Day: June 21, 2022

ဂျေရုဆလင်၊ ဇွန်-၂၁-၂၀၂၂ မျိုးဆက်(VOM) အစ္စရေးညွှန့်ပေါင်းအစိုးရဟာ ပါလီမန်ကိုဖျက်သိမ်းရေးအတွက် မဲခွဲဖို့ ဆုံးဖြတ်လိုက်ပြီး ဒီအတွက်ကြောင့် ယခုနှစ်နှောင်းပိုင်းမှာ ရွေးကောက်ပွဲသစ်ကျင်းပတော့မှာဖြစ်ပါတယ်။ ၀န်ကြီးချုပ် နက်ဖ်တာလီဘန်းနက်နဲ့ သူ့ရဲ့ အဓိကမဟာမိတ် နိုင်ငံခြားရေး၀န်ကြီး ယာလာပစ်တို့ဟာ ဇွန် ၂၀ ရက်မှာပြုလုပ်တဲ့ သတင်းစာရှင်းလင်းပွဲမှာ အဲဒီဆုံးဖြတ်ချက်ကို ကြေညာလိုက်တာဖြစ်ပါတယ်။ လွှတ်တော်ဖျက်သိမ်းရေးကို လာမယ့်သီတင်းပတ်မှာ မဲခွဲဆုံးဖြတ်သွားမှာလို့ ဆိုပါတယ်။ အစ္စရေးညွှန့်ပေါင်းအစိုးရဟာ ပြည်တွင်းရေးသဘောထားကွဲလွဲမှုတွေနဲ့ နိုင်ငံရေးအကြပ်အတည်းတွေကို ကိုင်တွယ်ဖြေရှင်းနေရပါတယ်။ ရွေးကောက်ပွဲသစ်ကျင်းမယ်ဆိုရင် ဒါက အစ္စရေးနိုင်ငံမှာ သုံးနှစ်အတွင်း ငါးကြိမ်မြောက် ရွေးကောက်ပွဲဖြစ်လာမှာဖြစ်ပါတယ်။ ညွှန့်ပေါင်းအစိုးရကို လွန်ခဲ့တဲ့တနှစ်ခန့်က ဖွဲ့စည်းခဲ့ပြီး ၁၀ နှစ်ကျော်ကြာမြင့်ခဲ့တဲ့ ၀န်ကြီးချုပ်နေတန်ယာဟုရဲ့ အုပ်ချုပ်မှုကို အဆုံးသတ်ခဲ့ပါတယ်။ ဒါပေမယ့်လည်း ဗဟိုဝါဒီ၊ လက်ယာယိမ်းနဲ့ အခြားပါတီရှစ်ခုနဲ့ဖွဲ့စည်းထားတဲ့ ညွှန့်ပေါင်းအဖွဲ့ဟာ ပါလက်စတိုင်းအရေးအပါအ၀င် အခြားသောကိစ္စရပ်တွေမှာ သဘောထားကွဲလွဲမှုတွေ ဖြစ်ပေါ်နေပါတယ်။ Ref: NHK Photo:Reuters #voiceofmyanmar #VOM #ဂျေရုစလင်

