Day: July 30, 2022

ဇူလိုင် ၃၀ ၊၂၀၂၂ KK(VOM) ရန်ကုန်မြို့၊ တောင်ဒဂုံမြို့နယ်မှာ ဒီကနေ့ ညနေပိုင်းကပြုလုပ်တဲ့ ဆန္ဒပြပွဲအတွင်း ဂျပန်နိူင်ငံသားတဦးအပါအဝင် လူငယ် ၃ ဦးကို ရဲတပ်ဖွဲ့ကဖမ်းဆီးလိုက်တယ်လို့ မြို့ခံတွေဆီက သိရပါတယ်။ တောင်ဒဂုံမြို့နယ်၊ ၁၉ရပ်ကွက်၊ မြိတ်လမ်းမပေါ်က ဆန္ဒပြပွဲပြုလုပ်နေတဲ့ လူငယ်တွေကို လှည့်ကင်းကားနဲ့လိုက်ဖမ်းတာမှာ ဂျပန်နိူင်ငံသားအပါအဝင် သုံးဦးကို ဖမ်းဆီးသွားတယ်လို့ ရပ်ကွက်နေသူတဦးက ပြောပါတယ်။ “ကင်မရာတွေရော သိမ်းသွားတယ် စစ်တပ်ကားနဲ့လာဖမ်းတာ ကျန်တဲ့သူတွေက လွှတ်သွားတယ်”လို့ သူကပြောပါတယ်။ ဖမ်းဆီးခံရသူဟာ ဂျပန်နိုင်ငံသား Toru Kubota ၊ အမျိုးသားတဦးနှင့် အမျိုးသမီးတဦးတို့ဖြစ်ပြီး ကင်မရာ ၁ လုံး၊ စာရေးထားတဲ့ ပိတ်စတခုတို့နဲ့ ဖမ်းဆီးရမိခဲ့တယ်လို့ အုပ်ချုပ်ရေးနဲ့နီးစပ်သူတဦးကပြောပါတယ်။ ရန်ကုန်မှာ ဒီကနေ့ မြို့တော်ခန်းမအနီး ဗုံးပေါက်ကွဲမှုဖြစ်ပွားခဲ့ပြီး ရဲ ၃ ဦးနဲ့စည်ပင်ဝန်ထမ်းတဦး အရပ်သားတဦး ထိခိုက်ဒဏ်ရာရရှိကာ ဖမ်းဆီးခံရသူအချို့လည်း ရှိခဲ့ပါတယ်။ #voiceofmyanmar #VOM…

ဇူလိုင် ၊ ၃၀ ၊ ၂၀၂၂ SP(VOM) ကချင်ပြည်နယ်ထဲကို ရောက်လာတဲ့ စစ်ကိုင်းတိုင်းသား ၂ ရာကျော်ဟာ ဖမ်းဆီးခံထားရပြီး အဲ့ဒီအထဲက လူတချို့ဟာ ထောင်ဒဏ်တွေချမှတ် ခံထားရတယ်လို့ မြစ်ကြီးနား နိုင်ငံရေးအသိုင်းအဝိုင်းတွေဆီက သိရပါတယ်။ ” ဂိတ်တွေမှာ အဖမ်းခံရတာပါ ၊ ပြည်နယ်ဂိတ်အားလုံးနီးပါးက မှတ်ပုံတင် စစ်ဆေးတဲ့အခါ စစ်ကိုင်းတိုင်းသား (၅/ ) တွေဆိုရင် လူရော ဖုန်းပါ အသေးစိတ်စစ်တယ် ၊ ဖုန်းထဲမှာ အကြမ်းဖက် အဖွဲ့နဲ့ ဆက်နွယ်နေတဲ့ ပို့စ်တွေ ၊ ရှယ်ယာတွေ ၊ မန့်တွေ နဲ့ ဓာတ်ပုံတွေ တွေ့ရင် အမေးအမြန်းမရှိ ဖမ်းတယ် ၊ အဲ့ဒီလို အဖမ်းခံထားရတဲ့ စစ်ကိုင်းတိုင်းသား ( ၅ / ) ၂ ရာဝန်းကျင်ရှိမယ် ၊ တချို့လည်း…

