Month: May 2022

မေ ၂၁-၂၀၂၂ GG(VOM) ပြည်နဲ့ ပဲခူးမှာ ယခုရက်ပိုင်းအတွင်း တက္ကသိုလ် ကျောင်းသား/သူ ၄ ဦး ဖမ်းဆီးခံလိုက်ရတယ်လို့ ဒေသခံတွေဆီက သိရပါတယ်။ ဖမ်းဆီးခံရသူတွေကတော့ ပြည်မြို့၊ ဆင်စုရပ်ကွက်မှာနေတဲ့ စောမြတ်ရတနာ၊ ပြည်မြို့၊ မြို့သစ်၊ရွှေလင်ပန်းဘုရားအနီး၉လမ်းမှာနေတဲ့ ပထမနှစ်ကျောင်းသူ ဖြူနုနုဖွေး ၊ ပြည်နည်းပညာတက္ကသိုလ်ကျောင်းသား ကိုရန်ဇော် နဲ့ ပဲခူးက တတိယနှစ် ဓာတုဗေဒအထူးပြု ကျောင်းသား ရဲဘုန်းခန့်တို့ဖြစ်တယ်လို့ သိရပါတယ်။ ” PTU က ကျောင်းသားကို စစ်တပ်က မေ ၁၉ ရက် ည ၇နာရီလောက်မှာ ဖမ်းသွားတယ်။နောက် ဆင်စုကကောင်မလေးကိုလည်း အဲ့ဒီနေ့ ညကပဲဖမ်းတယ်၊ မြို့သစ်ကကောင်မလေးကို မနေ့က နေ့ခင်းဖမ်းတာ။ တိုင်တဲ့သူရှိလို့ဖမ်းတာလို့ကြားတယ်”လို့ ပြည်မြို့ဒေသခံတဦးက ပြောပါတယ်။ ပြည်မြို့က တက္ကသိုလ်ကျောင်းသား၃ယောက်ကိုတော့ Facebook မှာ Social Punishment လုပ်တယ်ဆိုပြီး ဆက်စပ်ဖမ်းဆီးစစ်ဆေးနေတာလို့သိရပြီး ပဲခူးက…

Read More

မေ ၂၁-၂၀၂၂ KK(VOM) ပေါင်မြို့နယ်မှာ မနေ့ မေလ ၂၀ရက် ညနေပိုင်းက ဘိုင်လောင်းချောင်းအတွင်း ငါးဖမ်းနေတဲ့ လူ ၆ဦးထဲက လူ၅ဦး ရေစီးထဲမျှောပါသွားလို့ လိုက်လံရှာဖွေနေတယ် ဒေသခံတွေဆီက သိရပါတယ်။ ပေါင်မြို့နယ်၊ တပ်မှူးချောင်ကျေးရွာအနီး ဘိုင်လောင်းချောင်းအတွင်းမှာ မနေ့ညနေပိုင်းက ယင်းတွန်းနဲ့ ငါးဖမ်းနေစဥ် ရေစီးနဲ့၆ဦးလုံးမျှောပါသွားတာဖြစ်တယ်လို့ ဒေသခံတဦးက ပြောပါတယ်။ “၆ဦးမျှောပါသွားတာ တစ်ဦးပြန်တွေ့တယ် ၅ဦးကတော့ မတွေ့သေးဘူး ရှာနေဆဲပဲ”လို့ သူကပြောပါတယ်။ ရေစီးကြောင်းနဲ့အတူ မျှောပါခဲ့သူတွေထဲက မောင်ဇော် ဆိုသူကို ထန်းပင်ချောင်ကြီး ချောင်းစပ်အနားမှာ နာရီပိုင်းအတွင်း အသက်ရှင်လျက် ပြန်တွေ့ ကယ်တင်နိုင်ခဲ့ပြီး ကျန်၅ဦးကတော့ ပျောက်ဆုံးနေဆဲဖြစ်တယ်လို့ အုပ်ချုပ်ရေးနဲ့နီးစပ်သူတဦးက ပြောပါတယ်။ ရေစီးနဲ့မျှောပါသွားသူတွေကတော့ ပေါင်မြို့နယ်၊ သဲကုန်းကျေးရွာမှ သက်ထက်ချစ်ဦး၊ မောင်အာကာမိုး၊ ကျော်ဝင်းထွန်း၊ သန့်ဇင်ထွန်းနဲ့အမည်မသိအမျိုးသားတဦးဖြစ်တယ်လို့ သူကရှင်းပြပါတယ်။ လက်တလောမှာ ပျောက်ဆုံးနေသူအားလုံးကို ပြန်လည်တွေ့ရှိရေးအတွက် တာဝန်ရှိသူတွေနဲ့ နယ်မြေကျွမ်းကျင်သူတွေက ဆက်လက်ရှာဖွေနေတယ်လို့…

