ဧပြီ ၁၉-၂၀၂၂ VOM (GG) ပုဂံရှေးဟောင်းယဉ်ကျေးမှုဒေသက လူသူအရောက်အပေါက်မရှိတဲ့ ဘုရားအမှတ် ၄၁၈ နဲ့ ဘုရားအမှတ် ၇၁၆ ဘုရားတွေထဲက ရုပ်တုအချို့အခိုးခံလိုက်ရတယ်လို့ ပုဂံရှေးဟောင်းယဉ်ကျေးမှုဌာနခွဲကနေ သိရပါတယ်။ ရုပ်တုတွေအခိုးခံရတာကို မနေ့ ဧပြီ၁၈ ရက်နေ့က စစ်ဆေးတွေ့ရှိရတာဖြစ်ပြီး အခိုးခံလိုက်ရတဲ့ ရုပ်တုအရေအတွက် အတိကျသိနိုင်ဖို့အတွက် ယခင်ကထားရှိတဲ့ ဓာတ်ပုံမှတ်တမ်းနဲ့တိုက်ပြီး စစ်ဆေးလုပ်ဆောင်နေတယ်လို့ သိရပါတယ် ။ “ကင်းလှည့်တော့မှသိတာ ဒီမနက်မှသိတာ၊ ၇၁၆ ကတော့ ပျောက်လားမပျောက်လား မသေချာပါဘူး၊ထိုင်တော်မူ နတ်ရုပ်လေးတွေရှိတယ်လို့ ဒေသခံဆရာတော်တပါးကတော့ပြောတယ်၊အဲ့ဒီတော့ အရင်ကရှိတာလား၊အရင်ထဲကမရှိတာကို အခုမှသိတာလားပေါ့။၄၁၈ ကတော့ အကိုတို့ဆီကလည်း ၂၀၂၀ တုန်းကရိုက်ထားတဲ့မှတ်တမ်းပုံတွေရှိတယ်၊ ပျောက်တာတော့ ဘယ်နှစ်ရုပ်ပျောက်လဲဆိုတာ ပုံဟောင်းတွေနဲ့ပြန်တိုက်နေတယ်၊တချို့ကတော့ ဒီအရုပ်တွေက မစုံတာရှိတယ်၊နှစ်ပေါင်းတစ်ထောင်ကျော် နှစ်ထောင်နီးပါးဆိုတော့ မစုံတာရှိတယ်၊ အရင်ကမှတ်တမ်းတွေပြန်ရှာနေတယ်၊ပြန်ရှာပြီးတော့မှ အရင်ရှိခဲ့တာနဲ့တိုက်မယ်၊တချို့ကျတော့လည်းအကွက်လေးတွေထဲမှာ နှစ်ရုပ်သုံးရုပ်လောက်ကျန်တာကို ထပ်ခွာသွားကြတာကပါ့၊ အရင်မှတ်တမ်းပုံနဲ့ကျန်ခဲ့တာကိုပြန်တိုက်ပြီး ဘယ်လောက်ပျောက်လဲဆိုတာ ကြည့်ရမှာပေါ့၊ “လို့ ပုဂံရှေးဟောင်းယဉ်ကျေးမှုဌာနခွဲမှ ညွှန်ကြားရေးမှူး ဦးကျော်မျိုးဝင်းကပြောပါတယ်။…
Read Moreပုဂံဒေသက ရှေးဟောင်းရုပ်တုအချို့ အခိုးခံရ
