မော်စကို၊ မေ-၁၉-၂၀၂၂ မျိုးဆက်(VOM) ယူကရိန်းနိုင်ငံ မာရီယူပိုလ်မြို့မှာ လက်နက်ချလိုက်တဲ့ ယူကရိန်းတိုက်ခိုက်ရေးသမား ၉၀၀ ကျော်ကို ရုရှားထိန်းချုပ်ထားရာ ဒွန်နက်ဒေသရှိ အကျဉ်းထောင်ဟောင်းတခုကို ပို့ဆောင်လိုက်တယ်လို့ ရုရှားဘက်က ထုတ်ပြန်လိုက်ပါတယ်။ သူတို့ရဲ့ ကံကြမ္မာနဲ့ပတ်သက်ပြီး ယူကရိန်းဘက်ကတော့ လူသိရှင်ကြားမှတ်ချက်ပြုပြောဆိုတာမရှိသေးပါဘူး။ မြို့မှာရှိတဲ့ သံမဏိစက်ရုံထဲမှာ ယူကရိန်းတိုက်ခိုက်ရေးသမား တထောင်ကျော်ပိတ်မိနေသေးတယ်လို့ ရုရှားလိုလားတဲ့ ခွဲထွက်ရေးခေါင်းဆောင်တဦးကပြောပါတယ်။ ရုရှားတပ်တွေကတော့ မာရီယူပိုလ်မြို့ကို ထိန်းချုပ်နိုင်ပြီးနောက် အရှေ့ပိုင်းဒွန်ဘက်စ်ဒေသမှာ ထိုးစစ်ဆင်မှုတွေ ဆက်လက်ပြုလုပ်နေပါတယ်။ ယူကရိန်းတပ်တွေ ဖမ်းဆီးခြင်းကို ခံခဲ့ရတဲ့ အသက် ၂၁ နှစ်အရွယ် ရုရှားစစ်သားတဦးကတော့ လက်နက်မဲ့ ယူကရိန်းအရပ်သားတဦးကို သတ်ဖြတ်ခဲ့ကြောင်း ၀န်ခံထွက်ဆိုလိုက်ပြီး ဒါဟာ ယူကရိန်းစစ်ပွဲစတင်ကတည်းက ပထမဆုံး စစ်ရာဇ၀တ်မှုမြောက်တဲ့ တရားစီရင်မှုလည်းဖြစ်ပါတယ်။ ဒီအတောအတွင်း ယူကရိန်းမှာ နောက်ထပ်ရက် ၉၀ ကြာ စစ်အုပ်ချုပ်ရေး သက်တမ်းတိုးဖို့ အမိန့်ကို သမ္မတ ဇီလန်စကီးက လက်မှတ်ထိုးထုတ်ပြန်လိုက်ပါတယ်။ ဂျီ-၇ အဖွဲ့ကတော့…
Read MoreMonth: May 2022
ငြိမ်းချမ်းရေးတွေ့ဆုံဆွေးနွေးပွဲတွေ မနက်ဖြန် စတော့မည်
နေပြည်တော် -မေ-၁၉-၂၀၂၂ KT(VOM) နစကဥက္ကဋ္ဌရဲ့ ဖိတ်ခေါ်ကမ်းလှမ်းမှုမှတဆင့် ဖြစ်ပေါ်လာမယ့် ငြိမ်းချမ်းရေးတွေ့ဆုံဆွေးနွေးမှုတွေကို အခုလာမယ့် မေလ ၂၀ရက် မနက်ဖြန်ကနေ စတင်ဆောင်ရွက်တော့မှာ ဖြစ်တယ်လို့ နစကသတင်းပြန်ကြားရေးအဖွဲ့ခေါင်းဆောင်ဗိုလ်ချုပ်ဇော်မင်းထွန်းက ဒီကနေ့ သတင်းစာရှင်းလင်းပွဲမှာ ပြောဆိုလိုက်ပါတယ်။ နစကဥက္ကဌနဲ့ ငြိမ်းချမ်းရေးဆွေးနွေးဖို့ စာရင်းပေးထားတဲ့ အဖွဲ့အစည်း ၁၀ဖွဲ့ရှိပြီး အဲ့ဒီအဖွဲ့အစည်းတွေထဲက ဥက္ကဌအဆင့်ရှိသူ ၃ဦးပါတဲ့ အဖွဲ့ ၃ဖွဲ့၊အခြားအဖွဲ့တွေကတော့ ဥက္ကဌကဲ့သို့ ဆုံးဖြတ်ပိုင်ခွင့်အခွင့်ရ ဒုတိယဥက္ကဌစတဲ့ အဆင့်မြင့်ကိုယ်စားလှယ်တွေ တက်ရောက်မှာဖြစ်တဲ့အကြောင်းလည်း ဗိုလ်ချုပ်ဇော်မင်းထွန်းက ဆက်ပြောပါတယ်။ ငြိမ်းချမ်းရေးဆွေးနွေးပွဲကို တက်ရောက်မယ့်အဖွဲ့တွေကတော့ ရှမ်းပြည်နယ် ပြန်လည်ထူထောင်ရေးကောင်စီ၊ရှမ်းပြည်တပ်မတော်(RCSS/SSA)၊တိုးတက်သော ဗုဒ္ဓဘာသာကရင်အမျိုးသားအစည်းအရုံး DKBA ၊ကရင်အမျိုးသားလွတ်မြောက်ရေးတပ်မတော် ငြိမ်းချမ်းရေးကောင်စီ KNU/KNLA၊မွန်ပြည်သစ်ပါတီ NMSP ၊ရခိုင်လွတ်မြောက်ရေးပါတီ ALP ၊ပအိုဝ်းအမျိုးသားလွတ်မြောက်ရေးအဖွဲ့ PNLO၊ လားဟူဒီမိုကရက်တစ် သမဂ္ဂ LDU၊ ဝပြည်သွေးစည်းညီညွှတ်ရေးတပ်မတော် UWSP/UWSA၊မိုင်းလားဒေသအဖွဲ့ NDAA၊ရှမ်းပြည်တပ်မတော် SSPP/SSAတို့ဖြစ်ပါတယ်။ လတ်တလောမှာ (RCSS/SSA)ဥက္ကဋ္ဌ ဗိုလ်ချုပ်ကြီးယွက်ဆစ်ဦးဆောင်တဲ့ ကိုယ်စားလှယ်တွေကို တာချီလိတ်အခြေစိုက်…
Read Moreထူးဆန်းတဲ့ မျောက်ကျောက်ရောဂါ ဗြိတိန်၊ အမေရိကန်၊ စပိန်နဲ့ ပေါ်တူဂီတို့မှာ ကူးစက်ပျံ့နှံ့နေ
မက်ဒရစ်၊ မေ-၁၉-၂၀၂၂ မျိုးဆက်(VOM) ထူးဆန်းတဲ့ မျောက်ကျောက်(Monkey Pox) ရောဂါတမျိုးဟာ ဗြိတိန်၊ အမေရိကန်၊ စပိန်နဲ့ ပေါ်တူဂီနိုင်ငံတို့ မှာ ကူးစက်ပျံ့နှံ့မှု ဖြစ်ပွားလျှက်ရှိနေပါတယ်။ ဗြိတိန်၊ ပေါ်တူဂီတို့မှာ တွေ့ရှိပြီးသားဖြစ်တဲ့ ဗိုင်းရပ်စ်နဲ့ဆင်တူတဲ့ လက္ခဏာတွေတွေ့ရှိပြီးနောက် လူ ၂၃ ဦးမှာ မျောက်ကျောက်ရောဂါဖြစ်ပွားနိုင်ခြေရှိတယ်လို့ စပိန်အာဏာပိုင်တွေက သတိပေးချက်ထုတ်ပြန်ထားပါတယ်။ သံသယလူနာတွေကို အတည်မပြုရသေးပေမယ့် တနိုင်ငံလုံးကို