Read More

မေ ၂၁-၂၀၂၂ SW(VOM) ရခိုင်ပြည်နယ်မှာ ဒီကနေ့ မေလ ၂၁ရက်နေ့ ညနေပိုင်းက မိုးသက်လေပြင်းကျရောက်ပြီး စစ်ဘေးရှောင်နေအိမ်ပေါင်း ၂ ရာကျော် ပျက်စီးသွားပြီး လက်ရှိအချိန်ထိ ပြန်လည်ပြုပြင်မှု မလုပ်နိုင်သေးဘူးလို့ စစ်ရှောင်တွေနဲ့ စခန်းတာဝန်ခံတွေဆီက သိရပါတယ်။ ရသေ့တောင်မြို့ပေါ်က စစ်မှုထမ်းဟောင်းစစ်ဘေးရှောင်စခန်းမှာနေထိုင်တဲ့ ဒေါ်ဂေါက်မ က “အိမ်တွေကတော့ လုံးဝပြိုသွားတာမဟုတ်ဘူး။ ခေါင်မိုးပွင့်ထွက်သွားပါတယ်။ အိမ်ခြေ (၇၁) ဆောင်မှာ (၂၀) ကျော်လောက် ခေါင်းမိုးတွေပွင့်သွားပါတယ်” လို့ ပြောပါတယ်။ ရသေ့တောင်မြို့ပေါ် စေတီတောင်အနောက်ဘက် စစ်ဘေးရှောင်စခန်းမှာလည်း နေအိမ် (၆၀) ကျော်လောက် ဆိုးဆိုးဝါးဝါးပျက်စီးသွားပြီး စစ်ဘေးရှောင်တွေ နေထိုင်စားသောက်ရေး အခက်အခဲတွေနဲ့ ရင်ဆိုင်နေရတယ်လို့ သိရပါတယ်။ အဲဒီအခြေအနေတွေနဲ့ ပတ်သက်ပြီး စခန်းတာဝန်ခံ မမေစုလှိုင်က “ စစ်ဘေးရှောင် တဲအိမ်တွေကတော့ အခေါင်ပွင့်သွားတာ၊ ယိမ်းယိုင်သွားတာတွေရှိတယ်။ အပင်အကိုင်းတွေလည်း ကျိုးသွားတယ်။ လူတွေအန္တရယ်တစ်စုံတစ်ရာမဖြစ်လိုက်ဘူး။ အခုတော့ ရှိတာလေးနဲ့…

Read More

မေ ၊ ၂၂-၂၀၂၂ SP (‘VOM) စစ်ကိုင်းတိုင်း ၊ စစ်ကိုင်းခရိုင် ၊ မြောင်မြို့၊ မြို့နယ်မီးသတ်ဦးစီးဌာန ၊ ဝန်ထမ်းအိမ်ယာဝန်းထဲကို မနေ့ မေလ၂၁ရက် ညနေပိုင်းက ပေါက်ကွဲမှုဖြစ်ပွားခဲ့ပြီး လူတချို့ ထိခိုက်ဒဏ်ရာရခဲ့တယ်လို့ မီးသတ်အသိုင်းအဝိုင်းဆီက သိရပါတယ်။ ” ဒီကနေ့ ညနေပိုင်းမှာ ဒရုန်းမှာ ဗုံးချိတ်ပြီး လာရောက်တိုက်ခိုက်တာ ၂ ကြိမ်ဖြစ်တယ် ၊ ပထမအကြိမ်က ညနေ ၂ နာရီမှာဖြစ်တယ် ၊ ထိခိုက်ပျက်စီးတာ ဒဏ်ရာရတာ လုံးဝမဖြစ်ခဲ့ဘူး ၊ ဒုတိယအကြိမ်က နာရီဝက်ခြားပြီး ၂ နာရီခွဲမှာ ထပ်ပြီး အလားတူ လာတိုက်ပြန်တယ် ” လို့ မီးသတ်တပ်ဖွဲ့ဝင်တယောက်က ပြောပါတယ်။ အဲ့ဒီပေါက်ကွဲမှုကြောင့် မြောင်မြို့နယ် မီးသတ်ဌာနမှာ တာဝန်ထမ်းဆောင်နေတဲ့ မီးသတ်တပ်ဖွဲ့ဝင် ၁ ဦးနဲ့ ဝန်ထမ်းမိသားစုထဲက အသက် ၁၄နှစ်…

