Day: May 17, 2022

မေ ၁၈-၂၀၂၂ SW(VOM) ရခိုင်ပြည်နယ်အတွင်း စစ်ဘေးရှောင်တွေဟာ နေရပ်ပြန်ချင်နေကြပြီး သူတို့ရဲ့ရွာပြန်ချင်တဲ့ဆန္ဒကို ဖွင့်ဟပြောဆိုလေ့ရှိပါတယ်။ သူတို့ နေရပ်ပြန်ချင်ကြတဲ့ အဓိက အကြောင်းအရင်းကတော့ စစ်ဘေးရှောင်စခန်းတွေမှာ စားဝတ်နေရေး အဆင်မပြေမှုတွေ၊ စားနပ်ရိက္ခာအလုံအလောက်မရတာတွေနဲ့ မိမိတို့အရင်ကနေထိုင်ခဲ့တဲ့ ကျေးလက်သဘာဝအတိုင်း မိမိတို့ရဲ့အလုပ်အကိုင်တွေကို ပြန်လည်လုပ်ကိုင်ချင်ကြတာနဲ့ မွေးရပ်မြေကို သတိရနေကြတဲ့အတွက်ကြောင့်ဖြစ်တယ်လို့ စစ်ဘေးရှောင်တွေက ပြောပါတယ်။ ရခိုင်ပြည်နယ်တခုလုံးမှာ လက်ရှိအချိန်ထိ နေရပ်မပြန်နိုင်သေးတဲ့ စစ်ဘေးရှောင် ၆ သောင်းနီးပါးရှိပြီး သူတို့ဟာ နေရပ်ပြန်ဖို့ စိတ်အားထက်သန်နေတာ အခုမှမဟုတ်ဘဲ ဒုက္ခအခက်အခဲပေါင်းစုံကို ခါးစီးရင်ဆိုင်ကာ နေထိုင်ကြရတာ ၃ နှစ်ကျော်လာပြီဖြစ်တယ်လို့ သိရပါတယ်။ #voiceofmyanmar #VOM #ရခိုင် #စစ်ဘေးရှောင် #နေရပ်ပြန်ချင်တဲ့ဆန္ဒ YouTube Link – https://youtu.be/5KVfP9cWQbs

Read More

မေ ၁၇-၂၀၂၂ VOM (GG) ကျောင်းသားတွေအတွက် အရည်အချင်းပြည့်ဝပြီး အတွေ့အကြုံရှိတဲ့ ဆရာ၊ဆရာမတွေလိုအပ်နေလို့ CDM လုပ်နေတဲ့ အခြေခံပညာ ကျောင်းဆရာ၊ဆရာမတွေ အနေနဲ့ နာသုံးနာကို ရှေးရှုပြီး ကျောင်းဖွင့်ချိန်မှာ တာဝန်ပြန်ထမ်းဆောင်ဖို့ နစက ကောင်စီက စည်းရုံးပြောဆိုလိုက်ပါတယ်။ ဒါ့ကြောင့် ခြိမ်းခြောက်အကျပ်ကိုင်ခံရမှုကြောင့်ဖြစ်စေ၊ ငြိမ်းချမ်းစွာဆန္ဒပြမှုတွေမှာ ပါဝင်ခဲ့မိတာကြောင့်ဖြစ်စေ၊ စိုးရိမ်ကြောင့်ကြမှုတွေကြောင့်ဖြစ်စေ တာဝန်ကနေ ကင်းကွာခဲ့တဲ့ ဆရာ၊ ဆရာမတွေ၊ ဝန်ထမ်းစည်းကမ်းနဲ့ အရေးယူခံထားရတဲ့ ဆရာ၊ဆရာမတွေအနေနဲ့ နိုင်ငံသားမျိုးဆက်သစ်လူငယ်တွေအတွက် စေတနာ၊ ဝါသနာ၊ အနစ်နာ ဟူတဲ့ နာသုံးနာကို ရှေးရှုပြီး သင်ကြားရေးတာဝန်တွေကို ပြန်လည်ထမ်းဆောင်နိုင်ဖို့ နောက်ဆုံးတာဝန်ထမ်းဆောင်ခဲ့တဲ့ ကျောင်းရှိရာ မြို့နယ်ပညာရေးမှူးရုံးကိုဖြစ်စေ၊ လက်ရှိနေထိုင်ရာဒေသက မြို့နယ်ပညာရေးမှူးရုံးကို အခု မေလ ၃၁ ရက်နေ့မတိုင်မီ သတ်မှတ်ပုံစံဖြည့်စွက်ကာ အယူခံလွှာတင်သွင်းနိုင်တယ်လို့ သိရပါတယ်။ အခုလို စည်းရုံးဖိတ်ခေါ်တဲ့အပေါ် CDM လုပ်နေတဲ့ မူလတန်းပြ ကျောင်းဆရာမတဦးက” CDM…