ရန်ကုန်၊ဇူလိုင် ၃၀၊၂၀၂၂ KK(VOM) ရန်ကုန်၊ ကျောက်တံတားမြို့နယ် ၃၄ လမ်း ရန်ကုန်မြို့တော်ခန်းမအနောက်ဖက်မှာ ဒီကနေ့ မနက်ပိုင်းက ဗုံးပေါက်ကွဲမှုဖြစ်ခဲ့ပြီး ငါးဦးဒဏ်ရာရရှိခဲ့ကာ ဖမ်းဆီးခံရသူအချို့ရှိတယ် လို့ ပတ်ဝန်းကျင်နေသူတွေဆီက သိရပါတယ်။ မြို့တော်ခန်းမ အနောက်ဖက်ဂိတ်မှာ ဒီကနေ့ မနက် ၁၁နာရီကျော်က ဗုံးနဲ့အပစ်ခံရကာ ဂိတ်တွင်လုံခြုံရေးစောင့်နေတဲ့ စစ်သားသုံးဦးအပါအဝင် ငါးဦးဒဏ်ရာရရှိခဲ့တာဖြစ်တ ယ်လို့ မြို့ခံတဦးက ပြောပါတယ်။ “ဗုံးပေါက်ပြီးတော့ လူနာတင်ယာဥ်တွေရောက်လာတယ်သယ်သွားတာ ငါးဦးတွေ့တယ် လူအချို့လည်းဖမ်းထားတာတွေ့တယ်”လို့ သူက ပြောပါတယ်။ ဗုံးပေါက်ကွဲမှု့ကြောင့် လုံခြုံရေးတပ်ဖွဲ့ဝင်သုံးဦး၊စည်ပင်ဝန်ထမ်းတဦးနဲ့လမ်းလျှောက်လာသူတဦးစုစုပေါင်းငါးဦး ထိခိုက်ဒဏ်ရာရရှိခဲ့တယ်လို့ ​အုပ်ချုပ်ရေးနဲ့နီးစပ်သူ တဦးက ပြောပါတယ်။ “ငါးဦးဒဏ်ရာရတယ် သိပ်မစိုးရိမ်ရဘူး အခုဆေးရုံပို့ထားတယ် ဖမ်းဆီးရမိသူတွေရှိတယ် စစ်ဆေးနေတယ်”လို့ပြောပါတယ်။ လက်တလောမှာ ဆူးလေနဲ့ မဟာဗန္ဓုလပန်းခြံ တစ်ဝိုက်မှာ စစ်တပ်နဲ့ရဲတွေက စစ်ဆေးမှုတွေပြုလုပ်နေတယ်လို့ မြို့ခံတွေဆီက သိရပါတယ်။ ရန်ကုန်က မြို့နယ်အချို့မှာ အခုရက်ပိုင်းအတွင်း ဗုံးပေါက်ကွဲမှုတွေ အကြိမ်ကြိမ်ဖြစ်ခဲ့ပြီး ထိခိုက်ဒဏ်ရာရရှိသူတွေ ရှိခဲ့တယ်လို့…

