွေကို အလိုမရှိကြောင်း ဆန္ဒထုတ်ဖော်ပွဲမှာ ဆန္ဒပြသူတွေဟာ ရိုက်နှက်တာတွေရှိခဲ့ပါတယ်။ ဆန္ဒပြပွဲမှာ မပါဝင်တဲ့ NLDအကျီဝတ်ဆင်ထားသူ ဆိုက်ကားသမားတစ်ဦးနဲ့ အခြားသူတစ်ဦးတို့ကို ဆန္ဒပြသူ ၁၀ဦးခန့်က ဝိုင်းဝန်းထိုးကြိတ်ခဲ့တာကြောင့် ဒဏ်ရာတွေရရှိခဲ့တာလည်း ဖြစ်ပါတယ်။ ဒီကနေ့ပြုလုပ်တဲ့ ဆန္ဒပြပွဲကို အမျိုးသားရေးဆရာတော်ဦးတေဇဝန္တ ၊ အမျိုးသားရေးလှုပ်ရှားသူတို့က ဦးဆောင်ကာ ကြေးသွန်းဘုရားအရှေ့ကို ချီတက်ခဲ့ကြတာလည်း ဖြစ်ပါတယ်။ အလားတူ ဒီကနေ့ နေ့လယ်ပိုင်းကလည်း ဗဟန်းမြို့နယ်၊ နတ်မောက်လမ်းရှိ ဗိုလ်ချုပ်ကြေးရုပ်ရှေ့မှာ တပ်မတော်ထောက်ခံပြီး UECကန့်ကွက်ကြောင်း လူ ၁၁ဦးတို့က ဆန္ဒဖော်ထုတ်ခဲ့တာလည်း ရှိခဲ့ပါတယ်။ #voiceofmyanmar #VOM #ရန်ကုန် #UECကန့်ကွက်ပွဲ #ဆန္ဒပြသူတွေ #ရိုက်နှက်တာတွေရှိခဲ့

ဇန်နဝါရီ ၃၀ -၂၀၂၁ ကောင်းလက်ျာ(VOM) ထိုင်း-မြန်မာနယ်စပ် ရနောင်းမှာ ထိန်းသိမ်းခံထားရတဲ့မြန်မာရွှေ့ပြောင်းလုပ်သား ၄၀၀ ကျော်ထဲက ဒုတိယအသုတ် ၁၀၆ ဦးကို ဒီကနေ့မနက်ပိုင်းက ရနောင်းကနေ မဲဆောက်ကို ပြန်လည်လွဲှပြောင်း‌ပေးသွားမယ်လို့ မြန်မာအလုပ်သမားသံအရာရှိရုံးကနေ သိရပါတယ်။ ” နှစ်နိုင်ငံသဘောတူထားတဲ့အချက်တွေအရ တနင်္သာရီတိုင်းက လုပ်သားတွေကို ရ‌နောင်းကနေတစ်ဆင့် ကော့သောင်းကိုပြန်လွဲှပါမယ်။ ကျန်ပြည်နယ်နဲ့တိုင်းက လူတွေကတော့ ရနောင်းကနေ မဲဆောက် ပြန်ပို့ပြီး လွဲှပြောင်းပေးမှာပါ”လို့ မြန်မာအလုပ်သမားသံအရာရှိ(ရနောင်းတာဝန်ခံ) ဦးထက်ဝေဖြိုးကပြောပါတယ်။ ပြန်လွှဲပြောင်းပေးသွားမယ့် မြန်မာရွှေ့ပြောင်းလုပ်သားတွေ၊ မိသားစုဝင်တွေနဲ့ ပြစ်ဒဏ်ကျခံပြီးသူ ၄၀၂ ဦးဟာ ထိုင်းနိုင်ငံအတွင်း တရားမဝင် ဝင်ရောက်မှုအပါအဝင် အကြမ်းဖက်မှုမဟုတ်တဲ့ အမှုတွေနဲ့ ဖမ်းဆီးခံခဲ့ရပြီးနောက်ပိုင်း