Read More

မေ ၊ ၁၇-၂၀၂၂ SP(VOM) စစ်ကိုင်းတိုင်း၊ မုံရွာမြို့၊ အေးသာယာ (အုန်းခြံ)ရပ်ကွက် ၊ ရာသက်ပန် စေတနာ့ရိပ်မွန် လူမှုကူညီရေးအသင်းရုံးပိုင် ပရဟိတလုပ်ငန်းသုံး ကားတစီး ခိုးယူခံရတယ်လို့ ပရဟိတသမားတွေဆီက သိရပါတယ်။ ” ရုံးသော့တွေ ဖျက်စီးပြီးတော့ ခိုးယူသွားတာပါ ၊ အခုလ ၁၅ ရက်နေ့ညက ဖြစ်မယ်လို့ ယူဆရတယ် ၊ ပါသွားတဲ့ကားက ပရဟိတလုပ်ငန်းသုံး ဒါဘရယ်ကပ် ဖိုးဝှီးယာဥ်ဖြစ်တယ်”လို့ အသင်းတာဝန်ရှိသူတဦးက ပြောပါတယ် ။ မုံရွာမြို့မှာရှိတဲ့ လူမှုကူညီရေးအသင်းတွေဟာ အရင်က ၂၄ နာရီ အချိန်ပြည့် ဝန်ဆောင်ကူညီမှုပေးခဲ့ပေမယ့် ပြီးခဲ့တဲ့ နှစ် ၂၀၂၁ ဖေဖော်ဝါရီလ နောက်ပိုင်း ညမထွက်ရအမိန့်နဲ့ လူ ၅ ယောက်ထက် ပိုပြီး မစုဝေးရ အမိန့်တွေကြောင့် ညဘက်မှာ အသင်းရုံးပိတ်ထားတဲ့အချိန် အခုလို ကားခိုးခံလိုက်ရတာဖြစ်တယ်လို့ သိရပါတယ် ။…

Read More

မေ ၁၇-၂၀၂၂ Shy V (VOM) မြန်မာ နဲ့ တရုတ် အဓိကကုန်သွယ်ရာ မြန်မာ့အရှေ့မြောက်စီးပွားရေး တံခါးပေါက်ဖြစ်တဲ့ ကျင်းစန်းကျော့ – မန့်မိုင် (ဝမ်တိန်)ဂိတ်ကနေ မနေ့မေလ ၁၆ ရက်နေ့ကစပြီး တရုတ်ဘက်ထဲကို မြန်မာကုန်တင်ကားတွေ ဝင်ခွင့်ပြုလိုက်တယ်လို့ နယ်စပ်ကုန်သည်တွေဆီက သိရပါတယ်။ “မနေ့က မြန်မာကုန်တွေ တင်ပို့မယ့်ကားတွေကို တရုတ်ဘက်ထဲ ဝင်ခွင့်ပြုလိုက်ပေမယ့် ဒီနေ့ မေလ ၁၇ ရက်နေ့မှ ဝင်ဖို့လုပ်နေရတယ်၊ ဒီနေ့မှ စဝင်ဖို့ ကား ၃ စီးတန်း ထားပြီ၊ မြန်မာကုန်ခြောက်ကားတွေ”လို့ ကုန်သည် ၁ ဦးက ပြောပါတယ်။ မြန်မာကားတွေ ဝင်ခွင့်ပြုလိုက်လို့ရှိရင် အဓိကပနေနဲ့ တရုတ်ကားငှားခတွေ ဈေးသက်သာ သွားမယ့်အပြင် အဝင်အထွက်တွေ လွယ်လာပြီဆိုရင် မြန်မာကုန်သည်တွေအတွက် ဈေးနှုန်းအားလုံး သက်သက်သာသာနဲ့ အဆင်ပြေသွားနိုင်ပြီလို့လည်း သူက ပြောပါတယ်။ “ဈေးနှုန်းတွေ သက်သက်သာသာ…