နေပြည်တော် ၊ ဇူလိုင်၊ ၃၀၊ ၂၀၂၂ KT(VOM) မကြာခင်ရက်ပိုင်းအတွင်းမှာ ကာလုံလို့ခေါ်တဲ့အမျိုးသားကာကွယ်ရေးနဲ့ လုံခြုံရေးကောင်စီအစည်းအဝေးခေါ်မယ်လို့ ဗိုလ်ချုပ်ဇော်မင်းထွန်းက ပြောပါတယ်။ အဲဒီကာလုံကနေ နစကကို နောက်ထပ် ၆ လ သက်တမ်းတိုးမယ့်အကြောင်း ဗိုလ်ချုပ်ဇော်မင်းထွန်းပြောပြတာက ” ထုံးစံပဲလေ ၁ နှစ်နဲ့ ၆ လ ပြည့်ပြီးဖြစ်တာကြောင့် နောက်ထပ် ကျနော်တို့ စည်းမျဥ်း စည်းကမ်းအတိုင်း အမျိုးသားကာကွယ်ရေးနဲ့ လုံခြုံရေးကောင်စီခေါ်ရမှာပေါ့ ခေါ်ပြီး ကျနော်တို့ နိုင်ငံတော်စီမံအုပ်ချုပ်ရေးကောင်စီရဲ့ လုပ်ဆောင်ချက်တွေနဲ့ ဆက်လက်လုပ်ဆောင်ရမယ့် လုပ်ငန်းတွေကို တင်ပြဆောင်ရွက်သွားမှာဖြစ်ပါတယ်။ ကျနော်တို့က (သြဂုတ်)နောက်လ ၁ ရက်နေ့နဲ့ ၁ ရက်နေ့မတိုင်ခင် ခေါ်ဖြစ်သွားမှာပါ”လို့ VOM ကို ပြောပါတယ်။ ၂၀၀၈ ဖွဲ့စည်းပုံအခြေခံဥပဒေအရတော့ ကာလုံမှာ ပါဝင်ရမယ့် အရေအတွက် ၁၁ ဦးရှိပေမယ့် တပ်မတော်အာဏာထိမ်းစဉ်က ပထမကာလုံအစည်းအဝေးမှာ ဒုသမ္မတ ဦးမြင့်ဆွေတက်ရောက်ခဲ့ပြီး နစကကို…

ဇူလိုင် ၃၀၊၂၀၂၂ မင်းမြတ် ဧရာဝတီတိုင်း၊ဒေးဒရဲမြို့အဝင် တံတားစစ်ဆေးရေးဂိတ် ဗုံးပေါက်ကွဲမှုနဲ့ ပတ်သက်တယ်ဆိုပြီး NLD တိုင်းလွှတ်တော်အမတ်ရဲ့ သားဖြစ်သူ ၁ ဦးနဲ့မြို့ခံ ၇ ဦးကို ဇူလိုင် ၂၈ ရက်နဲ့ ၂၉ ရက်တွေမှာ ဖမ်းဆီးခံလိုက်ရတယ်လို့ ဒေသခံတွေဆီကနေ သိရပါတယ်။ ”၂၈ ရက်က ၇ ဦးအဖမ်းခံထားရပြီး မနေ့က ဇူလိုင် ၂၉ ရက်က ၁ ဦးထပ်အဖမ်းခံရတာ၊ ၂၆ ရက်ကနေ့က ဗုံးလုံးဆက်တိုက်ပေါက်ကွဲမှုဖြစ်စဉ်နဲ့ပတ်သက်တယ် ဆိုပြီးဖမ်းတာ၊NLD ပါတီကဧရာဝတီတိုင်း လွှတ်တော်ကိုယ်စားလှယ် ဦးသန်းလွင်ရဲ့သားအပါအဝင် အဖမ်းခံရတာ လူငယ် ၈ ဦးအထိရှိလာပြီ လက်ပြန်ကြိုးတုတ်ဖမ်းသွားတာ၊ လူငယ်တွေဆိုတော့ ပြောတာဆိုတာမှားရင် ရိုက်နှက်နှိပ်စက်မှာစိုးရိမ်တယ်”လို့ မိသားစု၀င်နဲ့ရင်းနှီးတဲ့ ဒေသခံတဦးကပြောပါတယ်။ ဒေးဒရဲမြို့အဝင်ဂိတ် ၂ ခုရှိတဲ့အထဲက ရန်ကုန်တိုင်း ဘက်ကိုသွားတဲ့ ဒေးဒရဲမြစ်ကူးတံတားစစ်ဆေးရေး ဂိတ်အနီးမှာ ဇူလိုင် ၂၆ ရက် ည…