Day: May 7, 2022

မော်စကို၊ မေ ၇-၂၀၂၂ မျိးဆက်(VOM) ရုရှားနိုင်ငံဟာ ဂျပန်ပင်လယ်အတွင်း ရေငုပ်သင်္ဘောဖျက် ဒုံးကျည်စနစ်သစ်ကို အောင်မြင်စွာ စမ်းသပ်နိုင်ခဲ့ကြောင်း ရုရှားကာကွယ်ရေးဝန်ကြီးဌာနက သောကြာနေ့မှာ ကြေညာလိုက်ပါတယ်။ ကာကွယ်ရေးဝန်ကြီးဌာနဟာ ရုရှားပစိဖိတ်ရေယာဉ်စုကနေ ပစ်လွှတ်မှုကို ပြသတဲ့ ဗီဒီယိုကို ထုတ်ပြန်ခဲ့ပါတယ်။ Otvet ရေငုပ်သင်္ဘောဖျက်ဒုံးစနစ်ရဲ့ နောက်ဆုံးဗားရှင်းဟာ ရေအောက်စမ်းသပ်ပစ်မှတ်ကို ထိမှန်တယ်လို့ ဆိုပါတယ်။ Otvet စနစ်မှာ ပစ်ခတ်နိုင်တဲ့ အကွာအဝေး ကီလိုမီတာ ၅၀အထိ ရှိပြီး အ မြန်နှုန်းအသံထက်နှစ်ဆခွဲပျံသန်းနိုင်ကာ ရေအောက်အနက် မီတာ ၈၀၀ အထိ ပစ်ခတ်နိုင်ပါတယ်။ အဲဒီဒုံးကျည်စနစ်ကို ဖရီးဂိတ်သဘော်တွေအပြင် အခြားစစ်သင်္ဘောအမျိုးအစားတွေမှာလည်း တပ်ဆင်ပစ်ခတ်နိုင်တယ်လို့ ရုရှားကာကွယ်ရေး ဝန်ကြီးဌာနက ထုတ်ပြန်ထားပါတယ်။ အခုလိုစမ်းသပ်ပစ်လွှတ်မှုဟာ ယူကရိန်းကို ရုရှားရဲ့ကျူးကျော်မှုနှင့်အတူ ကျယ်ပြန့်လာတဲ့ တင်းမာမှုတွေ ဖြစ်ပေါ်နေတဲ့ ဂျပန်နဲ့ အမေရိကန်တို့လို နိုင်ငံတွေအတွက် သတိပေးချက်အဖြစ် ရုရှာက ရည်ရွယ်ထားကြောင်း လေ့လာသူတွေက သုံးသပ်ပြောဆိုပါတယ်။…

ကိုလံဘို၊ မေ-၇-၂၀၂၂ မျိုးဆက်(VOM) သီရိလင်္ကာမှာ ဖြစ်ပွားနေတဲ့ စီးပွားရေးအကြပ်အတည်းအပေါ် တလကျော်ကြာမြင့်ပြီဖြစ်တဲ့ အစိုးရဆန့်ကျင်ရေး ဆန္ဒပြွပွဲတွေ ပိုမိုဆိုးရွားလာနေတာကြောင့် အာဏာပိုင်တွေက အရေးပေါ်အခြေအနေ ကြေညာလိုက်ပြန်ပါတယ်။ သမ္မတ Gotabaya Rajapaksa ဟာ အများပြည်သူလုံခြုံရေးအတွက် ဆိုကာ သောကြာနေ့မှာ အမိန့်ထုတ်ပြန်ခဲ့တာဖြစ်ပါတယ်။ ဒီလို အမိန့်ထုတ်ပြန်လိုက်တာကြောင့် ဖမ်းဝရမ်းမပါဘဲ လူတွေကို ဖမ်းဆီးဖို့ အာဏာပိုင်တွေ အခွင့်အာဏာတွေ ပိုမိုရရှိစေပါတယ်။ ပြီးခဲ့တဲ့ ဧပြီလကလည်း နိုင်ငံအရေးပေါ်အခြေအနေကြေညာခဲ့ရပါသေးတယ်။ သမ္မတကို ရာထူးမှ နုတ်ထွက်ပေးဖို့ လွှတ်တော်အပြင်ဘက်မှာလူစုလူဝေး ပြုလုပ်နေတဲ့ ဆန္ဒပြသူတွေကို ရဲတပ်ဖွဲ့က အစောပိုင်းမှာ မျက်ရည်ယိုဗုံးတွေနဲ့ ဖြိုခွင်းခဲ့ပါတယ်။ ဒီလိုမငြိမ်မသက်ဖြစ်မှုတွေဟာ ကပ်ရောဂါကြောင့်အပြင် ငွေကြေးဖောင်းပွမှုတွေကြောင့် စီးပွားရေကြပ်တည်းလာပြီးနောက် ဖြစ်ပေါ်လာတာ ဖြစ်ပါတယ်။ အစိုးရဟာ နိုင်ငံတကာငွေကြေးရန်ပုံငွေအဖွဲ့ဆီကနေ အကူအညီရယူဖို့ လုပ်ဆောင်နေပေမယ့် ဆွေးနွေးမှုတွေက အချိန်ကြာဦးမှာ ဖြစ်ပါတယ်။ Ref: NHK Photo:Reuters #voiceofmyanmar #VOM…

ဟာဗားနား ၊ မေ ၇ – ၂၀၂၂ မျိုးဆက်(VOM) ကျူးဘားနိုင်ငံ အထူးသီးသန့် ကြယ်ငါးပွင့်ဟိုတယ် တခုမှာ ကြီးမားတဲ့ ပေါက်ကွဲမှုကြောင့် အနည်းဆုံး လူ ၂၂ ဦး သေဆုံးပြီး ၆၀ ကျော် ဆေးရုံတင်ထားရပါတယ်။ Saratoga Hotel အပြင်ဘက်မှာ ရပ်ထားတဲ့ ဓာတ်ငွေ့တင်သင်္ဘောတစ်စီး မီးလောင်ပေါက်ကွဲခဲ့ပြီး အဆောက်အဦရဲ့ အထပ်တော်တော်များများ ပျက်စီးသွားခဲ့ပါတယ်။ လက်ရှိမှာတော့ အပျက်အစီးတွေအောက်မှာ ပိတ်မိနေသူတွေကို ကယ်ဆယ်ရေးသမားတွေက ရှာဖွေကယ်ဆယ်ရေးလုပ်ငန်းတွေ လုပ်ဆောင်လျက်ရှိပါတယ်။ သေဆုံးသူထဲမှာ ကိုယ်ဝန်ဆောင် အမျိုးသမီးတဦးနဲ့ ကလေးတစ်ဦးတို့ ပါဝင်ကြောင်း ကျူးဘားသမ္မတက ပြောပါတယ်။ ဒဏ်ရာရသူတွေကိုတော့ နီးစပ်ရာဆေးရုံတွေမှာ ကုသပေးနေပါတယ်။ အဲဒီဟိုတယ်ဟာ ၁၉ ရာစု ကိုလိုနီခေတ်လက်ရာ ရှေးဟောင်းအဆောက်အဦးဖြစ်ပြီး အနုပညာရှင်တွေအပါအဝင် နာမည်ကျော်တွေ လာရောက်လေ့ရှိပါတယ်။ Ref: BBC Photo: Getty Images #voiceofmyanmar…