၀ါရှင်တန်၊ ဇွန်-၂၁-၂၀၂၂ မျိုးဆက်(VOM) ရုရှားသတင်းသမားတဦးဟာ ယူကရိန်းပြည်သူတွေကို ကူညီဖို့အတွက် သူရရှိခဲ့တဲ့ နိုဘယ်လ်ငြိမ်းချမ်းရေး ဆုတံဆိပ်ကို ဒေါ်လာသန်း ၁၀၀ ကျော်နဲ့ လေလံတင်ရောင်းချခဲ့ပါတယ်။ ရုရှားသတင်းသမားတဦးဖြစ်တဲ့ Dmitry Muratov ဟာ နိုဘယ်လ်ငြိမ်းချမ်းရေးဆုကို ပြီးခဲ့တဲ့နှစ်ကရရှိခဲ့တာဖြစ်ပြီး ဇွန် ၂၀ရက်က အမေရိကန်မှာ လေလံတင်ရောင်းချခဲ့ရာမှာ ဒေါ်လာ ၁၀၃ ဒသမ ၅ သန်းရရှိခဲ့တယ်လို့ လေလံကုမ္ပဏီက ပြောပါတယ်။ အဲဒီဆုတံဆိပ်ကို ဘယ်သူက၀ယ်ယူသွားတယ်ဆိုတာကိုတော့ ထုတ်ဖော်ပြောဆိုခြင်းမရှိပါဘူး။ သူရရှိတဲ့ ငွေအားလုံးကို ယူကရိန်းက စစ်ဘေးရှောင်ကလေးငယ်တွေအတွက် ယူနီဆက်ဖ်ရဲ့ တုံ့ပြန်ဆောင်ရွက်မှုတွေမှာ သုံးစွဲသွားမှာဖြစ်ပါတယ်။ Dmitry Muratov ဟာ လွတ်လပ်တဲ့ ရုရှားသတင်းစာတစောင်ဖြစ်တဲ့ Novaya Gazeta ရဲ့အယ်ဒီတာချုပ်ဖြစ်ပြီး ဖိလစ်ပိုင်သတင်းသမားတဦးဖြစ်တဲ့ Maria Ressa အတူ နိုဘယ်လ်ဆုကို ၂၀၂၁ ခုနှစ်မှာ ရရှိခဲ့တာဖြစ်ပါတယ်။ Dmitry Muratov ဟာ ယူကရိန်းကိုရုရှားရဲ့…

ဖနွမ်းပင်၊ ဇွန်-၂၁-၂၀၂၂ မျိုးဆက်(VOM) ကမ္ဘောဒီးယားနိုင်ငံ မဲခေါင်မြစ်အတွင်းမှ ဖမ်းမိတဲ့ ၆၆၁ ပေါင်အလေးချိန်ရှိတဲ့ ရေချိုငါးတစ်ကောင်ဟာ မှတ်တမ်းတင်ထားဖူးသမျှထဲမှာ အကြီးဆုံးရေချိုငါးဖြစ်ကြောင်း သိပ္ပံပညာရှင်တွေက ပြောပါတယ်။ အဲဒီငါးဟာ ၂၀၀၅ ခုနှစ်အတွင်း ထိုင်းနိုင်ငံမှာ ဖမ်းဆီးရမိတဲ့ ၆၄၆ ပေါင်ရှိတဲ့ မဲခေါင်ရေချိုငါးရဲ့ အကြီးဆုံးအဖြစ်သတ်မှတ်ထားတဲ့ စံချိန်ကို ချိုးခဲ့ပါတယ်။ တိုက်ကြီးခြောက်တိုက်ရှိ မြစ်ချောင်းအင်းအိုင်တွေမှာ ကြီးမားတဲ့ရေချိုငါးတွေကို ရှာဖွေသုတေသနပြုရာမှာ ယခုဖမ်းမိသောငါးဟာ နှစ်ပေါင်း ၂၀ အတွင်း မိမိတို့တွေ့ရှိခဲ့ရတဲ့ အကြီးဆုံးရေချိုငါး ဖြစ်ကြောင်း မဲခေါင်မြစ်ရဲ့ ဇီ၀မျိုးကွဲတွေကိုလေ့လာနေတဲ့ ဇီဝဗေဒပညာရှင် ဇက်ဘ်ဟိုဂန်ကပြောပါတယ်။ ကမ္ဘာ့အကြီးဆုံးရေချိုငါးအဖြစ် တရား၀င်မှတ်တမ်း သို့မဟုတ် အချက်အလက်တွေကတော့ မရှိသေးပါဘူး။ မဲခေါင်ဖြစ်ဟာ ဇီ၀မျိုးကွဲတွေ ပေါကြွယ်ဝပေမယ့်လည်း ငါးအလွန်အကျွံဖမ်းဆီးခြင်း၊ ဆည်တွေတည်ဆောက်ခြင်းနဲ့ ရေထုညစ်ညမ်းမှုတို့ကြောင့် ဂေဟဗေဒစနစ်ကို ခြိမ်းခြောက်နေပါတယ်။ မဲခေါင်းမြစ်ဟာ တိဗက်ကုန်းပြင်မြင့်မှ တရုတ်၊ မြန်မာ၊ ထိုင်း၊ လာအို၊ ကမ္ဘောဒီးယားနှင့် ဗီယက်နမ်နိုင်ငံတို့ကို…