ထိုင်းနိုင်ငံက ထိန်းသိမ်းရေးစခန်းတွေမှာ ၂ လကနေ ၅ လကြာ ထိန်းသိမ်းခံထားရသူတွေဖြစ်တယ်လို့ ရနောင်းအုပ်ချုပ်ရေးမှူး Somkiat Sisanet က ပြောဆိုထားပါတယ်။ ထိုင်းအာဏာပိုင်တွေက ဖမ်းဆီးထိန်းသိမ်းထားတဲ့ မြန်မာ‌ရွေ့ပြောင်းလုပ်သားတွေပြည်တွင်းကို ပြန်မပို့ပေးသေးတဲ့အတွက်…

နေပြည်တော်၊ ဇန်နဝါရီ ၃၀ -၂၀၂၁ ကိုထွန်း+နေလင်း(VOM) ဖေဖေါ်ဝါရီ ၁ ရက်နေ့မှာ ကျင်းပမယ့် လွှတ်တော်ကိုတက်ရောက်ဖို့ နေပြည်တော်ကို ရောက်လာတဲ့ ကိုယ်စားလှယ်တွေနဲ့ပါလာတဲ့ မိသားစုတွေကို မနေ့ ဇန်နဝါရီ ၂၉ရက်နေ့က ကိုဗစ်ပိုးရှိမရှိ ဒုတိယအကြိမ်ထပ်မံ စစ်ဆေးခဲ့ပါတယ်။ အဲ့ဒီလိုစစ်ဆေးတာမှာ ရန်ကုန်တိုင်းက အမျိုးသားလွှတ်တော်ကိုယ်စားလှယ် ၂ယောက်နဲ့ ပြည်သူ့လွှတ်တော်ကိုယ်စားလှယ် ၂ယောက်မှာ ကိုဗစ်-၁၉ ပိုးတွေ့လို့ ခုတင် ၁၀၀၀ ဆေးရုံကို ပို့ဆောင်ကုသနေတယ်လို့ သိရပါတယ်။ နေပြည်တော် ပြည်သူ့ကျန်းမာရေးဦးစီးဌာန ဒုတိယ ညွှန်ကြားရေးမှူးချုပ် ဒေါက်တာ မြတ်ဝဏ္ဏစိုးကိုမေးကြည့်တော့ “ ကိုဗစ်ပိုးတွေ့တာဟုတ်ပါတယ်။ ခုတင် ၁၀၀၀ မှာ စောင့်ကြပ်ကုသပေးနေပါတယ်။ အရေအတွက်နဲ့ လူနာမည်စာရင်းတော့ ကျနော်ပြောခွင့်မရှိပါဘူး လွှတ်တော်ရုံးက ထုတ်ပြန်ပေးပါလိမ့်မယ်” လို့ ဆိုပါတယ်။ VOM ကနေ စုံစမ်းသိရှိရတာကတော့ NLD ရဲ့ကိုယ်စားလှယ်တွေဖြစ်တဲ့ ရန်ကုန်တိုင်း၊ ပုဇွန်တောင်မြို့နယ်က NLDပါတီရဲ့…

ဇန်နဝါရီ ၃၀ -၂၀၂၁ သိင်္ဂီထွန်း(VOM) မကွေးတိုင်း၊ ချောက်မြို့မှာ ကိုဗစ်ကာကွယ်ဆေးထိုးပြီးတဲ့ မြို့နယ်အားကစားဦးစီးမှူးမှာ ကိုဗစ်-၁၉ ရောဂါပိုးရှိကြောင်း စစ်ဆေးတွေ့ရှိရတယ်လို့ ချောက်မြို့နယ်ပြည်သူ့ဆေးရုံကနေ သိရပါတယ်။ “လက္ခဏာက အနံ့ပျောက်တဲ့လက္ခဏာပြလို့ ဆရာ့ဆီကိုသတင်းပို့လို့ ဆရာတို့ကခေါ်ပြီးတော့ ဆေးရုံမှာ RDT နဲ့စစ်လိုက်တော့ positive ထွက်တယ်။ အနံ့ပျောက်တာကလွဲပြီး အားလုံးက Stable ပါပဲ။ သူက အဲ့ဒီတုန်းကကျတော့ ကိုဗစ်-၁၉ရဲ့ရောဂါလက္ခဏာတွေလည်းမရှိဘူး၊သံသယလက္ခဏာတွေလည်း မရှိဘူး။ ဘာမှမဖြစ်သေးဘူး အဲ့ဒါကြောင့်မို့လို့ ဆရာတို့က ထိုးပေးလိုက်တာပါ”လို့ ချောက်မြို့နယ်ပြည်သူ့ဆေးရုံအုပ်ကြီး ဒေါက်တာမျိုးသက်ဦးကပြောပါတယ်။ မြို့နယ်အားကစားဦးစီးမှူးကို ဇန်နဝါရီလ ၂၇ ရက်နေ့မှာ ကိုဗစ်ကာကွယ်ဆေးထိုးပေးခဲ့တာဖြစ်ပြီး အဲ့ဒီနောက်မှာ အနံ့ပျောက်လက္ခဏာ ခံစားမှုရှိလာတဲ့အတွက် ဆေးစစ်ကြည့်ခဲ့ရာ ကိုဗစ်ပိုးရှိကြောင်း မနေ့ ဇန်နဝါရီလ ၂၉ ရက်က သိရှိခဲ့ရတာဖြစ်တယ်လို့ သိရပါတယ်။ ကိုဗစ်ရောဂါကူးစက်ခံထားရသူတွေကို ကာကွယ်ဆေးထိုးပေးလို့မရကြောင်း ကျန်းမာရေးဝန်ကြီးဌာနက တရားဝင်ထုတ်ပြန်ထားတာလည်း ရှိပါတယ်။ အခုလို ကိုဗစ်ကာကွယ်ဆေးထိုးပြီးမှ ပိုးတွေ့ရှိမှုနဲ့ပတ်သက်ပြီး…

ဇန်နဝါရီ ၃၀ -၂၀၂၁ ကိုတိုးကြီး(VOM) စစ်ကိုင်းတိုင်း၊ နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့နယ်၊ ထန်ခေါ်လန်းမကျေးရွာသား ၄ ဦးဟာ မနေ့ ဇန်နဝါရီ ၂၉ ရက်ညနေပိုင်းက အိန္ဒိယနယ်စပ်ကနေ ဆန်ဝယ်ယူပြီး ပြန်လာတဲ့လမ်းမှာ တောမီးလောင်လို့ သေဆုံးသွားခဲ့ပါတယ်။ ” ထန်ခေါ်လန်မကျေးရွာက လူ ၄ ယောက်က အိန္ဒိယနယ်စပ်မှာ ဆန်ဝယ်ပြီးအပြန် ကာရော်နောက်ညူကျေးရွာနဲ့ ထန်ခေါ်နောက်ကုန်း ကျေးရွာအကြား ထန်ခေါ်နောက်ကုန်းကျေးရွာအပိုင်နယ်မြေထဲမှာ ရွှေ့ပြောင်းတောင်ယာစိုက်ပျိုးဖို့ တောမီးရှို့ထားတဲ့ တောမီးကဝိုင်းပြီး လွှတ်အောင်မပြေးနိုင်တဲ့အတွက် မီးလောင်ပြီး သေဆုံးတာဖြစ်တယ်”လို့ လဟယ်မြို့နယ် အထွေထွေအုပ်ချုပ်ရေးဦးစီးဌာနမှာ တာဝန်ထမ်းဆောင်နေတဲ့ ဝန်ထမ်းတစ်ယောက်ကပြောပါတယ်။ လဟယ်မြို့မရဲစခန်းက ရဲဝန်ထမ်းတစ်ယောက်ကလည်း” တောမီးလောင်လို့ လူ ၄ ယောက်သေဆုံးတဲ့နေရာကို သွားနေတယ်၊ လဟယ်မြို့နဲ့ အခင်းဖြစ်နေရာက ၃၈ မိုင်ဝေးတယ်၊ ဆိုင်ကယ်နဲ့ ၄ နာရီလောက်သွားရပြီး နောက်ထပ် ခြေလျင် ၁ နာရီလောက်ဆက်သွားရတယ် ၊ လမ်းပန်းဆက်သွယ်ရေး…

ဇန်နဝါရီ ၃၀ -၂၀၂၁ နေလင်းဖြူ(VOM) မကွေးတိုင်း၊ ပခုက္ကူမြို့၊ အမှတ်(၁၁)ရပ်ကွက်မှာ မနေ့ ဇန်နဝါရီလ၂၉ရက်နေ့က ရပ်ကွက်အုပ်ချုပ်ရေးမှူးရွေးချယ်ပွဲအတွက် ရပ်မိ/ရပ်ဖကြီးကြပ်ရေးမှူး ၅ဦး ရွေးချယ်ပွဲကြီးကြပ်လုပ်ဆောင်ပေးနေတဲ့ ထွေ/အုပ် ရပ်ကျေးစာရေးမတစ်ဦး အနံပျောက်လို့ စစ်ဆေးရာကနေ ကိုဗစ်ပိုးတွေ့ရှိကြောင်း ရပ်ကွက်အုပ်ချုပ်ရေးမှူးရုံးကနေ သိရပါတယ်။ ပခုက္ကူပြည်သူ့ကျန်းမားရေးဦးစီးဌာန ဒုတိယပြည်သူကျန်မားရေဌာနမှူး ဒေါက်တာအောင်ခင်ဆင့်ကလည်း ” ပိုးတွေ့မိသားစုဝင်တွေနဲ့ ရပ်ကွက်အုပ်ချုပ်ရေးမှူးအဖွဲ့ဝင်အာလုံးကိုကျန်းမာရေးဌာနရဲ့ လမ်းညွှန်မူအတိုင်း လိုက်နာဆောင်ရွက်သွားဖို့နဲ့ ထိစပ်မူရှိခဲ့သူတွေအနေနဲ့ လက်တလော အိမ်မှာ(HQ)နေပြီး အသွားအလာကန့်သတ်နေထိုင်ပေးဖို့ မေတ္တာရပ်ခံထားတယ်”လို့ ပြောပါတယ်။ ” မနက်ပိုင်းက အ.ထ.က-၂ကျောင်းဝန်းအတွင်းမှာ ရပ်မိရပ်ဖ ကြီးကြပ်ရေးမှူး ၅ဦး ရွေးချယ်ပွဲမှာ ကြီးကြပ်လုပ်ဆောင်ပေးနေတဲ့ ညနေပိုင်းမှာ စာရေးမက ဖျားနာပြီး အနံပျောက်လို့ ပခုက္ကူခရိုင်ပြည်သူဆေးရုံကြီးမှာ RDTနဲ့စစ်ဆေးတာ Positiveတွေ့ရှိတာဖြစ်တယ်”လို့ အမှတ်(၁၁)ရပ်ကွက်အုပ်ချုပ်ရေးမှူး ဦးသန်းဝင်းအောင်ကပြောပါတယ်။ အမှတ်(၁၁) ရပ်ကွက်ရပ်မိရပ်ဖကြီးကြပ်ရေးမှူးရွေးချယ်ပွဲကို တက်ရောက်သူ ၃၀၀ ကျော်ရှိပြီး တက်ရောက်လာသူအားလုံးကို ကျန်းမာရေးဝန်ကြီးဌာနကထုတ်ပြန်ထားတဲ့ စည်ကမ်းချက်နဲ့အညီ စီမံဆောင်ရွက်ထားခဲ့တယ်လို့လည်း…