သတိပေးချက်ထုတ်ပြန်ထားကြောင်း၊ ယေဘုယျအားဖြင့် မျောက်ကျောက်ရောဂါဟာ အသက်ရှူလမ်းကြောင်းမှတဆင့် ကူးစက်လေ့ရှိပေမယ့် လက်ရှိလူနာတွေကတော့ လိင်မှတဆင့်ကူးစက်တဲ့ လက္ခဏာရှိတယ်လို့ ကျန်းမာရေး၀န်ကြီးဌာနက ပြောပါတယ်။ ပေါ်တူဂီမှာတော့ ကူးစက်ခံရသူငါးဦး အတည်ပြုထားပြီး နောက်ထပ် သံသယလူနာ ၁၅ ဦးကို စစ်ဆေးမှုတွေ ပြုလုပ်နေတယ်လို့ ပေါ်တူဂီအာဏာပိုင်တွေက ထုတ်ပြန်ထားပါတယ်။ အမေရိကန်မှာတော့ ကနေဒါနိုင်ငံကနေ ပြန်လာသူတဦးမှာ မျောက်ကျောက်ရောဂါ ကူးစက်မှု တွေ့ရှိခဲ့တယ်လို့ တာ၀န်ရှိသူတွေက ပြောပါတယ်။ ဗြိတိန်မှာလည်း မျောက်ကျောက်ရောဂါ ကူးစက်မှုတွေကို…
Read Moreတရုတ်ကလှူဒါန်းတဲ့ ကိုဗစ်ကာကွယ်ဆေး ၁၀ သန်း အခြေခံပညာကျောင်းသားတွေကို ထိုးပေးမယ်
မေ ၁၉-၂၀၂၂ GG(VOM) တရုတ်က ထပ်မံလှူဒါန်းတဲ့ Sinopharm ကိုဗစ်-၁၉ ကာကွယ်ဆေး ၁၀ သန်းကို အခြေခံပညာစာသင်ကျောင်းသားတွေကို ထိုးနှံပေးမှာဖြစ်တယ်လို့ ကျန်းမာရေးဝန်ကြီးဌာနကနေ သိရပါတယ်။ လက်ရှိမှာ ပထမအသုတ်အနေနဲ့ တရုတ်က ကာကွယ် ဆေး ၅ သန်း doses နဲ့ ဆေးထိုးအပ်၂ သန်းဟာ မနေ့မေလ ၁၈ ရက်နေ့က ရန်ကုန်လေဆိပ်ကို ရောက်ရှိလာပြီဖြစ်တယ်လို့ သိရပါတယ်။ ” ကျောင်းဖွင့်ရင် ကာကွယ်ဆေးထိုးပေးမယ်လို့တော့ သိရတယ်။ ပြီးခဲ့တဲ့ ကျောင်းပြန်ဖွင့်ချိန်ကလည်း ၁၂ နှစ်ကစပြီး ကာကွယ်ဆေးတွေထိုးပေးခဲ့တယ်။ အခုတခါတော့ ဘယ်လိုလုပ်မလဲ သေချာတော့ မသိရသေးဘူး ” လို့ အလယ်တန်းပြကျောင်းဆရာမတဦးကပြောပါတယ်။ တရုတ်နိုင်ငံက မြန်မာနိုင်ငံကို Sinopharm ကိုဗစ်-၁၉ ကာကွယ်ဆေး ၁၀ သန်း doses နဲ့ ဆေးထိုးအပ် ၁၃.၀၅၆ သန်း လှူဒါန်းတာဖြစ်ပါတယ်။…
Read Moreသာကေတမြို့နယ်မှာ NLDပါတီထောက်ခံတဲ့ အထည်ဆိုင် သေနတ်နဲ့ပစ်ခံရ ၁ဦးသေ၊၂ဦးဒဏ်ရာရ
