Day: June 20, 2022

ဇွန် ၊ ၂၀- ၂၀၂၂ SP (VOM) မကွေးတိုင်း ၊ ဂန့်ဂေါခရိုင် ၊ ဂန့်ဂေါမြို့နယ် မြောက်ပိုင်း ၊ ကန်ရွာအနီး ဂန့်ဂေါ-ကလေး ကားလမ်း ၊ ကျောက်ဂူတောရကျောင်းနားမှာ မနေ့ ဇွန် ၁၉ ရက် ညပိုင်းက တိုက်ပွဲကျန် ဗုံးသီး ၁ လုံး ပေါက်ကွဲတဲ့အတွက် ကလေးငယ် ၂ ဦး သေဆုံးခဲ့တယ်လို့ နယ်ခံ လူမှုကူညီရေးအသင်းတွေဆီက သိရပါတယ် ။ ” ညကဖြစ်တာပါ ၊ တိုက်ပွဲကျန် ၄၀ မမ ဗုံးသီးကို ကလေးတွေက ကောက်ယူလာတာ ၊ တဲရောက်တော့မှ ပေါက်ကွဲသွားတယ် ၊ ဗုံးစထိမှန်ပြီး မောင်ပြည့်စုံမောင်နဲ့ မောင်မင်းထွဋ်ဇော် ၂ ယောက်စလုံးက ၇ နှစ်အရွယ် သေဆုံးတာ “လို့ နယ်ခံပရဟိတသမားတယောက်က ပြောပါတယ်။…

Read More

ဇွန် ၂၀-၂၀၂၂ VOM (GG) ၀ ဒေသကို လော့ခ်ဒေါင်းပယ်ဖျက်ပြီး ဝင်ရောက်ခွင့်ပြုလိုက်ပြီဖြစ်တယ်လို့ ဒီနေ့ဇွန်လ ၂၀ ရက်နေ့မှာ ပြင်ပဆက်ဆံရေးရုံးက အသိပေးထုတ်ပြန်ပါတယ်။ ဒါပေမယ့် ‘ဝ’ ဒေသကို ဝင်ရောက်မယ့်သူ​​တွေအနေနဲ့ ဂိတ်တွေမှာ ကိုဗစ်ကင်းရှင်းကြောင်း စစ်ဆေးချက်ယူရမှာဖြစ်ပြီး ပိုးတွေ့သည်ဖြစ်စေ မတွေ့သည်ဖြစ်စေ ကွာရန်တင်း ၁၄ ရက်ဝင်ရမှာဖြစ်တယ်လို့ သိရပါတယ်။ “တန့်ယန်းလမ်းကြောင်းနဲ့ ကျိုင်းတုံလမ်းကြောင်း ပြန်ဖွင့်ပြီ၊သွားလာလို့ရပြီ။ကျနော်တို့ကြားတာကတော့ အဝင်မှာ ကိုဗစ်ကင်းကြောင်း စစ်ဆေးချက်ပြရမယ်။ဝ ဂိတ်ကလည်း ထပ်စစ်မယ်၊ပိုးတွေ့တွေ့ မတွေ့တွေ့ ကွာရန်တင်းဝင်ရမယ်ကြားပါတယ်။ကိုယ့်စားရိတ်နဲ့ကိုဝင်ရမယ် “လို့ ဝဒေသမှာအလုပ်လုပ်ကိုင်နေသူတဦးကပြောပါတယ်။ ဝ ‘ဒေသကို ဝင်ရောက် မယ့်သူတွေအနေနဲ့ နိုင်ငံသားမှတ်ပုံတင်စိစစ်ရေးကတ်ကိုင်ဆောင်ထား သူများဖြစ်ဖို့လိုအပ်ပြီး မှတ်ပုံတင်နဲ့ နီးစပ်ရာဆက်ဆံရေးရုံးမှာ စာရင်းပေးသွင်းရမယ်လို့ ပြင်ပဆက်ဆံရေးရုံးက ပြောဆိုထားပါတယ်။ ဒါကြောင့် ဝဒေသဝင်ရောက်လိုသူတွေအနေနဲ့ ​ပြင်ပ ဆက်ဆံရေးရုံးတွေရှိတဲ့ လားရှိုး၊ တန့်ယန်းရုံး၊ကျိုင်းတုံရုံးနဲ့ တာချီလိတ်ရုံးတွေမှာ စာရင်းပေးသွင်းနိုင်တယ်လို့ သိရပါတယ်။ ဝ ‘…

