Month: September 2021

စက်တင်ဘာ ၊ ၁၃ ၊ ၂၀၂၁ ရွှေဘုန်းမြတ်စံ (VOM)   ကိုးကန့်ကိုယ်ပိုင်အုပ်ချုပ်ခွင့်ရ ဒေသ လောက်ကိုင်မြို့နယ်မှာ လူတွေကို ပေါ်တာဆွဲပြီး တိုက်ပွဲဖြစ်နေတဲ့ ရှေ့တန်းစစ်မြေပြင်တွေဆီ ပို့ဆောင်နေတယ်ဆိုတာ သတင်းမှားဖြစ်ပြီး stay at home မလိုက်နာသူတွေကို ဖမ်းတာဖြစ်ကြောင်း ကိုးကန့် ကိုယ်ပိုင်အုပ်ချုပ်ခွင့်ဒေသ ကိုဗစ်ရောဂါ အရေးပေါ်တုန့်ပြန်ထိန်းချုပ် ကာကွယ်ကုသရေး ကော်မတီက ဒီကနေ့ မှာ ငြင်းဆိုလိုက်တယ်လို့ သိရပါတယ်။   ကိုးကန့် ကိုယ်ပိုင်အုပ်ချုပ်ခွင့်ရ ဒေသ ကိုဗစ်ရောဂါ အရေးပေါ်တုန့်ပြန် ထိန်းချုပ် ကာကွယ်ရေး ကော်မတီအဖွဲ့ဝင် တာဝန်ရှိသူ တစ်ဦး ပြောတာက   ” Stay at home စည်းကမ်းမလိုက်နာပဲ သွားလာနေတဲ့သူ လူ ၂၉ ယောက်ကို ၇ ရက်နေ့က ဖမ်းတယ် ၊ ၈ ရက်နေ့ကျတော့…

စက်တင်ဘာ ၁၂ -၂၀၂၁ ရွှေဘုန်းမြတ်စံ (VOM)   မကွေးတိုင်း၊ ဂန့်ဂေါမြို့နယ်မြောက်ပိုင်း ဂန့်ဂေါ-ကလေး ကားလမ်းမှာ ပစ်ခတ်မှုတွေရှိနေတာကြောင့် ရာနဲ့ချီတဲ့ကားတွေ ပိတ်မိနေပြီး နီးစပ်ရာကျေးရွာတွေမှာ ဝင်ခိုနားနေကြရတယ်လို့ ဒီကနေ့မနက် မုံရွာကိုလှည့်ပြန်လာတဲ့ ကားသမားတွေရဲ့ ပြောပြချက်အရ သိရပါတယ်။   ” ကားမှန်ရင် ဘာကားမှ မရွေးပဲ အကုန်ပစ်တယ် ၊ ပစ်တဲ့နေရာတွေက သုံးလေးနေရာဖြစ်တယ် ၊ ဂန့်ဂေါတံတား အနောက်ဘက်က စိုင်းဒူးရွာနဲ့ ဂန့်ဂေါ-ဟားခါး-ကလေးလမ်းခွဲအကြား သုံးပတ်ကွေ့ အတက်နေရာ၊ တခါ ၊ ဂန့်ဂေါ-ဟားခါး-ကလေးလမ်းခွဲနေရာကနေ ကျွန်းဒက်ရွာအကြား ကျော်ရွာလမ်းခွဲနားမှာလည်း ပစ်တယ် ၊ ကျွန်းဒက်ရွာနဲ့ ထယ်လှော်ရွာမြောက်ဘက် ဝါးရှင်း တောင်အဆင်းနေရာ ကြားမှာလည်း ပစ်တယ် ၊ ကျွန်တော်တို့ ကားသမားတွေဆိုတော့ ပစ်တာပဲသိတယ် ၊ ဘယ်အဖွဲ့နဲ့ ဘယ်အဖွဲ့ ပစ်နေကြတယ်ဆိုတာ မသိဘူး ၊ ရွှေလွင်ပြင်က…