Read More

ရန်ကုန်၊မေ ၁၇၊၂၀၂၂ KK(VOM) ရန်ကုန်တိုင်းအစိုးရအဖွဲ့က အတွင်းရေးမှူးဖြစ်သူ ဦးစိုးစိုးဇော်ကို မနေ့ မေ ၁၆ရက် နေ့လယ်ပိုင်းက ရဲတပ်ဖွဲ့က ဖမ်းဆီးလိုက်တယ်လို့ အစိုးရအဖွဲ့နဲ့နီးစပ်သူတွေဆီက သိရပါတယ်။ တိုင်းဒေသကြီးအစိုးရအဖွဲ့ရဲ့ အတွင်းရေးမှုးဖြစ်သူ ဦးစိုးစိုးဇော်ကို ရဲတပ်ဖွဲ့နဲ့စရဖအဖွဲ့တွေ မနေ့ညပိုင်းမှာ ဖမ်းဆီးခဲ့တာဖြစ်တယ်လို့ အမည်မဖော်လိုသူတဦးက ပြောပါတယ်။ “အဂတိအမှုနဲ့ဖမ်းတယ်လို့တော့ ကြားတယ်၊ သေချာတော့ မသိဘူး၊ မြေယာကိစွလို့လည်းပြောနေကြတယ်”လို့ သူကပြောပါတယ်။ လက်တလောမှာ တိုင်းဒေသကြီးအတွင်းရေးမှူး ဦး စိုးစိုးဇော်ကို ဘာကြောင့်ဖမ်းတယ်၊ ဘယ်မှာဖမ်းဆီးထားတယ်ဆိုတာ တိုင်းဒေသကြီးအစိုးရအဖွဲ့ကို VOM ကဆက်သွယ်ခဲ့ပေမယ့် ဆက်သွယ်လို့မရသေးပါဘူး။ ပြီးခဲ့တဲ့ မတ်လကလည်း ရန်ကုန်တိုင်းအစိုးရအဖွဲ့က မြို့တော်ဝန်ဦးဗိုလ်ဌေးနဲ့စီးပွားရေးဝန်ကြီးဦးအောင်သန်းဦးတိုကို စစ်တပ်က ခေါ်ယူစစ်ဆေးခဲ့ပြီး မတ်လ ၃၀ ရက်နေ့မှာ မြို့တော်ဝန်ဦးဗိုလ်ဌေးကို ပြန်လည်လွှတ်ပေးခဲ့ပြီး စီးပွားရေးဝန်ကြီးဦးအောင်သန်းဦးကိုတော့ ပြန်လွှတ်ပေးခြင်းမရှိသေးပါဘူး။ နစကကောင်စီလက်ထက်မှာ တိုင်းဒေသကြီးအစိုးရအဖွဲ့မှ အတွင်းရေးမှူးဖမ်းဆီးခံရတာဟာ ဒုတိယအကြိမ်ဖြစ်ပြီး ပြီးခဲ့တဲ့လပိုင်းက မကွေးတိုင်းအစိုးရအဖွဲ့ အတွင်းရေးမှူး ဦးဝင်းရှိန်ကို နိုင်ငံတော်လျှို့ဝှက်ချက်အက်ဥပဒေနဲ့ဖမ်းဆီးခဲ့တာလည်းရှိပါတယ်။…