Read More

ပုသိမ်၊ ဇွန် ၂၀-၂၀၂၂ မင်းမြတ် ဧရာဝတီတိုင်းက လယ်သမားအများစုဟာ စက်သုံးဆီဈေးနဲ့ ဓာတ်မြေသြဇာဈေးနှုန်းတွေ တဟုန်တိုးမြင့်တက်နေလို့ ဒီနှစ်မိုးရာသီထွန်ယက်စိုက်ပျိုးရေးလုပ်ငန်းလုပ်တဲ့အခါ အခက်အခဲတွေနဲ့ကြုံတွေ့နေရတယ်လို့ ဒေသခံတောင်သူတွေဆီကနေ သိရပါတယ်။ ဧရာဝတီတိုင်းက လယ်သမားတွေဟာ ထွန်စက်တွေကို အသုံးပြုနေကြပြီး လက်ရှိမှာတော့ ဒီဇယ်ဆီဈေးနှုန်းတွေ အရင်ကထက် လေးဆခန့်မြင့်နေခြင်းနဲ့ စက်သုံးဆီဝယ်တဲ့အခါ လိုသလောက်မရဖြစ်နေလို့ စပါးစိုက်ပျိုးရာမှာ ပိုပြီးအခက်ကြုံနေရတယ်လို့ဒေသခံတောင်သူတွေဆီကသိရပါတယ်။ “မကြာခင်မိုးစပါးတွေက စတင်စိုက်တော့မယ် ၊ စက်သုံးဆီတွေက မတရားထိုးတက်လာတာ။ အရင်ငါးလထက်တောင် ပိုပြီး ဈေးတက်သွားပြီ။ ပြီးတော့လယ်ထွန်စက်တွေအတွက်သုံးနေတဲ့ ဒီဇယ်ကလည်းအရင်လို သိပ်ဝယ်မရတော့ဘူး။ တခါတလေ လုံးဝဝယ်မရတာတောင်ရှိလာတယ်။ ဒီလိုအခက်အခဲတွေကြောင့် အခုအချိန်အထိစပါးစိုက်ဖို့ ဘာမှမလုပ်ရသေးဘူး။”လို့ မော်လမြိုင်ကျွန်းမြို့နယ်မှ လယ်သမားတဦးကပြောပါတယ်။ ဧရာဝတီတိုင်းမှာ ဒီကနေ့ဇွန်လ ၂၀ ရက်မှာတော့ စက်သုံးဆီပေါက်ဈေးနှုန်းမှာ အောက်တိန်း(92) တလီတာကို ၂၇၀၀ ကျပ်၊အောက်တိန်း(95) တလီတာကို ၂၅၅၅ ကျပ်၊ဒီဇယ်(ရိုးရိုး)တလီတာကို ၂၉၀၀ ကျပ်၊ပရီမီယံဒီဇယ်(ပရီမီယံ)တလီတာကို ၂၈၅၅ ကျပ် ဈေးရှိနေပြီး…