စက်တင်ဘာ ၁၂-၂၀၂၁ CKC (VOM)   ရန်ကုတ်မြို့၊ တောင်ဥက္ကလာမြို့နယ်၊ မြင်သာ က.ည.န ရုံးနားက အမှိုက်ကန်မှာ ဒီကနေ့ မနက် ၁၁ နာရီကျော်လောက်က ဗုံးပေါက်ကွဲမှုဖြစ်ပွားခဲ့ပြီး အမှိုက်ကောက်တဲ့ ကလေးတစ်ဦးနဲ့ အမျိုးသားတစ်ဦး ဒဏ်ရာရရှိခဲ့တယ်လို့ တောင်ဥက္ကလာဒေသခံတစ်ဦးက ပြောပါတယ်။   ” ပေါက်ကွဲသံကြားလိုက်တယ် ။ အဲ့ဒီနောက် ဘယ်ကလဲဆိုပြီးလိုက်စုံစမ်းတော့ လိုင်စင်ရုံးနားကအမှိုက်ပုံကပေါက်တာလို့သိရတယ်။ အဲ့ဒီမှာ ကလေးတစ်ယောက် အမှိုက်ကောက်တာကို ထိသွားတယ်။နောက်ပြီး Deli ပို့တဲ့ ကောင်လေးတစ်ယောက်လည်း ထိတယ်ကြားတယ်။ အဲ့ဒီနားကသူငယ်ချင်းကို လှမ်းမေးကြည့်ထားတာ သိရသလောက်ပေါ့ ” လို့ တောင်ဥက္ကလာမှာနေထိုင်သူတစ်ဦးကပြောပါတယ်။   ပေါက်ကွဲမှုကြောင့် ဒဏ်ရာရရှိခဲ့တဲ့ ကလေးဟာ မျက်လုံးထိခိုက်သွားပြီး ထိခိုက်မှုဖြစ်ပြီးနောက်ပိုင်း ပတ်ဝန်းကျင်မှာရှိတဲ့ ဆေးခန်းက ဆေးကုသမှုပေးခဲ့တယ်လို့လည်း တောင်ဥက္ကလာမှာနေထိုင်သူကပြောပါတယ်။   အဲ့ဒီနောက်မှာတော့ ပေါက်ကွဲမှုဖြစ်ရာနေရာကို စစ်တပ်ကရောက်လာပြီး စစ်ဆေးမှုတွေပြုလုပ်နေတယ်လို့ သိရပါတယ် ။…

စက်တင်ဘာ ၁၂-၂၀၂၁ Shy V(VOM)   လာအိုနိုင်ငံ၊ ဘိုကျောက်ပြည်နယ်၊ ရွှေတြိဂံ အထူးစီးပွားရေးဇုံဘက်မှာ သွားရောက်အလုပ်လုပ်ကိုင်ပြီး အခက်အခဲအမျိုးမျိုးကြောင့် မြန်မာပြည်ပြန်လိုတဲ့ မြန်မာရွှေ့ပြောင်းလုပ်သား၂၀၀ ကို မနေ့ စက်တင်ဘာလ ၁၁ ရက်နေ့က ၁၀ ကြိမ်မြှောက် ပြန်လည်လွှဲပြောင်းလက်ခံခဲ့တယ်လို့ နှစ်နိုင်ငံသက်ဆိုင်ရာဌာနတွေဆီက သိရပါတယ်။   မြန်မာဘက်ပြန်လည်ဝင်ရောက်လာတဲ့ မြန်မာလုပ်သားအမျိုးသား ၁၁၉ ဦး၊ အမျိုးသမီး ၈၁ ဦး စုစုပေါင်း ၂၀၀ ဦးကို လာအိုနိုင်ငံဘက်က တာဝန်ရှိသူတွေက မိုင်းမော့ ဆိပ်ကမ်းမှတဆင့် တာချီလိတ်မြို့၊ မိုင်းဖုန်း (က)ကျေးရွာအုပ်စု၊ ဝမ်ပုံဆိပ်ကမ်းကို လွှဲပြောင်းပို့ဆောင်ပေးပြီး မြန်မာနိုင်ငံဘက်က တာဝန်ရှိသူတွေအနေနဲ့ COVID-19 စည်းကမ်းသတ်မှတ်ချက်တွေနဲ့အညီ လက်ခံခဲ့တယ်လို့ တာချီလိတ်ခရိုင် အထွေထွေအုပ်ချုပ်ရေးဦးစီးဌာနက သိရပါတယ်။   “ပြန်ဝင်လာတဲ့ မြန်မာရွှေ့ပြောင်းလုပ်သား ၂၀၀ ဦးကို ပထမအကြိမ် COVID-19 ရောဂါပိုး ရှိ/မရှိ…