Read More

မေ ၁၇-၂၀၂၂ KK(VOM) ရန်ကုန်မြို့၊ မရမ်းကုန်းမြို့နယ်၊ သမိုင်းလမ်းဆုံက နှစ်ထပ်ပုံစံဆောက်လုပ်ထားတဲ့ရဲကင်းကို ဒီကနေ့ နေ့လယ်ပိုင်းက ဗုံးနဲ့ပစ်ခံရပြီး ရဲတပ်သားတဦးနဲ့ပြည်သူနှစ်ဦး ထိခိုက်ဒဏ်ရာရရှိခဲ့တယ်လို့ ရပ်ကွက်နေသူတွေဆီက သိရပါတယ်။ မရမ်းကုန်းမြို့နယ်၊ ဘုရင့်နောင် ၁ ရပ်ကွက် ၊ အင်းစိန်လမ်းနဲ့ ကျိုက်ဝိုင်းဘုရားလမ်းထောင့်ရှိ နှစ်ထပ် ယာဉ်ထိန်း Police Boxကို ဒီကနေ့ နေ့လယ် ၁၂နာရီကျော်က အမည်မသိသူတွေက ဗုံးနဲ့လာပစ်ခဲ့ရာ ရဲတဦး ၊ ပြည်သူနှစ်ဦးထိခိုက်ဒဏ်ရာရရှိခဲ့တယ်လို့ ရပ်ကွက်နေသူတဦးက ပြောပါတယ်။ “ရဲတပ်သားတဦးနဲ့ အသက်၆၀ လောက်ရှိတဲ့ အမျိုးသမီးတဦးရယ်၊ လူငယ်တဦးရယ် ထိတာ”လို့ ပြောပါတယ်။ ဗုံးပေါက်ကွဲမှုကြောင့် ဒဏ်ရာရရှိသူတွေဟာ ရဲတပ်သားဆန်းမင်းဌေး ဆိုသူဖြစ်ပြီး ပေါက်ကွဲမှုဖြစ်ချိန် အဲ့ဒီလမ်းပေါ်မှ သွားလာနေတဲ့ ဟိုက်ဂျက်ယာဥ်ပေါ်က အမျိုးသား ၁ဦးနဲ့ အမျိုးသမီး ၁ဦးတို့ ဗုံးထိမှန်ခဲ့တာဖြစ်တယ်လို့ ရဲအရာရှိတဦးက ပြောပါတယ်။ “သုံးဦးစလုံးကို ခုတင် ၁၀၀၀ကို…

Read More

မေ ၊ ၁၇-၂၀၂၂ SP (VOM) မကွေးတိုင်း ၊ ပခုက္ကူမြို့ ၊ အမှတ် ၁ ရပ်ကွက် ၊ ဗိုလ်ချုပ်လမ်းနဲ့ သီတာလမ်းထောင့်မှာရှိတဲ့ ရဲအရာရှိတဦးရဲ့နေအိမ်မှာ ဒီကနေ့ နေ့လယ် ၂ နာရီခွဲဝန်းကျင်က ၂ လောင်းပြိုင် လူသတ်မှုတစ်ခု ဖြစ်ပွားခဲ့တယ်လို့ ပခုက္ကူခရိုင် ရဲတပ်ဖွဲ့အသိုင်းအဝိုင်းဆီက သိရပါတယ်။ ” သေဆုံးသူ ၂ ယောက်က ဒုရဲအုပ်ရဲ့ အမေနဲ့အစ်ကို ဖြစ်တယ် ၊ အမေဖြစ်သူက ဒန်းစီးရင်း ဒန်းပေါ်မှာ သေသွားတယ် ၊ သေနတ်နဲ့ ပစ်သတ်သွားတာပါ၊ ဘယ်သူဘယ်ဝါက ပစ်သွားတယ်ဆိုတာ အခု စုံစမ်းစစ်ဆဲနေတယ် “လို့ နယ်ခံလူမှုကူညီရေးအသင်း ပရဟိတသမားတယောက်က ပြောပါတယ်။ အဲ့ဒီ လူသတ်မှုနဲ့ ပတ်သက်ပြီး ပခုက္ကူခရိုင် ရဲတပ်ဖွဲ့ဝင် တဦးရှင်းပြတာက ” ဘာကြောင့် အခုလို သတ်သွားရတာလည်းဆိုတာ…