Read More

ဇွန် ၂၀-၂၀၂၂ GG(VOM) ပဲခူးတိုင်းအရှေ့ခြမ်း ရေတာရှည်မြို့နယ်မှာ တရက်တည်း ရပ်ကျေးအုပ်ချုပ်ရေးမှူး နဲ့ရာအိမ်မှူး သေနတ်နဲ့ပစ်သတ်ခံရပြီး သေဆုံးခဲ့တယ်လို့သိရပါတယ်။ အသတ်ခံရသူတွေတော့ ရေတာရှည်မြို့ ၊ အမှတ် ၄ ရပ်ကွက် အုပ်ချုပ်ရေးမှူး ဝင်းနိုင်ဆိုသူ နဲ့ ရေနီမြို့၊ ရဲကုန်း ကျေးရွာအုပ်စု၊ ဝါးရုံလဲကျေးရွာ ရာအိမ်မှူးအေးမင်းဆန်း ဆိုသူတို့ဖြစ်ပြီး နှစ်ယောက်လုံးဟာ မနေ့ ဇွန် ၁၉ ရက်နေ့မှာ သေနတ်နဲ့ပစ်သတ်ခံရတာဖြစ်တယ်လို့သိရပါတယ်။ ” အုပ်ကြီးက အရင်ကလည်း သူ့အိမ်ဗုံးခွဲခံရတယ်။သူ့ကို မုန်းတဲ့သူအတော်လေးများတယ်။ အခုအပစ်ခံရတာလည်း သူ့ကွမ်းယာဆိုင်မှာပဲ။နေရာမှာ ပွဲချင်းပြီးပဲ”လို့ ဒေသခံတဦးကပြောပါတယ်။ အုပ်ချုပ်ရေးမှူး နဲ့ရာအိမ်မှူး အသတ်ခံရပြီးနောက် လုံခြုံရေးတပ်ဖွဲ့ဝင်တွေဟာ သက်ဆိုင်ရာရပ်ကွက်နဲ့ကျေးရွာတွေကို ပိတ်ဆို့ရှာဖွေစစ်ဆေးတာတွေပြုလုပ်ခဲ့တယ်လို့သိရပါတယ်။ အုပ်ချုပ်ရေးမှူး နဲ့ရာအိမ်မှူး အသတ်ခံရမှုနဲ့ပတ်သက်ပြီး ဘယ်အဖွဲ့အစည်းကလုပ်တယ်ဆိုတာတော့ ဒီနေ့အထိ အသိပေးထုတ်ပြန်တာမျိုး မရှိသေးပါဘူး။ ရေတာရှည်မြို့နယ် အမှတ် (၄) ရပ်ကွက်မှာ ပြီးခဲ့တဲ့နှစ် အောက်တိုဘာလ ၁၃…

Read More

ဇွန် ၊ ၂၀ ၊ ၂၀၂၂ SP(VOM) စစ်ကိုင်းတိုင်း ၊ ကန့်ဘလူခရိုင် ၊ ကန့်ဘလူမြို့နယ်ရဲ့ မြောက်ပိုင်း ကျွန်းလှမြို့နယ်နဲ့ကြားက ကျေးရွာပေါင်း ၁၂ ရွာက ဒေသခံပြည်သူ ၃ ထောင်ကျော်ဟာ ပစ်ခတ်တာတွေကြောင့် နေရပ်စွန့်ခွာ ထွက်ပြေးတိမ်းရှောင်နေရတယ်လို့ ကန့်ဘလူမြို့ခံတွေရဲ့ ပြောပြချက်အရ သိရပါတယ်။ ” ပစ်ခတ်တာတွေကြောင့် ရွာထဲကို လက်နက်ကြီး ကျည်တွေကျတယ် ၊ ပစ်တာက ၂ ဖက် ပစ်တာဖြစ်လို့ ၊ ဘယ်အဖွဲ့က ပစ််တဲ့ လက်နက်ကြီး ကျည်မှန်း မသိရဘူး “လို့ မန်ကျည်းကုန်းရွာခံတစ်ယောက်က ပြောပါတယ်။ အဲ့ဒီလို ရွာထဲကို လက်နက်ကြီးကျည် ကျရောက်ပေါက်ကွဲပြီး ရွာခံတချို့ ထိမှန်ဒဏ်ရာရတဲ့အတွက် ဘေးလွတ်ရာကိုထွက်ပြေးတိမ်းရှောင် နေရတာဖြစ်တယ်လို့ သိရပါတယ်။ ” ညောင်ကုန်း ၊ ပလူသာ ၊ မန်ကျည်းကုန်း၊ သရက်တော…

Read More