Read More

မေ ၂၂-၂၀၂၂ KK(VOM) ကရင်ပြည်နယ်၊ မြဝတီမြို့နယ်မှာ မနေ့ မေလ ၂၁ရက်က မိုးများပြီး မြစ်ရေတက်လာလို့ ရပ်ကွက်အချို့က လူဦးရေထောင်နဲ့ချီကာ ဒီကနေ့ မနက်ပိုင်းဘေးလွှတ်ရာကို ရွှေပြောင်းနေရတယ်လို့ ဒေသခံတွေဆီက သိရပါတယ်။ မိုးရွာသွန်းမှုကြောင့် သောင်ရင်းမြစ်​ရေလျံတက်လာ​တာကြောင့် အနိမ့်ပိုင်းရှိ ​နေအိမ်တွေဟာ ကုန်းမြင့်ရာနေ ရာကို ရွှေ့ပြောင်းနေထိုင်ရတာဖြစ်တယ်လို့ ပြောင်း​ရွှေ့​နေထိုင်နေရတဲ့ အမှတ် ၃ ရပ်ကွက်နေသူတဦးကပြောပါတယ်။ “”ကျွန်မတို့ ၃ ရပ်ကွက်က အများဆုံးရေမြုပ်တာ၊ မိုး ကုတ်ဘုန်းကြီးကျောင်းအပိုင်း အမှတ် ၁ တံတားအနားပါ”လို့ သူကပြောပါတယ်။ ရေနစ်မြုပ်တဲ့ ရပ်ကွက်အချို့က ဒေသခံတွေကို သ က်ဆိုင်ရာတာဝန်ရှိသူတွေနဲ့ ပရဟိတအဖွဲ့အစည်းတွေက ဘုန်းကြီးကျောင်းတွေ၊ စာသင်ကျောင်းတွေကို ရွှေ့ပြောင်းပေးနေတယ်လို့ မြို့ခံတဦးဖြစ်တဲ့ ကိုဝင်းဇော်က ပြောပါတယ်။ “မိသားစုသုံးယောက်ပဲရှိတဲ့သူက ကိုယ့်အစီအစဥ်နဲ့ကိုယ်ပေါ့၊ အချို့များတဲ့သူတွေကျတော့ ပရဟိတအဖွဲ့တွေနဲ့ တာဝန်ရှိသူတွေက ကူပြီးရွှေ့ပြောင်းပေးကြတယ်”လို့ သူကပြောပါတယ်။ ရေနစ်မြုပ်လို့ ရေဘေးလွှတ်ရာကုန်းမြင့်ကို ရွှေ့ပြောင်းရတဲ့…

Read More

မေ ၂၂-၂၀၂၂ SW(VOM) ရခိုင်ပြည်နယ်မှာ မနေ့ မေလ ၂၁ရက် ညနေပိုင်းက လေပြင်းမုန်တိုင်း ကျရောက်ခဲ့တာကြောင့် ငါးဖမ်းစက်လှေ ၅ စီးကျော် နစ်မြုပ်ခဲ့ပြီး လှေသမားတချို့ ထိခိုက်ဒဏ်ရာရခဲ့ကြတယ်လို့ သိရပါတယ်။ ရခိုင်ပြည်နယ်ကောင်စီ ပြောရေးဆိုခွင့်ရှိသူ ဦးလှသိန်းက ” ဒီကို သတင်းတွေအတိအကျရောက်ပါပြီ။ လှေနစ်မြုပ်တာတော့ဟုတ်တယ်။ ဒါပေမယ့် လူတွေဘာမှမဖြစ်ဘူး။ ဖြစ်တာကတော့ ကျွန်းသာယာတို့၊ နံ့သာကျွန်းဖက်တွေမှာ ငါးဖမ်းနေတဲ့စက်လှေတွေလို့သိရတယ်” လို့ ပြောပါတယ်။ အဲဒီ ငါးဖမ်းစက်လှေတွေမှာပါတဲ့ လှေသမား ၁၃ ဦးဟာ ပင်လယ်ပြင်အတွင်း စက်လှေတွေနဲ့ နစ်မြုပ်သွားပြီး လှေသမားတွေ ပျောက်ဆုံးသွားပြီးခါမှ ပြန်လည်ရှာဖွေတွေ့ရှိခဲ့တာဖြစ်တယ်လို့ ပြည်နယ်ကောင်စီရဲ့ပြောပြလျက်အရ သိရပါတယ်။ စက်လှေနစ်မြုပ်မှုကြောင့် ပြန်လည်ရှာဖွေတွေ့ရှိသူတွေဟာ သက်ဆိုင်ရာကျေးရွာတွေကို ပြန်လည်ရောက်ရှိခဲ့ပြီး လိုအပ်တဲ့ကုသမှုတွေကို ခံယူခဲ့တယ်လို့ သိရပါတယ်။ ဒါ့အပြင် မြေပုံမြို့နယ်၊ ငပသုန်ကျွန်း နှာခေါင်းပေါက်အနီးမှာလည်း စက်လှေတချို့နစ်မြုပ်တာရှိခဲ့ပြီး လူအသေအပျောက်မရှိခဲ့ဘူးလို့ သိရပါတယ်။ Photo…

Read More