Read More

မေ ၁၇-၂၀၂၂ VOM (GG) KBZဘဏ်မှာ အရင်တုန်းကဖွင့်ထားတဲ့ Old Account တွေထဲကို ငွေသားပေးသွင်းပါက ပေးသွင်းတဲ့ ငွေသားကို အကန့်အသတ်မရှိ ပြန်လည်ထုတ်ယူနိုင်တယ်လို့ KBZ bank က ဒီကနေ့မှာကြေညာလိုက်ပါတယ်။ ငွေသား ပြန်ထုတ်ချင်တဲ့အခါ ရက်ချိန်းတွေရယူဖို့မလိုဘဲ ထည့်သွင်းခဲ့တဲ့ပမာဏအတိုင်း ကန့်သတ်ချက်မရှိ KBZ bank မှာထုတ်ယူနိုင်တယ်လို့ သိရပါတယ်။ ဒါပေမယ့်Old account ထဲမှာ အရင်ထဲက ရှိနေပြီသားဖြစ်တဲ့ ငွေကြေးနဲ့ Bank Transfer ငွေတွေကိုတော့ အကန့်အသတ်နဲ့ ထုတ်နေရတဲ့အပြင် သတ်မှတ်ချက်တွေလည်းရှိနေပါတယ်။ ဒီကိစ္စနဲ့ပတ်သက်ပြီး KBZ call center တာဝန်ကျဝန်ထမ်းတဦးက” အကောင့်အဟောင်းထဲ ဒီနေ့ကစပြီး ငွေသားသွင်းမယ်ဆိုရင် အဲ့ဒီငွေကြေး 100 %ကို အကန့်အသတ်မရှိ ပြန်ထုတ်လို့ရတယ်။ အရင်ကပိုက်ဆံတွေကကျတော့ နီးစပ်ရာဘဏ်ခွဲတွေမှာ သက်ဆိုင်ရာ ဘဏ်တာဝန်ခံနဲ့ သူတို့ထုတ်ပေးတဲ့ ပမာဏအတိုင်းထုတ်လို့ရတယ်။တုံကင်မယူရတော့ပါ။ ဘဏ်ခွဲတွေက သူတို့လမ်းစဉ်တွေအတိုင်း…

Read More

မေ ၊ ၁၇-၂၀၂၂ SP (VOM) စစ်ကိုင်းတိုင်း ချစ်တွင်းမြစ်ကြောင်းတလျှောက်မှာ အခုလပိုင်းအတွင်း ကုန်တင်ရေယာဉ်တွေ ဓားပြတိုက်ခံရတဲ့ဖြစ်စဉ် ပိုများလာတယ်လို့ ရေယာဉ်လုပ်ငန်းလုပ်က်ုင်သူတွေဆီက သိရပါတယ်။ မနေ့ မေလ ၁၆ရက်က စစ်ကိုင်းတိုင်း ၊ မော်လိုက်ခရိုင် ၊ ဖောင်းပြင်မြို့ ၊ ဖောင်းပြင်ဆိပ်ကမ်းကနေ မော်လိုက်မြို့ဘက်ကို ချင်းတွင်းမြစ်ကြောင်းအတိုင်း မောင်းလာတဲ့ ကုန်တင်ရေယာဥ်တစီးကို ယုဝမြစ်ဆုံအနီးဝန်းကျင်နေရာမှာ ဓားပြတိုက်ပြန်ပေးဆွဲခံလိုက်ရတယ်လို့ မော်လိုက်ခရိုင် ပုဂ္ဂလိကရေယာဥ်များ စနစ်တကျပြေးဆွဲရေးကော်မတီ (ရစက) ဆီက သိရပါတယ်။ ” ကုန်တင်ရေယာဥ် ၁ စီး ဓားပြတိုက် ပြန်ပေးဆွဲခံထားရတယ်လို့ မနေ့က အကြောင်းကြားလာလို့ သိရတာပါ ၊ ရေယာဥ်က မော်လိုက်က ရေယာဥ်ဖြစ်တယ် ၊ ၁၄ ရက်က ဖောင်းပြင်ကနေ စုန်လာရင်း ပျောက်နေတာ ” လို့ ရစက အဖွဲ့ဝင်တယောက်က ပြောပါတယ်။ ​မေလ…

Read More