စက်တင်ဘာ ၁၂-၂၀၂၁ CKC (VOM)   ပြည်တွင်းဒေါ်လာစျေးနဲ့ ရွှေစျေးနူန်းက စံချိန်တင် မြင့်တက်ပြီး မြန်မာကျပ်ငွေတန်ဖိုး ကျဆင်းနေတဲ့အခြေအနေကို ပြည်သူလူထုရင်ဆိုင်ကြုံတွေ့နေရပါတယ်။   လက်ရှိ ဒေါ်လာစျေးကို ဗဟိုဘဏ်က ၁၇၀၀ ကျော်သတ်မှတ်ထားပေမယ့် ပြင်ပစျေးကွက်မှာက တဒေါ်လာကို ၂ထောင်ကျပ်ကျော်ထိစျေးခေါ်နေပြီး ရွှေစျေးကတော့ အခေါက်ရွှေတစ်ကျပ်သားကို ၁၉ သိန်းဝန်းကျင်အထိ ဖြစ်နေပါတယ်။   ဒေါ်လာစျေးဟာ ၂၀၀၀ ကျော်အထိမြင့်တက်နေပေမယ့် စျေးကွက်မှာ ဒေါ်လာ ရာဂဏန်းလောက်ကိုပင် လိုချင်သလောက်ဝယ်ယူမရတဲ့အခြေအနေတွေဖြစ်နေတယ်လို့ ဒေါ်လာဝယ်ရောင်းလုပ်နေသူတစ်ဦးက ခုလိုပြောပါတယ်။   “ဒေါ်လာက ထောင်ဂဏန်းအောက် ၊ ၁၀၀ ၊ ၂၀၀ လောက်ပဲဝယ်လို့ရတယ်။ဒါတောင်လိုချင်တိုင်းရတာမဟုတ်ဘူး ၊ရောင်းမယ့်သူရှိမှရတာ။ကုမ္ပဏီတွေလိုအပ်တဲ့ ဒေါ်လာသိန်းသန်းချီတာကိုထုတ်မရောင်းနိုင်တော့ဘူး။ တစ်ကိုယ်ရေးသုံးတဲ့ဟာလောက်ပဲအရောင်းဝယ်ဖြစ်နေတယ်။ကြီးသွားရင်ကြိုက်ကြေးပေးဝယ်တာဖြစ်သွားတယ်။ ထောင်ဂဏန်းအောက်ဆိုရင် နည်းနည်း ပါးစျေးနူန်း ညှိပြီးတော့ဝယ်လို့ရတာပေါ့။ အခုဖြစ်တာက ဒေါ်လာကဘယ်လောက်ပေါက်တယ် ဘယ်လောက်ရောင်းတယ်ဆိုတာမရှိတော့ဘူး။ကိုယ်ကြိုက်သလိုရောင်း ကိုယ့်မှာဒေါ်လာရှိရင် ကြိုက်ကြေးတင်ရောင်း လိုတဲ့သူကလာဝယ်တော့မယ့်သဘောဖြစ်သွားပြီ။ ” လို့ ဆိုပါတယ်။…

ရန်ကုန်၊စက်တင်ဘာ ၁၂-၂၀၂၁ KK(VOM)   ဧရာဝတီတိုင်း ပုသိမ်မြို့နယ်၊ မြို့မရပ်ကွက်မှာရှိတဲ့ ပုသိမ်အကျဥ်းထောင်မှာ ဒီကနေ့ မနက် ၅နာရီခန့်က ထောင်ဆူမှုဖြစ်ခဲ့တယ်လို့ မြို့မရပ်ကွက်နေသူတွေဆီက သိရပါတယ်။   ပုသိမ်အကျဥ်းထောင်အတွင်းကနေ ဒို့အရေး အော်သံတွေကြားရခြင်း နဲ့ ဥသြဆွဲသံတွေထပ်မံကြားရပြီး နောက်ပိုင်း ထပ်မကြားရတော့ဘူးလို့ မြို့မရပ်ကွက်မှာ နေထိုင်သူတစ်ဦးက ပြောပါတယ်။   “ထောင်ထဲမှာ ဆန္ဒပြတာဖြစ်မယ်၊ နာရီဝက်လောက်ကြာတယ်၊ ဥသြဆွဲသံတွေထွက်လာပြီး မကြားရတော့ဘူး၊ ဘာကြောင့်ဖြစ်လဲတော့ မသိဘူးလို့”သူကပြောပါတယ်။   ပုသိမ်ထောင်ဆူမှုဖြစ်စဥ်နဲ့ပတ်သက်လို့ န.စ.က ပြန်ကြားရေး ဒု-ဝန်ကြီး ဗိုလ်ချုပ်ဇော်မင်းထွန်းကတော့ “အပတ်စဉ်တနင်္ဂနွေနေ့တိုင်းမှာ ထောင်လှန့်တဲ့လေ့ကျင့်ခန်းလုပ်တာပါ၊ ထောင်ဆူတာမဟုတ်ပါဘူး၊ အကျဥ်းထောင်တွေအတွင်းမှာ အပတ်စဥ်ရှာဖွေစစ်ဆေးရေးလေ့ကျင့်ခန်းတွေလုပ်ရပါတယ်၊ ကိုဗစ်ကာလအတွင်းမှာ အဲ့ဒီလေ့ကျင့်ခန်းတွေ ရပ်နားထားတာကြောင့် အခုမှပြန်လုပ်တာဖြစ်တယ်”လို့ ပြောပါတယ်။   ပုသိမ်အကျဥ်းထောင်မှာ ၂၀၁၉ ခုနှစ် မေလတုန်းကလည်း လွတ်ငြိမ်ချမ်းသာခွင့်ကိစွနဲ့ ဆူပူမှုဖြစ်ခဲ့တဲ့အပြင် ပြီးခဲ့တဲ့ သြဂုတ်လ ၂၃ရက် မနက်ပိုင်းကလည်း…