မေ ၁၉-၂၀၂၂ KK(VOM) ရန်ကုန်မြို့၊ သာကေတမြို့နယ်က NLD ပါတီကိုထောက်ခံသူတွေရဲ့ အထည်ဆိုင်ကို ဒီကနေ့ နေ့လယ်ပိုင်းက အမည်မသိ သေနတ်ကိုင်ဆောင်ထားသူတွေက ကားနဲ့လာရောက်ပစ်ခတ်ခဲ့လို့ (၁)ဦးသေပြီး (၂)ဦး ဒဏ်ရာရရှိခဲ့တယ်လို့ မြို့ခံတွေဆီက သိရပါတယ်။ သာကေတမြို့နယ် ၊ ၇/ အရှေ့ရပ်ကွက်၊ အောင်သပြေလမ်းနဲ့ စပယ်လမ်းထောင့်မှာရှိတဲ့ အထည်ဆိုင်မှာ ဒီကနေ့ နေ့လယ်သုံးနာရီက ပစ်ခတ်မှုဖြစ်ခဲ့တာဖြစ်ပြီး အမျိုးသမီးတဦးသေဆုံးကာ အမျိုးသားတဦးနဲ့အမျိုးသမီးတဦးထိခိုက်ဒဏ်ရာရရှိခဲ့တယ်လို့ ရပ်ကွက်နေသူတဦးက ပြောပါတယ်။ “နာမည်ကိုမေးပြီးမှ ကားပေါ်က ဆင်းပစ်တာပါ၊ အမျိုးသမီးတဦးက ပွဲချင်းပြီးသေတယ်၊ ဒဏ်ရာ ရတဲ့အမျိုးသမီးနဲ့အမျိုးသားလည်း စိုးရိမ်ရတယ်”လို့ သူကပြောပါတယ်။ သေဆုံးသူမှာ အသက် ၁၉ နှစ်အရွယ်ရှိ မဆိုဖီယာဖြစ်ပြီး DadeBody ကို သင်္ဃန်းကျွန်းစံပြဆေးရုံကို ပို့ဆောင်ထားပြီး ဒဏ်ရာရရှိသူ(၂)ဦးမှာ ဦးရဲဇော်မောင်နှင့် ဒေါ်သင်းသင်းလှိုင်တို့ဖြစ်ပြီး စိုးရိမ်ရတယ်လို့ အုပ်ချုပ်ရေးနှင့်နီးစပ်သူတဦးက ပြောပါတယ်။ ဒီလိုပစ်ခတ်မှုနဲ့ပတ်သက်ပြီး ဝေဖန်မှုတချို့ရှိနေပေမယ့် VOM သတင်းဌာနအနေနဲ့အတည်ပြုနိူင်ခြင်းမရှိသေးပါဘူး။…
Read Moreနွားထိုးကြီးမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးနိုင်ထူးအောင်ရဲ့နေအိမ် မီးရှို့ခံရတယ်လို့ သိရ
မေ ၁၉-၂၀၂၂ GG(VOM) မြင်းခြံခရိုင်၊ နွားထိုးကြီးမြို့နယ်၊ အမှတ် ၃ ရပ်ကွက်မှာရှိတဲ့ နွားထိုးကြီးမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးနိုင်ထူးအောင်ရဲ့နေအိမ် မီးရှို့ခံခဲ့ရတယ်လို့ ဒေသခံတွေဆီက သိရပါတယ်။ ” မီးလောင်တဲ့အချိန် မီးသတ်ကားလာပြီးငြှိမ်းတာလည်းမရှိဘူး။ မီးကသူ့ဘာသာပဲ ငြိမ်းသွားတာ။ မီးက ရှို့ခံရတာလို့ကြားတယ်။ ကားနဲ့လာပြီး ရှို့တာလို့လည်းသတင်းက ကြားတယ်။ ဘယ်သူတွေလုပ်တာလဲတော့ သေချာ မသိဘူး၊ မနက်မိုးလင်းမှ သတင်းကကြားရတာ။” လို့ နွားထိုးကြီးဒေသခံတဦးကပြောပါတယ်။ မီးလောင်မှုကြောင့် နေအိမ်မှာ အကြီးအမားထိခိုက်တာမျိုးမရှိခဲ့ပေမယ့် နေအိမ်ဘေးက ပန်းတိမ်ဖိုသာ မီးလောင်ကျွမ်းခဲ့တယ်လို့ သိရပါတယ်။ နွားထိုးကြီးမြို့ခံတဦးကလည်း “၁၇ ရက်နေ့ ည ၁၂ နာရီကျော်ကျော်လောက်မှာမီးလောင်တာလို့ သိရတယ်။အိမ်ကတော့ ဘာမှမဖြစ်ပေမယ့် နောက်ဖေးက ပန်းတိမ်ဖိုမီးလောင်တယ်။ဘေးအိမ်က မီးဖိုဆောင်ကိုမီးနည်းနည်းဟပ်တယ်လို့သိရတယ်။ဘယ်ကဘယ်လိုစလောင်လဲဆိုတာတော့သေချာမသိပါဘူး ” လို့ ပြောပါတယ်။ ဦးနိုင်ထူးအောင် ရဲ့နေအိမ်မှာ အရင်ရက်တွေကတော့ စျေးရောင်းချနေသူတချို့ကိုတွေ့ရှိရပြီး မိသားစုဝင်တွေ နေထိုင်ခြင်း ဟုတ်၊မဟုတ်ကိုတော့ အတိအကျ…
Read Moreဖခင်ဖြစ်သူက သမီးဖြစ်သူကို ရိုက်နှက်ဆုံးမရာ လက်လွန်ပြီးသေဆုံးသွား၊ ဖခင်ဖြစ်သူကိုဖမ်းဆီး
မေ ၂၀-၂၀၂၂ KK(VOM) ရေကြည်မြို့နယ်၊ အသုတ်မြို့မှာ သမီးဖြစ်သူကို ရိုက်နှက်ဆုံးမရာကနေ လက်လွန်ပြီးသေဆုံးသွားလို့ ဖခင်ဖြစ်သူကို ရဲတပ်ဖွဲ့က ဖမ်းဆီးလိုက်တယ်လို့ ဒေသခံတွေဆီက သိရပါတယ်။ အသုတ်မြို့၊ ထန်းကျွန်းဆိပ်သာအုပ်စု၊ ဆိပ်သာကျေးရွာမှာ မနေ့ မေလ ၁၉ရက် ညနေပိုင်းက ဦးစိုးလွင်ဦးဆိုသူက အသက် ၁၆နှစ်အရွယ်ရှိ သမီးဖြစ်သူ မစုပုံချစ်ကို ရိုက်နှက်ဆုံမရာကနေ လက်လွန်ပြီး သေဆုံးသွားတာကြောင့် ဖဖ်းဆီးခဲ့တာဖြစ်တယ်လို့ ကျေးရွာနေသူတဦးက ပြောပါတယ်။ “သူ့သမီးနဲ့စကားများပြီး သူ့သမီးကိုရိုက်တာ၊ ကောင်မလေးက အိမ်ရှေ့ကို ထွက်ပြေးပြီး လဲကျသွားတယ်၊ ပြီးတော့ အသက်မရှိတော့ဘူး”လို့ သူကပြောပါတယ်။ အဲဒီဖြစ်စဥ်နဲ့ပတ်သက်ပြီး အုပ်ချုပ်ရေးပိုင်းနဲ့နီးစပ်သူတဦးက”ဖြစ်စဥ်ကမှန်ပါတယ် ၁၈ ရက်နေ့ ညနေကဖြစ်တာ၊ သူအဖေက ဝါးနှီးစိတ်နဲ့လည်းရိုက်တယ် ဖိနပ်နဲ့လည်းရိုက်တယ် လက်နဲ့လည်းရိုက်တယ်၊ အဲ့ဒါကြောင့် ကောင်မလေးသေသွားတာ”လို့ ပြောပါတယ်။ ဖခင်ဖြစ်သူရိုက်နှက်မှုကြောင့် သမီးဖြစ်သူမှာ ဝဲဘက်ပါးဖူးရောင် ဒဏ်ရာ၊နှာခေါင်းသွေးထွက်ဒဏ်ရာ တွေနဲ့အတူ သေဆုံးသွားပြီး ရုပ်အလောင်းကို…
Read Moreစစ်ကိုင်းတိုင်းရှိ နယ်မြေမတည်ငြိမ်တဲ့ဒေသက တောင်သူတွေ သီးနှံရိတ်သိမ်းပြီးပေမယ့် သွားရောင်းဖို့အခက်ခဲရှိနေ
မေ ၊ ၂၀-၂၀၂၂ SP (VOM) စစ်ကိုင်းတိုင်း ၊ ကလေးမြို့နယ် တောင်ပိုင်းမှာရှိတဲ့ ပဲစိုက်တောင်သူတွေဟာ သီးနှံတွေ ရိတ်သိမ်းပြီးတာ ၂ လကျော်ရှိနေပြီး တိုက်ပွဲတွေဖြစ်တာနဲ့ လမ်းတွေပိတ်ထားတဲ့အတွက် ရိတ်သိမ်းသီးနှံတွေ စျေးကွက်ထဲအရောက်သွားဖို့ အခက်တွေ့နေရတယ်လို့ ကလေးဒေသခံ ပဲစိုက်တောင်သူတွေဆီက သိရပါတယ်။ ” ကလေးမြို့နယ်တောင်ပိုင်း ထောက်ကြံ့ရွာကနေ ဂန့်ဂေါ-ဟားခါး-ကလေး လမ်းခွဲအထိ လမ်းတွေပိတ်ထားတယ် သွားလာလို့ မရဘူး ၊ လမ်းပိတ်တာက တိုက်ပွဲတွေကြောင့်ဖြစ်တယ် ၊ မတ်လထဲက ပဲတွေရိတ်သိမ်းထားပြီးပြီ ၊ မီးရေးထင်းရေး စိုးရိမ်ရတဲ့အတွက် စျေးကွက်ကို အရောက်ပို့ချင်ပေမယ့် လမ်းတွေပိတ်ထားတဲ့အတွက် အခက်အခဲဖြစ်နေရတာ၊ နှစ်တိုင်းကတော့ ပွဲစားတွေ ရွာအရောက် ဆင်းလာပြီး ရာသီပေါ်သီးနှံတွေ ဝယ်တယ် ၊ ဒီနှစ်မှာက တိုက်ပွဲတွေကြောင့် အဲ့ဒီလို ရွာတွေကို ဆင်းပြီးဝယ်တာ မရှိတော့ဘူး ၊ မကြာခင် ကျောင်းတွေပြန်ဖွင့်တော့မှာမို့ ၊…
Read Moreပေါက်မြို့နယ် မီးသတ်ရုံးမှာ တာဝန်ထမ်းဆောင်နေတဲ့ သန္ဓေမီးသတ်တပ်ဖွဲ့ဝင် ၄ ဦး အဖမ်းခံရ
မေ ၊၂၀-၂၀၂၂ SP(VOM) မကွေးတိုင်း ၊ ပခုက္ကူခရိုင် ၊ ပေါက်မြို့၊ အောင်တံခွန်ရပ်ကွက်မှာရှိတဲ့ ပေါက်မြို့နယ် မီးသတ်ဦးစီးဌာနမှာ တာဝန်ထမ်းဆောင်နေတဲ့ သန္ဓေမီးသတ်တပ်ဖွဲ့ဝင် ၄ ဦးကို ဒီကနေ့ မနက် ၆ နာရီဝန်းကျင်က စစ်သားနဲ့ ရဲတွေက လာရောက်ဖမ်းဆီးသွားတယ်လို့ မီးသတ်အသိုင်းအဝိုင်းဆီက သိရပါတယ်။ ” ဒီမနက်ပိုင်းက ရုံးကိုလာဖမ်းသွားတာပါ ၊ ဘာကြောင့် ဖမ်းရတယ်ဆိုတာ မေးလို့မရဘူး ၊ ဘယ်မှာ ချုပ်နှောင်ထားတယ်ဆိုတာ အခု နေ့ခင်းပိုင်းအထိ မသိရသေးဘူး ၊ မိသားစုတွေက လိုက်လံ ဆက်သွယ်နေပေမယ့် အခုထိတော့ ဆက်သွယ်မရလို့ စိတ်ပူနေကြတယ် ” လို့ မီးသတ်အသိုင်းအဝိုင်းက ပြောပါတယ်။ ဖမ်းဆီးခံရတဲ့ မီးသတ်တပ်ဖွဲ့ဝင် ၄ ဦးကတော့ ဒုတက ဟိန်းချစ်အောင် ၊ တသ စည်သူကျော် ၊ တက ရဲဝင့်ကိုကို၊…
Read Moreအစည်းအဝေးလုပ်နေတဲ့ အုပ်ချုပ်ရေးမှူးနဲ့အဖွဲ့ ပစ်ခတ်ခံရပြီး ၃ ယောက်သေဆုံး
မေ ၂၀-၂၀၂၂ GG(VOM) ညောင်ဦးမြို့နယ်က ကျေးရွာတစ်ခုမှာ အစည်းအဝေးလုပ်နေတဲ့ အုပ်ချုပ်ရေးမှူးနဲ့အဖွဲ့ သေနတ်နဲ့ပစ်ခတ်ခံရလို့ ၃ ယောက်သေဆုံးခဲ့တယ်လို့ သိရပါတယ် ။ မနေ့ မေလ ၁၉ ရက်နေ့ က ညောင်ဦးမြို့နယ် အောက်ညဥ့်ရွာက အုပ်ချုပ်ရေးမှူးဖြစ်သူ ဦးစန်းရေဟာ သူရဲ့ နေအိမ်မှာ အစည်းအဝေးလုပ်နေချိန် သေနတ်နဲ့ဝင်ရောက်ပစ်ခတ်ခံခဲ့ရတာဖြစ်တယ်လို့ သိရပါတယ် ။ ” မနေ့က နေ့လယ် ၁၂ နာရီလောက်မှာ အစည်းဝေးလုပ်ချိန်ဝင်ပစ်ခံရတာလို့သိရတယ် ၊ဒဏ်ရာရသူတွေကိုညောင်ဦးဆေးရုံခေါ်သွားတယ်တဲ့၊ သေတဲ့ ၃ ယောက်ထဲ အုပ်ကြီးမပါဘူးလို့ကြားတယ်၊အသေးစိတ်အခြေအနေကတော့မသိရသေးဘူး ” လို့ဒေသခံတဦးကပြောပါတယ်။ သေနတ်ပစ်ခံရပြီး သေဆုံးသူတွေကတော့ ခိုင်ဇော်၊ကျော်ကျော်မင်း၊ မောင်မြင့်ဆိုသူတွေဖြစ်တယ်လို့သိရပြီး သက်ဆိုင်ရာက အမှုဖွင့်ဖို့ စုံစမ်းစစ်ဆေးနေဆဲဖြစ်တယ်လို့ သိရပါတယ်။ အဲ့ဒီဖြစ်စဉ်နဲ့ပတ်သက်ပြီး မြေလတ် PDF ၊ TTA ပြောက်ကျားတပ်ဖွဲ့၊ Seven People Defense Force(S.P.D.F)၊ Bagan Heros…
Read More